|
رد: عطونا رايكم بالمواد
أشكركم على الدعوات الطيبه وبخصوص الاستفسار
النحو الصرف الي هوsyntax and morphology ومادة الدكتور يحيى translating text type وبالتوفيق |
رد: عطونا رايكم بالمواد
يارب تسهلها .... عزالله ردودكم خوفتني ...
|
رد: عطونا رايكم بالمواد
مواد مستوى سادس تحتاج متابعة ودراية للي يريد النجاح بإريحية
ترجمة الأنماط النصية : ليست بالصعبة بل مادة جميلة ولكنها تحتاج متابعة دقيقة علم المعاني والبراغماتيك : تحتاج مذاكرة لأنه فيها مصطلحات جديدة ومتابعة المادة مطلوب جداً جداً النحو والصرف : مادة متعبة وبصراحة د.محمد فتحي ماقدر يوصل المعلومة بشرح وافي لازم تعتمد على نفسك اللغويات الطبيقة : = = = = = = = د. عبدالعزيز التركي ============================= الرواية الحديثة : مادة لطيفة ولكنها تحتاج جهد وحفظ تاريخ الخليج العربي : كما هو التاريخ مادة ممتعة ولكن ايضا تحتاج متابعة الشعر الإنجليزي في عصر الروم : مادة جميلة ولطيفة ودكتورها باين عليه الطيبة :) نظرية المعرفة : مادة متشعبة متعبة تحتاج جهد ولكن جزا الله الدكور القطاونة خير سهلها علينا في الأختبار هذا من وجهة نظري المتواضعة والله يوفق الجميع |
رد: عطونا رايكم بالمواد
جزاااكم الله كل خير ماقصرتوا
الله يرزقنا وياكم بدرجات الي تسعدنا وتسعدكم ويسهل عليكم باقي المستويات |
رد: عطونا رايكم بالمواد
الله يسهلها ويوفق الجميع يارب
|
رد: عطونا رايكم بالمواد
مشكورة أسيرة على طرحك لهالموضوع
ومشكورين اخواننا وخواتنا الاعزاء على طرح آرائكم الله يوفقكم وتعدون كل المواد بامتياز يارب هانت كلها سنه وتفتكون باذن الله الله يسدد خطاكم أما الدكتور اللي يجيب من بين الاسطر :verycute: هذا حق حفظ ماني اخذه مادته ماني فاضيه له مختي تعبانه :mh318: اكيد كل مستوى أصعب من اللي قبله لانه تعمق باللغة أكثر وأكثر اللهم لاسهل إلا ماجعلته سهلآ موفقين جميعا يارب :106: |
رد: عطونا رايكم بالمواد
-
موضوع جَميل .. وسوف أدلي بدلوي :biggrin: صَراحة أصعب مادة كانت عندي هي نظرية المعرفة .. صح ان الدكتور رايته بيضاء لكن حرام اللي صار فينا هههههه والله اني أجي ابغى أنام ومااقدر جسمي هلكااان ومخي صاحي أتذكر التعاريف وغصب عني اراجع مع نفسي الباقي كانت بسيطة بالنسبة لي وأعتقد لأني مااضغط نفسي وقت الاختبارات .. أبدأ مذاكرة تقريباً قبل الاختبارات بشهر .. تصفح بسيط عشان ما انصدم .. وقبل الاختبارات بأسبوعين أبدأ أذاكر .. ماهي دفارة والله نسبتي الثانوية 67 ههههههه لكن عندي هدف وهو إني أكمل ماجستير اذا شاء ربي وأحتاج معدل مرتفع .. عشاني اذاكر كويس .. ماقد قابلت أسئلة صعبة ومعدلي مرتفع الحمدلله :004: كل واحد يواجه نفسه و يصدق مع نفسه .. مشكلة بعض الطلاب يذاكرون ليلة الاختبار ويعتمدون على أسئلة فقط بعدين يزعلون ان الاختبار صعب أكيد صعب وانت ماذاكرت شي ! ذاكرت أسئلة فقط و "اما بها ولا بقطع رقابها" يا تصيب ويجيب مثلها او تخيب ويروح فيها !! احنا بنتخرج حاملي بكالوريوس شهادة ماهي بسيطة .. ولازم نتعب فيها مو معقولة تتوقعون كل دكتور يسهل لنا ويزحلقنا :Looking_anim: واذا دكتور جاب أسئلة جديدة زعلتوا ودعيتوا عليه وهو أصلاً ما طلع برا المنهج ! :icon9: لاحد يقول لي ما تعرفين ظروف الناس .. لك ثلاث شهور من يوم يبدأ السمستر مستحيل ما تقدرون تسرقون لكم فرص وتذاكرون فيها .. اجلسوا مع نفسكم وتصارحوا لأن بكل بساطة: من زرع حصد المواد قسم بالله بسيطة بالنسبة لدراسة أكاديمية - أستثني نظرية المعرفة لأنها ما تنحفظ ولا تنفهم والله يهب لها قنبلة - لكن كل واحد يشوف مواده من بدري ويشوف وش الصعب بالنسبة له ويبدا يذاكره من بدري عشان يرتاح من الهم .. أفضل من انك تقعد لين ليلة الاختبار بعدين تحوس ما تدري من وين تبدأ ووش تسوي :bawling: واللي بيرد علي أو بيناقشني ياليت ما ينسى انه شخص بالغ عاقل عليه حسيب ورقيب ياليت يرد رد يليق بالملائكة فوق أكتافه ويليق فيه كطالب جامعي متعلم لأني مابي أتهَاوش :biggrin::004: بالتوفيق للجميع :106: |
رد: عطونا رايكم بالمواد
طيب انا عندي اقتراح
نؤجل مادة نظرية المعرفة للسابع حيث يكون قبلها يومين وناخذ مكانها النظام الاجتماعي بالاسلام لان مبين اسهل من نظرية المعرفة ايش ارآئكم يا اصحاب الخبرة |
رد: عطونا رايكم بالمواد
وترجمة الانماط النصية كيف مستوى صعوبتها ؟
|
رد: عطونا رايكم بالمواد
اقتباس:
اقتراح ممتاز اخذت الترم هذا النظام الاجتماعي وكان سهل . يتكلم عن المجتمع والزواج والطلاق والخطبه وغيره اغلبها مواضيع عامه مرت علينا , وكان الاختبار سهل بعكس نظرية المعرفه اللي لا تفهم ولا تحفظ .. فكويس يكون قبلها يومين.. بالتوفيق |
| All times are GMT +3. الوقت الآن حسب توقيت السعودية: 07:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام