أنا أخاف الليلة اللي مـَ أنتظر فيها أحد ..

أنا

" أول اليوم
عانقت الشفق
وآخر اليوم
عانقني شفق
وأنا بين التلاقي
والفراق
أدفن العمر
وأحفر لي نفق
يا صديقي و أنا
مثلك غريب
عن حمى النوم
غربني أرق ،"

تعبت أجمع ملامح وجهي الي طاح بـ اسبابك
أنا أحبابك !
أنا اولى بك !
أنا أكثر من مشى يسأل عليك بـ سكة غيابك ..
ولا جابك !

أصوّت : ينبت الليل الطويل بــ / هالعـيون البور
على بعضي خرجت وهذي أنغامي هي أنغامي

أفـا ؛ والشـوف خان ومرّت قبورٍ تجر / قـبور !
يشرّدها السّكـوت وصارت أعمى قاد متعامي

ذكرتك و الدّموع كتابها جوع و زمن مكسور
طعنّي سيفها .. وإنسلْ منّي كذب / هـندامي

تعبت أمسح على عمامة زماني وأنحني مجبـور
لمس كفي عناقيد الجفاف وجيت لك ظامي

صحاري شرّدت عرابها ضاقتْ على عصفور
يدوّر ثورة الماء .. في عيونٍ / غيمها زامي !