|
رد: نداء عاجل الى الحفراوية والجوري ؟؟؟
ماشاء الله اشوف الكلام اخذ مجرى ثاني ... والهدف منه قبل كل شي التجريح لا اكثر ولا اقل...مهما قلتم من مبررات.......الا الهدف واضح ومعروف ....ان الحفراوية ... تكلم النجار .....وتبون بتلميح وبطريقة ذكية اكثر ..... تب تقولون ماقصدنا كذا .... الاعضاء هم اللى فهمو غلط ....ان في علاقة بين النجار والحفراوية ...
بالنسبة للاخت الفهيدية اقدر وضعها ومشكلتها اللى فوتوا عليها مواد كان بامكانها اجتيازها .... ولكن الحفراوية ماكان لها سبب في الموضوع؟..
ولاهيب هي اللى اخفت رقم النجار ؟؟
روحي دروري بموقع الجامعه كله ..... انفضية نفض ..... ماراح تلاقين غير الرقم اللى ذكرتوه في الموضوع ..ولايجاوب عليه
بذمتكم النجار فاضي لاكثر من 11 الف طالب يرد على مشاكلهم واستفساراتهم؟؟؟؟ اجل يحولونه من عميد الى موظف استقبال مكالمات؟
بسبب مشكلة فنيه بسيطة احيانا تبي تكلم العميد وزعلان وقافله معك؟؟ وهي مشكلة فنية يسوونها الموظفين اللى تحت ادارة النجار..وكلاً حسب موقعه ..
كم من مشكلة صارت معي ..حليتها عن طريق الموظفين العاديين ... وعلى تحويلاتهم المذكوره في الموقع ... على سبيل المثال هذا الرابط ممكن يفيدكم
http://www.kfu.edu.sa/ar/Deans/it/Pages/Contact.aspx
مااحتجت اوصل للعميد...لان اعرف وين بيكون موضوعي ومشكلتي .....دون ماضيع وقتي وانا اعرف اني لو اتصلت مليون مره ماراح اوصل لها الشخص اللى خليناه شماعه لكل مشاكلنا ... من قبل النجار كان احمد الشعيبي .....كان رجل خلوووق بقمة الاخلاق يتجاوب مع الاعضاء بالمنتدى ويرد ..وكذا مشكلة حلها ...فكان العدد يزيد والاسئلة هي الاسئلة تكرر مية مره ....وكان الكلام يكثر عن الشعيبي مايسمع كلامنا الشعيبي عجزنا نوصله ..... والحين جاء دور النجار ...
الموضوع باختصار .... لكم مشكلة مع الجامعه ...... لم ولن تكون الحفراوية سبب فيها ؟ فليش الا الهمز واللمز؟؟
الحفراوية وضحت وقالت انا موظفة تحت ادارة النجار ......؟؟ يعني تقدر توصل له بأي طريقة ..هذا مديرها ومرجعها في العمل ...
وكونكم تطلبون منها ارقام خاصة بالعمل او ارقام شخصية متداوله بين الموظفين ..فانتم تطلبون اشياء مالكم اي حق فيها ......خصوصا اذا كان هذا الشي فيه مضره ...للحفراوية
وابسط مثال عندي اخ كان خدوم للناس في عملة ..يساعد يتوسط يحاول يمشي المعاملات .....صاروا الناس يزعجونه بشكل لايطاق ..... غير ارقامه ... صاروا يدقون علي انا؟؟ يقولون تكفى نبى رقم اخوك؟؟ ان عطيتهم رقمة وش بيكون موقفي من اخوي.؟؟؟ واذا قلت لهذا الشخص ماقدر اعطيك وش بيكون موقفه قدامه؟؟
ياخوان لاتحطون اخوانكم واخواتكم في مواقف محرجة ... وهم كانوا يتمنون خدمتكم ومساعدتكم بكل الطرق الممكنه ..... وبعد هالشي اللى سووه يكون هذا الجزاء منكم .... اتهام باطل ....ونكران للجميل؟
هذا طبع البشر.... ولكن هل تقبل هالشي لنفسك؟؟ مستحيل ..... اجل لاتقبله لغيرك.
الحفراوية لو طلبتم منها مره ومرتين وثلاث ومليون .... راح تساعدكم ..... باللى تقدر عليه .....بس مهوب هذا الشكل تطلبون منها الخدمة وانتم تفتحون كل يوم موضوع هنا وهناك ... ورد منا وهمز ولمز منا .... وتقولون ليش ماخدمتينا ...
اذا الحفراوية وجماليها وخدمات الكثيرة للمنتدى هانت بعيونكم....فعندي وعندي غيرمن الاعضاء مايهون هالشي...
هالحين مهوب وقت مهاوش وخناقات واختلاق سوالف ..... هالحين وقت حصاد..... اجتهدوا في الشي ينفعكم ...لاتجتدهون في الشي اللى يفرق شملكم .... حنا اعضاء متكاتفين .... لو غلط علي فلان من الناس يوقف ضدة اللى احسبهم والله حسيبهم انهم اخواني واخواتي في هالمنتدى ويقولون له هذا الشي مو صحيح .....مهوب مجاملة لي..... بس الحق يذكر ...
اشوف هالموضوع طال ...ويفترض انه انتهى .... يعني بالمختصر اللى تبون توصلونه للاعضاء وصل ....بس للاسف وصل والاعضاء تعرف وتدرك ..... انها مجرد محاولة الصاق تهم .....بطريقة ذكية ..وبتلميح...بدون اتهام واضح ..عشان يكون موقفكم قدام الناس ....غير...
اذا هالشي مهوب بخاطركم ..... والقصد منه تبرير موقف مهوب تهمه ...... فالله اعلم بالنواي ...وكلاً حسابه على الله.
والله ظني بكم .....اكبر وافضل واحسن من كذا ...... اتمنى نكون افضل بكثير.... واذا صار مثل هالسوالف وماوقفنا منها موقف جاد ... اكيد بكره تكرر ....وتزيد..وتزيد المشاكل ..ثم بعدها ....تحل العداوت ثم بعدها ننحرم الشي اللى تجمعنا عشانه .... اللى هو اخوتنا ...وتحقيق هدفنا وطموحنا من خلال هالجامعه...
هذا اللى عندي وسامحوني ....على الكلام الحار شوي ....بس الشي اللى لايقبل.... صعب السكوت عليه.
يقول الرسول صلى الله عليه وسلم ((انا زعيماً ببيت بربض الجنه لمن ترك المراء وان كان محقا)).... لمن ترك المراء ان كان محق؟؟ اجل وش له فايدة تكتبون هالموضوع ؟؟؟
|