النظام هذا شفته بالجامعه بس انهم يعرفون ان الشخص يدخل من اكثر من جهاز
وهذا غلط الجامعه ما تقدر تشوف هالشي ابد لاننا ندخل بيوزارت خاصه فينا وهي الرقم الاكاديمي مع كلمة المرور وثاني شي اللي تسويه الجامعه من خصم للدرجات وانها تعرف ان الشخص دخل من اكثر من جهاز هذا كله كذب ونصب و يعتبر اختراق للخصوصيه والاجهزه للطلاب
طيب انا النت خرب عندي بالبيت عطل من شركة الاتصالات ورحت لمقهى انترنت ودخلت على النظام الافتراضي وشفت المحاضرات وحليت واجباتي تقوم تجي الجامعه وتقول انت دخلت من جهاز ثاني طيب اوك انا دخلت من جهاز ثاني وحليت واجباتي وشفت محاضراتي لان النت عندي عطلان
تقوم تحاسبني اني دخلت من جهاز من مقهز انترنت انا ابي اعرف الجامعه شلون عرفت اني دخلت من مقهى انترنت ولا رحت لمكتبات خدمات الطالب وخليتهم يدخلون باليوزر حقي ؟؟؟؟ هنا الف استفهام
ياليت الجامعه تحل مشاكل البرنامج الافتراضي والبلاك بورد بالاول لان اشوف المحاضرة وشوي توقف المحاضرة مو عطل بالانترنت عندي لا بالعكس النظام نفسه عطلان
واذاا جامعتنا الموقرة بتقول ان عندي مشاكل بالانترنت لان المحاضرة تعلق بقول لهم انا موظف بالاتصالات
و موظف دعم فني للانترنت ياليت ما يستغفلونا ويحلون مشاكل النت بالاول ولا يقوولون اننا ندخل من اكثر من جهاز لان هذا مو من حقهم هذا من حقنا احنا كطلاب لان يحق لنا ندخل ونشوف محاضراتنا من اي جهاز نبيه ونحل واجباتنا ونشوف محاضراتنا وانا عن نفسي لو جاني خصم بالدرجات بشتكي عليهم بالوزارة لان هذا حق مشروط لي وليس من حق الجامعه تمنعني من اني ادخل من جهاز ثاني واحل واجباتي
خليهم يشوفون مشاكلهم كل ترم نجلس شهر والانظمة عطلانه واخرها يتكلمون كذا هذا غلط والف غلط
واعتذر على هالكلام بس وش نسوي
ملاحظه:
اذا طفيت جهاز المودم وشغلته بعد كم ثانية
ترا الاي بي ip للمودم او الراوتر حق الانترنت
يتغير يتغير الاي بي مباشرة
ياليت الجامعه ما تقول لنا ان الاي بي تغير وتقول انكم دخلتم من جهاز ثاني وش يثبت اني دخلت من اكثر من جهاز ابي اثبات من الجامعه للشي هذا
حرام يروح حقنا وياكلونه الجامعه ونتعب وندرس وندفع مبالغ للرسوم الجامعيه واخرها عذر واهي من الجامعه ياليت الجامعه تحل مشاكل الانظمة اول وتحل مشاكل الكادر التعليمي اللي جننونا بالاسئله كل ترم من خارج المنهج مو يجلسون لنا ليه تدخلون من اجهزه ثانيه ياليت كلامي هذا يفهم وياخذ بعين الاعتبار والحق حق