انا حاليا ماعندي جدول مقترح
بس انا زيكم كنت شايلة هم قد ايش بالذات بعد تقديم الاختبارات
وبعدها قلت يابت لازم تشدي حيلك وفعلا....
مسكت اول 8 محاضرات من مبادئ التربية وعلم النفس والانجلش
وذاكرتهم وخلصت الحمد لله
كانوا سهلين وحلوين بس شوية لخبطة بين المبادئ وعلم النفس عشان المواضيع المتشابهه( الذكاء والتفكير والذاكرة)
وبعد ماذاكرت حسيت كأنه انزاح من فوقي جبل
انا كان جدولي اللي حاطته لي
مبادئ اول يوم وقعدت فيها 3 ايام .... ماكنت بضغط نفسي عشان اركز مزبوووط
بعدها الانجلش في يوم
وعلم النفس في يومين
والمفروض اليوم الخميس كنت امسك الصحة ومخططتله يومين لحد السبت
بس تعرفوا كيف الخميس عاد الوحد مايقعد في البيت
فأن شاء الله بكرة ابدأ في الصحة
وبعدها المقدمة 3 ايام والاحصاء يومين وآخر شي التحرير
فلو ما حطيتوا جدول لكم واستعجلتو فيه حيروح الوقت وانتوا تستنوا
بالتوفيق ياحباااااايب