|
رد: اجتماع خريجي 1439 اتمنى من الجميع الدخول
ياهلا بحور
نعم من دفعتكم لكن كنت بمنتدى ثاني وجيت تالي لهذا المنتدى ولا تشيلين هم مشروع التخرج بتعديه ان شالله اتوقع تجيبي ٨٦ من ١٠٠ خليني اخفف عليك شوي مغثة الذكرى حقت علم الاجتماع |
رد: اجتماع خريجي 1439 اتمنى من الجميع الدخول
لا حرام عليك ليش ٨٦
والله اني تعبانة علية اخاف مجذوب العامر قالك تمهد لي الموضوع عشان ماانصدم بالنتيجة |
رد: اجتماع خريجي 1439 اتمنى من الجميع الدخول
انا الصراحه سويته بمكتبه وتعبت عليه وتابعته ومع كذا اعطاني ٨٥
اذا مره كان كريم بيعطيك ٩٢ او حولها لان الدكاتره بشكل عام يتحاشون يعطون درجات مرتفعه بالبحوث عاد كيف الشيخ مجذوب اللي يعشق اللف والدوران والفلسفه والقفط ولكن يارب يخالف ظني وتجيبي +a لكن لاتنسين التحدي |
رد: اجتماع خريجي 1439 اتمنى من الجميع الدخول
لا إن شاء الله يارب لو ٩٠ ماعلية راضية
|
رد: اجتماع خريجي 1439 اتمنى من الجميع الدخول
رسالة الى زملائنا المستجدين بالسنه الاولى اتمنالكم التوفيق واحب ادعمكم معنويا بهالرساله التحفيزية
احب اقولكم امامكم طريق مفروش بالخوابير والمطبات كم دكتور بيحتفل بكم وكم واحد بيغير اسئله على حظكم وكم دكتور بيتغير ويجلس يتفنن بوضع اسئله جديدة تحس اول ماتشوفها انك تشرب زيت خروع منتهيه صلاحيته مخلوط مع مرقة بيض خفاش هذا غير اختبار الاستماع يجلس يشغل لك شريط وقرف والنقد الادبي وادب الاطفال حاول تجيب معك عربيه وانت رايح تشتري المذكرة او اثنين يشيلون معك مدخل اللغويات لاتذاكر وجنبك احد يقول هذا اهبل من كثر ماتطلع لسانك وتجرب خياشيمك انا بس قاعد اخاطب روح التحدي فيك وابين لك مواضع الصعوبه ايها المستجد يمكن بقية الزملا يتذكرو اشياء اخرى ويكملو هذه السلسله التشجيعيه وهذا اقل واجب نقدمه لكم |
رد: اجتماع خريجي 1439 اتمنى من الجميع الدخول
وين تشجيع الله يرضى عليك
ههههههه وش هالتحطيم ماظن فيه عاد مستوى اول خلاص بتتخرج الدفعات ذي وبعدها ما في تعليم عن بعد���� الله يعوضني خير |
رد: اجتماع خريجي 1439 اتمنى من الجميع الدخول
اقتباس:
بس قريت ان اختبار الكفايات ماراح يفيدنا لان وقفوا الدبلوم التربوي |
رد: اجتماع خريجي 1439 اتمنى من الجميع الدخول
اقتباس:
والله جبتها هههههههههههههههههههههههههههههههههههههههههه باستثناء الشخبطه انا العكس ملازمي نظظظيفه وما اشخبط كثير |
رد: اجتماع خريجي 1439 اتمنى من الجميع الدخول
اقتباس:
ريم قدر الله وماشاء فعل لو الله كاتب لك البعثة والله ان تتيسر على اهون سبب بس عسى أن تكرهوا شيء وهو خيرا لكم ما فيه احد يعرف وش الأفضل له ولا وش الحكمه من بعض الأحداث الي تصير له اذا انتي درستي عشان تسكتين الناس بتصيرن زي ذيك الي متزوجة وزوجها مبهذل عيشتها ويصبحها على كفوفك ويمسيها عليها وهي ساكته وماتبيه بس خايفه تتطلق عشان الننننننننننناس انتي صرتي زيها مع فارق التشبية اذا ماسويتي الشيء عشان نفسك ومستقبلك وحرام سنوات عمرك تضيع على الفاضي صار لك اكثر من 4 سنوات زعلانه عشان شيء الله ماكتبه لك يابنت الحلال لاتبكين على اللبن المسكوب اعتبري ان هذيك مرحله وعدت عيشي واقعك اليوم انتي خريجه الحمد لله غيرك تعثر بدراسته غيرك منعه المرض غيرك ماعنده فلوس يكمل دراسته بس انتي ربي فضلك عليهم وخلاك تتخرجين هذي نعمه تستحق الشكر فكري بمستقبلك حاولي تدرسين ماجستير دوري وظيفة اما ذاك الي قال ما اوظف الانتساب حابه اقول لك ان الوظيفة ماوقفت عليه ورزقكم في السماء وما توعدون الوظيفة اطلبيها من الله توكلي عليه وثقي ثقة تامه بالله ان الله ماراح يردك خائبة وافعلي الأسباب واضيفي في السناب ناس يعلنون عن وظائف وقدمي على كل وظيفة ترضي الله وتعجبك |
رد: اجتماع خريجي 1439 اتمنى من الجميع الدخول
اقتباس:
اهلا انا قارية الموضوع من زمان بس انتضرت لين تطلع النتيجه اسمي أفنان بنت سعد :cool: محاضر اعجبني عبد العزيز التركي لانه يحط اسئة على الفهم وتحسن انك حاله من مجهودك بعد توفيق الله طبعا اصعب سمستر الصراحه كانت سنه كامله صعبه الي هي مستوى السادس مع ( الخامس او السابع مو متأكده بالضبط ) لان كانت حالتي النفسية جدا صعبه ولولا فضل الله ورحمته كان اجلت السمسترات بس فضل الله علي كبير اختبرت وجبت درجات عاليه |
| All times are GMT +3. الوقت الآن حسب توقيت السعودية: 08:35 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام