|
النحو التطبيقي2
السلام عليكم
انا أخذت هالمستوى النحو التطبيقي2 وابي اعرف في احد اخذ مثلي او وحدي. |
رد: النحو التطبيقي2
أنا بعد أخذته
|
رد: النحو التطبيقي2
طيب في أسئله في شي او ندرعم ع المستوى الثاني ونشوف وش عندهم |
رد: النحو التطبيقي2
|
رد: النحو التطبيقي2
انا كمان معك اخذتة بس الله يستر مادة الانشاء والتعبير تسد النفس عن اي شي ثاني
|
رد: النحو التطبيقي2
وانا معكم لقيت لكم ملخص مسويته ام فارس الله يجزاه خير مختصر وصغير
تلقوه بمستوى ثاني ودعواتكم |
رد: النحو التطبيقي2
بالتوفيق للجميع
انا نزلت الاسئله بالاعلى واتمنى ان تفي بالغرض |
رد: النحو التطبيقي2
الله يوفقكم ويعينكم
ان شالله سهله هذي الماده ياحلو دكتور جزا ومواده :) |
رد: النحو التطبيقي2
درعمو عندنا في المستوى الثاني :Looking_anim:
خليكم معنا في القسم و ان شاء الله راح افتح موضوع واجمع فيه كل حاجة تخص المادة من ملازم , و ملخصات , و اسئلة اختبارات سابقة وكويزات الخ الخ راح اطرح الموضوع الليلة ان شاء الله بس متأخر شوية لنا طريقتي اجمع ملخصات واختصارات من الطلاب الى ينزلونها في ردودهم او مواضيعهم مثل ما انتو عارفين ان الوحي ماينزل على الطلاب الا في ليلة الاختبار ومرات قبل الاختبار بكم ساعة :hahahahahah: ان شاء الله ماراح اتأخر كثير |
رد: النحو التطبيقي2
انا بعد منزلتها وللحين مابديت فيهاااااا :lllolll:
بس اللي يجمع لنا الاسئله الله يسعده وبندعي له :Cry111: |
رد: النحو التطبيقي2
الاسئله بالاعلى وانا مابديت الى الان الفله حلوووه لكن الله يزينها |
رد: النحو التطبيقي2
Someone here :)
|
رد: النحو التطبيقي2
ونا كل شوي طاب على مستوى ثاني هههههه ونا معاكم ( اكره اللغة العربيه ) |
رد: النحو التطبيقي2
:53:وانا كمان معكم
|
رد: النحو التطبيقي2
مشكووووور اللي حط الاسئله .... بس سؤاااال :(
اللحين نرس بس الاسئله ولا لازم بعد الشرح :mh12: لانه الطاااقه راحت بالانشاء :mad: |
رد: النحو التطبيقي2
أنا أخذته الترم اللي راح وشيدت حيلي واجتزت والحمد لله
لاتقلقون دكتور جزاء رائع يجيب اسئله متفاوتة يعني مؤ مثل بعض الناس يجيبون اسئله مدري من وين ركزو على الأسئلة اللي حلها بالمحاضرات وأسئلته المحتوى وتمارينه والاترام السابقة يمكن يغير لكم الاسماء والأفعال لكن هي نفسها ماراي يعقدها بس اذا فهمتوها بتعدونها دعواتي لكم ولي بالتوفيق. متى اختباركم ؟؟؟ |
رد: النحو التطبيقي2
غداً بإذن الله الله يجملها |
رد: النحو التطبيقي2
من رايي تكونوا مع بعض هنا بالمستوى الثاني مب هنا ب هالقسم
كل قسم له موااااده بيني وبينكم عاد وانا من امس ب المستوى الثاني عشان التذوق كنت عندهم احس اني غريب اشتقتلكم ي قسمي العزيز بالنسبه للاختبار النحو٢ اسهل بكثيييييييييير عن النحو ١ شدو حيلكم مواضيعه رهيبه الزبده يلا بس قدامي ع مستوى ٢ خلونا ي التعبير :) |
رد: النحو التطبيقي2
هذا مثل ماوعدتكم
جمعت كل الى اقدر عليه لهذي المادة وفتحت لها موضوع في القسم وهذا رابط الموضوع http://www.ckfu.org/vb/t538222.html بالتوفيق |
رد: النحو التطبيقي2
احنا ماطمعنا اننا نخلص من المستوى وانت تبي تردنا له
بالتوفيق للجميع |
رد: النحو التطبيقي2
السلام عليكم ورحمه الله وبركاته
هذا الرابط التالي انا منزله بالمستوى الثاني http://www.ckfu.org/vb/t537850.html بالتوفيق |
رد: النحو التطبيقي2
أنا بعد منزلتها
وترى الدكتور ذكر بالمحاضرة المباشرة الثالثة إن الملخص الموجود بالبلاكبورد هو الوحيد اللي معانا لأن في أشياء كثيرة حذفها والمحذوف شاله من الملخص اللي قال عنه فلا تلخبطون نفسكم وتذاكرون من برا هالملخص وبصراحة الله يجزاه خير، اللي حذفه هو الصعب والنحو يحتاج فهم أكثر من حفظ فنصيحة اللي مو فاهم شي بهالمادة يروح يتابع المحاضرات المسجلة ... لسه عندكم وقت ... لأن شرح الدكتور كافي ووافي وما شاء الله عليه يعرف يوصل المعلومة صح |
رد: النحو التطبيقي2
اقتباس:
طيب ي ريم تقدري تلخصي اللي طلبه الدكتور؟؟؟ |
رد: النحو التطبيقي2
وأنا معكم <<<<<:cool:
بس بغيت انبه ع ملخص ام فارس الاعداد ذكرتها باختصار شديد ولا عطتها حقها اشياء كثيره مهمه همشتها واخر محاظرتين ماتكلمت عنهم اما الباقي ماقصرت الله يجزاها عنا الف خير |
رد: النحو التطبيقي2
كل شوي ينقز واحد نفر ويقول معكم
اعطونا اللي عندكم من ملخصات او ملزمات او أسئله والله يحفظكم من كل عين حاسده |
رد: النحو التطبيقي2
هذا موضوعي في مستوى أول انطباعهم عن الامتحان واسئلة الدكتور <<:)
http://www.ckfu.org/vb/showthread.php?t=537753 |
رد: النحو التطبيقي2
اقتباس:
اللي موجود بالملخص اللي بالبلاكبورد واللي ذكرته هنا الأجزاء اللي كانت مو موجودة بملخص الأستاذ والله أعلم المحاضرة الأولى والثانية كلها معانا المحاضرة الثالثة حذف ما ينوب عن المفعول المطلق إلى آخر المحاضرة الثالثة المحاضرة الرابعة حذف الشرط الثالث والرابع والخامس من شروط نصب المفعول لأجله المحاضرة الخامسة حذف البهم والمختص وحذف جزء ظروف المكان لا ينصب منها إلا شيئان المحاضرة السادسة حذف من حروف العطف أم وبل ولا ولكن وحذف عطف البيان المحاضرة السابعة حذف جزء الأشياء التي ينعت بها ( الأربعة كلها) وحذف أغراض النعت إلى آخر المحاضرة المحاضرة الثامنة حذف قواعد التوكيد اللفظي والتنبيهات وتوكيد الضمير المتصل المحاضرة التاسعة حذف بدل التفصيل والبدل المباين المحاضرة العاشرة حذف قد تكون جامدة مؤولة بوصف مشتق ( الحالات الثلاث) وحذف قد تكون الحال جامدة غير مؤولة بوصف مشتق 7 حالات وحذف حذف العامل في الحال وحذف تعدد الحال المحاضرة الحادية عشرة تمييز النسبة معانا ولكن حذف أقسامه اللي ينقسم إليها المحاضرة الثانية عشرة حذف تعريف الأعداد وحذف العدد ثمانية المحاضرة الثالثة عشرة كلها معانا المحاضرة الرابعة عشرة كلها معانا ولكن ما نقدر نعتمد على كلامه ميه بالميه لأن نخاف يسوي فينا زي دكتور الأخلاق الإسلامية |
رد: النحو التطبيقي2
اقتباس:
شنو المحذوف >>تكفين قولي محاضرة المعاجم :007: |
رد: النحو التطبيقي2
اقتباس:
بس الدكتور الله يجزاه خير معروف انه طيب ويراعي ظروف طلاب الانتساب والأعوام السابقة كان يسألهم فقط عن مؤلف المعجم والمعجم يصنف من أي معاجم و البحث بالمعجم من أي حرف ( أول ، آخر ... ) وطبعاً تعريف المعجم والله أعلم |
رد: النحو التطبيقي2
النحو تطبيقي 2
حلووو حيل وسهل بعد حق سادس ابتدائي جيت اعطيكم دعم معنوي شدو حيلكم الله يووفقكم يارب |
رد: النحو التطبيقي2
اقتباس:
وين سادس الله يصلحك انا اكره اللغه جداً افضًل الكيماء عليها ان وجدت لكن الله يعين هم يحسبون اننا طلبة انتظام |
| All times are GMT +3. الوقت الآن حسب توقيت السعودية: 06:54 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام