|
رآيكم بالورش الخاصه بالموآد..
السلام عليكم ورحمه الله وبركاته
كيف الحال يا اخوان قسم المستوى الثالث غريب عن بقيه المستويات اول شي كل ماده لها ورشه وكل عضو مسوي ورشه انا مو ضد فكرة الورشه ابد بالعكس حلوه بس كذا يتشتت الطالب ويعطي تركيز ع الورشات ويهمل البلاك بورد ويهمله ممكن بسبب الورشه وفوق هذا كله يعني والله للآن من بدآ الترم ماطبعت الا كم ورقه ومراجعات وشفتها مطالعه لااكثر ولا اقل اتمنى بالمواضيع المثبته لكل ماده يخلونها حقيبه فيها الملخص المعتمد لكل ماده والمواد اللي تحتاج يكتبون اسمه او يرفعون له صوره لآن صراحه ماشوف عضو يوضح لنا اكثر ناس تقول مقررات تحتاج كتب ولاتعتمد ع الملخصات ..؟ |
رد: رآيكم بالورش الخاصه بالموآد..
ياناس ياعالم يا اخواني يااخواتي
الورش للفايده لكم نبيكم تجيبون درجات عاليه وترفعون روسنا :17: <<اووووووت لا يكثر كل ماده لها ورشه السبب انو ارتب يعني كل المقررات ننزلها بموضوع واحد تبين هنا بيجتمع التشتت والضياع من جد :5: انو ماشفتي المحاضرات ولا درستي وهذا بسبب التسويف اللي انتي معطيته وجه :27: وترمين هاللوم علينا انو احنا اللي نشتتك حرام عليك شسوينا حنا والله بريئين :35: المفروض تشوفين كل يوم محاضرتين مايجي الثلاثاء الا امورك تمام وخلصتيهم ربوع وخميس وجمعه كل يوم تذاكرين 3 محاضرات وانتهينا او طريقتي كل يوم محاضره او ثنتين مع مذاكرة محاضرتين ...... الورش لفايدتكم والهدف منها انو بعد ماتخلصين من المحاضره يمر يوم يومين تشوفين الورشه وتسترجعين معلوماتك لايصيبها قصف ..... من ناحيه ثانيه الملخصات كل مواد مستوى ثالث لها ملخصات وكل ورشه فيها الملخص الافضل ماعدا اثنين اللي قلنا الكتاب الاستماع والتركيب والله يوفقك ويسهل امورك يارب وترى باقي شهرين عالاختبار وانتي ماطبعتي شيء ياويلك روحي ذاكري هههاي <<تخوفها |
رد: رآيكم بالورش الخاصه بالموآد..
طيب وش فايدة الورشه اذا كانت مغلقه ممنوع من حتى السؤال او النقاش فيها
هالورشه اللي انتم مسوين كلها past and copy يعني مافيه شي جديد تروحون للملخصات او المحتوى وتنسخون وتحطونه في هالورشه خلاص نزلوا الملف المرفق وصل الله وبارك وحنا نذاكر منه على مزاجنا واللي تكون عنده اي اشكاليه او نقطه مو فاهمها يجي يناقش ويسال منها فاد واستفاد وثبتت المعلومه اما سالفة مواضيع محتكره ومغلقه الا لاناس معينه فمالها دااااااااااعي:19::19::19: |
رد: رآيكم بالورش الخاصه بالموآد..
اقتباس:
انا اطلعت على بعض الملخصات الموجوده هنا وكانت ترجمتها تقريبا من قوووووووووووقل يعني ياخذ الجمله كامله وراح لشيخ العارفين عمنا قووقل وسواله past واعطاه جمله مترجمه ترجمه حرفيه احيانا تكون بعيده عن المعنى المقصود ولجل كذا ما راح تستفيد منها شي لكن انا بنصحك نصيحه اخووووويه حاول تطابق المحتوووووى بنفس المحتوى حق المنهج وصدقني اذا ذاكرته وتعبت عليه انت وترجمته راح تستفيد بعدها ما راح تحتاج لا ملخص ولا بطيخ وراح تااااخذ درجه عاااليه باذن الله :21::23::21::17::17::14::14: |
رد: رآيكم بالورش الخاصه بالموآد..
معليش اخواني يمكن أنتم ما أستفدتوا منها وإذا انتم اثنين أو ثلاثة أو أربعة ما استفدتوا منها
احنا هنا كلنا مستفيدين منها ولله الحمد ,وبعد كل مانشيك ع محاضرات نجي ناخذ الرحيق والخلاصة من هنا وإذا فيها نسخ ولصق فما فيه أدنى مشكلة أكيد مانسخ ولصق إلا شي مميز ويستحق وأشوف الورش مرتبة وتغني عن البحث والحوسة وعسى فالكم التوفيق :16: |
رد: رآيكم بالورش الخاصه بالموآد..
ههههههاي الله يسعدكم بس
خلاص دامها مو حلوه بالنسبه لكم خلاص سوو لكم جدول ورتبوا اوضاعكم واوقاتكم واتركوا هالورش اللي غاثه قلوبكم وريحوا عمركم :17: وبعدين سالفة انو مغلقه لان بتكون للشرح فقط واذا قريتوا الورش وانتو مركزين بتحصلون انه رازين رابط المناقشات وحاطين الملخص ويانشيطين ورونا هممكم في موضوع النقاش لاني ماشوف فيه تفاعل نزلت بعد المحاضره الاولى اسئله لاختبار العام لهالمحاضره وللاسف قعدت اسبوع ومحد رد وبعدين ترفق الاخ تركي وجاوب وهو ماخذ هالمقرر وانتهى منه سالفة الكوبي بيست اللي تحكون فيها فاللحين ماشفت هالشيء اللي يحطون كوبي بيست وبعدين يوم نجي نكتب المحاضره انتابعها مع الدكتور ثمن ناقراها ثمن نحاول نعطي الزبده وهي ماهي كوبي بيست هي هذي المحاضره تبون نالف لكم مقرر من راسنا مثلا ههههههاي وبعدين تحاولون تبحثون عن امور مدري شنو وضعها يعني ورشة جنون اكثر من رائعه ورشة روكا محاضرتها الاولى تهوس مع العلم انه من مجهودها لان الملخص جديد ورشة تركي تجنن مع العلم انه من تنظيمه الخاص عشان لا تضيع المعلومات ماقول غير الله يرزقنا واياكم الفردوس بسس وييسر هالامور حنا جاين نتعلم ونتعاون فاذا ماحصلنا اللي يناسب فهمنا وطريقتنا تقدورن تسوونه وتنزلونه لنا وتفيدونا وتفيدون انفسكم قبل ........... اللهم لك الحمد كما ينبغي لجلال وجهك وعظيم سلطانك |
رد: رآيكم بالورش الخاصه بالموآد..
الرجاء من الجميع التزام الهدوء
قولو لا اله الا الله محمد رسول الله في النهاية الهدف ان جميع طلاب مستوى ثالث سواء طلاب ولا طالبات يصيرون على قلب واحد مهما اختلفت وجهات النظر وفي النهاية الفايدة تربطنا في بعض وتقوي علاقتنا مع بعض حتى لو اختلفنا في الحوار والطرح والمفهوم :35: |
رد: رآيكم بالورش الخاصه بالموآد..
استفدنا كثير ولاانسى مجهود الاخوه بمستوى ثاني من جد والله دعيت من قلبي خصوصا بنماذج الاختبارات وعاجزه عن الشكر لكل الاخوان والاخوات ربي يسعدكم ولااملك الااالدعاء لكم بظهر الغيب ودي لكم :16: |
رد: رآيكم بالورش الخاصه بالموآد..
بالعكس
عن نفسي والله كثيييير استفدت ومااقول الا الله يوفق كل من ساهم بالورش ويسعدهم وماقصرو يكفي انهم يضيعون وقتهم لخدمتنا ماقصرتوا:16: والى الامام:21::21::19: |
رد: رآيكم بالورش الخاصه بالموآد..
يعطيكم العافية احبتي ...
انا وحده من صاحبات الورش الغير محبذ بها ..:44: تأكدوا اننا ناخذ كل رأي وكل ملاحظة بخصوص الورش ..وعلى العين والراس والله ... نجي لبعض التعليقات : الاخ يلي يقول الورش مغلقة ومالفائدة منها .... هذا دليل على انه غير مطلع على القسم بشكل سليم وهادئ ... ليه ! لان كل ورشة لها موضوع خاص للنقاش بها :17: ..ارجو وزن الكلام جيدا ..قبل التحدث ... الاخ الاخر يلي يقول كوبي بيست ..بالنسبة لورشتي الانشاء والتعبير فانها مهتمة بالشرح والكتابة على ايدي لان الدكتور جديد ...وايضا بقية الاخوات اطلعت على ورشهم لم ارى نسخ ولصق ...!!! ولم ارى ترجمة جوجل !! وان وجد ..فهذا افضل من التشتت هنا وهناك ...لماذا نكتب شيء جديد وخرافي ..طالما موجود جاهز مرتب بالارشيف ... مو لازم نجيب 50 سطر حتى نبين انو مو ناسخين ولاصقين لاننا غير مضطرين ..وع فكرة انا وحده من الطالبات يلي ضد الترجمة وبقوة ... ماعمري شفت ملخصات ومحتويات مترجم كل حرف فيها ...والله اعتبره اخر دلع .. ومع ذلك تنازلت وشرحت كم سطر بالعربي ارضاء للبعض ... اخيرا ..اسمحوا لي ان المعترض على الورش .....هو شخص اتكالي من الدرجة الاولى .. لم نرى احدا منكم عند توزيع العمل ...ولم نرى طلاب حقيقيون لهم اعمال مميزة وبحث وجهد سوى اصحاب الورش ..... اتمنى لي ولكم التوفيق ... |
رد: رآيكم بالورش الخاصه بالموآد..
مشكله وربي
اول شي الورش كلها مرتبطه بموضوع نقاش خاص فيها ثانياً عالجهد في الشرح والوقت اللي ياخذه منا يجي احد يقول لي نسخ ولصق ؟؟ اقتبس لي نسخ ولصق اشوف ؟؟ وترجمة قوقل ؟؟ كان كتبت موضوعك بالانقلش !! الحكايه ماهي شي مفروض علينا او مجبرين عليه حنا بشر عندنا دورس وعندنا بيوت وعندنا وظايف والبعض عنده بيوت وعيال ومع كذا نحاول نفيد غيرنا اللي يبي الفايده الله يحييه واللي مايبي براحته بعد ومنت ملزوم تتطلع على ورشنا اما تجي وتبدي رايك وانت مو فاهم الحكايه وتتذمر عالفاضي ترا مالها داعي من كان يؤمن بالله واليوم الآخر فليقل خيراً أو ليصمت |
رد: رآيكم بالورش الخاصه بالموآد..
:5::5::5::5: قسم بالله ضحكتوووني وانا مالي خلق اجل الحين الورش مالها داعي؟؟!!! عجيييب امركم انا السمستر اللي طاف كنت مأجله بس ف السمستر اللي قبله (مستوى 2):35: كنا حاطين ورش وكان كل شي تمااااااام واعتقد والله اعلم ان كولنا تميزنا بدرجات عاليه:17: ماتبوون ورش لاتدخلونها >>> خلوووها لنا:42: |
رد: رآيكم بالورش الخاصه بالموآد..
للأسف الكثير منا يحب الإعتماد على الآخرين وأن يحصل على ما يريد دون أن يبذل أي جهد (أو أن يبذل القليل من الجهد)
كيف لنا أن نصل للمستوى الحضاري للدول المتطورة ونحن لا نريد أن بذل أي جهد (أو القليل من الجهد) يحزنني حالنا كثيراً لأن هدف البعض هو الشهادة فقط وليس التعلم ومعرفة كل جوانب تخصصه والإستفادة منه ونقل أو تقديم الجديد فيه. ثم بعد هذا كله نرى التذمر من مستوى الخدمات والبنى التحيتة لدينا! كما نرى الآن هنا التذمر من مستوى الورش ومنتدى المستوى الثالث بشكل عام، لكن لم نرى الكثير من تفاعل باقي الطلاب ولا الكثير من الإجتهادات منهم. الحياة بشكل عام هي مشاركة وتبادل بين الخبرات. ومواضيع الورش هي جزء صغير من الحياة، إذا لم يشارك أغلب الطلاب في تقديم المعلومات والفؤائد وغير ذلك فلن نصل للمستوى الممتاز. فهي علاقة طردية، كلما زادت المشاركات الفعالة المفيدة والمثمرة، زاد مستوى المنتدى. فعضوين لكل مادة فقط ليس كمثل عضوان مشرفان على الورشة و20 عضو مساند ومساعد ومشارك فيها. وعلى كلٍ، هم تطوعوا لتقديم خدماتهم، واقتطعوا جزاءا من وقتهم للشرح والتوضيح (وأستطيع أن اخبركم أن الشرح للغير ليس مثل الشرح للنفس) فمن الواجب أن يُشكَروا بدلا من إحباطهم، فالنبي صلى الله عليه وسلم قال: (من لا يشكر الناس لا يشكر الله)، وأما من لم يرضى بما يقومون به فهو ليس ملزما بالأخذ منهم، وعليه أن يقوم بجهده للبحث عما يرضي طموحه. |
رد: رآيكم بالورش الخاصه بالموآد..
صبايا ماتلاحظوا شي .....:31:
ملاحظين ان كل الورش من صنع البنات مافي غير Trook8هو الوحيد الذكر بيننا ....:cool: وايضا لاحظوا معي ان اغلب المتذمرين والاتكالين هم الذكور ....... ياشباب المستقبل الورش ماهي الا جوء صغير من الحياة كما ذكرا الاخت Amy...لنرى جهودكم وسواعدكم ... في البناء ..والعمل ..والمساعدات ... لا والله ونجحنا ... يدا بيد نصبح الافضل ....والاشياء الصغيرة هي اساس كل شيء كبير ... لازم نعمل حملة تحفيذية لشباب المستقبل ... يالله بنات نبدأ بتاسيس هالموضوع كل وحده تمسك ورشة :hahahahahah::8: |
| All times are GMT +3. الوقت الآن حسب توقيت السعودية: 06:09 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام