ملتقى طلاب وطالبات جامعة الملك فيصل,جامعة الدمام - مذاكرة جماعية (( مجلس مذاكرة علم المعاني والبراغماتيك ))

- E6 (https://vb.ckfu.org/forumdisplay.php?f=321)

- - [ مذاكرة جماعية ] : (( مجلس مذاكرة علم المعاني والبراغماتيك )) - الخميس 21 / 7 / 1437هـ.. (https://vb.ckfu.org/showthread.php?t=742009)

رد: (( مجلس مذاكرة علم المعاني والبراغماتيك )) ..

توي مخلص منها هي و كويزاتها فيها شوي لحسة مخ

رد: (( مجلس مذاكرة علم المعاني والبراغماتيك )) ..

اقتباس:

المشاركة الأصلية كتبت بواسطة وَتين .. (المشاركة 13306255)

السلام عليكم ...

يكرر اسئلة الدكتور ولا ؟؟؟؟؟؟؟؟؟

وعليكم السلام ورحمة الله ..
ما أدري , لكن من أسئلة السمستر اللي راح أحسّ أسلوبه
واضح مايلفّ ويدور في الأسئلة :(204): , يعني أشوفه يجيب زي الأمثله
اللي في الملزمة وكذا ..
بالتوفيق إن شاء الله ..

رد: (( مجلس مذاكرة علم المعاني والبراغماتيك )) ..

# باسم الله نبدأ المحاضرة الثامنة :
- نقطة مهمّة من البدايه لازم تعرفونها إنّ هالمحاضرة تعتمد 85 % على الحفظ :064: ..
- يقول إن الكلمات تميل إنّها تظهر مع كلمات أخرى , مثلًا :
أحنا نقول fast car مانقول quick car ..
ونقول fast food مو quick food ..
مع إنّ كلمة fast مرادفة لكلمة quick لها نفس المعنى وكذا ..
إلّا إن المعتاد والطبيعي إنّا نقول fast مو quick !!
طيّب فيه قاعده معيّنه نحكم من خلالها شنو الأنسب للكلمة :(107): ؟! لا مافيه :16.jpg: ..
هي كذا وبس تنحفظ حفظ , حالها حال الفوكابيولاري !!
Certain words tend to appear together or keep company
This keeping company is what is called in semantics collocation
- نفس الكلام اللي قلناه في البداية , إنّ بعض الكلمات تميل إنّها تظهر مع بعض , وهذي
الكلمات اللي غالبًا تجي مع بعض تُسمى كولوكيشن ..
A collocation is : a pair or group of words that are often used together
- وهذا تعريف الكولوكيشن , إنّه زوج أو مجموعة كلمات , غالبًا تستخدم مع بعضها البعض ..
- بعدها قال إنّ هذي الكلمات تعتبر طبيعية للمتحدثين الأصليين باللغة وكذا , أقصد مثلًا
لو جيتي لأمريكيه وسألتيها شنو الأنسب كويك فود ولاّ فاست فود ؟! بتقول لك فاست فود ..
كذا بدون سبب هي الأنسب !! طيّب هذي لغتهم وهم أدرى بها , لكن أحنا اللي جايين نتعلّمها
كيف نعرف ؟! تابعوا بقية الحلقة كي تكتشفوا ذلك :16.jpg: ..
- بعدها قال إنّ بعض الكولوكيشن fixed , مثل : take a photo مافيه كلمه غير take تتناسب
مع photo وتعطينا نفس المعنى .. يعني لازم أستخدم كلمة محدّدة معاها علشان تعطيني المعنى تمام :(204): .. وفيه كولوكيشن تكون open , مثل : keep to \ stick to rules مع كلمة rules أقدر أستخدم كيب تو أو ستيك تو , عادي أي وحده فيهم تعطيني المعنى تمام .. يعني أقدر أستخدم كلمات مختلفة مو كلمة وحدة زي الفيكسد ..

- وبعدها ذكر أمثلة على الـ collocations , مثل :
did you watch TV last night مو look at TV
- بعدها قال إن بعض الأحيان زوج الكلمات اللي ممكن نستخدمه مايكون خطأ تمامًا , والناس بيفهمون
قصدنا لكن وقتها الكولوكيشن مايكون طبيعي وعادي زيّ الكولوكيشن الأصلي :16.jpg: , مثل :
I made a few mistakes و I did a few mistake
الأنسب هو made لكن لو قلنا did رح يوصل المعنى للي نتكلّم معاه - ولو إنّه مو الكولوكيشن المعتاد وكذا -

رد: (( مجلس مذاكرة علم المعاني والبراغماتيك )) ..

توني موصلة لهذي المحاضرة في الملزمة و هذي اول لكشر لي معاك :53::love080:..
شرحك واسلوبك بطل ,, يعطيك العافية :(204): ..
:icon19:

رد: (( مجلس مذاكرة علم المعاني والبراغماتيك )) ..

- ليه نتعلّم الـ collocations ؟!
1\ لأنه يعطينا أنسب طريقة طبيعية لقول شيئًا ما ..
2\ يعطينا خيارات وبدائل كثيرة لقول شيئًا ما , طرق تكون معبّرة ودقيقة أكثر وكذا :16.jpg: ..
3\ تطوّر طريقتنا وأسلوبنا في الكتابه ..
وذكر أمثله لكل نقطه ..

- بعدها قال وين ممكن نلقى الكولوكيشن ؟!
ممكن نتعلّمهم ونتدرّب عليهم من خلال القراءة الإستماع , هذا واحد , اثنين في القواميس ..

- وذكر نقطه قلناها في البداية , إنّ تعلّم الكولوكيشن مايفرق عن تعلّم الفوكابيولاري ..
أحنا كيف جمّعنا لنا كم كلمة بالإنجليزي :(107): ؟! أما إنا نقرا أو إنّا نسمعهم يقولونها في الأفلام
وإذا تحمّسنا حيل نفتح القاموس :16.jpg: بنفس الطرق هذي نقدر نتعلّم الكولوكيشن ..

- بعدها قال إنّه فيه أنواع مختلفة للكولوكيشن , نستعرضها عالسريع :
Adjectives and nouns \ الصفات والأسماء :
مثل , Jean always wears bright color
Nouns and verbs \ الأسماء والأفعال :
مثل , The company has expanded and now has branches in most major cities
Nouns + noun ( a .. of .. )a \ أسم مع أسم :
مثل , Every parent feels a sense of pride when their child does well or wins something
Verbs and expressions with prepositions \ أفعال مع تعبيرات وحروف جرّ :
مثل , I was filled with horror when I read the newspaper report of the explosion
Verbs and adverbs \ أفعال مع أحوال :
مثل , She smiled proudly as she looked at the photos of her new grandson
Adverbs and adjectives \ أحوال و صفات :
مثل , I am fully aware that there are serious problems

- بعدها تكلّم عن الـ synonyms والكلمات المربكة ..
الفكرة هنا إنّه معطينا كلمة وحده اللي هي old ومن خلال الأمثلة نلاحظ إنّا أحيان مانستخدمها هي بل نستخدم مرادفاتها علشان تكون أنسب ..
مثلًا , أحنا نقول old friend مانقول ancient friend مع إن الكلمة الأولى مرادفة للثانية , لكن الأولى أنسب و طبيعية أكثر ..
مثال ثاني : she collects antique jewelry هم كلمة أنتيك مرادفه لـ old لكن أنتيك هنا أنسب , ليه ؟!
لأن في الجملة , الآنسه جالسه تجمع مجوهرات ,
وأكيد ماجمعتهم لأنهم قديمين وبس , بل قيّمين أيضًا والكلمة اللي تأدي هذا المعنى هي أنتيك
( معناها old and valuable ) لأن لو أستخدمنا كلمة old ممكن يتبادر لذهن القارئ إنّ المجوهرات قديمه وبس ممكن مالها قيمه , لكن بإستخدامنا لكلمة أنتيك بيّنا إنّ المجوهرات اللي تجمعها الآنسه الطيبة قديمة وقيّمة أيضًا ..
- وكمّل بعدها مع الـ synonyms :
charge vs load
الكلمة الأولى مرادفة للثانيه لكنّه يقول إن charge تستخدم مع الأشياء الإلكترونية
مثل الجوّال واللاب توب وذكر لنا مثال :
I need to charge my phone
بينما load نستخدمها مع المركبات ( الفان \ الشاحنه ) وهم ذكر لنا مثال :
They loaded the van/truck and drove away
injure vs damage
نفس الشي الأولى مرادفة للثانية , لكن نستخدم injure للكائنات الحيّة :16.jpg: إنسان أو حيوان - أجلّكم الله - مثال :
Three injured people were taken to hospital
لاحظوا إنّهم أشخاص ..
بينما demage للجمادات وكذا , مثال :
The shop tried to sell me a damaged sofa
هنا الأريكة أو الكنب جماد إذًا الأنسب لها demage مو injure

بكذا تخلص حفلتنا لليوم :16.jpg: ..
بس بغيّر نسبة الحفظ اللي حطيتها في البداية من 85 % إلى 90 % :16.jpg: ..
ممكن جزئية الـ synonyms هي اللي فيها شوية منطق نقدر نقرّر من خلاله الكلمة
المناسبة أما الباقي حفظ في حفظ ..
- إذًا المطلوب من هذي المحاضرة الحفظ , وفي جزئية أنواع الكولوكيشن حاولوا إنّكم تعرفون
شنو نوع الكولوكيشن لو عطاكم الجملة , يعني ممكن يجي سؤال بهالشكل :
Jean always wears bright color
نوع الكولوكيشن في الجملة السابقة :
صفة وأسم - حال وفعل - أسم وأسم - حال وصفة ؟!
وآخر شي المرادفات وأحس هذي مقدور عليها بالفهم والمنطق وكذا :16.jpg: ..
أي تصحيح أو توضيح أو تعليق ما يردّكم إلا الكيبورد ..

رد: (( مجلس مذاكرة علم المعاني والبراغماتيك )) ..

- الأسئلة اللي جات على المحاضرة الثامنة من أسئلة إختبار السمستر اللي راح :

It is defined as "a pair or group of words that are often used together, such as, take a picture.
? What it is
A. Deixis
B. Anaphora
C. Collocation
D. Presupposition

:All these examples represent correct collocations except for
A.stick to the rules
B. a quick car
C. a quick glance
D. keep to the rules

: All the following collections are incorrectly written except for
A. Did you look at TV last night
B. Burgers and French fries are common fast meals
C. You must do an effort to study for the exam
D. You made a few mistakes

حاولت أضبط حجم الخطّ مامشى الحال :no: !!

رد: (( مجلس مذاكرة علم المعاني والبراغماتيك )) ..

الله يجازيكم خير واللي تنزل الاسئلة ربي يسعدك بس نبي حلولها اسئلة بدون حلول نبي احد يحطها بملف مع الاجوبة الله يوفقنا توي ابدا مذاكرة ربي يعين ابي اسئلة العام وهل الدكتور فهد درس العام وقبلة او جديد دلوني الله يدلكم ع الخير

رد: (( مجلس مذاكرة علم المعاني والبراغماتيك )) ..

ياناس انا متاخرة بلمذاكرة وكل شي وربي عالم بالحال ...ابسالكم مادة علم المعاني والبراغماتك
هي نفسها
مادة علم الدلالة والبرغماتك
ورررررررربي احترت

رد: (( مجلس مذاكرة علم المعاني والبراغماتيك )) ..

شدي حيلك وربنا يسهل

رد: (( مجلس مذاكرة علم المعاني والبراغماتيك )) ..

اسأل الله انه يوفقك دنيا وآخره الله لا يحرمك الأجر و يسعدك و ييسر امورك كلها والله يسخر لك خلقه حيث ما كنتي.