|
رد: يوميات التدريب الميداني :)
انا الحمد لله انهيت الفتره وتم رفع التقييم ولكن الساعات باقي لي لاني اخترت 120 ساعه ووافق المدير والمعلم المتعاون ورفعو لي التقييم والان مستمر معهم لكن السؤال هل لنا حفل تخرج بعد ماننهي الساعات المتبقيه من المواد مثلنا مثل طلاب وطالبات الانتظام |
رد: يوميات التدريب الميداني :)
وانا خلصت الحمدلله :12:وراح يرفعون التقويم الله يستر يارب :2:
|
رد: يوميات التدريب الميداني :)
بغيت اسأل كيف نتأكد أن استمارة التقييم وصلت للدكتور ؟؟ بصراحه موضوع الإيميل مش مضمون خاصة مع عدد الطلاب الكبير |
رد: يوميات التدريب الميداني :)
مساء الخير طول الوقت اتابعكم بس على الصامت ابدد الايام الي راحت ماعندي وقت حق الملتقى الف مبروك حق الي سلمو استمارتهم وافتكو من القلق والله يساعدني ويساعد الي مثلي ماارسل استمارته الى الان المفروض انو هالاسبوع اخلص من هم هالاستماره بس ربي ماكتب عسى في الامر خيره صادف غياب متكرر من الطالبه ولما جاءت غابت المشرفه ولما حضرو كلهم غبت انا << دعابه دعابه امزح طبعن ملفات البنات الي عندي انتهيت منها وملف الانجاز حق الدروس جهزته حق كذاا درس في المادتين اموري مع البنت الي في لغتي ماااشيه اوكيه وفيه تحسن ملحوظ من قبلي ومن جهة معلمه الماده بس الي في الرياضيات اهـ ياقلبي بس اخذت معي اربع حصص بس في قراءة وكتابة الاعداد من واحد الى عشره وفرحة بتحسن له بسيط فاقلت اسوي لها اختبار تقيم عشان اتاكد انها اتقنت الهدف وادخل في خطوه ثانيه معها البنت اموره ميه ميه على الورق سالتها شفوي <<جااابت العيد رجعت اعيد معها من اول وجديد العد ماتفرق بين الاعداد اسئله هذا رقم كم تعطيني رقم ثاني ومو مع الارقام المتشابه بس مثل 7,8ولا 6,2مع كل الارقام من كثر ماافكر بطريقه تخليه تحفظ اشكال الارقام وماتتلخبط فيه صرت اتحلم في البنت الحين ياالنخبه الذهبيه ابي منكم طرق تساعد في الموضوع لان البنت من جد سببت لي ازمه وحرام احس انها تبي تنجز بس فيه مشكله عندها |
رد: يوميات التدريب الميداني :)
هتوشه ... انا اقولج على طريقه اتبعتها مع ولدي كان نفس البنت اللي تتكلمي عنها
صرت اخليه يشوف اناشيد عن الارقام .. يسمه ويشوف الشكل ... لحد رسخت في راسه صراحه مشت معاه هذي الحركه ..تلقي اناشيد الارقام في اليوتيوب اربطي كل رقم بشكل ..مثلا الخمسه مثل الكعكه ..جيبي معاج كعكه وخليها تشوفه ..السبعه تدعي الله ... التسعه عصايه جدي وجيبي اشكال وربطي كل شكل برقم جربيها وعطينا النتايج موفقه |
رد: يوميات التدريب الميداني :)
اليوم الحمد الله كان اليوم جيد
حضرت للمعلمتهم لأول مره وشفت طريقة شرحها وعطتني بعض الملاحظات عن الطالبات كانت عندنا طالبه فيها حركه زايده وتكرر بعض الحركات وكان فيها توحد ولاتلتفت للشرح ابدااا حتى للانشطه ماتعطي اي اهتمام لها فقالت المدرسه مثل هالنوع نسوي لهم درس فردي ويوم السبت بتقيمني ان شالله هتوشه بالنسبة للبنت انا كانت عندي بنت نفس حالتها حتى نطق ماتنطقم بشكل جيد لكتابة ارقام سويت انشطه بالرمل والصلصال والتلوين وحتى بالرش وكنت امسك يدها عشان تكتبه حتى حسيت ان فيه تحسن اما عشان التعرف على الاقام سويت لعبة الكور والسله اني احط رقم على كل سله وهم يرمون الكور على الرقم المكتوب عالسلة ولعبة نشر الملابس اني احط عالمساكات الرقم واسوي اوراق مرسوم عليها ملابس وتجي كل بنت وتعلق كل ورقه على العدد الصحيح ..في طريقه بعد حلوه للتعرف عالرقم انك تسوين لوحه متوسطه الحجم وتكتبين فيه الرقم وتشوفه وترمين عالارض ارقام مبعثرة وتطلبي منها تطلع الرقم احس هالطريقه نفعت واجد وبالتوفيق |
رد: يوميات التدريب الميداني :)
اقتباس:
اتصلي على الدكتور محمود وعطيه اسمك ورايح يعطيك الجواب الكافي هل وصل التقييم او لا انا اتصلت عليه وعطيته اسمي قال انتظر شيك قال التقييم وصل |
رد: يوميات التدريب الميداني :)
لو سمحتو ابي اعرف المدراس الي تتطبقون فيها انتم تختارونها أو تختارها لكم الجامعه يعني مثل تحديد الجامعة لمركز الاختبارات ،
والي يعرف وين يطبقون السمعية بالدمام لا يبخل علي (: |
رد: يوميات التدريب الميداني :)
لو سمحتوا أنا أتصلت على رقم الدكتور ( 0500939470 ) بس لقيته مغلق هل هو الرقم الصحيح و متى الوقت اللي اتصلتوا فيه |
رد: يوميات التدريب الميداني :)
هيييييييييييييييي :14::17:
الحمدلله خلصت اليوم والتقييم انرفع وافتكينا باقي لنا البحث والواجبات وننام نومه طويله :21: عقبال الي باقي ماخلص :16: |
| All times are GMT +3. الوقت الآن حسب توقيت السعودية: 04:15 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه