السلام عليكم ورحمة الله وبركاته

من الترم اللي فات وانا فاقعه راسكم بسالفة التدريب
ومن اول ترم وانا فاقعه راس اهلي


والحمدلله حطيت هالشي براسي ووصلت له << وش عقبه


المهم

الحمدلله قدرت اتدرب في مركز لمتلازمة داون (( ديسكا ))

بقولكم كل اللي اعرفه للي تحب تروح تقدم

المركز في حي القدس (( شرق الرياض )) ,, روحوا هناك واسألوا عنه , لاني ما ادل
لانو شهادتنا ثانوي, بنصير مساعدة معلمة
هالحين هم محتاجين لمساعدة معلمه
تروحين ويسوون لك المقابله , وبعدها تدريب لمدة شهر - بدون راتب -
بعد هالشهر اذا وافقوا عليك بتبدين الشغل معهم
الراتب بالشهر 1500 ريال .. انا عني ما التفت للراتب اببببببدا لاني ابي يكون عندي خبره بالشغل
مساعدة المعلمه , مايشترطون تكون معك شهادة جامعه , تكفي الثانوي



واللي تتخرج من الجامعه تخصص اعاقة عقليه , ماتدرون يمكن يخلونها معلمه ويعطونها بالشهر 2200



واللي تحب تكون متطوعه , بروضو فيه


والله يوفقكم ..