ملتقى طلاب وطالبات جامعة الملك فيصل,جامعة الدمام - اللغة الانجليزية هنآ الآستفسآر عن دكآترة اللغة الانجليزيه ..

- - [ اللغة الانجليزية ] : هنآ الآستفسآر عن دكآترة اللغة الانجليزيه .. (https://vb.ckfu.org/t487416.html)

رد: هنآ الآستفسآر عن دكآترة اللغة الانجليزيه ..

[size="6"]ماده فنون المحادثه مستوى خامس !! مو موجوده في جدول الاختبارات !! يعني نختبرها قبل موعد الاختبارات النهائية ؟؟؟
اللي عندها فكره عن هالماده او درستها بلييز ؟؟ [/size]

رد: هنآ الآستفسآر عن دكآترة اللغة الانجليزيه ..

بالنسبه لسالفة المستوى اتوقع نسوي منع التسجيل بسبب مستويين من قبل من موافقة المشرف طبعا

رد: هنآ الآستفسآر عن دكآترة اللغة الانجليزيه ..

بنات هذا رد لي بموضوع سابق عن الدكاترة اتمنى يفيدكم

اقتباس:

المشاركة الأصلية كتبت بواسطة مجنونتها (المشاركة 9393869)

مرحبا اختي .. أنا تقريبا درست اغلب المواد هذي ورح اعطيج رايي فيها

arts of speech

مادة جميلةةةة جدا وممتعه خصوصا اذا كنتي تحبين المحادثة .. هالمادة
تعتمد بشكل اساسي على البرزنتيشن .. تختارين موضوع معين وتتكلمين
فيه وتقدرين تسوين بزرنتشين بوربونيت لو حبيبتي او عادي .. طبعا كل مرة
يكون البرزنتشن بطريقه مختلفه مره تكونين لوحدك ومره مع زميلتك والموضوع
اللي تتكلمين فيه لك حرية اختيارية طبعا انا كنت مع الدكتورة ازدهار الحريري الله
يذكرها بالخير وكانت متعاونه معانا كثيرر والمادة تكون محاضرتين بالاسبوع وفيه
بعد مشاركة بالكلاس غير البرزنتشين اهم شي انج تتكلمين بالكلاس لان المادة
اساسها المحادثة بس بالنسبة لي كانت افضل مادة بـ لفل فايف :1:

English thought and
culture

هالمادة تتكلم عن الفلاسفة ونظرياتهم عن الوجود والحياة وعن المدارس الفكرية
وايش اهم افكارهم وعلماؤهم يعني المادة فلسفيه بحته .. المادة تعتمد على الفهم
والحفظ وغالبا يدرس هالمادة د/ لمياء المبارك و استاذة نداء .. انا درست المادة بالبداية
مع لمياء المبارك وماارتحت لها ابد وسحبت المادة بعدين درستها بالصيف مع مس نداء
وارتحت لها كثير والحمدلله نجحت فيها .. عن تجربه انصحك بمس نداء :1: والمادة رح
تكون مرة وحدة اسبوعيا

essay

المادة تعتبر امتداد لانشاء 2 .. رح تتعلمون شلون تكتبون اسي ويكون طويل شوي
ورح تاخذون كذا نوع للاسي وتتدربون عليه بشكل عام المادة خفيفه لو كنتي تحبين
الانشاء اذكر خذت المادة مع د/ احمد حسن وكان كويس ويحب المشاركة بس ماعاد
يدرس هالمادة الحين واتوقع ان المادة رح تكون محاضره وحدة اسبوعيا

translation theory

المادة قسمين جزء نظري يتكلم عن الترجمه وتعريفها واهم النظريات
حول الترجمه وشروط الترجمه الصحيحة وكذا والجزء ثاني من المادة
رح يكون تطبيقي ورح ترجمون فيه .. بالبداية رح تترجمون جمل من
عربي لانجلش والعكس وبعدين رح تترجمون قطع صغيرة .. اخذت المادة
مع د/ سلوى الوفائي وكانت متعاونه معنا كثير والمادة خفيفه وحلوة
وخصوصا اذا كنتي تحبين الترجمه :1:

Phonetics &
phonology

المادة رح تكون مرتين أسبوعيا .. وبالنسبة لي هذي اثقل مادة بالمستوى :36:
تعتمد على الفهم والحفظ ولكن الحفظ بشكل كبير والمادة طويلة جدا فـ حاولي
تحفظين اول بأول عشان لا تتراكم عليك الجزئيات .. طبعا المادة تنقسم قسمين
فونكتس عن الاصوات وكيفه نطقها واستخدمها وطريقه كتابتها .. اما القسم الثاني
كان فونلوجي ومثل جزئية الفونلجي بمقدمة اللغويات لكن بتوسع اكبر .. المادة كانوا
يدرسونها مس غادة القويحص ود/اميمة المغربي وانا اخذتها مع مس غادة بس ماانصحك
فيها ماتفهم ومحاضرتها تجيب النوم واما اسئلتها فـ مقبولة و متوقعه لكن بالعادة اسئله
الاختبارات تكون موحدة بينها وبين د/ اميمة ومس غادة للامانه تساعد كثير بالمشاركة
واعمال السنة لكن بالفاينل دقيقة كثير .. من جهه ثانية د/ أميمة شرحها افضل واسئلتها
كويسه بس تحب المقالي وكذا وتحب المشاركة بعد :1:

Eng. Lit. Of the 17
th
century

هالمادة حبيتها واخف بكثير من ادب عصر النهضة لانها مرة وحدة اسبوعيا
والمنهج بيصير قليل نظرا لقصر الوقت .. المادة مقسمه لشعر ودراما .. اخذت
الشعر مع الدكتورة عليا بدر وارتحت لها كثير صحيح فيه كثير بنات خوفونني منها
الله يسامحهم بس طلعت عكس كلام البنات .. شرحها لا يعلي عليه وتحب تعطينا
هومورك وتاخذ مشاركات واسئلتها متوقعه يعني عادي بالفاينل تجيب احد اسئلة
الهومورك او اسئلة من الاختبار الشهري .. تحب ان اللغة تكون صحيحة وتحب انج
تستخدمين نفس كلماتها والنقاط اللي تركز عليها بالمحاضرة واسئلتها تعتمد على
المقالي وبشكل عام الشعر لازم يجي منه اسئلة مقالية ..
اما القسم الثاني دراما اخذتها مع د/ رحمات كانت دكتورة هندية او باكستانيه
اتوقع وكانت توها جديدة واحنا اول دفعه تمسكها لهالمادة اخذت معها مسرحية
the way of the world ... المسرحية حلوة ومفهومة والدكتورة
كانت متعاونه كثير واسئلتها سهله ومتوقعه واغلب الكلاس عندها جاب درجات حلوة
ومرتفعه بس تركز على اللغة كثير لان القسم يطلب منها هالشي ..

The rise of the
novel

هالمادة الى الان مااخذتها وان شاء الله بأخذها معاكم هالكورس :1:

النظام الإقتصادي في الاسلام

المادة تبع قسم دراسات تتكلم عن الاسلام وكيفيه تقسيمه للاقتصاد
بمختلف المجالات وبشكل عام المادة تعتمد على الحفظ اخذت المادة
مع دكتور بس ناسية اسمه للامانه بس المادة سهله وخفيفه:16:

الحضارة الاسلامية
أو
الاسلام وقضايا العلم والتقنية

اخذت الحضارة الاسلامية مع د/شويكار سلامة المادة تتكلم عن حضارة المسلمين
القديمه في مختلف البلدن وعن اختراعاتهم وكذا .. وتتكلم عن بعض العلماء المسلمين
واسهامهاتهم واختراعتهم .. المادة دسمة نوعا ما وفيها معلومات كثيرة وتعتمد على
الحفظ والفهم وانا ماحبيتها ابد .. المادة كانت تبع قسم التاريخ :16:

اتمنى اكون افدتك ودعواتك

:2:

رد: هنآ الآستفسآر عن دكآترة اللغة الانجليزيه ..

^ انا درست عند شمس الدين دراما , ودرست شعر عند نجلاء

درجاتي عند شمس الدين عاليه مره , وبالاختبار النهائي كان فيه سؤال من 15 ما فهمته رحتت كتبت له عن كل شي اعرفه بالمسرحيه عن الرجال اللي فيهم نجججحنني !!!!

ونجلاء هيهاوي ازفت درجات شفتها الترم اللي فات عندها , جابت لي احباط قاتل , اكره محاضرتها ي حول , بس نجحت عندها , مو عشان درجاتي زينه عندها , عشان الدراما درجاتي كانت كامله بس بالادب نازله مره

لو مكانك ومخيره بينهم , بختار شمس الدين

رد: هنآ الآستفسآر عن دكآترة اللغة الانجليزيه ..

اقتباس:

المشاركة الأصلية كتبت بواسطة maha141 (المشاركة 9426833)

ايه هذي المادة مثل الاستماع اختبارها يكون قبل الاختبارات النهائية بأسبوع تقريبا

رد: هنآ الآستفسآر عن دكآترة اللغة الانجليزيه ..

اقتباس:

المشاركة الأصلية كتبت بواسطة آنسه مشاكل (المشاركة 9426845)

طيب اسئلة نجلاء كيف صعبه او سهله وتقسيمها للدرجات كويس او لا

انا بصراحه اوقات نجلاء مناسبة جدولي جدا وماابي اخرب الجدول بس بنفس

الوقت ماابي اسجل معها واتوهق .. انا اهم شي عندي اسئلتها سهله او صعبه

وتساعد بالدرجات او لا !!

رد: هنآ الآستفسآر عن دكآترة اللغة الانجليزيه ..

شكرا حبيبتي آنسة مشاكل ع الرد :16:
اذا احد بعد يعطينا رايه بين شمس او نجلاء مره محتاره
لان السمستر اللي راح ذموا شمس كثير بالقصة القصيره وظلمهم بالدرجات

رد: هنآ الآستفسآر عن دكآترة اللغة الانجليزيه ..

اي صحح بققولكم معلومه مهمه عن شمس الدين , يخطط ويخلينا نكتب معاه ويجيببب اللي نقلنا اياه

اما نجلاء هيههاوي بتقولك اشتغلي لحالك !!! وتعطيك اكثر من مصدر تدرسينه الله يصبررك ااذا درستي عندها :38:

رد: هنآ الآستفسآر عن دكآترة اللغة الانجليزيه ..

اقتباس:

المشاركة الأصلية كتبت بواسطة مجنونتها (المشاركة 9426875)

اسئلتها مو صعبه عاديه , بس تبيك تذاكرين من كم مصصدر , وتكتبين معها وتشرحين وتسوين كل شي , هي مب شينه بس محاضرتها ممله وغثيثه , وانا احب الانسانه الاكتف , هي نايمه

اذا مناسبه لجدولك خذيها , وشدي حيلك وان شاءالله مارح تظلمك بالدرجات :16:
وبس شكرا :16:

رد: هنآ الآستفسآر عن دكآترة اللغة الانجليزيه ..

:12::12::12::12::12: هدى القصبي معقولة محد يعرفها !!:44::23: