|
رد: انطباعكم عن اختبار الأدب الأمريكي ١٤٣٧
السلام عليكم أيقونة التظلمات غير مفعله كيف نرسل تظلم وعبر أي ايقونه حقيقه اول مرة ارفع فيها تظلم ولا أعرف طريقتها حسبي الله على بسام ابو ناقص |
رد: انطباعكم عن اختبار الأدب الأمريكي ١٤٣٧
اقتباس:
من الخدمات الطلابية تروح لخدمة شؤون الاختبار وتروح لايقونة ملاحظات حول الاختبار حط ملاحظتك هناك ايقونة التظلمات ما بعد تتفعل .. |
رد: انطباعكم عن اختبار الأدب الأمريكي ١٤٣٧
حسبي الله ونعم الوكيل
انا من امس مصدومه ونفسيتي تحت الصفر حتى ماعلقت ع الاختبار وجيت ومن حزتها ونا نايمه من الصدمه والله العظيم صدمني على قد ماذاكرت للاسف مااااااااني ضامنه درجه وحده |
رد: انطباعكم عن اختبار الأدب الأمريكي ١٤٣٧
اتوقع في الجامعات الاوربيه ..اذا الطلاب متضررين من المادة ..الدكتور يعطيهم 5 درجات للجميع . سواء ناجح او راسب يعطي للكل .
اللهم صل وسلم على سيدنا محمد وعلى اله وصحبه اجمعين |
رد: انطباعكم عن اختبار الأدب الأمريكي ١٤٣٧
وكتبت بايقونه ملاحظه على الاختبار
ياليت الكل يكتب ملاحظته |
رد: انطباعكم عن اختبار الأدب الأمريكي ١٤٣٧
الي يقول
الاختبار حلو والمواد الادبيه يبغئ لها حفظ اقولهم بلمختصر لما تكون منزل لك مادتين ولا ثلاث وجالس تمشي زي السلحفاة واخرت التخرج لظروف خاصه فيكم يبقئ المفروض تجيبوا مليون من مليون مو بس 100درجه ،،،، ترئ احنا معنا 8 مواد ومشروع تخرج ظروفنا غير عنكم عندنا غير الادب الامريكي 7 مواد وغير كرف المشروع لانه سويته بنفسي لي ولزميلتي ماعطيت حد يعمله لي مثل غيري يعني لنا حق نزعل علئ درجه تروح علينا مو اجي اكتب انه سهل ومدري اش احنا ع وشك تخرج مو معنا بس مادتين ولا ثلاث الله يجبر كل واحد تعب من بداية المستوئ الئ اخره الله يعوضنا بدرجات تسرنا في الدنيا والاخره |
رد: انطباعكم عن اختبار الأدب الأمريكي ١٤٣٧
ماجاب لي الشيب إلا مشروع التخرج ، أخذ مني وقت ولا توقعته بالصوره هذي نهائيا ً
|
رد: انطباعكم عن اختبار الأدب الأمريكي 1437
اقتباس:
معليش عزيزتي غاده ، لا مو سهل ، السهل اقدر اخذ فيه a+. وبجدارة حتى احيانا لو كان فيه تكرار ترى مو اي تكرار سهل بنت تاخذه مكافأة التفوق لغتها ماشاء الله طلعت من القاعة مصدومة ، الادب اطفال مو سهل بس الكل قدر يحل ، محد تكلم الاغلب كلهم راضين لانو جاب اسئلة معقوله وقدرنا نحلها نعم لايخلو من الاخطاء لكن شوفي كمية الردود الغضب الحين بالقسم وتعرفين انو فعلا الاسئلة ماكانت سهله الاغلب حلولهم من 30 وتحت صحيحه ترى مستحيل طالب مجتهد يروح الاختبار ماذاكر حتى واجهته الظروف دامه مذاكر بيحل لكن نتفاجأ بأسئلة تعجيزية ، لاهو مستفيد ولاحنا مستفيدين ترى المواد بفلوس مش بلاش و الله العالم مين اللي عنده استعداد انو يدفع او لا واذا حمل المادة مجبور يدفع مرة ثانيه ترى بعض العوائل مش قادرة انهم يدفعون لعيالهم ، او بناتهم ، وبالذات البنات ، العيال ممكن يدبرون بحالهم باي وظيفه لين الله يفرجها لكن البنات ترى اغلب العوائل مو كلها يرضون يدفعون لبناتهم ، اعرف بنات ودهن يدرسن بس اهاليهم مايقدورن يدفعون رسوم الدراسه حتى في بنات متزوجات ازواجهن يزهقون منهن كل شوي دافع لها ، معليش انا مادخلت الجامعه ابي دكتور يتحداني ويحط لي اسئلة يختبر لغتي فيها ، اقدر اختبر لغتي بأي اختبار بعيد عن الدراسة وترى الادب اصعب شي من الترجمة واللغه . وللعلم ترى كل الطلاب اللي جاوبوا ، مستحيل مايكونون مذاكرين لكن باذن الله ينظر لتظلم الطلاب ويعطون درجات تعويض ويفرح الكل بنجاحه :106: |
رد: انطباعكم عن اختبار الأدب الأمريكي ١٤٣٧
فيينا عزيزتي مو لازم تبرري لآحــد ... لآنه زي ماقال الرد الي فوقك
انه مشروع التخرج شيب الراس صحيح المشروع سلس في خطواته ولكن تأخير رد المشرفه والتعديلات الي تطلبها اكثر ما يرهق الطالبه وهذا اثر على دراستنا لمواد الثانيه او بالاحرى احتهدنا في بعضها زي تحليل الخطاب والترجمه التتابعيه بحكم انها فهم اما المواد الحفظ مالنا حول ولا قوة حفظنا الي قدرنا عليه فيينا بإذن الله انا ناجحه بيه وعديت غلطآتي في الادب الامريكي وبإذن الله ما انزل عن درجة 90 لآني ما حسبت الصور البلاغيه من جناس وتشبيهه لانه ما اضمن الدكتور ايش حله بالضبط انا حاسة بيكم لآنكم دفعتي و اخذتوا نفس موادي وضغط علينا ومقهورة عليكم حتى الي عدى فوق 25 اجابة صح اتمنى الكل كان راضي ومبسوط بأخر يوم يلا يوم وانقضى ما عليك من اي رد جانبي يثير زعلك |
رد: انطباعكم عن اختبار الأدب الأمريكي ١٤٣٧
اقتباس:
بإذن الله الكل يعديها |
| All times are GMT +3. الوقت الآن حسب توقيت السعودية: 11:38 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام