السلام عليكم ورحمة الله
الحمد لله تخرجت مع مرتبة الشرف رغم كل الظروف
والف مبروك التخرج والنجاح لجميع الطلاب والطالبات
الاخوان والاخوات ماقصروا بوصف المهزلة اللي حصلت عند استلام الوثائق من ناحية التخبط والفرز اليدوي والعشوائية بالتسليم وعدم الالتزام بالتسلسل لوقت حضور الطالب مابي اسد نفوسكم اكثر من اللي شفناه بالاربع سنوات اللي مضت
لكن نصيحتي للطالبات خاصة وحطوا تحت الكلام هذا خطين لاني ماشفت احد تكلم عنه ولا حتى انتبه للسبب اللي عفسنا بعملية التسليم مع اننا عارفين انهم خلقه يتخبطون في التنظيم الاداري بدون عوائق تستحق الذكر
(( حضور الطالبه بدون محرم لاقسام الرجال لاستلام اخلاء الطرف وللكلية علشان التوصية هو سبب التاخر للطلاب وانا جلست مع الاداريين والدكاتره كلهم من الصبح للعصر وشفت وسمعت كلام يوجع ويجرح ولاودي اذكره علشان مايكون الموضوع شخصي او يؤذي اي طالبه حضرت بنفسها باليوم الاول ... طبعا اللي يتكلم على الدكتور هو رئيس القسم والعميد
باختصار شديد مادري كيف اوصل المعلومه للطالبات لكنهم ينظرون للطالبات اللي يسوون الحركه هذي نظرة ماتوقع في بنت ترضاها لنفسها خاصة اللي لبسها مش حالك وهذا سبب انهم يخلصون للطالبات بسرعه واللي عوق سير التسليم باقسام الطلاب
اتمنى تكون وصلت الرساله بحسن نيه لان وثيقتي معي ولالي ناقه ولاجمل بالموضوع
والمستفيد منه الطلاب والطالبات اللي ماراحوا للحين خاصة لكليات التربية وادارة الاعمال
نقطتين اخيره
توصيتين علميه تكفي لان التوصيه مجرد روتين بالنسبه لنا اللي ندرس عن بعد لان الدكتور مايعرفك ولاجلس معك بالفصل راح يقيمك من السجل الاكاديمي علشان كذا لازم تجيبه معك واللي يطلب اكثر من توصيتين ماراح يزكونه بكلام قوي داخل التوصيه لانه واضح انه من جنبها وماخذ الدعوه بالكيلو
وراجعوا كلام ام بلال لانها تكلمت عن قسم الطالبات بتفصيل ممتاز الله يجزاها خير
وسلامتكم ...