|
بخصوص شكوى ضد الدكتور مهارات التحدث
السلام عليكم
أعضاء المنتدى اختبار المهارات كان صعب ويعتمد على الفهم وفيه أسئلة جابها من برا و لاكانت معنا في الشرح انا كثير لخبطت لإني كل مافكرت في السؤال بطريقة غيرت الإجابة وكثير صار عندي خطأ ودنا نشكي على الغموض الخاص بالأسئلة والأسئلة الخارجية لعل وعسى يعطونا بعض الدرجات وش رايكم |
رد: بخصوص شكوى ضد الدكتور مهارات التحدث
اقص يدي اذا هذا دكتور في اللغه ، ممكن سباك ممكن حاجه ثانية . مايعرف يصيغ الاسئلة بعض الاجابات تجيب المغص وبعض الاجابات كلها خطأ
|
رد: بخصوص شكوى ضد الدكتور مهارات التحدث
والله اشوف ان كل شي واضح وصريح ومافي اي غموووض ابدا وماقصر اسئله قصيره ومباشره
|
رد: بخصوص شكوى ضد الدكتور مهارات التحدث
فيه سؤال 10 نموذج د هو احس خياراته مو من الاجابه لكن كل شي تمام
|
رد: بخصوص شكوى ضد الدكتور مهارات التحدث
بالعكس اسئلته رائعه
ماذاكرت زين ومع ذالك حليت صحيح في اغلاط بس مفهومه الاسئله والاجوبه واضحه !! اذا ماعرفنا نحل اسئلة اليوم عيب علينا تخصصنا انقلش ومستوى 5 !!! |
رد: بخصوص شكوى ضد الدكتور مهارات التحدث
اختبار قمة الروعه الله يجزاه خير الدكتور
|
رد: بخصوص شكوى ضد الدكتور مهارات التحدث
احس ماله داعي الشكوى الاسئلة بالنسبه لي كانت واضحه ومباشره رغم تقصيري في المذاكره واشياء ماجيتها بس حليتها بفهمي :g2:
|
رد: بخصوص شكوى ضد الدكتور مهارات التحدث
ماشاء الله عليكم طيب ايش حل السؤال اللي يقولكtow is company three is crowd
|
رد: بخصوص شكوى ضد الدكتور مهارات التحدث
مادة مهارات التحدث تعتمد على الفهم مو الحفظ يعني شي طبيعي إنه يجيب كم سؤال من خارج المحتوى عشان يبين لو فهمنا القاعدة وعرفنا نطبقها إذا اشتكينا على الدكاتره لأتفه الأسباب .. الجامعة عمرها ما راح تاخذنا على محمل الجد .. وراح يحسون إن احنا مجرد نشتكي عشان نحصل على درجات .. |
رد: بخصوص شكوى ضد الدكتور مهارات التحدث
للامانه الاسئله واضحه والله ولله الحمد
بس في سؤال مافهمته حق long ممكن قاله بالمحاضرات لاني قصرت بالمذاكره |
رد: بخصوص شكوى ضد الدكتور مهارات التحدث
اقتباس:
|
رد: بخصوص شكوى ضد الدكتور مهارات التحدث
الي بنص فهم بينجح ويجيب ٨٠ من ١٠٠
اسئله حلووووه |
رد: بخصوص شكوى ضد الدكتور مهارات التحدث
اقتباس:
يعني ما يبونه معهم يقولون هالجمله اثنان رفقه وثلاثة زحمه زي كذا |
رد: بخصوص شكوى ضد الدكتور مهارات التحدث
اقتباس:
لما نقول سهل ومباشر وحلينا او من هالقبيل مو معناته انه حلينا كل شي وماخذين الفل مارك , ردنا ع انه مايستدعي الشكوى فقط لاغير :love080: كلامك كأنه فيه تحدي او تكذيب !! |
رد: بخصوص شكوى ضد الدكتور مهارات التحدث
صراحه انا مافتحت الملخصات ولا المحاضرات تابعت المنتدى اليوم الصبح على الطاير بس
:mh12: واشوف الاسئلة كانت واضحه رغم اني ماجاوبت الا تقريبا 33 او 34 سوؤال بس :D ومااقدر اشتكي لاني اصلا مقصرة في المذاكره ولا فتحته |
رد: بخصوص شكوى ضد الدكتور مهارات التحدث
طيب اللي يقول سهله يحلها لنا فيه صور للاساله بموضوع ثاني
|
رد: بخصوص شكوى ضد الدكتور مهارات التحدث
الاختبار حلو مع اني ماذاكرت عدل بس اشوفها لطيفه
|
رد: بخصوص شكوى ضد الدكتور مهارات التحدث
أسعدالله مساكم بكل خير وحبت اشكر الدكتور علي هذي الأسئلة الرائعة
|
رد: بخصوص شكوى ضد الدكتور مهارات التحدث
لا معليش الي يقول الاسئلة رائعه ما جاب اختصارات ما جاب تعاريف واحناا انهلكنا حفظ و قواعد كثيرة او بالاصح كل القواعد ما جابها ركزلي على امريكا و ما اامريكا حسبي تعبنا على الفاضي يعني الملخص اوضح من اسئلته
|
رد: بخصوص شكوى ضد الدكتور مهارات التحدث
اقتباس:
تخصصنا English وهذه المعلومات تهمنا في المقام الأول كعلم بغض النظر عن الاختبار |
رد: بخصوص شكوى ضد الدكتور مهارات التحدث
يعني البعض يهمه يحل حق النجاح و خلاص كذا الدكتور تمام و السئله واضحة ههه المادة كانت رائعة وجميلة لكن اسئلته دمار
|
رد: بخصوص شكوى ضد الدكتور مهارات التحدث
تهمنا اوكية لكن هذي درجات و اتوقع مو وقتها يتفلسف علينا من برا او انه نفهم شئ جديد وقت الاختبار لانه الي بالملخص يكفي و زياادة
|
رد: بخصوص شكوى ضد الدكتور مهارات التحدث
انتم ياللي تشتكون
اسالكم بالله ذاكرتم؟ انا ماذاكرتd لكن اشهدلهذا الدكتور انه رائع ومن افضل الدكاتره واللي يبي يستفيد يرجع ويحمل المحاضرات ويحتفظ بها : |
رد: بخصوص شكوى ضد الدكتور مهارات التحدث
ك اختبار ماراح نقدر نشتكي الا لما يكون فيه شي 100% من برا
حددو الاسئله ومابنقصر بس بشكل عام الدكتور لا يستحق ان يكون معلم مع احترامي نطق سيء توصيل سيء للمعلومه نفس حق الصوتيات |
رد: بخصوص شكوى ضد الدكتور مهارات التحدث
اقتباس:
ـآممممممممممممممممم. كلـآمك كلمـ‘ة كلمـ‘ة ,,حـ‘رف حـ‘رف . يمثلنـــ‘ي...:sm12: ـآحسـآسي يـ‘قول ـأنتي مـ‘خ. يـ‘عني مصـ‘طفى بس ع شكل مـ‘ؤنت :) بمـ‘عنى كلـآمك جدـآ صحيح..وعقـلـآني بشــ‘كل كبـ‘ير....:(204): تحيـ‘ـآتي لك.. دمتي بــ‘ـ‘ود:icon1::106::rose:.. |
رد: بخصوص شكوى ضد الدكتور مهارات التحدث
اقتباس:
منججد :(204)::(204)::(204)::(204)::(204): انا صح قصرت بالمذاكره بس احسه جا حلو الاختبار :16.jpg::love080: |
رد: بخصوص شكوى ضد الدكتور مهارات التحدث
الاسئلة واضحة وسهلة وماله داعي الشكوى.
تحياتي للجميع... |
رد: بخصوص شكوى ضد الدكتور مهارات التحدث
اقتباس:
|
رد: بخصوص شكوى ضد الدكتور مهارات التحدث
الاعتراف بالحق فضيله والحقيقه يا شباب الجامعه من اسمها جامعه
تجمع كل العلوم وترا يكون في علمي وعلمكم الماده المعينه ماهي الا رؤس اقلام وعلى الطالب ان يبحث ويجتهد في الحصول على المعلومه ومن حق الدكتور يجبلك اسئله من تحت الارض والمفروض اني انا وانت وهيه مسنترين عند مكتبة جرير نبحث ونلخص ونجتهد حتى نستعد لاي سؤال من اي مكان الان وضعنا زي طلاب الثانويه كتاب مية ورقه محنا قادرين نقراه وربي سخر لنا ناس اعطونا من جهدهم ووقتهم ولخصو لنا الملخص نفسه وترجمو لنا الي ما يترجم ولونو احمر وخضر يبون العالم تنفتح نفسها ولكن النفوس مقفوله لحد يفكر من كلامي اني مقطع المذاكره لكن نجحت فضل من الله رسبت تقصيرا مني تبغون تشتكون دكتور اخذ بكلريوس ومجستير وحضر دكتوراه اقل شي ثمان سنوات كلها على بعضها خذوها بالتي احسن زي فواز الزهراني كلم الدكتور بادب وكلام طيب زي وجهه الطيب حصل منه شي جزاه الله خير ما حصل شي منه سوا الي عليه ...... اما اشتكي الدكتور انزلو الناس منازلهم يتخيل الواحد نفسه دكتور ولا حتى معلم ويجيله خبر ان طلابه رافعين عليه شكوى لانهم ما ذاكرو هههههههههاكيد بينتقم من الي بعدهم بيقول خير ان شاء الله انا اوريهم الاسئله كيف تكون ترا الي فاهم الماده ومتخصص فيها وشاربها يشوف كل سؤال فيها سهل انا اذاكر لاولادي في البيت انقليزي وكل ما اقلهم ايش تصريف الفعل الفلاني يطالعو في بعض شايفينه سؤال خطير حبايب قلبي انتم مو همه هههههه يالله كلكم شكلي طولت السالفه |
رد: بخصوص شكوى ضد الدكتور مهارات التحدث
اقتباس:
|
رد: بخصوص شكوى ضد الدكتور مهارات التحدث
السلام عليكم ورحمة الله وبركاته ...
المادة سلة جدا والاسئلة مباشرة مع وجود اخطاء واسئلة من خارج المنهج تقيمي للاختبار متوسط مائل لصعوبة ونحن نبحث عن الدرجات العالية تمنيت من ادارة الجامعة اخذ في الاعتبار اننا غير متفرغين ابدا ونحن نبحث عن الاستفادة والشهادة لذلك لو كانت الاسئلة مجملة من المحتوى مع اخذ البسيط منها لتسهيل على الطلاب لكن الافضل والفائدة الكبرى نسأل الله لي ولكم النجاح والتوفيق وننجح كلنا يارب |
رد: بخصوص شكوى ضد الدكتور مهارات التحدث
الله لايوفقه حسبي الله علييه وش هالاسىله وقسم بالله اني اهلكت نفسي بالمذاكره مافيه فوكاب الا وحفظته كل شي ماخليت شي وحتى الريددكشن وككككككككككل شي !!!! ولا جاب شي !!
جايب لي ing ed est وين حنا ب الثانوي !!! ولا تركيب لغوي !!! اسمها مهارة التحدث !! يعني كيف نتحاور ونتحدث وكيف نتعلم مهارات التحدث ... حسبي الله عليه وبس رجاءءا لاحد يناقشني هذا راييي ... |
رد: بخصوص شكوى ضد الدكتور مهارات التحدث
من جدكم انتم تتكلمون ولا تمزحون الاختبار كان سهل جدا الحمد الله ودكتور ابدا ماخرج من المنهج
اتقصير منا مو من الدكتور الاختبار هذا تافه جدا اصلا من بداية الاختبارات وانا اشوف اختبارات سهلة جدا ولعب ورعان مقارنة باللي يدرسون انتظام احمدوا ربكم واتركوا عنكم الاعتراض والكلام الفاضي ... والله انكم في نعمة لا يعلم عنها الا الله |
رد: بخصوص شكوى ضد الدكتور مهارات التحدث
اقتباس:
|
رد: بخصوص شكوى ضد الدكتور مهارات التحدث
للامانه اسئلة تجيب المغص وبنسبه لي رفعت شكوئ انا ملتزم بمنهج وكتاب من عند الدكتور ويفترض كان وضح لانا صيغة الاختبار انها من خارج المنهج.لجل ما نضيع وقت وجهد ونخسر مال بشراء الكتب والملزم .وانا واثق ان الاسئلة نظرياُ سهلة وفي الاصح راجع انت يلي تقول سهلة وشوف الاخطاء اسئلة ما تعتمد على مهارات التعلم ورفعت شكوتي وواثق من كلامي والمفروض يحس انا انتساب عمل وبيت ومراجعات حسبي الله ونعم الوكيل
|
رد: بخصوص شكوى ضد الدكتور مهارات التحدث
اسئلتها دقق فيها تذكرنا بالانشاء والتعبير.انشاء بعدي المادة بس حرام درجات تنقص من غير وجه حق ولا تنسون ان الماد 3ساعات
|
رد: بخصوص شكوى ضد الدكتور مهارات التحدث
اقتباس:
اوكي انا معك الاختبارات سهله لكن للي ذاكر واجتهد لكن قولك ان الانتظام أصعب منا إذا عندك اثبات اطرحه هنا أما ترمي كلام كذا ماحد يقبله منك انت جالس تنتقص من جهد الطلاب وكأنهم يلعبون مو يدرسون الفرق بيننا وبين الانتظام ان طالب الانتساب يدفع ليتعلم. وطالب الانتظام ياخذ ويتعلم. |
رد: بخصوص شكوى ضد الدكتور مهارات التحدث
من رايي ان الاسئلة كانت رائعه تتراوح بين السهل جدا والمتوسط
لكن مافيها صعوبه أبداً وفعلا شي طبيعي الاسئله تعتمد ع الفهم مو الحفظ هي الماده كذا، لو انه دكتور عمار المعاني اللي مازال يدرس هالماده بتعرفون ان هذي الاسئله ولا شي عند اسئلته يعني الدكتور ماقصر صراحه وقبل ما نتكلم عن اسئلة الدكتور نشوف هل هي متناسبه مع الماده والمستوى والا لا والاسئله كانت تناسب مادة مهارات التحدث وتناسب المستوى الخامس . |
رد: بخصوص شكوى ضد الدكتور مهارات التحدث
والله انا معك اسئلة فيها شوي غموض بس مان ذاكر منها شيء اذا ودك تشتكين ارسلي للدكتور الفريدان ترى يتقبل الشكوى بس لازم توضحين الاسئلة الي من خارج المنهج او تكتبينها له
لان احنا بمستوى سادس صار عندنا مشكلة بمادة اللغويات التطبيقية وارسلت له وتجاوب معي وقال ارسل لي بعض الاسئلة الي من خارج المنهج ..... |
رد: بخصوص شكوى ضد الدكتور مهارات التحدث
اقتباس:
أغلب مواد الإنقليش تحتاج فهم ماتحتاج تحفظين الملزمة من الجلدة للجلدة وتجين تقولين والله الإختبار صعب وجاب من برا المنهج ! زي مادة النحو افهمي القاعدة وطبقي عليها بأمثلة بعدين لو ماعرفتي ing ed وهالطقة شلون بتتحدثين وتتحاورين وتركبين جملة مفيدة على بعض :biggrin: أنا بمستوى رابع وجيت أشيك عليكم وانصدمت إنه مستوى خامس ولسى يحفظون ويجون يقولون: أسئلة برا المنهج ! الإنقليش يعتمد على القرامر إذا فُهمت بالشكل الصحيح بتمشون زي الفل وتجيبون معدلات كويسة :004: |
رد: بخصوص شكوى ضد الدكتور مهارات التحدث
طيب اشلون نشتكي يلله من جد ذاكرت وطع لي بعض اغموض
|
رد: بخصوص شكوى ضد الدكتور مهارات التحدث
اسئلتة واضحة ليش الشكوى
|
رد: بخصوص شكوى ضد الدكتور مهارات التحدث
ان شاء الله نعديها
|
رد: بخصوص شكوى ضد الدكتور مهارات التحدث
بالنسبة لي وانا ماذاكرت ولا عرفت اذاكر لاني ماعرف اذاكر هالنوعيه من المواد
اشوف الاسئلة سهله ووااااضحه ومباشرة رغم اني مريت عليها مرور الكرام بملخص 27ص وحفظت الريدكشن والـ فوكاب صحيح كان يقدر يسهلها اكثر ويكثر من الفوكات والريدكشن لاكن انا من وجهة نظري ان الاختبار م يستاهل اببببببببد اننا نقدم شكوى لانه هو فهم مب حفظظظ .~ وطالما انه فهم فهو قابل انه يجيب سؤال خارجي ~: ) |
| All times are GMT +3. الوقت الآن حسب توقيت السعودية: 11:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه