|
صباح الخير
منهو اللي يستاهل أحبه بدالك
يَ اللي فؤادك غير ومحبتك غير لا تسألين شلونك وكيف حالك قولي صباح الخير وأكون انا بخير |
لعيـون من تعشــق عيوني عيونـه
كتبـت شعــري فيه والقلـب مجبـور وانـا حياتـي مثــل موتــي بدونـه مثل الكفيف اللي يبي شوفة النـور |
اخذيني العاشق اللي مات في حبك
واخذيني الشاعر اللي صار مجنونك واخذيني الصادق اللي يحلف بربك اللي يحبك مــن الاعمـــاق ويصونك |
كل العباد هناك إلا أنتي هنا https://vb.ckfu.org/images/icons/icon21.gif
لأنّ مثلك بين هالعالم قليل أنتي كريمه حيل بإحساسك وأنا الله يقدرني على رد الجميل |
أكبر سلاح أملكه هـ / الكتابه
الشعر عندي مثل شربي وقوتي ( عندي ، سؤال ، ينتظر ، للاجابه ) هو يدري أني أقصده في بيوتي ؟ |
صباح الخير
صباح الخيـر مـن قلب مشتـاق
يهدي لك بيوته على فكة الريق اخذت من حلو الحلا كل ما لاق ابيات شعر تعجب الناس وتليق |
قالو لكل انسان تسع وثلاثين
اشباه تلقاهم بكل الخليقه حاولت ادور لك شبه بس من وين حتى المرايــة ما تجيـبـگ حـقـيقـه |
لحظة تبسم لها قلبي و نبضاته
بديت اعيش الحياة بكل ما املك انتي فصول العمر و اروع محطاته مخلوق هذا الفرح والحب من اجلك |
أنت وجهك يجلب الحظ السعيد
يوم غيرك في حياتي ما أنبلع كل يوم ألقاك في عيني جديد فـ الجمال وفـ الكلام ووفـ الدلع |
من يشبهك !!
احترت منهو يشبهك يا اجمل انواع القدر محتاج اكثر من شعر قاموس يشرح ضحكتك ولو هي على بيت و شطر غنيت لك ما أجملك |
صباح الورد
من صباح الورد لأنفاس النّعاس
إنت اكثر شخص احب ابقى معاه |
مترفه بالزّين ماتخسر تحدّي
عن بنات الكون .. بالفتنه تفرّد كل مامرّت على ورده تندّي وكل مامرّت على عصفور غرّد |
في صعيد الجمال العالمي و المحلّي
حالة الغيد من زينك و طاريك تُرثى ويش أوصّف من وصوف الأنوثه و أخلّي لعنبو وحدةٍ غيرك تقول إنها أنثى |
انت احلا وجه واطيب قلب واصفا نيه
وانت وانت .. اللي تتعبني بذكر وصوفك بعدك اشوف الوجيه .. الفارقه عاديه ليه كنت اشوفهم حلوين قبل اشوفك ! |
فيك حتى الوصف والتشبيه قصر
كن تاج الحسن من طارفك حلالك خلني في وجهك ابصر واتبصر واتامل صنعة الله في جمالك |
مساء الخير
تو ( آلمساء ) ينشدني عن عيونك !
ما يدري انك معي فالقلب من بدري مسني .. بَ آلرضا و آلحب و جنونك شلون ما ينشرح فَ ضحكتك صدري |
تعالي خلي العيون بشوفتگ تروى
انتِ اجمل الحب وانتِ اعظم مغانيمه العمر من دون وصلگ شي مايسوى وصلگ عطى كل لحظه فالعمر قيمه |
لا أقبلت جتها القصايد خاضعه
ترفة ضاع الضجيج بهمسها تقهر العالم و هي متواضعه كيف لو شافت عليهم نفسها ؟ |
عندي البشر دونك ترى مالهم صيت
وعندي وجودك يالغلا شي ثاني اسمع وصاتي يالغضي باخر البيت انت امنيه تلغي جميع الاماني |
من الالف .. للباء .. للتاء ..... لـ الـ آه
مع هالشطر كنت ومع هالشطر كنت لا قلت لك قصيدي ... لا تقولين ااا الله خلي القصيد يولي الله ( عليك أنت ) |
| All times are GMT +3. الوقت الآن حسب توقيت السعودية: 01:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام