2014- 2- 18
|
|
أكـاديـمـي
|
|
|
|
مجرد فضفضه
السلام عليكم ورحمة الله وبركاته
كيف حالكم بنات اتمنى تكونون باحسن حال
هذا اول يوم لي بالمنتدى
اليوم جيت ابي اكتب موضوع طبعا ما يخص الدراسه او التعليم
عن حياتي الجامعيه
طبعا هذي اول سنه لي واجهت صعوبات كثيره ولكن الحمدلله بفضل من الله عديتها
ولكن مشكلتي اللي مالها حل عدم وجود الاصدقاء طبعا واجهت الكثير
بعضهم كان حتى ما يحاول يرد علي
وما انكر فيه بنات متواضعات ويردون بصدر رحب بس ما يشرفهم يمشون معاي بسبب بشاعتي طبعا انا ما الومهم لانهم يتفشلون مني اكيد ان النظافة والترتيب اهم شىء بالشخص
لكن قلت اهم شىء دراستي ما يهمني احد
لكن الوحده صعبه
يمكن انا مو جريئه لكني مو خجوله لكن الواحد يحس بالخجل احيانا
هالمشكله دايم تواجهني بحياتي واقول مرحله وبتعدي
طبعا انتو الحين ما تشوفوني ولا تعرفون ايش اقصد بس انا افهم
وافهم كل نظرة ايش تعني
مره قابلت وحدة جدا طيبة وكانت تتعاون معاي بالكلاس وتكلمني وجلست جنبي بس بعد الكلاس قالت بروح عند صديقاتي قلت بجي معك اتعرف قالت صديقاتي يفشلون ومزحهم ثقيل وبيضحكون علي لو شافوك اني صاحبة وحدة مثلك هم ما يعرفون اللي جواتك وطيبتك وتبي تكمل قلت لها طيب بكل هدوء ورحت
انا ما اعرف كيف تجرأت اكتب هالكلام بس يمكن لان ماحد يشوفني هنا ولا اعرف انا قاعده اكلم مين
هالكلام كتبته هنا مو بنيتي شىء بس مجرد فضفضه
وكلام بداخلي مو عارفة اقول لمين ""
كنت ابي اكمل اكتب بس احس الى هنا كفايه 
|