رد: (( مجلس مذاكرة علم المعاني والبراغماتيك )) ..
 

ويسعدك يآختشي ..
إن شاء الله تعدّينها ..
هي الماده حلوه حيل , وشرح الدكتور رائع جدًا ..
أنصحك تتابعين المحاضرات , وقتها مو طويل حيل + شرحه جميل ..
بالتوفيق إن شاء الله ..

رد: (( مجلس مذاكرة علم المعاني والبراغماتيك )) ..
 

# باسم الله نبدأ المحاضرة الخامسة :
Prototype is about mental representation of meaning or categorization
a prototype is object or refernt that is considerd typical of the whole set
- البروتوتايب هو أول شي يتبادر لذهنك وتعتبره نموذج للمجموعه اللي هو فيها , أساسًا كلمة ( بروتوتايب ) معناها نموذج :16.jpg: ..
- مثلُا لما أسألك شنو البروتوتايب للفواكه ؟! مارح تقولين لي البطيخ :no: , هو البطيخ من الفواكه
ما أختلفنا , لكن النموذج أو البروتوتايب اللي رح يتبادر لذهنك البرتقال أو التفاح مثلًا ..
- هو قال شي جميل ويختصر الموضوع أكثر , لما تجين تختارين البروتوتايب أعتبري إنّه
طفل يسألك وتبغين توّضحين له الفكرة , لما تشرحين لطفل عن الكائنات المائيّة مثلًا , بتعطينه عليها مثال واضح , زي السمك مارح تقولين له الأخطبوط :16.jpg: ..
- هكذا الأمر مع بقيّة الأشياء , مثلًا الباب door أول شي يتبادر لأذهاننا الباب التقليدي , مثل اللي
في الغرفة اللي أنتي فيها :019: , مو مثل الباب اللي في المجمعات اللي ينفتح إذا قرّبتي منه ولا الباب اللي يدور مثل اللي في بعض المطارات والفنادق والمجمعات :16.jpg: ..
- ونفس الشي بالنسبه للملابس clothing رح يتبادر لذهنك البلوزة مثلًا , مو الحذاء ( أجلّكم الله ) ..
- وبالنسبه للطيورbird , رح يتبادر لذهنك Robin - يشبه العصفور حيل - أو العصفور .. مارح يخطر على بالك النعامه أو البطريق أو البطة , مع إنّهم كلهم طيور ..
- بإختصار شديد جدًا , بس حفظوا التعريفين اللي فوق + فهموا فكرة النموذج إنّه أول شي يخطر في راسكم ويعتبر نموذج للمجموعه اللي هو وفيها وبس , الأمر بهذه البساطة :16.jpg: ..
وأنتهت حفلتنا لليوم :16.jpg: ..

رد: (( مجلس مذاكرة علم المعاني والبراغماتيك )) ..
 

- الأسئلة اللي جات على المحاضرة الخامسة من أسئلة إختبار السمستر اللي راح ..
15. It can be defined as the gradual mental representation of meaning or categorization. What is it?
A. reference
B. referent
C. prototype
D. referring expression

22. Among the following four kinds of tea, which one is considered the most typical of the whole set?
A. strawberry tea
B. Moroccan tea
C. white tea
D. red tea

أي تصحيح أو توضيح أو تعليق مايردّكم إلا الكيبورد :16.jpg: ..

رد: (( مجلس مذاكرة علم المعاني والبراغماتيك )) ..
 

قولي آمين الله يسعدك ويوفقك ويحقق لك كل اللي تتمنيه على هذا الشرح الجميل الرائع تواه

رد: (( مجلس مذاكرة علم المعاني والبراغماتيك )) ..
 

مادة جميلة مع تعليقاتك بتكون أجمل
يعطيك ألف عافية
.,
مبين من أسئلة الفصلين
الدكتور مو صاحب تعقيد بالاسئلة
متمكن من المادة لكن أحيانا يهرول بالاجابة
بدليل إجابته في الوجه السلبي و الايجابي
,,
الي راح يحفظ و يجاوب بسرعة
بجيب أعياد
لأن في تقارب كثير في الاسئلة وأحيانا تكرار
يعني في سؤال يغير كلمة تتغير الإجابة
spatial & temporal
بشكل عام الاسئلة حلوة
حتى سؤال الادوار غير المثال في الفصلين
لكن بنفس المستوى
..
محاضرة 14 مهمة
لأن الدكتور يشرح و يجاوب
كنت لاغيتها لأنها أسئلة
بس رديت سمعتها و حسيتها مفيدة
.,
كم أنت فخمة يا فتاة :004:

رد: (( مجلس مذاكرة علم المعاني والبراغماتيك )) ..
 

إيوه هذا أول خيط من خيوط الجريمة :16.jpg: ..
لازم نتركد في الإجابة ومانستعجل و" نقولب " السؤال والأجوبة
عدل قبل مانختار ..
أذكر في المهارات جاب نفس المثال اللي في الملزمة لكن غيّر جزئية بسيطة منه
وبناءً على هالتغيير البسيط تغيّرت الإجابة ..
م 14 مهمة حيل , فيها أسئلة مقالية بعد ..
لكن همّ فحّطت فيها , أعتبرت إنّي " إنتظام " وهذا إختبارنا الحقيقي :16.jpg: ..
يآعزيزتي هذا من لطفك , شكرًا جزيلًا لك :icon19: ..
بالتوفيق إن شاء الله ..

رد: (( مجلس مذاكرة علم المعاني والبراغماتيك )) ..
 

الله يعطيك العافيه ماقصرتي

رد: (( مجلس مذاكرة علم المعاني والبراغماتيك )) ..
 

# باسم الله نبدأ المحاضرة السادسة :
A referring expression is a noun phrase, that is used in an utterance and is linked to something outside language, some living or dead or imaginary entity. That something is the referent
- من الآخر الـ referring expression المقصود به ( الكلام نفسه ) بينما الـ referent المقصود به ( الشي أو الشخص المقصود بالكلام ) كيف يعني ؟!
مثلًا : Washington has three syllables, and 600,000 people
واشنطن لها 3 مقاطع صوتية ( يقصد الكلمة نفسها - وهذا هو الـ referring expression )
و 600,000 شخص ( هنا يتكلّم عن المدينة موالكلمة - وهذا هو الـ referent )

- يعني نفس السالفة لما أقول :
كلمة ( برتقال ) تتكوّن من 6 حروف ( هنا أقصد الكلمة نفسها وهذا هو الريفيرنق أكسبريشن )
لكن لما أقول : البرتقال فاكهة لذيذة ( هنا أقصد فاكهة البرتقال نفسها مو الكلمة وهذا هو الريفيرنت )

- يقول إن وجود الريفيرنق أكسبريشن لايضمن أو مايعني بالضرورة وجود الريفيرنت في الواقع وكذا ..
كيف يعني ؟! مثلًا لما أقول : the river of Riyadh هنا أنا أتكلّم عن شي خيالي ماله وجود في الحقيقة , من متى الرياض فيها نهر :Looking_anim: !!
- إذًا أقدر بالريفيرنق أكسبريشن أتكلّم عن fictitious refernt أشياء خيالية وكذا ..

- بعدها قال إن الريفيرنق إكسبريشن ينقسم إلى :
Primary referring expressions : هنا الإكسبريشن يعود مباشرة للريفيرنت , مثل : عبدالله الفريدان :16.jpg:هنا واضح إنّي أتكلم عن عبدالله الفريدان ماغيره ..
Secondary referring expressions : يكون في بداية الإكسبريشنس ضمائر +يعود للريفيرنت بشكل غير مباشر , مثل : that one ! شنو تقصد يعني ؟! ما أقدر أحدّد إلا من خلال الكونتكست نفسه اللي أستخدمنا هذا الإكسبريشن فيه ..

رد: (( مجلس مذاكرة علم المعاني والبراغماتيك )) ..
 

# تابع م 6 :
- بعدها قال إن الريفيرنتس تختلف عن بعضها البعض من 3 نواحي :
First, Unique and non-unique referents : مميّز وغير مميّز ..
مثل لما أقول :The Red Sea هنا أقصد البحر الأحمر بالتحديد , ولمّا أتكّلم عن شي محدّد ومميّز
هنا يكون الريفيرنت unique .. لكن لمّا أقول Sea : هنا أنا ماحدّدت أي بحر أقصد , يمكن البحر الأحمر أو البحر المتوسط أو غيرهم , و لما ما أحدد هنا نقول عن الريفيرنت إنه non-unique
- بعدها تكلّم عن ( fixed reference ) : نفس فكرة اليونيك بالضبط , يكون شي محدّد , مثل : اليابان , أحمد السقوفي :16.jpg:..
- وتكلّم عن ( variable reference ) : نفس فكرة النون - يونيك بالضبط , يكون شي غير محدّد , مثل : البحر , طيّب أي بحر تقصد ؟! غير محدّد ..
- وبعدها تكلّم عن الـ Inferene - مارّه علينا من قبل - لكن هذا مايمنع إنا نآخذ مثال علشان ننفض الغبار عن الذاكرة :16.jpg: :
one waiter can ask another, Where’s the cucumber salad sittingand receive the reply, He’s sitting by the window
النادل يسأل زميله وين سلطة الخيار جالسه , ويردّ عليه الثاني : جالسه عند النافذة :eek:( حولتها إلى مؤنث علشان تركب في اللغة العربية :(269): ) المهم , هنا النادل مايقصد سلطة الخيار نفسها بل يقصد الشخص اللي طلب سلطة الخيار والنادل الثاني فهمه وجاوبه على هالأساس ..
تخيّلوا بسّ سلطة كاشخة ورايحه مطعم وطالبه أكل بعد :Looking_anim: ..
- الفكره هنا إنّا نقدر نستخدم أسماء الأشياء للدلاله على الأشخاص والعكس , نستخدم أسماء الأشخاص للدلاله على الأشياء ..
- هي معناها الإستنتاج , يعني النادل الثاني أستنتج إن النادل الأوّل يقصد الشخص اللي طلب السلطه مو السلطه نفسها ..

Second, Concrete and abstract referents : مادّي ومجرّد ..
- من الآخر الكونكريت هي الأشياء المادية اللي نقدر نشوفها ونلمسها , مثل : الباب , السيارة ..
بينما الآبستراكت هي الأشياء المجرّده مانقدر نشوفها مالها وجود مادّي , مثل : الفكرة و المعرفة ..

- الكلمات تكون بمعناها الحرفّي literal meaning عندما تأتي في الكونكريت تكست , وتأتي بمعناها
المجازي figuratve meaning عندما تأتي في الأبستراكت كونتكست , كيف يعني :(107): ؟! شوفوا
هالمثالين وتوضح السالفة :(204): :
مثل لما أقول : مفتاح السيارة ( هنا كلمة مفتاح جات بمعناها الحرفي المفتاح الحقيقي , لأني أقصد مفتاح السيارة والسيارة شي مادي أقدر أشوفها ) ..
لكن لما أقول : مفتاح النجاح ( هنا كلمة مفتاح جات بمعناها المجازي مو المادي , لأنّ النجاح يعتبر شي مجرّد ما أقدر أشوف النجاح ) ..
- إذًا أقدر أحكم إن الكلمة جات بمعناها الحرفي أو المجازي من خلال الكونتكست اللي جات فيه ..
- نوقّف هنا , المحاضرة فيها تفاصيل زحمه على خفيف ,ومشغوله شويآت الآن ..
نكمّل لاحقًا بإذن الله ..
أي تصحيح أو توضيح أو تعليق لايردّكم إلا الكيبورد ..

رد: (( مجلس مذاكرة علم المعاني والبراغماتيك )) ..
 

# تابع م6 :
- قلنا إنّ الريفيرنت تختلف عن بعضها البعض من 3 نواحي , وتكلّمنا عن
2 منهم اللي هم :
First, Unique and non-unique referents
Second, Concrete and abstract referents
وباقي الأخيرة اللي رح نسولف عنها الآن :16.jpg: ..
Third, Countable and non-countable referents : المعدود وغير المعدود ..
- الـ noun phrase أما يكون معدود أو غير معدود ..
- وكلًا من المعدود وغير المعدود ممكن يكون مجرّد أو مادي ..

- المعدود ينقسم إلى قسمين : معدود مادّي و معدود مجرّد ..
- المعدود المادي : تعود للأشياء اللي تكون منفصله عن بعض + نقدر نعدّها , مثل : فرشاة الأسنان ..
- المعدود المجرّد : من أسمها تعود للأشياء المجرّده مثل : الفكرة ..

- غير المعدود ينقسم إلى قسمين أساسيين : غير معدود مادّي و غير معدود مجرّد ..
- الغير معدود المادّي ينقسم بدوره إلى 3 أقسام :
1\ الأشياء اللي تكون سائلة , مثل : الحبر , الطين ..
2\ الأشياء اللي تكون مكوّنه من عدد كبير من الجسيمات ومانقدر نعدّها , مثل : الرز والرمل ..
3\ بعض الأسماء مثل : الأثاث والمجوهرات - اللي أجزاءها يكون لها أسم آخر - كيف يعني ؟!
مثلًا الأثاث من أجزاءه الكرسي والطاولة ونفس الشي بالنسبه للمجوهرات من أجزاءها الخواتم والأساور .. هنا ( الأثاث + المجوهرات ) غير معدودين , لأن أجزاءها لها أسماء مختلفة ..
- الغير معدود المجرّد : مثل الجمال والنصيحة ..

- بعدها جلس يتكلّم عن المعدود و غير المعدود بشكل عام ..
- يعني مثلًا لمّا أتكلّم عن الدجاج كحيوان ( أجلّكم الله ) نعتبرها معدود , لكن لما أتكلّم عن الدجاج كطعام يكون غير معدود !!

- آخر شي يقول :
- الاسماء اللي تسمّي مجموعات ( كولّكشن ) تعتبر غير معدوده , مثل ماذكرنا : الأثاث والمجوهرات ..
- العناصر اللي تكون في هذي المجموعات تكون معدودة , مثلًا : أحنا قلنا إن الأثاث مجموعة وهو غير معدود , لكنّ الكرسي ( أحد عناصر الأثاث ) معدود ..
- الأسماء اللي متطابقة ومرتبطة ببعض تكون معدودة , مثلًا : المطر rain غير معدود لكنّ قطرات المطر rain drops تكون معدودة ..
- النقطة الأخيرة يقول إن بعض الأسماء دائمًا تجي plural جمع , مثل : الجينز ..

بكذا تخلص حفلتنا لليوم :16.jpg: ..
- جزئية المعدود وغير المعدود الأسهل لكم إنّكم تكتبونها في ورقة خارجية على شكل خريطة ذهنّية بكذا
رح تسهل السالفة عليكم بقوّة وترتّب أفكاركم ..
هذي المحاضرة أحسها تعتمد على الحفظ بشكل كبير ..
- إذا فيه أي تصحيح أو تعليق مايردّكم إلا الكيبورد ..