نسيت الاختبار
 

سلام يا اخوان
انا اليوم جبدي بتنطحن من القهر ، نسيت ان علي اختبار نظرية المعرفة ، بسبب ان مسار الاختبارات كل يوم وترك ، فكرت اختباري اليوم الاربعاء وجالس اذاكر من امس
وراح الاختبار علي :Cry111:

بالله وش اسوي وش اقول وش اعمل ، احد يشور علي ترا الدنيا ضاقت فيني

رد: نسيت الاختبار
 

نصيحتي لك تسجلها الترم الجاي عاد انتبه بعد لا تنسى . يعني بالله لو جيت الفريدان وقلت نسيت بيقول صح اعيدوا له الاختبار خلاص وانا خوك سجلها الترم القادم واسأل الله لك التوفيق

رد: نسيت الاختبار
 

الله يعوضك خيرة والحمد لله
المادة فعلا تحتاج مذاكرة ومذاكرتك راح تفيدك بإذن الله
بعد أعتقد اسبوع "تأكد من الوقت" راح تفتح أيقونة المتغيبين عن الاختبار ترفق عذر طبي معتمد وبكذا مايحسبونك راسب وتترحل لك المادة للمستوى الجاي بإذن الله

رد: نسيت الاختبار
 

عسى بالامر خيرة

دبر عذر طبي من اي مستوصف وارفقه ويقبلونه باذن الله وما يحسبونك حامل الماده وتنزل لك دايركت الترم الجاي بدون ما تضيفها انت

رد: نسيت الاختبار
 

يقبلون اعذار من اي مستوصف؟ اتا سمعت لازم مستشفى حكومي

رد: نسيت الاختبار
 

لعل بالامر خيره لك وقدمها المستوى الجاي على غثاثة الماده لكن دكتورها ماينخاف منه متعاون بالاسئله وفالك التوفيق

رد: نسيت الاختبار
 

يقبلون العذر من اي مستوصف او مستشفى كلها تقبل خاص او عام

وتنزل المادة الترم القادم اليا بدون رسوم

رد: نسيت الاختبار
 

وعسى ان تكرهو شيئا وهو خير لكم

ربما انها خيره وانت ماتدري

بامكانك ترفع عذر طبي وتنزل لك المادة الترم القادم بشكل الي بدون ماتنزلها وبدون رسوم صارت معي قبل كذا
ويقبلون العذر من اي مستوصف خاص او عام بالتوفيق

رد: نسيت الاختبار
 

فعلا غبنه
لكن روح اي مستشفى خاص واطلب عذر
سارو الان يعطوك ب٢٠٠ ريال
وبعضهم ب ١٠٠
وارسل العذر
وان شاء الله تفرج

رد: نسيت الاختبار
 

han قبل خمس ست سنين أذكره ب50
شلون ارتفع مع الأزمة العالمية ولا إيش :biggrin:<<<<تهاويل بيجلدني أيقونته المفضلة :biggrin:

رد: نسيت الاختبار
 

الله يفرج همك يارب وتسهل آمورك ويوفقك ويوفقنا معاك

قدم عذرك وراح يختبرونك ان شاء الله ماراح يروح تعبك بلاش

رد: نسيت الاختبار
 

يااا أللله

الله المستعان .. هذا كابوس كل طالب:mh12:

بغت تصير فيني مره لولا الله ثم هالمنتدى .. دخلت أراجع هنا وأنتبهت للوقت


ماراح ترسب فيها أذا جبت عذر

رد: نسيت الاختبار
 

لا حول ولا قوة الا بالله
لعلها خيره وربي يعوضك عندك فرصه قدم عذر وان شاءلله تتيسر
انت مثل سواقي يحسب فيه بريك امس اخرني على الامتحان سحب وراح مشوار :017:قال انا فكر انتي مافي يروح عشان مافي كل يوم :biggrin:

رد: نسيت الاختبار
 

قدم عذر حتى لو كان عادي ترى جامعتنا ناس طيبين أوي اذكر واحد من الشباب قدم عذره و قال ظروف العمل ! فقط و مشوها له ف انصحك تلحق و تكتب لهم اي شي اذا مثلاً ما قدرت تجيب عذر طبي


كل التحايا للجميع :d

رد: نسيت الاختبار
 

اخي العزيز قد تجد تقرير طبي وتمشي امورك ولكن ما اجمل ان تأخذ شهادتك وانت مرتاح الضمير بعيد عن الشبهات
اشوف ان عندك احد الامرين الاول ان تسجل الماده الترم القادم والله يعوضك والثاني ان تقابل الفريدان وتقول له الحقيقه كما هي قد يتعاطف معاك ويشوف لك حل وفق الله الجميع

رد: نسيت الاختبار
 

لعلها خيره

من ضغط هالمستوى كتبت على كل ملخص يوم الاختبار والفتره علشان ما انسى اول مره اسويها خاصه اني منزله مادة المسرحيه وهي في الفتره الاولى فخفت اني انساها لان كل الاختبارات فتره ثانيه

نسيت الاختبار
 

بصراحه اشلون تنسو مووووووعد اختبار انا الجدول اطبعه واعلقه على الثلاجه هههههههههه
الله يعوضك مالك حل الا انك ترفق عذر


Sent from my iPhone s6 plus

رد: نسيت الاختبار
 

[QUOTE=sham9966;1057206682]بصراحه اشلون تنسو مووووووعد اختبار انا الجدول اطبعه واعلقه على الثلاجه هههههههههه
الله يعوضك مالك حل الا انك ترفق عذر


Sent from my iPhone s6 plus[/QUOTE

حلوة الثلاجة هههههه :biggrin:

الله يهديكم

لازم تطبعوا الجدول قبل الاختبار و تتأكدوا من يوم الاختبار و تجيبوا التقويم و تأشروا عليه و علقوه عند السرير ما تفتح عينك الا على الجدول :hahahahahah:

و حدة سجلت في يوم مادتين و في الأخير راح عليها يوم الاختبار


الله يعوضكم خير
ا

رد: نسيت الاختبار
 

ممكن تعطوني طريقة تقديم العذر بالتفصيل من وين ارفق الملف ووين أرسله واكون شاكرة لكم