|
رد: امنيه تكون شكوى من الجميع على حليمه
لا يلام المرء بعد اجتهاده
اذا اجتهدت وذاكرت من اول الترم وما توفقت وقتها لوم الناس . والعاقل خصيم نفسه . الدكتور حليمه بيض الله وجهة باطن الدنيا وظاهرها لكن القصور منا . |
رد: امنيه تكون شكوى من الجميع على حليمه
للامانه اشوف الاسئله مو صعبه ع اللي ذاكر واللي ماذاكر
لان بتكلم ع نفسي ماجتهدت بداية الترم وكانت مذاكرتي عاديه مع هذا حليت وابدعت فيه فما بالك باللي مجتهد معه اكيد بيكون نصيبه فل مارك اتمنى اي شخص بيحكم ع دكتور يحكم اول شي ع نفسه قبل يطلع لنفسه اعذار انه موظف وعنده ظروف مايقدر يذاكر زي الخلق |
رد: امنيه تكون شكوى من الجميع على حليمه
اقتباس:
:d5::d5::d5::d5::d5::d5: |
رد: امنيه تكون شكوى من الجميع على حليمه
ضد الشكوى ، ناس تصحى من النوم وتذاكر اسئلة العام بس وبعدها تجون بنقدم شكوى !
في الجزء العملي الدكتور ماجاب الافقرتين او ثلاثه والباقي كله نظري موجود في محتوى المحاضرات و الشرح قبل تدعي ع الدكتور وقبل تقدم شكوى اسأل نفسك سمعت المحاضرات ؟ ذاكرت المحتوى ؟ واسئلة الواجبات ؟ هنا تكون سويت اللي عليك وبالاكيد بتحل |
رد: امنيه تكون شكوى من الجميع على حليمه
انا مدري كيف تبون يعترفون بشهايدنا وحنا بالتفكير هذا يعني الدكتور اذا ما كرر اسئله الأعوام السابقة معاناته ظالم لكل مجتهد نصيب وصدقوني لا مذاكرتنا ولا ملازمنا ولا اختبارتنا تقارن بـ المنتظمين وبعدين نطالب بالتساوي معهم ؟؟؟!! الدكاتره والجامعة مراعين ان الانتساب لهم ظروفهم ومشاغلهم دمتم بود اسأل الله ان يوفقنا جميعا ولا احد يحمل ولا اي ماده
|
رد: امنيه تكون شكوى من الجميع على حليمه
انا اشوف انه متعب عمره ماغير جالس على الكرسي ويهذر وش استفدنا
اذكر دكتور عمار المعاني وهذا هو غايب ولاهو حولنا والناس اغلبها مستصعبه اسئلته ولكن هو يشرح بذمه ويوقف ويشرح على السبوره لكن حليمه الله المستعان بس يمكن بعضكم يشوف الاسئله سهله ويكون فاضي للمذاكره لا بيت ولا عيال ولا شغله لكن بالنسبه لي والله مدري وش حليت لاني انشغلت من بدايه الامتحانات وبنتي طايحه حرارتها ماتنزل عن 39 وشوي بالمستشفى وشغل البيت لا يخفى عليكم اذا بس انتي تكرفين اليوم كله مع 5 افراد والله ماعاد عندي طاقه عشان اذاكر ما اصدق ينامون وارتاح والي بيقول انتي توك تذاكرين انا فتحت الملازم من قبل ويوم جيت اذاكر مره ثانيه لو ماشفت اني مخططه وكاتبه على الملزمه اقول مافتحته ابد يعني يسهل علينا مابيخسر شي وهو يوم من الايام كان طالب مثلنا ويتمنى الاستاذ يحدد له المهم طولت عليكم واتمنى ما اشيل الماده لاني تعبت من دكتور حليمه نفسيا ولا عاد ودي اعيد ااكر الماده ذي وبالتوفيق للجميع |
رد: امنيه تكون شكوى من الجميع على حليمه
حسبي الله ونعم الوكيل
|
رد: امنيه تكون شكوى من الجميع على حليمه
وانا اضم صوتي لصوت اللي قالو انه الاختبار كان سهل وواضح فعلا الاختبار كان حلو بالنسبة لاسئلته اللي راحت وماخرج ابدا عن المحتوى وكرر كثير من أسئلة الاعوام السابقه واسئلته كانت متنوعة مابين السهل الوضح ومابين اللي فيه لف ودوران شوي عموما الاسئله بشكل عام كانت حلوة . الدكتور اللي استحق الشكوى كان الدكتور الجماري دكتور مادة النحو والصرف اختبرت المادة الاحد وكانت اسئلته صعبه لانه اكثرها خارج المحتوى وانا كنت من ضمن اللي رفعت شكوى عليه على الرغم اني اول مرة ارفع شكوى ضد دكتور . بس الواحد ينقهر لما يذاكر المادة واخر شي تجيك اسئله غريبه اول مرة تطلع عليها وتحس تعبك ومجهودك راح هباء منثورا .
|
رد: امنيه تكون شكوى من الجميع على حليمه
اقتباس:
مب مسؤولية الدكتور انك ماتذاكرين الا ليلة الامتحان مستحيل احد يقرا شي ويرجع له كنه جديد الا اذا المخ عاد فيه شي عندك وقت طوويل جدا تقدرين تذاكرين فيه دام عندك ظروف وكل اللي داخلين انتساب اغلبهم مثلك وانا منهم لكن الوم نفسي اذا ماحليت لان عندي وقت طويل قبل الامتحان اقدر انظم وقتي فيه |
رد: امنيه تكون شكوى من الجميع على حليمه
إذا كان في شكوى بتكون انه ماكان يعطينا الحلول
أما الأسئله فهذي مافيها شكوى أنا للأمانه ما أحب شرحه حتى لما يقول بترك لكم الحل أعيد كلامه :16.jpg::16.jpg::16.jpg: بس جلست أسمع شرحه في فقرات في الإختبار حليتها حسب شرحه صدق الترجمه نفسها ماكان يشرح كل الفقرات بس النظري في جزء كبير منه كان ينشرح خلو عندكم شوي مصداقيه محاسبين على كل كلمه نقولها |
| All times are GMT +3. الوقت الآن حسب توقيت السعودية: 11:06 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام