|
تعالو هنا نتشاور عن المقررات السهله والصعبه :)
مرحبا
كل عام وانتم بخييير ان شاء الله يكون هالترم الاخير لنا سهل وخفيف ياااارب ونحقق اعلى الدرجات يالله نبداء ونشوف مين اخذ من هالمواد ووو وش رايكم فيها ؟؟ ادب الاطفال الترجمة الابداعية والتتابعية اللغة وتقنية المعلومات النقد الادبي تحليل الخطاب مدخل الى الادب الامريكي مشروووع التخرج فيه مادتين من مستوى سابع ماخذتها وخليها للاخير |
رد: تعالو هنا نتشاور عن المقررات السهله والصعبه :)
هلااا هلاااا روزي
انا بآخذ لفه على انطباعات ربعنا في الارشيف بعد شويات واشوف وش اسجل ذا الترم باقي لي ٣ مواد من سادس و٣ مواد من سابع محتاره اسجلهم هذا الترم مع المشروع او اخليهم آخر ترم لحالهم وادرس هذا الترم مواد ثامن :10: للحين مخي متشتت ما قررت :24: |
رد: تعالو هنا نتشاور عن المقررات السهله والصعبه :)
نقد الأدبي و مشروع تخرج :36:
باقي سهله بإذن الله :34: |
رد: تعالو هنا نتشاور عن المقررات السهله والصعبه :)
هلا فيكم سويران وجينفر
زي ماتوقعت النقد الادبي هو اللي يبغاله تركيز لانها مادة دسمة :9: ومشروع التخرج .. مثل ماشفتو كثير رسبو فيه الترم الماضي .. مادري وش صار فيه بضبط !! الله يستر يبغاله وقت كثيررر هالمشروع لان فيه مدة لتسليم المشروع اظن اسبوعين الله يوفقنا يارب |
رد: تعالو هنا نتشاور عن المقررات السهله والصعبه :)
أهلاً بالجميع وكل عام وأنتم بخير
طبعاً أنا توني سجلت آخر موادي وبإذن الله إن الله وفقني أتخرج في 8 مستويات . باقي لي 7 مواد الله يعديها على خير . وهذي جدولي 1. فراغ 2. تحليل الخطاب الفترة الثانية 3. فراغ 4. فراغ 5. النقد الأدبي الفترة الأولى 6. ترجمة تتابعية الفترة الثانية 7. الترجمة الإبداعية الفترة الأولى 8. فراغ 9. فراغ 10. المسرحية الحديثة الفترة الأولى 11. فراغ 12. فراغ 13. النظام الإجتماعي في الإسلام الفترة الأولى 14. مشروع تخرج ( لغة ـ ترجمة ـ أدب ) مجموع الساعات 15 ساعة 7 مواد الله يوفقنا وإياكم يارب . أخذت صيفي أدب أطفال وتقنية ولغة وأدب أمريكي والحمد لله أجتزتها مشكلتنا في المشروع الله يخارجنا . < يفكر يشوف له مدرس يعطيه الباسوورد حق الإفتراضي :42: |
رد: تعالو هنا نتشاور عن المقررات السهله والصعبه :)
كل عام والجميع بخير
ان شاء الله نلتقي بالمستوى الثامن والاخير لاني سجلت كل ماتبقى لي مواد مستوى ثامن كامله + مادتين من مستوى سادس الشعر الانجليزي والمعاني والبراغماتيك الله يكون بعونا في مشروع التخرج :10: |
رد: تعالو هنا نتشاور عن المقررات السهله والصعبه :)
أدب الأطفال
اللغة وتقنية المعلومات النثر الإنجليزي ( من مستوى سابق ) قضايا ثقافية معاصرة ( من مستوى سابق ) مدخل إلى الأدب الأمريكي مشروع التخرج >>>> كنت متحمممس له وبديت اخاف منه بعد اللي سمعته الله يستر ... تحليل الخطاب+الترجمة التتابعية >>> صيفي |
رد: تعالو هنا نتشاور عن المقررات السهله والصعبه :)
السلام عليكم ورحمة الله وبركاته كل عام انتم بخير أعضاء قسمي العزيز تقبل الله مني ومنكم صالح الاعمال :119: ان شاء الله في ها الترم نشد اكثر ونتعاون اكثر ونتخرج على خير وبركه بالنسبة لي راح اكون معاكم هاالترم ان شاء الله باقي لي 3 مواد + بحث التخرج تحليل الخطاب مدخل الادب الامريكي اللغة الانجليزية وتقنيه المعلومات |
رد: تعالو هنا نتشاور عن المقررات السهله والصعبه :)
باقي لي الحضاره الاسلاميه وحاضر العالم الاسلامي
وعلم الدلاله والبراغميت ومواد مستوى ثامن يعني 8 مواد واخلص :42: ياليت نبدء نتناقش في مشروع التخرج من الحين :42: اشوفه اصعب ماده :6: |
رد: تعالو هنا نتشاور عن المقررات السهله والصعبه :)
باقيلي من المستويات السابقه
1-النحوالتصبيقي 1 2-الحضارة الاسلامية المستوى الثامن 1-مشروع التخرج 2-مدخل الى الادب الامريكي 3-ادب الاطفال 4-تحليل الخطاب ونتخرج على خير بإذن اللة |
رد: تعالو هنا نتشاور عن المقررات السهله والصعبه :)
كل عام وانتم بخييرر ، :16:
لكم وحشهه ي زملآئي الانجليزيين انا بآقي لي خمس موآد ١- مقآل ٢- علم الدلآله و آلبرآغمتيك ٣- النقد آلادبي ٤- مدخل الى الادب الامريكي ٥- مشروع آلتخرج وبعدهآ بآذن آلله آتخخرج ٣> وآششوف آصعب مآدتين علم آلدلاله والنقد والحمدلله مو بيوم وآحد زي كل سمستر : ) وتقبل اللهه صآلح آعمآلكم <~ وقت آلفطور قرب :42: |
رد: تعالو هنا نتشاور عن المقررات السهله والصعبه :)
بآلنسبه لموآد مستوى ثآمممن كلهآ سسهله
واللهي مو صعبه ابد بالنسبه للي خلصتهم الحمدلله درجاتي فيهآ جدا مرضيه : ) وعقبآلكم بس الي يبيله ششغل من بعد العيد على طول مشروع التخرج :/ شايفين ازمةة السمستر آلي رآح والسبه هآلماده:20::36: ومدخل الى الادب الامريكي كثير حفظ وبلا بلا بلا يعني يبيله بعد تركيزز والبآقي مع آلمذاكره سهله بآذن الله : ) بآلتوفيق '$ |
رد: تعالو هنا نتشاور عن المقررات السهله والصعبه :)
^^
حلو الكلاااام :21: :11: |
رد: تعالو هنا نتشاور عن المقررات السهله والصعبه :)
فحطت بالارشيف وقريت انطباعات ربعنا عن الامتحانات
لاحظت انهم كانوا مبسوطين من سهولة المواد ما عدا مادة الترجمه التتابعيه كانوا زعلانين منها :9: وقالوا ان تحليل الخطاب دقيق وسهل ممتنع :27: ووووووووووبس |
رد: تعالو هنا نتشاور عن المقررات السهله والصعبه :)
السلام عليكم
انا كمان ان شاء الله قربت اتخرج باقي لي مواد المستوى الثامن مع ما دتين من السابع بس محتاره ودي اخلصهم كلهم الحين واخلي مشروع التخرج ع الترم الجاي لحاله او اخلي معه ماده وحده المشكله ما ادري عادي اخلي لاخر ترم عدد ساعات قليل يعني اربع ساعات مثلا ؟؟ للحين ما سجلت بسبب هالموضوع :40: |
رد: تعالو هنا نتشاور عن المقررات السهله والصعبه :)
اقتباس:
انا كنت بخلي مشروع التخرج آخر ترم بس غيرت رأيي بعد الحوسه اللي صارت لربعنا الترم اللي فات قلت آخذه الحين عشان لو لا سمح الله ما عديت فيه يكون انا اصلا بزيد ترم ف' أسجله مره ثانيه فيه ما اضطر ازيد ترم عاشر / الله لا يقدر يارب ونعديه من اول مره اما سؤالك اذا عادي انك تتركين ساعات قليله لآخر ترم ؛ عادي وانا اختك فيه ناس يبقى لهم مادتين او ماده ويدرسونها بترم لأن ما راح تتخرجين بدون ما تخلصين كل المواد المطلوبه منك / ف' رتبي لك جدول مريح وقدمي بحث التخرج الحين وخلي الترم التاسع للباقي عليك ولو ما عديتي البحث الله لا يقدر وووووو بس هذا رأيي :34: موفقه يا حلوه :2: |
رد: تعالو هنا نتشاور عن المقررات السهله والصعبه :)
السلام عليكم ورحمة الله وبركاته
أنا عندي 6 مواد وأتخرج بإذن الله .. تحليل الخطاب ومشروع التخرج والنقد الأدبي والترجمة الابداعية و علم اللغة الاجتماعي والمسرحية الحديثة ... والله يوفقنا .....:3::3::3: |
رد: تعالو هنا نتشاور عن المقررات السهله والصعبه :)
باقي لي مواد مستوى ثامن واتخرج وناويه اخذهم كلهم :21:
|
رد: تعالو هنا نتشاور عن المقررات السهله والصعبه :)
باقي لي
حاضر العالم الأسلامي , الترجمة التتابعية , تحليل الخطاب , مشروع التخرج بأذن الله نعديها بأعلى الدرجات , أتمنى لكم التوفيق جميعا. |
رد: تعالو هنا نتشاور عن المقررات السهله والصعبه :)
اصعب المواد :
اللغويات التطبيقية الصوتيات والنظام الصوتي البراغماتيك النقداﻻدبي الترجمات كلهم علم اللغة النفسي والله يوفقنا جميعا ونتخرج :2: |
رد: تعالو هنا نتشاور عن المقررات السهله والصعبه :)
تقبل الله منا ومنكم صالح الاعمال
ماشاء الله هل بدأ تسجيل المقررات ؟ لم يتبقى لي الا مواد الترم الثامن > و4 مواد عامه مادري وش اسمائها |
رد: تعالو هنا نتشاور عن المقررات السهله والصعبه :)
السلام عليكم ورحمة الله وبركاته
اخوكم من مستوى ثالث. الكل عنده مشكله في مادة مشروع التخرج الله يستر عقبال ما انوصل احنا :$:38: |
رد: تعالو هنا نتشاور عن المقررات السهله والصعبه :)
كل عآم وانتم بخير :16: سجلت آخر مواد ان شاءالله الله يوفقنا فيها تحليل الخطاب اللغة والتقنية ترجمه تتابعيه :40: ادب اطفال - دكتور جديد :35: مشروع التخرج - الله يسهله علينا و مواد تركتها .. تاريخ الخليج + نحو وصرف اخدت الأدب الأمريكي في الصيف كان جميل الحمدلله :42: |
رد: تعالو هنا نتشاور عن المقررات السهله والصعبه :)
ادب اطفال - دكتور جديد :35:
يعني اسلوب جديد ؟؟؟؟ |
رد: تعالو هنا نتشاور عن المقررات السهله والصعبه :)
ماشاءالله
انا باقي لي 7 مواد تحليل الخطاب اللغه الانجليزيه وتقنية المعلومات ترجمه تتابعيه مدخل الي الادب الامريكي ادب اطفال مشروع تخرج وهالماده السامجه اللي مدري كيف راحت علي<برامج الحاسب المكتبيه والمشكله طلع عندي تعارض مواد فيها و ف مدخل الادب يعني لازم اجلس ترم كامل عشان هالماده وراسلت العميد وللحين مارد لي بس من ردوده عرفت ان ماحاصل لي غير اجزء موادي ع ترمي الله اكبر وقررت آخذ هالمواد مشروع تخرج تحليل الخطاب برامج الحاسب:30: واللغه وتقنية المعلومات والبافيات الترم الجاي ان شاءالله اش رايكم كذا تمام والا اغير<< معليش صارة قصه مو جدول:42: |
رد: تعالو هنا نتشاور عن المقررات السهله والصعبه :)
اقتباس:
بس لو تأجلين مشروع التخرج للترم القادم أفضل لك من وجهة نظري ليش ؟ 1- تأخذين فكرة ثانية عن تجربة الخريجين هذا الترم 2- ربما تغير الدكتور وللأفضل < مجرد أمنية فقط وبس :17: |
رد: تعالو هنا نتشاور عن المقررات السهله والصعبه :)
اقتباس:
اهلاً سميتي الجميله .. عسآتس من عايدين العيد يا خيه :43: انا رأيي تآخذين المواد الباقيه لك وتتركين مواد ثامن للترم الأخير ( انا كذا سويت :27: ) السبب علشان تضمنين بإذن الله انه ما راح يكون عندك تعارض مره ثانيه :35: اما مشروع التخرج انا اختلف مع وجهة نظر سفير الشرقيه خذيه هذا الترم عشان لو لا سمح الله ما انقبل يكون عندك ترم ثاني اصلاً وما تضطرين تزيدين ترم عاشر على حساب ذا المشروع اللي مدري وش بنهبب به :9: |
رد: تعالو هنا نتشاور عن المقررات السهله والصعبه :)
اليوم 2\ تحليل الخطاب
4\علم اللغة الاجتماعي 7\الترجمة الابداعية 9\ طرق البحث والتصميم 10\ المسرحية الحديثة 13\ اللغة وتقنية معلومات شراااااييكم بالجدول ؟؟ ويبقالي كدا 5 مواد ( حضارة الاسلامية (مادريت عنها :41:)\ادب اطفال \ مشروع التخرج\ ترجمة تتابعية\ تاريخ الخليج العربي) وابي مشورتكم الحكيمة في شئ يراودني " لو اجمع بين طرق البحث والتصميم مع بحث التخرج بترم واحد عشان هون نظري وهونيك اطبق:42:" تفكيري سليم ولا ماينفعش احترتت:9: |
رد: تعالو هنا نتشاور عن المقررات السهله والصعبه :)
نصيحتي لا تجمعين المادتين مع بعض و حاولي تضغطي على نفسك وتاخذين اقصى حد من المواد أو كل مواد التخصص عشان تبقى لك مواد قليله وسهله في السمستر الثاني خصوصا انه قصير جدا ومشروع التخرج يبغى له وقت اطول عشان تنجزينه |
رد: تعالو هنا نتشاور عن المقررات السهله والصعبه :)
اقتباس:
عاده الله علينا وعليك بالخير اما بالنسبه للمواد اصلن مابقي لي غير مواد مستوى ثامن ووحده حقت مستوى ثاني هي اللي مأخرتني عن التخرج وانا معك ف اني آخذ مشروع التخرج هالترم وان شاءالله ما احتاج ترم عاشر والله يسهلها علينا وعليكم |
رد: تعالو هنا نتشاور عن المقررات السهله والصعبه :)
اقتباس:
نصيحتي لك مثل ما قلت لسميتي سوير حاولي تخلصين المواد الباقيه لك وخلي مواد ثامن آخر ترم لك عشان لا يكون عندك تعارض وتضطرين تزيدين ترم ما تضمنين الجدول // هم يغيرون كل ترم في المواد العامه اكثر شيء موفقه :27: |
رد: تعالو هنا نتشاور عن المقررات السهله والصعبه :)
اقتباس:
ههههههههههه اهم شيء قلتيها وجات من حظي :11: صححححححح عليك بالقرار + ان شاء الله ما نحتاااج يارب :1: |
رد: تعالو هنا نتشاور عن المقررات السهله والصعبه :)
اقتباس:
|
رد: تعالو هنا نتشاور عن المقررات السهله والصعبه :)
اقتباس:
سواءً الفريدان في اللغة وتقنية المعلومات أو بسام أبو زيد في الأدب الأمريكي أو عبدالجواد النادي في أدب أطفال كلهم ماقصروا في الأسئلة متقاربة مع السمستر الماضي |
رد: تعالو هنا نتشاور عن المقررات السهله والصعبه :)
كل عام. وانتم بألف خير
وش سالفة. مشروع التخرج اللي تقولون كثير رسب فيه:4: أنا عندي ثلاث من سابع وخمس مواد ثامن ومشروع :40: |
رد: تعالو هنا نتشاور عن المقررات السهله والصعبه :)
1 مرفق
اليكم جدول الامتحانات مستوى ثامن مرتب بتاريخ الجديد بدية الامتحانات يوم 24 ديسمبر
|
رد: تعالو هنا نتشاور عن المقررات السهله والصعبه :)
طيب ياجماعه
على طاري السهل والصعب ... الله يسهل على الجميع الله يرضى عليكم اللي قد اخذ المواد التالية وجربها وخبرها يطمنا الله يطمن قلبه يارب علم اللغة الاجتماعي ، النقد الادبي، تحليل الخطاب، ترجمة تتابعية، مدخل الى الادب الامريكي، ادب الاطفال، اللغة والحاسب، مشروع التخرج ولا عليكم امر بارك الله فيكم :16: |
رد: تعالو هنا نتشاور عن المقررات السهله والصعبه :)
اللغه الاجتماعي طويل بس سهلها الدكتور بالاختبار جاب لنا نفس العام
النقد الادبي صعب لان الدكتور يركز ع محاضرات ويترك محاضرات بقية المواد الى الان لم اخوض المغامره معهاا |
رد: تعالو هنا نتشاور عن المقررات السهله والصعبه :)
شكرا جزيلا
بانتظار احد يفتينا في الباقي |
رد: تعالو هنا نتشاور عن المقررات السهله والصعبه :)
تحليل الخطاب.. مدري وشش اقول قصيره الماده ولكن غير مفهومه واسئلة الدكتور كانت جدا سيئه اخذت فيها c+ مدري كيف توقعت احملها
الادب الامريكي طووويله ولكن سهله والدكتور اسئلته حليوه ادب الاطفاال متعه مع الدكتور عبد الجواد بس يقولون تغير فمدري اللغه والحاسب.. الماده صعبه وكلها كلام كثير وهي عن البرمجه وخرابيطها بس الفريدان اسئلته حلوه يسهلها |
رد: تعالو هنا نتشاور عن المقررات السهله والصعبه :)
ياليت اللي اخذو النقد الادبي والترجمه التتابعيه يفيدونا
ومشروع التخرج لان كثير متخوفين منه >< |
| All times are GMT +3. الوقت الآن حسب توقيت السعودية: 09:11 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام