|
رد: قررت الانسحاب من البرنامج
عزيزي القداح.. نصيحتي لك ونصيحه أخ لاخيه.. وقتنا ذا ما ينفع فيه غير الشهاده.. يعني على سبيل المثال انا انسان موظف حالياً بس الشي الى افتقده هو الشهاده.. حتى وانت في عملك لابد يكون شي يسندك الى وهو الشهاده....هذا أولأ ثانياُ. بنسبه للجامعه صدقنـي انا في البدايه كنت اناظر من فوق .يعني جالس اشوف افضل جامعه في نظري.. ان جامعه الملك فيصل افضل جامعه.. ويكفيك ياخي الملتقى.. الى احنا فيه شوف كيف التكاتف.. يعني في اي شي.. ما شاء الله مو مقصرين الاخوان والاخوات.. ثالثاً.. ياخي العزيز القداح. عمرك.. شفت اي شي سواء في حياتك. أو في دراستك.. أو في وظيفتك .. جااك بسااهل يعني بسهووله.. ما فيه شي الى بتعب.. وصدقني .. تعبك وحرصك على مستقبلك راح يعطيك دافع تتجاوز هذي الاموور ولا تفكر فيها وتخليها خلفك... وووتوووفق في حياتك العلميه... فنصيحه أخ لاخيه أتمنى تواصل ولا تفكر في هذا الموضووع بتا البته تحياتي لك وبتوفيق للجميع:love080: |
رد: قررت الانسحاب من البرنامج
اقتباس:
الله يوفقك اختى وشكراً على الرد والطموح وحب المنافسه موجوده لدي بس ما قصروا الاخوان في الجامعه كسروا مجاديفنا الله يسامح خويي طلعني بكلامه سماء والجامعه خفست بي الارض |
رد: قررت الانسحاب من البرنامج
اقتباس:
ترف ماقصرت وجهتك للمكان المناسب |
رد: قررت الانسحاب من البرنامج
انا ما راح اكتب زود على كلام الاخوان الي قبلي ما قصروا
بس في رئيي لا تستعجل ترى الدراسه هنا مرة حلوه واذا كان فيها كثير من المشاكل الواحد لا يخلي هذا الشي يعيق طريقة انا اقول خلك ويانا واصل الدراسه وكلنا معك لو حتجت شي |
رد: قررت الانسحاب من البرنامج
الله يرحم اول نتمنى ندخل الجامعه لا كن الحين تسهلت الامور علينا
صدق بالبداية مش كنا عارفين شي عن الانتساب و هذا السبب الي جعلنا نرسب لان المفروض فيه تعليمات شامله عن الدراسة الشي الي ما كنا نعرفه اهو درجة النجاح بالامتحان و الكتب لاكن مع مساعدته الاعضاء بالمنتدى سهل امور كثيرة جزاهم الله خير :wink: |
رد: قررت الانسحاب من البرنامج
..
روق يَ اخوي بس :biggrin: مافي شيء بالحياه صعب يَ اخي ! مافي شيء يجي بالساهل كل شيء يجي بَ تعب :biggrin: انا ماقولك الجامعه ماغثتنا وطلعت روحنا ! بس وش نسويّ مالنا الا الشهاده ! لاتقول ماني محتاج الشهاده , قاعد تزين طريقك انت على اساس تبي تطلع من الجامعه بالعكس خل عندك اصرار ومافي احد يوقف بطريقك ! والمشاكل الي بالجامعه على كثرها مثل ماقالت ترف لها حلول ان شاءالله كمل معانا ! ومراح تحس بَ صعوبه ان شاءالله كل اللي بالملتقى متعاونين لأبعد درجه ممكن تتخيلها ! عقبال ماتتخرج قل آمين :biggrin: و اهجد مافي طلعه :tongue: بالتوفيق يارب .. |
رد: قررت الانسحاب من البرنامج
اقتباس:
اشكرك اختى ترف معاناتي من هالجامعه الدلاخه الزايده فيها أغبى جامعه شفتها في حياتي بالله هذا نظام انتساب مطور ذكروني بجوالات نوكيا المطور على ايام الرهيب وشلته بعدين ليش ما يحطون متحدث اعلامي ولا انترنتي يرد على تساؤلات الطلبه والطالبات تصدقين شايف موضوع لوحده قبل شوي تترجى الدكتور عبدالله عشان يرد عليها اكثر من مره اقسم بالله حسيت واحد شاب ضو (نار) تحتى مقهور ليه تترجاه ليه وين حنا عايشن فيه ترا جايين ندرس بفلوسنا مال احد فضل علينا حسيت اني قاعد اشحد في هالجامعه ترا عندي كلام كثير بس ما ودي اطلع عن الخطوط الحمراء الله يعين بس |
رد: قررت الانسحاب من البرنامج
عزيزي
توكل على الله ولا تنسحب ولا شي البرنامج توه جديد وفيه لخبطه بس تراها تمشي الحمد لله ما كنت ادرس الا ليلة الاختبار يعني اذا صار الاختبار بكرى افتح الماده والله قبلها ما ادري عن وشو تتكلم بس اقراها قراية فهم وبتركيز ومع كذا عديت بكل المواد الحمدلله صدقني لو تذاكر قبل الفاينل باسبوع اضمنلك المعدل 4 وبالتوفيق عزيزي |
رد: قررت الانسحاب من البرنامج
اقتباس:
قصة حياتي من طفولتي للآن كلها كفاح وما راح اشغل بالك فيها يعني خذ ولد في الجد والكفاح لاكن الدراسه في جامعه الملك فيصل بهالطريقه إذلال ركز على هالكلمه قاعد اشوف ناس تشحد درجه ودرجتين وناس تترجى احد يرد عليها وناس حايره وناس مدري ايش ونظام تعبان لا انا ما اتحمل كذا دمي حار مره لازم تعرف شيئ واحد واقسم لك بالله عليه ما دخلت الجامعه الى لرفع عزيمة صديق وزميل عمل لي لأنه هو في حاجة الشهاده لتحسين وضعه الوظيفي اما انا فالحمد لله وصلت لما اريد في الوظيفه ولدي شهادة دبلوم بإمتياز من معهد الاداره وسوف اسعى جاهداً لإقناع صديقي بالمواصله أما انا فسوف انسحب ان شاء الله كلام نهائي واذا لم يقتنع صديقي راح اواصل معه هذا الفصل بس عشان احمسه فقط وما راح احطمه لأنه هو بجد محتاج لها وهذا الي مخليني متردد كثير شكراً شكراً اسير |
رد: قررت الانسحاب من البرنامج
اقتباس:
حياك الله اختي بصراحه الاخوان فعلا ما قصروا جزاهم الله خير القرار صدر اختي بعد الاستخاره بالانسحاب نهائياً ولاكن يمكن اكمل هذا الفصل لأجل شخص عزيز على لأني لو انسحب راح ينسحب هو بعد وان شاء الله يسمح لي بالانسحاب بالتوفيق |
| All times are GMT +3. الوقت الآن حسب توقيت السعودية: 01:42 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام