2009- 2- 12
|
 |
أكـاديـمـي
|
|
|
|
|
فضفضة طالبة...الكليه الجديده شاركوني
مســــــاء الخير عليكم جميعا...
حياكم اللله في متصفحكم ومحلكم ... وسعيده بزيارتكم وطلتكم على متصفحي المتواضع
وألف مبروك على إنتهائنا جميعا من الأختبارات وعقبال ما نتباشر بنجاحكم ونجاحي بعد :m22asmilies-com:
المهم و مالكم بالطويله كان من زمان وأنا ودي أفضفض لكم عن بعض ما نعانيه نحن طالبات الكليه الجديده المكرمات وما يهونون طالبات الكليه القديمه :089:
وأتمنى من كل وحده تقرا فضفضتي وسواليفي تعقب عالموضوع رجـــــــــــــــــــــــــاء:praying:
1 من اولى المعاناة اللي نعانيها أنو كليتنا تفتقر لوجود مكتبه تضم عالأقل الكتب الكبير أو أمهات الكتب اللي تفيدنا في بحوثنا , وهم قادرين أنهم يوفرونها لإن المساحات موجوده والماده موجوده وكل شي متوفر لهم.
2 الشي الثاني انعدام الصيانه تماما وخاصة بدورات المياه (اعزكم الله) وكذلك صيانة الشبابيك , واذكرلكم عالنقطه هذي شي صار يوم الأربعاء اللي فات وانت ما يجهلكم الجو اللي صار والغبار الكثيف كانت أحد الشبابيك مكسوره ودخل الغبار القاعه وطبعا صاروا البنات يكحون وووو ... !!!\\
3 الغلاء الزايد في مكتبة التصوير والملازم اوراقها قليله ومع ذلك تكون بأكثر من 10 ريال تقريبا
( وانا والله العظيم اني مقتدره وقادره اني اشتري لي ولزميلاتي وكذا مره سويتها وأنا ذكرتلكم هالشي فقط توضيح أنو مو من باب البخل أو, قلة الماده وطبعا هذا موب عيب لكن أبغى ألفت النظر لبعض البنات اللي مايقدرون لإنهم يصرفون مكافآتهم على بيوتهم)و
أذكركم كذلك نقطه على الموضوع هذا تصدقون أن مادة النصوص الأدبيه وبنات الفرقه الثالثه أدرى باللي تدرسها قررت علينا 10 ملازم وكل مره تنزل وحده وتكون اوراقها كثيره وما ناحذها كلها لا وآخر وحده شريناها وبعدين قالت خلاص محذوفه وأصلا يوم شفتها إلا فيها موضوعين وواحد منهم موجود بالملزمه اللي قبلها وشرايكم:104:
4 تفتقر كليتنا إفتقار شديد للنشاطات بمعنى النشاطات أنا ما أنكر ان المصلى يقام فيه بعض المحاضرات من الدكتورات أو المتطوعات من البنات أو من خارج الكليه والله يجزاهم كل الخير ولكن نتمنى أنهم يعيدون التفكير في هالموضوع ولا يلغون ساعات النشاط يوم الأثنين لإن مالها داعي ..
وسلامتكم انتظركم .......
|