2011- 12- 10
|
 |
أكـاديـمـي ألـمـاسـي
|
|
|
|
قصة واقعية: هذا مَ حدث لي .. فَ احذروا
بسم الله الرحمن الرحيم
السلام عليكم ورحمة الله وبركاته
بكتب لكم قصتي الجديدة واعتبروا يَ أولي الألباب
الي حصل طلعت مع الشباب كوفي شوب نتقهوى ونغير جو ونتجاذب اطراف الحديث
رنّ الجوال وكان المتصل رقمنا الثابت .. وأمي المتصلة
أنا: ألو
أمي: وينك؟
أنا: مع الشباب
أمي: فيه واحد اتصل علينا ويقول جوالك لقاه طايح وأخذه معه
أنا: هههه شكراً شكراً يمه .. يَ حبك للمقالب
أمي: أتكلم جد مَ أمزح
أنا: جوالي معي مَ عليك من أحد
قفلت أمي وفتشت في جيبي إلا صح .. أفتقد جوالي الثاني 
تتصلي أم مره أخرى
أنا: هلا يمه ×__×
أمي: الرجال اتصل مره ثانية ويقول لقى الجوال بالفناتير
أنا: ههههههههههههههههههههههه يمه مَ رحت الفناتير أكيد نسيته في البيت
وتبون تسون مقلب فيني
أمي: والله مَ أكذب عليك
أنا: طيب طيب بشوف السالفة
رجعت أشرب الشاي الأخضر وبكل برود
تتصل أمي مره أخرى
أمي: يَ ابن الناس الرجال يقول لقاه طايح عند الفندق
هنا مغصني بطني وعرفت السالفة جد وقلت لازم أتدخل 
اتصلت على رقمي الثاني ولأول مره اتصل ويطلع my mobile هههههههه
شعور حلو إنك تتصل على رقمك الآخر
المهم رد الرجال وقال جوالك معي وتعال خذه أو تبيني أجيك ؟
رحت له وأخذت جهازي والحمد لله الجهاز كما كان بدون أي مشاكل
جعل ربي يستر عليه ويحفظه ويرزقه ويعطيه على قد نيته ويعافيه ويجزاه بالخير
المهم صاحبي قال شرايك تسوي بأمك مقلب بسيط قلت تم
اتصلت عليها من رقمي الي كان ضايع وحطيت ع السماعة مناديل
وخنقت نفسي لحد مَ بغيت أموت .. يعني غيرت صوتي تماماً
أنا: ألو سلام عليكم
أمي: هلا
أنا: الرجال مَ يبي جواله؟ ترى زوجته تتصل وتقول أبي زوجي ضروري
أمي: نعم
أنا: يَ ليت يستعجل ويتصل عَ زوجته لأنها ازعجتني صراحة
أمي: طيب طيب شكراً لك ولا تتصل مره ثانية أنا أتفاهم
سكرت الخط وجلست أكح بعد الخنقه وتغير الصوت إلخ
اتصلت عليّ امي
أمي: الرجال يقول كذا وكذا وكذا ...
أنا: هاه .. شسمه .. مو معقول .. يكذب
أمي: لا تودينا بداهية وش السالفة؟ من زوجتك وكيف وليه ومتى إلخ ...
أنا: يمه صلِ عَ النبي (اللهم صل على محمد وآله)
المهم مَ لكم بالطويلة رحت لهارديز مدري كنتاكي أتعشى عشاء متأخر
وكان فاضي المحل وما فيه غير صوت التي في .. واتصلت أمي
أمي: من جنبك؟
انا: محد
أمي: أسمع صوت بنت
انا: هاه ؟؟؟ لا لا يمه وشدعوة (بديت أكح يعنني أصرف الموضوع)
أمي: امممم طيب اوكي متى تجي؟
أنا: يعتمد حسب شسمه هذا ... مدري بتأخر يمه .. نامي معي مفتاح للبيت
أمي: مع السلامة
رجعت البيت متأخر ولما صحيت الظهر سلمت عَ الوالدة وقلت صباح الخير
قالت: لا تسلم عليّ ولا تكلمني متزوج سر هاه :/
قلت اوكي براحتك ..
رحت لأخوي سريع وقلت ابيك إذا صرت انا وانت وامي بالصالة تقول وين طالعين الصباح
جاء بالصالة وقال هاه يمه وين رحتي الصباح شفتك أنتي وأخوي
قالت هاه
أجل صحيح انت متزوج وهذي زوجتك او انها صديقتك وموديها الجامعية هههههههههههههههه
قلت يمه لا لا انا كنت نايم يمزح هو
واخوي يقول ألا انت متأكد
دخل الوالد علينا وقالت تعال تعال ولدك مسوي مصيبة .. ولدك بيوديك السجن
قال خير إن شاء الله وش السالفة؟
قالت السالفة كذا كذا إلخ
قال أبوي: صحيح ذا الكلام ؟؟؟؟؟؟؟؟؟؟
يَ ولدي إذا متزوج قل لنا من الحين نحل السالفة
ضحكت بقوة على اسلوبه وقالت امي: تضحك على خيبتك هاه ؟؟
قلت الصراحة يَ أهلي أنا مو متزوج
قالت أجل منهي ؟؟؟؟؟
هنا عاد جاء اتصال على جوال الوالدة وطلعت
وقلت لأبوي السالفة مقلب ووضحت له لين اقتنع
نجي للوالدة: يمه ترى مقلب هذا 
قالت: انقلع ولا تكلمني ولا انت ولدي 
قلت يمه صدق مقلب
قالت ايه هين تبي ترقع السالفة وخر مني ترى لوعت تشبدي
قالت حرام عليك انا عندي سكر وابوك ضغط وتتزوج من ورانا
هنا عاد رحت وقبلت رأس أمي وقلت أسف اسف ترى والله والله مقلب
قالت كذاب كذاب نصاب الخ من الكلمات الموش كويسه
جبت قران وحلفت لها وقالت لي: ايه سهله بتصوم 3 أيام وانتهى
قلنا للحرامي احلف جاك الفرج < الظاهر كذا خخخخ
بعد جهد جهيد ومحاولات فاشلة اقتنعت وقالت لي طيب من البنت الي معك الصباح؟
ناديت أخوي واعترف انه مقلب وضحكنا وصفق الجميع
وانتهت القصة الواقعية
الهدف:
لا تحاول تمزح مزح قوي مثلي مقلبي القوي (الله يهديك يَ صاحبي) خخخ
إذا مزحت وتحمست حاول تخليه ساعة وبس .. لا تطول السالفة مثلي
الزواج قسمة ونصيب هههههههههههه < قلتها للوالد والوالدة
ع الطاري: وانا طالع بالليل قالت لي أمي: هاه وين رايح ؟؟؟
قلت لزوجتي السرية ههههههههههههههههههههههههههه
قلت لا لا وقصمبلاه معي وريقة اغراض للبيت بس وبجي بسرعة بعد
انتهى
|