اول شي عليكم السلام ورحمة الله وبركاته
ثاني شي اشكرك على المقدمة الجميلة , للأمانه لا استحق نصف من أطريتني به
ربي يرفع قدركم بالدارين
ثالث باشتال الكنبه اللي فوق ماش ما احبها احس المنجد نقص عليه قماش وخشب وزحلقكم بكنبه إلا ربع
إذا فيه جلسة عربية ارتفاع 30 سم وضغط 50 ولا تنسى المركى
نبتدي بالبطاقة الشخصية
صراحة ما عندي سكانر وإلا كان سدحت لك صورة الهوية الوطنية
الإسم :ناو بن أور بن نيفر
العمر .: ماني متأكد بس من يومي صغير وانا موجود
العنوان : ksa المنطقة الشرقية بيتنا ثاني بيت على اليسار بالزاوية مشاهد المدرسة
رقم الجوال :زيرو تلات سبعات خمستالاف
القسم الدراسي خريج إدارة أعمال فيصل انتساب متطور جداً , ثاني دفعة من خريجين الإدارة
طموحاتي بصراحة ودي بالماستر لكن ماني لاقي وقت ولا جامعة ولا مزاج وده يدرس , لكن عندي كورسات إنجليش ماشي فيها ,,, ودي اكون متقن الإنجليزي وودي اطقطق ألماني
