|
رد: ✗ ✗ | اكتب استفسارك هنـا | ✗ ✗
إستفساري الأول ..
ف المستوى الثاني هل ملزومه إني آخذ المواد 9 كلها..؟
و إذا لا..
ابي أعرف إيش أفضل طريقة لإختيار المواد ؟
لا تقدرين تاخذ اي عدد ساعات بس كحد اقصى ١٨ ساعة فقط تقريبا
بالنسبة لطريقة الاختيار تعتمد عليك انتي متفرغة او لا او تقدرين مثلا على ١٨ ساعة او ماتقدرين هي تقريبا ثمان مواد بساعتين
انتي تحتاجي ١٧ ساعة تقريبا كل سمستر عشان تخلصي الجامعة خلال ٤ سنين الي هم ١٣٢ ساعة
----------------------
إستفساري الثاني ..
هل صحيح أن المستوى الثالث يبدأ فيه مواد التخصص؟
صحيح
و ماهي أيضاً أفضل طريقة ل تقسيم و إختيار المواد ع بقية المستويات؟
بالنسبة لي اشوف افضل طريقة التدرج في مواد التخصص يعني الجامعة السمستر هذا اعطونا ٤ مواد تخصص مازيد عليهم مواد ثانية من التخصص
بس عادي ازيد مواد عامة او ااجل فيها على حسب التفرغ السمستر هذا مثلا اخذت ٥ مواد عامة
وطبعا اختيار المواد يعتمد على الجدول هل في تعارض مع مواد ثانية او لا
و ع ماذا أعتمد عند إختيار المواد..مثلاً
هل أختار المواد السهله ف المستويات الأولى؟
و أترك الصعبه ل المستويات الأخيره ؟
أو العكس ...؟
بالنسبة للمواد التخصص هي تجيك بالتدريج من سهل الى الصعب
عشان كذا مانصح بزيادة مواد من التخصص الا اذا شخص متمكن من اللغة شي ثاني
--------------------
إستفساري الثالث و المهم جداً ..
أنا أعطي نفسي نسبة من10%إلى20% ف معرفة الإنجليزي
وهي (فهم-قراءة)
أما الكتابه ف لابأس بها
ب رأيكم هل النسبه هذه كافيه حتى أستمر ف نفس التخصص
أو تنصحوني أني أغير تخصصي من الحين وقبل يضيع وقتي ع الفاضي
لأن وقتيي ضيق و أطفالي و مدارسهم يحتاجون متابعه مستمره
و أنا ب صراحه خاايفه إني م أنجح و حاسه ب قلق من الحين 
و ف نفس الوقت أمنيتي إني أدرس و أتخرج تخصص إنجليزي
اذا كنتي تقرين وتفهمين ان شاء الله ما يكون معك اي مشكلة بس اكيد لازم متابعة ومذاكره اول باول
تقريبا اغلب الاشياء الي اخذنها لحد الان كلها درسناه اول والموضوع يتدرج
وكل مادة تكمل المادة الي بعدها
يعني الي راح تدرسينه بالسمستر الاول اساسيات لمواد مستوى ثاني
ومواد مستوى ثاني تقدرين تقولين عليها اسايات لمواد مستوى ثالث وكذا بالتدريج 
وعموما التخصص سهل و ممتع وكل شي يسهل مع المتابعة والمذاكرة 
وهذا هو قشي >>أقصد إستفساراتي 
مادري اذا نسيت شي ذكرني قشك كان كثير 
|