|
Enough !!
يكفي أننا اجتهدنا
وأننا اليوم قاب قوسين من التخرج لنخرج للحياة أيها الزملاء والزميلات ونحن خريجو أدب انجليزي فلا أبو زيد ولا غيره يسلبنا هذا الحق !! نحن خريجون رغم أنف كل من حاول تعطيلنا أو تأخيرنا فافرحوا أيها الخريجون بهذا اليوم وهذه اللحظة التاريخية ! واعلموا أنه يوم الفرح وقطف الثمااااار ولا نامت أعين الجبناء ! حدثونا عن القادم من استلام الشهادة وآلية التخرج ولا شيء آخر .. أرجووووكم ! فضفضوووا واستمتعوا بيومٍ ليس كمثله يوم :d5: :rose::rose::rose::rose::rose::41jg: |
رد: Enough !!
كلاااااام جميـــل يفتح النفس ويذكر بنتيجة لتعب السنين ربي يمتعنا بهاللحظه قرررررريب ����������������
|
رد: Enough !!
كلام جميل.... لا فض فوك بس شعاد نسوي قلوبنا محروقه ع التخرج ويكتم انفاس الفرحه دكتور ما استفاد اي شي غير ماني بقايلهالف ترليون مبرووووووووووك لكل الخريجون والخريجات |
رد: Enough !!
النتآئج غرد فيها الفريدان يقول بتآريخ ١٧/٨/١٤٣٧
ومواعيد تسليم الوثائق بعد النتآئـج مبآشره ان شاء الله مقدما مبروووك لي ولكم التخرج والله يبلغنا رمضآن لافآقدين ولامفقوديـن ويعيننا ع صيآمه وقيآمه وكل عآم والجميع بخيـر في مملكتي وفي كل أرجآء الوطن العربي موضوع يهمك أخي الطالب &الطالبه الخريج https://www.kfu.edu.sa/ar/Deans/Admi...ges/Grads.aspx |
رد: Enough !!
اي والله مبروووووووووووووك والف مبروووووووك لي وللجميع عالتخرج هاللحظه انا انتظرها من زمان حلم كنت انتظره والحمدلله تحقق الحين واحتضنته بعد جهد واجتهاد طويل فياربي لك الحمد ولك الشكر . وياارب ربي مايضيع لنا تعب في ختام هالمادة الاخيرة اللي صدمنا فيها ابو زيد الله يصلحه .
|
رد: Enough !!
الف الف الف مبروووووك يا دفعتي العزيزة
مضيت معكم 4 سنوات ....واجهتنا صعوبات و اجتزناها بنجاح ...من اسئلة و من دكاترة و مشاكل تقنية و مشاكل عائلية و مشاكل العمل و المجتمع ... الى ان جاء هذا اليوم الذي شعرنا فيه بسرعة الايام و كيف كنا و كيف صرنا و لله الحمد ...الحين الكل يحسب لنا الف حساب ...قبل خريجي ثانوية و الحين بكالريوس انجلش و بعضنا حاصل على مراتب شرف ..... الحمدلله على منه و كرمه |
رد: Enough !!
الحمدلله والشكر
اللهم لك الحمد حتى ترضى ولك الحمد اذا رضيت ولك الحمد بعد الرضى .. والشكر ايضا موصول لكم جمييييعا من بداية المستوى الاول الى الثامن شكرا لك من ساهم بفائدة او حاول اسمائكم تبقى راسخه في بالي جميع من كافح واخذ من وقته الكثيييير حتى يساعد اخوانه واخواته هنا فعلا انتم اخوه واخوات لهم تلدهم الام اتمنى لكم التوفيق في جمييييييع امور دينكم ودنياكم . . السؤال * # ايش طموح كل شخص منكم بعد ماياخذ الشهادة هل ببالكم فكرة معينه ؟ |
رد: Enough !!
باقي نصف ساعه على صلاة الفجر
استغلها بكم كلمة هنا لكم ولي اولا : مبروووك الف مبروك للجميع فرحة التخرج وانتهاء الدراسة ثانيا : كل شخص اكيد حاط له خطه معينة لما بعد التخرج. ، وظيفه إكمال دراسة ، لانو جمال الحياة بوجود هدف بحياة كل انسان ، الانسان اللي ماعنده هدف ، ماراح يحس بطعم الحياة ، بالعكس راح تكثر عليه المشاكل والتعب النفسي من جراء الفراغ اللي عايش فيه ، ماعنده هدف يشتغل عليه ويخليه دوم مشغول فيه لاتقولون شهادتنا انتساب ومادري ايش ، الانتظام ماحصلو وظايف ، احنا بنحصل احنا نتعامل مع ( رب كريم وعادل ، الله جل في علاه :004::004:) اللي حتى الكفار يجزيهم اجر جهدهم اذا تعبوا وهم كفار اذا اجتهدو نالوا جزاء اجتهادهم ، فما بالكم واحنا مسلمين ومجتهدين ، القول مش على الشهادة القول على همة صاحب الشهادة اذا عنده همه بيصل للي يبيه وبسهولة ، واللي ماعنده همه وطموح لو كل السبل موجودة قدّامه ماراح ينتبه لها انا بالنسبة لي كان حلم اني اكمل ماستر بالجامعه الالكترونيه عن بعد لكن ، السعر كان غالي 42 الف مبلغ خيالي ، ماقدر والله عليه اتجهت لجامعه الملك عبد العزيز عندهم ماستر عن بعد لكن ايضا غالي بحدود على ماظن 60. الف وبعد ماقدر عليه ، والله لكن مو معناته انو خلاص بوقف بحاول باي دورة او معهد يعزز ويقوي شهادتي باذن الله والله يحقق للجميع. مايتمنون واكثر يارب :004: |
رد: Enough !!
اللي يبي وظيفة بالتعليم ( لازم يكمل سنه دبلوم تربوي )
عاد لهم سنه موقفينه :( مادري قالوا بيفتح هالسنه عاد مادري صدق او لا؟ بالنسبة للشهادة فيه ناس اعرفهم تخرجوا من هالجامعة علم اجتماع وادارة اعمال وتوظفوا الرزق المكتوب للعبد , ربه بيجيبه له |
رد: Enough !!
وبالنسبه للوظايف الاداريه بالمرتبه السادسه ؟؟
|
رد: Enough !!
اللهم لك الحمد والشكر ويارب يتمم فرحتنا
الصدق اني ماتوقعت تمر هالاربع سنوات بهالسرعة ولا عمري تخيلت هاللحظة ما ادري ليه مخليتها حلم بعيد انا درست في جامعة الملك سعود في كلية اللغات والترجمة وكان باقي لي سنة واتخرج ولظروف صحية اعتذرت سنة ونص وبعدها سوو لي طوي قيد ولا وافقوا ارجع اكمل ولكم ان تتخيلوا حجم الالم والتحطيم اللي جاني لكن الحمدلله اولا واخرا جتني فرصة اخرى وقدرت اكمل الباكلريوس وان شاء الله ربي بيتممها لي ولكم باحسن الدرجات وارفعها الخطة المستقبلية حاليا راح اختبر قدرات الجامعيين والايلتس واشوف الجامعات اللي تقبل ماستر ودائماً وأبدا الخيرة فيما اختاره الله أستودعكم الله |
رد: Enough !!
ألف مبروك لكم جميعا مقدما
أتمنى لكم التوفيق والسداد وأسأل الله أن لايضيع لكم جهدا ويارب يجعل تخرجكم فاتحة خير عليكم في حياتكم وحبيت أنوه أنكم بتصيرون خريجي (لغة أنجليزية) وليس ( أدب انجليزي) |
رد: Enough !!
اقتباس:
لكن درست كلية تربية وتخصصي كان رياضيات اسأل الله أن يجعل ماأصابك هو الخيرة لك وأن يوفقك ويحققلك ماتمنيتي وأكثرر وألف مبروك لك مقدما:icon1::love080::love080: |
رد: Enough !!
بعد الأدب الامريكي أتمنى ارسب في جميع المواد بس ماادرس ترم كامل لمادة وحده
الحمدلله على كل حال .. |
رد: Enough !!
مااعرف اصف كلام مرتب او منسق
بس وربي انكم ذكرى مستحيل انساها عمري كله خدماتكم وتعاونكم والاسماء كلها بتكون في ذاكرتي ٤ سنوات مرت بسرعه تعبنا فيها وواجهنا كثير صعوبات بس باذن الله نفرح بالتخرج وادعي لكم بالتوفيق وين ماكنتوا |
رد: Enough !!
طيب مادام قلتوا خلونا نتقائل:-
* هل نستطيع نكمل ماستر اذا نجحنا ب مدخل الادب الامريكي؟!! وماهي الجامعات الي تقبلنا؟ بالتوفيق للجميع,,,, حسبي الله على بسام ابو زيد. |
رد: Enough !!
دفعتي الرائعه
اخواني واخواتي مبرووووك التخرج مقدماً وبحول الله سنجتاز مدخل الأدب الامريكي متفائل جداً وأشكركم جميعا على التعاون والتفاعل وأتمنى لكم كل التوفيق وأخيرا وليس آخراً ياليت نكمل الماستر والداكتوراه ليش لا الطموح لا يتوقف والأماني والاحلام ممكن ان تكون حقيقه كحقيقة هذا اليوم الذي جاء بعد اربع سنوات من الجهد والمثابرة عموما اذا فيه احد عنده خلفيه عن افضل جامعه نكمل فيها الماجستير ياليت يدلنا او يفتح موضوع جديد بهذا الخصوص وشكراً لكم اعزائي الخريجون:106: |
رد: Enough !!
اقتباس:
لعلها خيرة .. وباذن الله ناجحه ان شاء الله ينظر الفريدان للمسألة بعدل وانصاف .. كلنا رح نرفع تظلم سواء تضررنا او لا :oao: |
رد: Enough !!
سوال وارجو الاجابة علية انا معدلي التركمي مع الفصل هذا 3.70 هل التقدير جيد او جيد جدا علما اني لم ارسب قي اي مادة هل ساحصل على مرتبة الشرف ولكم تحياتتي
|
رد: Enough !!
اقتباس:
يكون التقدير العام للمعدل التراكمي عند تخرج الطالب بناءً على معدله التراكمي كالآتي: 1- (ممتاز): إذا كان المعدل التراكمي لا يقل عن 4.50 من 5.00 أو 3.50 من 4.00. 2- (جيد جداً): إذا كان المعدل التراكمي من 3.75 إلى أقل من 4.50 من 5.00 أو من 2.75 إلى أقل من 3.50 من 4.00. 3- (جيد): إذا كان المعدل التراكمي من 2.75 إلى أقل من 3.75 من 5.00 أو من 1.75 إلى أقل من 2.75 من 4.00. 4- (مقبول): إذا كان المعدل التراكمي من 2.00 إلى أقل من 2.75 من 5.00 أو من 1.00 إلى أقل من 1.75 من 4.00 تمنح مرتبة الشرف الأولى للطالب الحاصل على معدل تراكمي من (4.75) إلى (5.00) من (5.00) أو من (3.75) إلى (4.00) من (4.00) عند التخرج، وتمنح مرتبة الشرف الثانية للطالب الحاصل على معدل تراكمي من (4.25) إلى أقل من (4.75) من (5.00) أو من (3.25) إلى أقل من (3.75) من (4.00) عند التخرج. ويشترط للحصول على مرتبة الشرف الأولى أو الثانية ما يلي: أ- ألا يكون الطالب قد رسب في أي مقرر درسه في الجامعة أو في جامعة أخرى. ب- أن يكون الطالب قد أكمل متطلبات التخرج في مدة أقصاها متوسط المدة بين الحد الأدنى والحد الأقصى للبقاء في كليته. جـ- أن يكون الطالب قد درس في الجامعة التي سيتخرج منها ما لا يقل عن (60%) من متطلبات التخرج. |
رد: Enough !!
رائعون جميعكم وبإذن تبشروووني جميعاً بتخرجكم ... وتستلمون الوثيقة وأنتم بأتم الصحة والعافية |
رد: Enough !!
إكمال الدراسة شي حلو خصوصا تمر علينا أوقات صعبة وبعدها نحس بالفرحة
من الخطط المستقبلية إكمال ماستر عن بعد لو لقيت تقوية اللغة الانجليزية عن طريق دورات ومواقع وبحث من زمان لقيت أكاديمية أبو عمر وكذلك اكاديمية بدر اللي أعجبني في أكاديمية بدر مسوين دورة لتقوية الكتابة مع معلمين أتوقع أجانب يعني شي حلو لآن واجهتنا مشكلة مع مشروع التخرج وكتابته أكاديمية أبو عمر فيها هذي الأيام تخفيض عن طريق إدخال الكود مشروعي الأساسي الذي أفكر فيه حفظ القرآن هو المشروع المهم وبحثت ولقيت مجموعة أكاديميات منها أكاديمية الراجحي في حفظ على سنة أو سنتين وفيه تلاوة فقط لتحسين القراءة طبعا بحثي عن هذه المعلومات من زمان ودايم أحلم بحفظ القرآن والحديث يارب تبلغني ومن يقرأ حفظه ويجعلنا من الناجحين في الدراين بالدرجات العالبة وفيه أكاديمية تاج العالمية فيه حفظ القرآن أتوقع على 3 سنوات مع حفظ متن الجزرية تخص التجويد سمعت كلام مدرب مرة كان في قناة بداية يتكلم عن الانسان لازم يسوي له مشروع استثماري ويكون في 3 جوانب ديني ودنيوي الديني حفظ القرآن والسنة وطلب العلم والدنيوي مشروع تجاري فاستفدت من كلامه وشجعني أكثر ومبروك التخرج مقدما :106::106::106::106::106::106::106: |
| All times are GMT +3. الوقت الآن حسب توقيت السعودية: 07:42 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام