بسم الله الرحمن الرحيم
الصلاة والسلام على اشرف الانبياء والمرسلين وعلى اله وصحبه اجمعين

يوم الاربعاء كنت اذاكر اداره وبنص المذاكره قلت يابنت ارتااااحي اهم شي عليك راحتك<<امحق نصيحه

واول ماغمضت عيوني فجاءه جاء برأسي شخصين مدري وش جابهم مع بعض
اللي هم الدكتور عبدالله النجار والدكتور علي الزهراني

اكيد كلكم بتقولون وش الرابط العجيب اللي ربطتيه بينهم !!!!

انا اقولكم <<ندري انه انتي اللي بتقولين

قعدت افكر وش جاب النجار للزهراني قالت لي نفسي كلهم سعوديين <<براااا

بعدين فكرت ثاني مره وش جاب طاريهم فجاءه تذكرت سالفة المشاركات الفعاله
هالنظام اللي نزل لنا قبل كم اسبوع وحاسووونا فيه حووووس

يمكن كلنا ضحكنا على سالفة نظامهم اللي بيجلس يحسب لنا ويقراء ويتفحص ويشوف ذي فعاله وذي لا

بس تذكرت حركة الدكتور علي الزهراني لما يحذف المشاركات الغير فعاله وكل شوي تنقص عدد المشاركات والدرجات تنقص معاها

اللي استنتجته ان كل دكتور بيمسك منتدى النقاش تبع مادته وبيحذف وبيرتب ويسنع فيه وبكذا النظام راح يلقى كل شي جاهز وبيحسب المشاركات اللي باقي واللي عددها حبتين بس <<الحمدالله باقي حبتين سنعه مو مكرره

يمكن مايطبقونه هالسمستر لان ماعندهم وقت ويمكن يكون عندهم وقت ويطبقووونه
عن نفسي برووح الحق عمري واشوف وش الفعال والغير فعال اخاف اننكب بعدين

والسلام مسك الختام