|
شهادة الثانوية رجعت بعد الضياع
صباح او مساء الخير
اولا، عاش من شافكم وكل سنة وانتم طيبين اخواني الكرام والكريمات: بعد ما تخرج قبل حول السنة او اقل او اكثر، قالوا لي الشهادة ماحصلناها قلت اذا حصلتوها ارسلوها لو سمحتوا. قالوا طيب وبالبريد الممتاز! المهم مضت الايام والشهور ولا حس ولا خبر الا قبل يومين جتني رسالة من البريد الممتاز في الرياض المهم رحت له واخذت الظرف ووجدت فيه الشهادة الثانوية خلاصة الموضوع ان الواحد لا يستعجل ويحاول يعمل شهادة بدل فاقد مصدقة. والله كنت ناوي اسويها لكن الصبررررر جميل! وحتى ان رقم الجوال كنت ناوي اغيره لكن الله ستر وتاخرت ماغيرته. (( بس حتى لو ارسلوها متأخرة جدا )) الزعل ما يروح لأنهم أخروني في مواصلة العلم! بالتوفيق لمن يعرفنا ومن لايعرفنا ولا نعرفهم❤️💐 |
رد: شهادة الثانوية رجعت بعد الضياع
اللهم لك الحمد ألف ألف مبرووك اخوي فضيل وأخيراً اكتمل ملفك
شهدنا معاناتك مع استلام الوثيقة وضياع شهادة الثانوية واليوم تبشرنا بأنك وجدتها بعد عناء أسأل الله سبحانه أن يعوض صبرك خيراً وفي كل تأخيره خيره بإذن الله مابعد الصبر إلا الفرج الأكيد بإذن الله |
رد: شهادة الثانوية رجعت بعد الضياع
جزاك الله خير حياة،كويس ان فيه ناس باقين من المعروفين لنا في المنتدى! والله وش اقولك الدنيا صارت مصالح ولا حد يبغى لحد الخيررر
المهم انا انشغلت في نقل عفش شقتي وفرشها ولاسويت شي للماستر ولا توظفت الله يعين بس وشكرا لك جدا وجزاك الله ألف خير على الدعوات ، والله يوفقك دوماً |
رد: شهادة الثانوية رجعت بعد الضياع
فضيل اسم غني عن التعريف وفقك الله
والرجااء عدم مقاطعتنا واخبارنا اين اتجهت بعد التخرج وبتجاربك الدراسيه او الوظيفيه |
رد: شهادة الثانوية رجعت بعد الضياع
اتمنى لك التوفيق بحياتك
|
رد: شهادة الثانوية رجعت بعد الضياع
مبروك اخوي فضيل .. الله يوفقك ويسهل أمرك ، صراحة أنا من المتابعين لمواضيعك واسمك غني عن التعريف ..
|
رد: شهادة الثانوية رجعت بعد الضياع
ابشرك مضيعينها علي ههههههههههه. ولهم 3شهور وبشوف وش تاليتها معاهم. هههه
|
رد: شهادة الثانوية رجعت بعد الضياع
اقتباس:
اسأل الله أن يسهل أمرك ويعينك ويرزقك من حيث لا تحتسب كل شي رح يجي بوقته بإذن الله لكن المهم انك ماتوقف ولا تتكاسل والأهم انك تتوكل على الله .. موفق لكل خير :106: |
رد: شهادة الثانوية رجعت بعد الضياع
اقتباس:
|
رد: شهادة الثانوية رجعت بعد الضياع
مبروووك اخوي فضيل رجوع شهادتك بالسلامه..
ونتمنى منك ومن الدفعات السابقه الا تحرمونا من مواضيعكم وخبراتكم فلا تتخيل فرحتي عندما اجد موضوع لاحدكم فقد كنتم ومازلتم مثالاً رائعاً لنا.. وقد ساعدتنا مواضيعكم كثيراً منذ بداية دراستنا حتى الان.. نتمنى لكم التوفييييق في حياتكم العلمية والعملية ... لكم ودي واحترامي خريجين وخريجات.. |
رد: شهادة الثانوية رجعت بعد الضياع
هلا والله ،،، ما نسيناك ،،،
ايه والله صبر جميل والله المستعان ،، والحمد لله انك لقيتها ،، وان شاء الله ربي يعوضك ،،، |
رد: شهادة الثانوية رجعت بعد الضياع
هيا الحمدلله دام رجعت ..ما ادري ايش قصة الشهادات الثانوية اللي تضيع ..مو انت لحالك اعتقد 3 او 4 من زميلاتي المقربات ضاعت شهاداتهم الثانوية ..شكلها زعلت من الشهادة الجامعية :d
|
رد: شهادة الثانوية رجعت بعد الضياع
اقتباس:
اقتباس:
اقتباس:
اقتباس:
اقتباس:
اقتباس:
وعلى فكرة الجامعة سهلة بس يبغا لها متابعةوشوية لغة. موفقة ، واصلي التعليم الحين الوظايف مافيه خصوصا الانتساب لازم ماستر حتى لو معنوية تفيد. اقتباس:
|
رد: شهادة الثانوية رجعت بعد الضياع
اقتباس:
شكراً على تذكرنا بس احنا بعد الجامعة هذي منسيين لا وظايف ولا شي، من تجربة مو كلام ناس( ماحصلنا وظايف) مع اني موظف سابق لكن مافيها تقدم وراتب ما يواكب المتطلبات. المهم مثل ماقلتي صبر جميل والله المستعان على ما يصفون. والحمدلله جتني الشهادة الثانوي لأني سمعت ان في بعض الجامعات خصوصا الخارجية يطلبون حتى الثانوي. والله يعوضنا خير. وشدي حيلك اتمنى لك اعلى المراتب والشهادات. |
رد: شهادة الثانوية رجعت بعد الضياع
عليك السلام والرحمه
اررررحب فضيل باشا الله يبشرك بجناته يا رجل وقرة عينك .. سبحان الله بعد كل هالوقت رجعت لك فضل من الله وحده :icon1: انا بنت خالتي ضيعوا لها حسن السيره والسلوك حقت الثانويه مو الشهاده اهون شويات ورفعنا طلب وننتظر الرد عاد :hhheeeart4: هااااااااه وش مخططاتك الحاليه ؟؟!! انا عن نفسي محتاره وش ابدأ فيه :verycute: هل آخذ تربوي والا ماجستير والا ارجع لوظيفتي وخاصه اني قريت اننا الانتساب الماجستير لنا غير مسهله امور الالتحاق فيه و ما ندري وش مخبيه لنا الايام ^_^ |
رد: شهادة الثانوية رجعت بعد الضياع
ارررحبي انتي سويراااان، والحمدلله رجعت وشكرا على دعاءك الكريم الله يبشر الجميع بالجنة.
وعلى فكرة ذكرتيني بشهادة حسن السيرة والسلوك هههههههههه رغم انهم ارسلو الثانوية بملف اللا ان السيرة واسلوك مانتبهت لها ههههه والله انا الحين نقلت من شقتي لشقة جديدة ارتحت فيها وكل يوماشتري حاجة واركبها وآخر شي غسالة صحووون ههههههه المهم اشغلتني عن المستقبل وحتى آيكيا لفيتها و حتى مطعمهم ههههههه مشكلة العفش خصوصا اللي يغير نفس حالتي هههه اشغلني عن الدراسة وكل والوظيفة المهم افكر في الدراسة برا مع ان العمر كبير شوي واخاف يضحكون علي برا لو درست في الجامعة ههههههههه اما مشكلتك انتي بعد اسوأ لأنك بنت الله يعينك لكن الهمة تسوي الهوايل، كملي ماستر تمحي غبار الانتساب ( كما يقال) ههههههههههه بالتوفيق |
رد: شهادة الثانوية رجعت بعد الضياع
الله يجعله منزل مبارك وتحفه ملائكة الرحمن ويبعد عنكم شياطين الانس والجن
:106::106::106::106::106::106::106::106::106::106: :106::106::106::106::106: = بوكيه ورد للشقه الجديده :53: وووو حسن السيره عساك تلقاها معها مدبسه ياااااااااارب وتفتك من المشاوير :verycute: اما يضحكون وما يضحكون ياااا رجال العلم ماله عمر اللي يسمعك يقول طاق ال50 .. اعتبر نفسك ابوهم ياخي >> بتكحلها عمتها هههههه لا والله بعيد عن المزح اذا عندك مقدره والحماس موجود .. توكل على الله لا يردك الا الجوازات يا خيتك :(204): + عجبتني مقولة غبار الانتساب ههههههه الله يقدم لنا اللي فيه خير وصلاح لنا ما ندري وين الخيره فيه :sm1: الله يسعدك ويوفقك :icon1: ولا اوصيك استمرررر بالطلات ع الملتقى حافظك الرحمن |
رد: شهادة الثانوية رجعت بعد الضياع
متميزين يا أول دفعة ماشاء الله عليكم واجهتوا كل الصعوبات من البداية وتعلمنا منكم كيف نتفاداها :004:
محد كبير على العلم يافضيل كلنا تأخرنا بدخول الجامعة ومع ذلك مصرين بإذن الله نكمل ماستر ودكتوراه إذا ربي كتب وعلى فكره في الخارج ماعندهم نظامنا اللي يضحكون على الكبار في السن بالعكس منفتحين جداً ويساعدون ويشجعون الجميع .. مع اني شخصياً اشتغل في جامعة وعندنا طالبة أعطي عمرها 40 سنه تدرس هي وبنتها انتظام في البكالوريوس أول مره شفتها كنت احسبها موظفة طلعت طالبة ماشاء الله لاقوة إلا بالله !! عجبتني عبارة (لكن الهمة تسوي الهوايل، كملي ماستر تمحي غبار الانتساب):(204): الله يقدم اللي فيه الخير :rose: |
رد: شهادة الثانوية رجعت بعد الضياع
السلام عليكم
الف الف مبروووووووك الله يوفقك ويسر لك امرك اخ فضيل |
رد: شهادة الثانوية رجعت بعد الضياع
ماشا الله مبروك الشهاده والشقه والعفش الجديد :16.jpg::icon19:
يالله وش مستعجل عليه ماتدري يمكن خيره لك هالتاخير مثل خيره يوم تاخرت في تغيير رقم جوالك :16.jpg: عسى الله ييسر امرك وامركل خريج ويفرجها عليكم |
رد: شهادة الثانوية رجعت بعد الضياع
اقتباس:
ويغير من الجلوس على الأرض وطاولات ورفوف، وانصحكم بالرفوف من آيكيا لأنها رخيصة وتلم الاشياء وشكلها مندمج مع الحائط. طبعاً لا تشترون الاشياء الغالية من ايكيا ما تستاهل. ( للمعلومية السوفا هي الكنبة) اختبر انجليزيتكم بس :icon120: بالنسبة لحسن السيرة ىالسلوك ماحصلتها مع الملف، مافي الملف إلا الشهادة و وصل الرسوم الدراسية هههه على العموم ماني مهتم بالسيرة عشان عندي بس بالانجليزي لأني ترجمتها وصدقتها من الخارجية عشان كنت ناوي ادرس برا قبل اربع سنوات. واظنها تكفي. وحتى لو ابي اجيبها مارحت الجامعة اروح المدرسة او اوزارة اسرع ( المم هي الشهادة وهي عندي) !! ومن ناحية العمر فعلا ماهو عائق والجامعات هناك فاضية ههههه وخصوصا اوهايو جوووووو . وشكرا ع التشجيع! والعبارة غبار الانتساب، فعلا احنا مظلومين انحدينا على الانتساب وانا كنت انتظام وارجع انتساب قهرر لكن الماستر تنهي كل شي. وشكرا على كل الاطراء وانا احاول ادخل واشجعكم حتى من امريكا لو رحت ان شالله. تحياتنا لكم،، اقتباس:
والله اشكرك على التشجيع ويمكن اروح لجامعه فيها عرب وسعوديين كثيرر عشان نندمج معهم ولا حد يناظر كثيرر ههههههه اخلص العفش وبعدين اشوف ويكون خير يعني اربع شهور يكون الواحد فكرر زين وعلى فكرة افكر في الفلبين عشان عندهم جامعات اجنبية فيها، والبلد رخيص مرررررره الله يعين،،، لك الشكر والمستقبل المزهر ،،، اقتباس:
اقتباس:
والله فعلا يمكن خيره ويمكن تفتح جامعه اهلية هنا واسجل فيها ولا اهتم من شيء هههههههه فعلا الجوال كنت كل يوم بغيره واقول للناس بغيره ويقولون لا خله هههههههه آمين والله يحقق للكل مايتمناه خصوصا في الدراسة لأني احبها ومضحي من أجلها! شكرااا،،، |
رد: شهادة الثانوية رجعت بعد الضياع
2 مرفق
وهذه صورة السوفا ( اللون ابيض) هههههههه
|
رد: شهادة الثانوية رجعت بعد الضياع
السلام عليكم ورحمة الله وبركاته
الف مبروك على العقلان الحمدالله انك استلمتها بعد ضياعها زين والله انا يوم رحت الاحساء خفت يصير لي مثل ماصار لك تعطلع الجهاز على رقمي واشوف العالم ياخذون شهادتهم وانا لا بعد انتظار طويل ورجتهم لما طلعوها لي والحمدالله استلمتها |
رد: شهادة الثانوية رجعت بعد الضياع
اقتباس:
عالعموم اش اخبار دراستك وكيف المعدل انا 4.15 اعتبره زين والحمدلله، بس لو فيه جامعه يقبلون هنا كان ع طووووول سجلت خبرينا وش ناوية تسجلين فيه او تعملين! الله يوفق الكل! |
رد: شهادة الثانوية رجعت بعد الضياع
اقتباس:
|
رد: شهادة الثانوية رجعت بعد الضياع
اقتباس:
كقول الشاعر: وليلي أقضيه وانهاري ،، بين البساتين والانهار هههههههه |
| All times are GMT +3. الوقت الآن حسب توقيت السعودية: 07:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه