|
شهاده حضور الاختبارات !!!
السلام عليكم و رحمه الله و بركاته
لاحظت يوم ابي اطبع الشهاده تبع حضور الاختبارات انهم حاطين غائب عن 4 اختبارات !! و هذا غير صحيح !!! النظام يبغاله تحديث من عندهم ولا خلاص تثبتت المعلومات هذي الحين !!؟؟ اتمنى الجواب منكم اخواني و اخواتي ~ |
رد: شهاده حضور الاختبارات !!!
الافضل مراجعتهم وتشوف ايش صاير ,,,,
|
رد: شهاده حضور الاختبارات !!!
مراجعتهم ؟؟
يعني اروح للأحساء عشان اقول لهم الله يعطيكم العافيه تراني حضرت الاختبارات غلط اللي صاير ؟ مادري هل مر احد بهالموقف او لا |
رد: شهاده حضور الاختبارات !!!
كلم الدكتور الشعيبي على التويتر واستفسر منه
|
رد: شهاده حضور الاختبارات !!!
الشعيبي ماعرف الحساب تبعه ايش ياليت يتكرم احد و يكتبه
وودي ان اللي مكتوب مجرد استهبال بسيط من لوحه التحكم بعدين بيعدلون كل شيء بعدين :( |
رد: شهاده حضور الاختبارات !!!
UP
|
رد: شهاده حضور الاختبارات !!!
اخوي عبدالعزيز نفس المشكله عندي بس ماده واحده
يكون لقيت لنا حل . |
رد: شهاده حضور الاختبارات !!!
وعليكم السلام ورحمة الله وبركاته
انا تو شيكت بس كله كاتبين حاضر الافضل تتأكد من الجامعة ياتتصل عليهم او تراسلهم اقتباس:
|
رد: شهاده حضور الاختبارات !!!
المشكله و انا اخوك ي تغريد ان ماعندي تلفون ثابت على شان اتصل على الهاتف المجاني تبعهم
و اللي قاهرني أكثر وش ارسل لهم على صندوق البريد ؟ ارسل لهم رساله مع طابع بريدي مرسوم عليه طياره ماسكه قلم !؟ مو معقول و ربك و حاطين لهم ايميل يوم راسلتهم ساعتين و ردوا قالوا لا يمكن ان نرد على رسالتك فضلا ضع استفسارك هنا و يوم ضغطت على الرابط و حطيت سؤالي و لي يومين مافيه اي رد بس تدرين وش المشكله فعلا بالبدايه كان هناك 4 مواد مكتوب قدامها ( غائب ) يوم شيكت الحين لقيت 3 مواد غائب !!! مادري هو عد تنازلي ولا الكاميرا الخفيه ؟؟؟ |
رد: شهاده حضور الاختبارات !!!
هذي الوسائل المتاحة للاتصال بالجامعة ..
و اعتقد ان المشكلة بالتحديث فـ اصبر لين الاسبوع الجاي و شيّك |
رد: شهاده حضور الاختبارات !!!
انا معندي مشكله اصبر مو اسبوع أصبر اسبوعين
بس عملي و عمل الكثير مننا صارم شوي و يبغى هالاثبات بأسرع وقت و اكثر شيء اتخوف منه المسائله الرسميه من عملي الى الجامعه بطلب هالاثبات للحضور و اذا ما ارسلوا لهم شيء مغلوط زي اللي حاصل اتوقع مصيبه بتكون على راسي اقلها سجن ! <<< قطاع عسكري ! هذا اللي مخليني اتحمس مع الموضوع حبتين و اعطيه اكبر من حجمه لا اقل ولا اكثر :) |
رد: شهاده حضور الاختبارات !!!
انا اشوف وحده تكلم الفريدان ع التويتر نفس المشكلة
وقال لها راح نشوف وش المشكله الله يستر والله ما شيكت ع حسابي |
رد: شهاده حضور الاختبارات !!!
المشكله اخوي ان البعض و الله ماعنده مشكله بالاثبات لان بالنهايه بيتاكدون من الموضوع بعد شهر و يصححونه و يطلعون النتائج و انتهت القصه
بس اللي عمله عسكري و الله و انا اخوك قلق × قلق وين الاثبات ؟ وين الاثبات ؟ يقلقونك و يسوون معك تحقيق و ماينفع تحلف انك حضرت لا جب الاثبات ! الله يستر و يعدي هالسالفه ع خير بس ~ |
رد: شهاده حضور الاختبارات !!!
طيب الله يوفقك ويسهل امرك
ممكن تقولون لي متى النتايج ماشوف خبرعنها مر اسبوعين خلاص مافيني والله تعبت نفسيا :007::bawling: |
رد: شهاده حضور الاختبارات !!!
و الله اللي اعرفه عن هالجامعه انها من دون انذار تحط النتائج بس قبل نهايه هالشهر راح نزل ان شاء الله
الله يعين بس و ان شاء الله تنحل مشكلتي |
رد: شهاده حضور الاختبارات !!!
عبدالعزيز وشلونك
انا عندي 3 مواد ( ظهور الرواية - انشاء وتعبير 1 - الانترنت والاتصالات ) مغيبيني وانا حاظر لا وحاظر بدري وطالع اول واحد هههههههه بس عندي شعور انهم مخبطين وبيعدلونها بس ابي حساب الشعيبي في تويتر عندي له سالفه ؟؟؟؟ |
رد: شهاده حضور الاختبارات !!!
أتوقع نفس مشكلة الخارطة الخراطه
|
رد: شهاده حضور الاختبارات !!!
انا نشبت للفريدان والشعيبي وارسلت لهم حدود 12 مرة ورد علي الشعيبي يقول اللي طالع له غيبا في اشعار حضور الاختبارات ينتظر وسيتم تصحيح الخطأ بأسرع وقت ولم يحدد وقت بعينه.
الشاهد نشبت لهم على الرقم المجاني ورد علي واحد يقول بتتعدل نهاية الاسبوع هذا واذا ما تعدلت دق علي وابشر ( واضح انه يصرفني ) بس انا يوم الجمعة بشغل موتري واروح لهم ، وياروح مابعدك روح ، يعني قيقيهيه هي ( على قولة واحد من الشباب قصمنجي ) الشاهد ابنشب لهم الاسبوع الجاي وانا كل يوم اتابع هالايقونه وبجيب لكم العلم والا اللي يجيه علم قبلي يبلغنا ترى ما حناب فاضين يغيبوننا ونجي ندربي روسنا ونعيد المواد ، صح اني متوقع اني جايب العيد فيها بس بشرف يعني بكيفي ، بس انهم يغيبوني معصي معصي معصي :017::017::017: |
| All times are GMT +3. الوقت الآن حسب توقيت السعودية: 09:40 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام