أمنياتي لكم بوقت مثمر :16:

المشاركة الأصلية كتبت بواسطة زورق* (المشاركة 8426945) للأسف ماقدرت أدخل المحاضرة مدري عطل فني عندهم والا عندي ياليت يفيدونا البقية

للاسف فاتتني رغم اني حريص عليها :39:
بس اليوم انشغلت

كنت اتمنى اسمع الدكتور, يعني يعتبر درس استماع بيكون مرة مفيد

يالله حصل خير , اباخذ لفه في منتديات ثانية يمكن احصل احد حضرها واعلمكم وش المهم .

تكفون علمونا انا كنت تعبانه ولادخلت ,,:24:

هلا بالجميع .. :17:

مثل ما قالت فاطمة الدكتور كان يتكلم بسرعة طول المحاضرة المباشرة + أنا كان عندي ازعاج فما قدرت انتبه لكل شي قاله .. ><

فحرصت أسأله عن أهم الأشياء ميشان إذا نزلت المحاضرة في البلاك بورد أسمعها ثانية وأركز معه .. :21:


عموما اللي قدرت ألقطه من المحاضرة ....


** أولا بدأ الدكتور في مراجعة سريعة للمحاضرات اللي أخذناها وبين مكوناتها وأعطى بعض الأمثلة عليها ..


** بعدين تكلم عن الاختبار وقال أنه عبارة عن ثلاث أقسام ..

القسم الأول : للأسف ماركزت معه .. "لكن أعتقد أنه قطعة نسمعها ونجاوب على أسئلة عنها" ..


القسم الثاني : الاختصارات اللي تصير في الكلام الغير رسمي "reduction" ..

يعني مثلا يقول : "whatcha have here" وتكون عندنا خيارات

"what are you doing here"

"why do you have"

"what you have here" :15:

فنختار هنا الأخيرة ..


القسم الأخير : المفردات "vocabulary" .. يعني راح نسمع معنى الكلمة وراح نختارها من بين أربع كلمات ..



** بعدها بدؤوا البنات يسألونه عن التمارين .. وكيف نفرق بين آخر الكلمات عند التحدث بسرعة ..

فقال أنوو لازم نتدرب على الإستماع باستمرار ميشان نقدر نميز بين نبرة الصوت بين الكلمات المتشابهة ونفرق بينها ..


** طلبت منه أنوو يتكلم ببطء في الاختبار ميشان يسهل علينا .. وقال أنوو يعرف أنوو الاختبار مهم بالنسبة لنا .. وأنوو بإذن الله راح يكون سهل ..


** سألته إذا كان الاختبار راح يكون بالضبط نفس تمارين الكتاب .. فقال لا ماراح يكون بالضبط لكن راح يكون نفس الفكرة والطريقة ..

<< في المرة الجاية لازم نطالبه يجيب لنا نفس الكتاب .. وعسانا نفلح بعد .. :36:


** سألته عن وش ينصحنا نسمع بالإضافة إلى المحاضرات .. فقال أنوو المفروض نحرص نسمع من أكثر من مصدر وذكر منها الأفلام بحيث نختار أفلام متنوعة ومن أكثر من مجال ..


** سألته وحده عن عدد أسئلة الإختبار بس للأسف ماركزت على رده بالضبط .. بس حسيته مو متأكد من العدد ..


** سألته عن قنوات اليوتيوب الانجليزية إذا ممكن تفيدنا .. فقال أنها مصدر جيد للتعلم وتنمية مهارة الاستماع ..



<< تقريبا هذا اللي فهمته .. :17:

وبإذن الله إذا نزلت المحاضرة عالبلاك بورد راح تتضح الصورة أكثر .. ^^