|
استكمالا لما بدأناه في مشكلة حليمه
بداية استغرب اقفال المواضيع هنا وفي باقي الاقسام دون تحديد سبب معين
اذا كان السبب تنظيم المواضيع فبداية الترم بقي عليه اكثر من اسبوعين وتمنيت اغلاق المواضيع التي تخص المواد وترك المواضيع العامه عموما نستكمل هنا واتمنى مايتم اغلاقه الا بسبب اتمنى اللي عنده اي ملاحظه على شرح حليمه يكتبها هنا مع رقم المحاضره حتى يسهل الرجوع لها مثلا سالفة البعير وانه قال ماراح اكتبها بالاختبار في أحد قال انه يقول اسئلتي صعب احد يحلها وعدم اهتمامه بالاسئله في اللقاء المباشر ياليت اللي عارف متى صار هالكلام يكتب رقم المحاضرات وأي ملاحظه على شرحه ياليت تكون برقم المحاضره ان امكن ونفس الكلام لمستوى سابع لأن قضيتنا واحده ماراح نفصلها لاهنتم جميعا وبكره بحول الله بقولكم اللي بيصير دمتم بحفظ الله ورعايته |
رد: استكمالا لما بدأناه في مشكلة حليمه
جزاك الله خير اخ شرواك على جهودك ،، والله يفرحكم بعافية الوالده يارب ،،،
ارجو من الجميع التفاعل ،، والله لايخيب لنا رجاء يارب ،، |
رد: استكمالا لما بدأناه في مشكلة حليمه
في نهاية المحاضرة 13 ذكر بيت :
وأحبها وتحبني *** ويحب ناقتها بعيري بعدها قال بالحرف الواحد : لاتفهموني غلط هذه لن تأتيكم في الأختبار وأكد علينا ان هذه حطيتها لكم عشان تختبرون انفسكم وماراح تجي .. عشان كذا ماحلها معانا |
رد: استكمالا لما بدأناه في مشكلة حليمه
بارك الله فيك اخي الكريم وشكر الله سعيك.
|
رد: استكمالا لما بدأناه في مشكلة حليمه
اقتباس:
الف الف شكر لك لوسي هذي الاشياء اللي تهمنا بقضيتنا اعجز عن شكرك يابنت الرجال |
رد: استكمالا لما بدأناه في مشكلة حليمه
رفعت فيها شكوى بعد الإختبار مباشرة و وضحت ان الدكتور يكتب الأسئلة من محتوى إضافي لم يرفق لنا في النظام و أصبح فجوة بين اللي نذاكره و اللي احتواه الإختبار و الإختبار إحتوى على أسئلة العلماء النظرية اللي مالها جواب في الملزمة و لا فيها مجال للتفكير و التحليل و مشكلة الأسئلة المكررة أخاف كان يقصد يغير رأس السؤال و ما غيره |
رد: استكمالا لما بدأناه في مشكلة حليمه
اقتباس:
هذي غير شكوى الايقونه لانها خاصه بالاختبار والشكوى جاهزه لكن مابرسلها الا وقت الدوام حتى ما ينساها الفريدان وبكره بنزلها هنا الظهر اعجز عن شكرك ربي يسعدك اتمنى من اللي عنده اثباتات على المحاضرات المباشره اللي يتهرب من الاسئله يقول رقم المحاضره وللشباب والا للبنات على اساس اضيفها بكره |
رد: استكمالا لما بدأناه في مشكلة حليمه
وش الفايدة اذا ما ارسلتها الا مع بداية الدوام
بعد ما تعلن النتائج وش نستفيد ياللي مختبرين هالمادة |
رد: استكمالا لما بدأناه في مشكلة حليمه
اقتباس:
:16.jpg::16.jpg::16.jpg::16.jpg::16.jpg::16.jpg: |
رد: استكمالا لما بدأناه في مشكلة حليمه
اما دكتور اسمه حليمه هههههههه قلت الاسامي اسفين ع التطفل < اطلع برا |
رد: استكمالا لما بدأناه في مشكلة حليمه
بارك الله فيكم جميعا...
|
رد: استكمالا لما بدأناه في مشكلة حليمه
بسم الله الرحمن الرحيم
سعادة الدكتور عبدالله الفريدان عميد عمادة التعلم الإلكتروني والتعليم عن بعد حفظه الله السلام عليكم ورحمة الله وبركاته إشارة إلى رد سعادتكم على شكوانا بخصوص الدكتور/أحمد حليمه والمقدمة من المستوى الخامس والسابع نشكر لكم تجاوبكم وردكم على الشكوى وهذا تعودناه من سعادتكم ولكن أردنا توضيح بعض النقاط لسعادتكم وكلنا ثقة برحابة صدركم وأنكم ستنظرون لها من منظار العدل ورد الظلم أما بخصوص الشكوى بأيقونة الجامعة فهي موجهه للاختبار فقط وأما بخصوص الشكوى الموجهة لكم شخصيا فهي تخص الدكتور اولآ والاختبار ثانيا وسنتطرق لما نقصده بالتحديد في نهاية المحاضرة الثالثة عشر من نظرية الترجمة المستوى الخامس أورد الدكتور بيت شعر يقول: أحبها وتحبني ..ويحب ناقتها بعيري وقال نصا في المحاضرة: لاتفهموني غلط هذه لن تأتيكم في الاختبار وأكد علينا أن هذه حطيتها لكم عشان تختبرون أنفسكم وماراح تجي .. ولهذا السبب تجاهل التمرين ولم يقم بحله لنا لنتفاجأ أنها احد الأسئلة بالاختبار ونتمنى من سعادتكم الاستماع للمحاضرات المباشرة من باب الأنصاف والعدل لنا وله وكيف كان يتهرب من أسئلة الطالبات والطلاب اضافة الى طريقة شرحه التي لا تتناسب معنا نهائيا دكتورنا الفاضل نحن اخترنا لتعليمنا صرح كبير وشامخ جامعة الملك فيصل وفيها من الكفاءات من يقوم مقام الدكتور /أحمد حليمه فنتوجه إلى الله ثم إليكم بأنصافنا وإغلاق باب الشكاوي ضده فهدفنا أن نتعلم من ممن نجد في شرحهم إيصال المعلومة وجامعتنا الغالية تزخر بهم ولا تقتصر على الدكتور/احمد حليمه أخيرا لم نصر على هذه الشكوى إلا حرصا على تعليمنا وتحصيلنا ولا ننتظر أن نجد أنفسنا أمام نفس المشكلة في عدم فهم المواد بسبب شرحه . علما يادكتورنا ان هناك من نصحنا بالتوجه للأعلام ولكن كلنا ثقه ان جامعتنا ستحتوي مشكلتنا وتنصفنا فما زال في الوقت متسع لتدارك الأمر شاكرين ومقدرين لكم يادكتور رحابة صدركم دمتم بحفظ الله وتوفيقه طالبات وطلاب المستوى الخامس والسابع عنهم : وبسجل اسمي |
رد: استكمالا لما بدأناه في مشكلة حليمه
سيتم ارسالها الان
ودعواتكم تكون باب خير لنا ولجميع الطلبه اللاحقين |
رد: استكمالا لما بدأناه في مشكلة حليمه
اللهم يسر لنا امرنا
شكراً اخي شرواك ماقصرت ومطالبه معبرره ووافيه وشامله لما تقتضيه المصلحه العامه للطالبات والطلاب نسأل الله أن يوفقنا إلى الدرجات العليا ،،، |
رد: استكمالا لما بدأناه في مشكلة حليمه
اقتباس:
نتمنى ان نجد التجاوب وكلنا ثقه بذلك لا شكر على واجب اخوي الغالي الله يوفق الجميع |
رد: استكمالا لما بدأناه في مشكلة حليمه
بيض الله وجهك اخ شرواك ،، كفيت ووفيت ،، والله يجزاك عنا خير يارب ،،
والله ينفع بها ولا يخيب لنا رجاء ياكريم ،، |
رد: استكمالا لما بدأناه في مشكلة حليمه
بارك الله فيك أخوي شرواك لو عندي كان شي كان كتبته بس أنا ما أتابع المحاضرات المسجله و المباشره لذلك لا علم لي عمّا قاله كفيت و وفيت فيما قمت به و فيما كتبت |
رد: استكمالا لما بدأناه في مشكلة حليمه
تسلمون وهذا جهد وان شاء الله مايضيع
وكلنا يد واحده ولولا الله ثم وقوفكم معي ماصار شي ابد الشكر لك من ارسل وقدم شي وبانتظار رد الدكتور وان شاء الله انزله لكم بقصرنا الجديد مستوى 6 لان زملائنا مستعجلين واخذوا قصرهم ههههههه الله يوفقنا ويوفقهم وجميع الطالبات والطلاب |
رد: استكمالا لما بدأناه في مشكلة حليمه
اقتباس:
|
رد: استكمالا لما بدأناه في مشكلة حليمه
يارب يشيلونه من الجامعه ونرتاح ويعوضونا بدرجات احس اني برسب في مادته مع اني ذاكرتها ثلاث مرات واكثر ماده تعبت فيها حسبي الله عليه الظالم تخيلو كل الي سالناه بلمباشر واستفسرنا عليه جابه بلاختبار �� وليته كان متعاون ورد علي الاستفساراتنا
|
رد: استكمالا لما بدأناه في مشكلة حليمه
حسبنا الله وكفى كانت اسئلته عبارة عن تعجيز ومن زود التعقيد جايب فوكاب متقدم في صياغة الاسئلة علشان ماندري ولا نعرف السؤال ايش يعني وبعد الخيارات متشابهه
حسبي الله حسبي الله حسبي الله و هو نعم الوكيل |
رد: استكمالا لما بدأناه في مشكلة حليمه
اللي يغلق المواضيع حابه اقول له الله لا يوليك امر من امور المسلمين
|
رد: استكمالا لما بدأناه في مشكلة حليمه
جزاك الله خير ماقصرت أخوي انت وباقي الأعضاء المهتمين بالأمر قبل الاختبارات بشهر لقيت شكوى. المستوى الي راح من حليمة في الترجمة الأبداعيه كان جايب لهم 16سؤال خارجي وقدموا شكوا ياليت يقولون لنا هل عوضتهم الجامعة أو أي اجراءات اتخذتها الجامعة بالنسبة لهم لأن على كذا كل مستوى وحنا والدكتور في شكاوي
|
رد: استكمالا لما بدأناه في مشكلة حليمه
يا اخوان ...يبدو لي ان حليمه له سلطة و صعب احد يقوله شيء ولا احد يقدر يتكلم معه لا ادارة جامعه ولا عمادة الفريدان قادرة تضبط امره...و بدليل تماديه و تعاليه على الطلاب على مدى فترة عمله ....كفاية انه ضامن انه هو الصح بوضع أسئلة من خارج المحتوى وبكل اريحيه وعدم مبالاة بنتائج و جهد الطلاب
الشق اكبر من الرقعه :sm1: |
رد: استكمالا لما بدأناه في مشكلة حليمه
اقتباس:
وش نقول غير حسبي الله ونعم الوكيل ما أدري وش بيستفيد الدكتور اذا سوا كذا يزودون في راتبه مثلاً :007: إهداء مني ياحليمه دعاوي من الي يحبها قلبك :33_asmilies-com: |
رد: استكمالا لما بدأناه في مشكلة حليمه
جزاكم الله الله خير
الدكتور الله يهديه عقدني متأكده راح نحصل على انصاف تفاءلو بالخير تجدوه |
رد: استكمالا لما بدأناه في مشكلة حليمه
السلام عليكم والرحمه..
اتمنى إن الجامعة تنصفكم بصراحه شيء غريب إن في شخص إسمه دكتور يتعامل بهذه الطريقة وهذا الاسلوب. المفروض يذكر إن في حساب وإن الطلبة والطالبات مابيسكتوا عن حقهم. ولو فرضا لا قدر الله وما انصفتهم الجامعة. ربي بينصفهم , الله يسهل لكم وإن شاء الله تاخذوا حقكم كامل . |
رد: استكمالا لما بدأناه في مشكلة حليمه
بارك الله فيك اخي الكريم ونحن في انتظار الرد والله يكتب الي فيه الخير للجميع...
|
رد: استكمالا لما بدأناه في مشكلة حليمه
اقتباس:
هذا كلام خطير ولا اعتقد أنه صحيح حتى وإن كانت له سلطة فستكون نسبية ولن تتعدى محيط مكتبه الجامعة صرح وكيان لا يرتبط بأحد ولا يمكن أن يرتبط بقرارات فردية والدكتور مجرد فرد من مجموعة ولو كانت هنالك تجاوزات من طرفه فسيتم التعامل معها نظاميا وكلنا ثقة في المسؤولين بالجامعة بالتعامل مع ذلك. |
رد: استكمالا لما بدأناه في مشكلة حليمه
موفقين الله يبعده عننا ويكفينا شره هالدكتور
|
رد: استكمالا لما بدأناه في مشكلة حليمه
الحين وبعد ما طلعت النتايج ما أتوقع أبدا ينظرون للشكوى ،،،،،حسبي الله و نعم الوكيل توقعت غير كذا
|
رد: استكمالا لما بدأناه في مشكلة حليمه
وانا معكم حسبي الله عليه عسى ربي مايوفقه ويتدمر مثل مادمرنا وطيح معدلاتنا بالارض
|
رد: استكمالا لما بدأناه في مشكلة حليمه
لازم يروح لازم
|
رد: استكمالا لما بدأناه في مشكلة حليمه
هذي اللحين اي ماده الي تتكلمون عنها ؟؟
|
| All times are GMT +3. الوقت الآن حسب توقيت السعودية: 11:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه