|
توني جيت من الجامعه تعالو شوفو وش صار مستقبلي ضاع
السلاام عليكم
توني جيت من عندهم حسبي الله عليهم تعبت اختي وزوجها وودوني تخيلو وش يقول حسبي الله عليه ان نسبة القياس مو طالعه عندهم و ويقول اصلا هي شكلها ماختبرت قياس قاله زوج اختي طيب خذ رقم الاشتراك وادخل وشوف بنفسك قال لالا انا بس السجل المدني طيب وانا وش اسوي مع موقعكم الفاشل اذا ماطلع عندكم القياس وانا متأكده بنفسي طلعت لي يوم اسجل وهي طلعت بنفسها مكتوبه طيب يوم ماطلعت ليش ماتصلو مع موقعهم الفاشل اجل حنا نكتب الرقم لهم ليش يعني اجلس كذا اضيع انتهي حسبي الله وونعم الوكيل حسبي الله اااه ببكي :Cry111::Cry111: خلاااص تعببت والله تعبت اختي زووجها بالزحمه ورقمنا طلع 40 ونجلس ننتظر وحنا بالسياره مع الشمس وياكثر الناس اللي عندهم مشاكل بالتسجيل اجل يقول ماختبرت قياس وال 4 ساعات اللي تنقعت فيها واجاوب هذي وشو الشره عاللي حطك مدير حتى عيا ياخذ رقم الاشتراك ويتأكد واخلاق زفت ومسوي نفسه ويدرون ان موقعهم خربان عالاقل اتصلو :Cry111::Cry111: |
رد: توني جيت من الجامعه تعالو شوفو وش صار مستقبلي ضاع
لآ حول ولآ قوة الآ بالله
حسبي الله عليهم طيب مافي احد تروحين له غيرة استغفر الله اذا هو مدير كيذا ماأقول غير الله ياخذ حقك منهم يااارب |
رد: توني جيت من الجامعه تعالو شوفو وش صار مستقبلي ضاع
حسسسبي الله ونعم الوكيل الله يكون بعونك
حبيبتي لا تخلين شي روحي لكل مكان لو مدير او عميد الجامعه على الأقل يفهمون وضعك ويعرفون انك على حق وهم الغلطانين |
رد: توني جيت من الجامعه تعالو شوفو وش صار مستقبلي ضاع
عليكم السلام ..
طيب وفي الأخير رجعتوا البيت بدون ما تقدمون شكوى أو خطاب لعميد القبول والتسجيل ؟! |
رد: توني جيت من الجامعه تعالو شوفو وش صار مستقبلي ضاع
حبابة انتي متخرجه السنة ومتى اختبرتي قياس
لأن سمعت انا اختبار القياس له مده محددة |
رد: توني جيت من الجامعه تعالو شوفو وش صار مستقبلي ضاع
ماقدمنا شي اصلا ماندري وييين اذا المدير بكبره كذا
ماتأكد من موقع القياس ولا شي ابد ماعنده لاذمه ولاضمير والله انا قلت لزوج اختي خلاص خلنا نرجع لانه خلاص قفلت اخلاقه |
رد: توني جيت من الجامعه تعالو شوفو وش صار مستقبلي ضاع
انا متخرجه العام والقياس مدته سنتين وسئلت الف مره ومتأكده من هذا الشي
|
رد: توني جيت من الجامعه تعالو شوفو وش صار مستقبلي ضاع
من وجهة نظري أنك الآن تقومين بالاتصال على الجامعة وعلى كل معني بالتسجيل ولا تيأسي وحاولي تطلعينهم على مشكلتك والأكيد ستجدي الحل لديهم لأن مثل هالأمور مرت بهم وعندهم حل لها ... وأما بالنسبة للمدير أو الموظف فدعي له بالهدايا . والله يفرج همك هذا اللي أقدر افيدك فيه
عن النبي صلى الله وعليه وسلم (( الا اخبركم بشئ اذا نزل برجل منكم امر مهم : فدعا به يفرج الله عنه : دعا ذو النون فى بطن الحوت : لا اله الا انت سبحانك اني كنت من الظالمين )) قال رجل أليونس خاصة ؟ قال لا : وللمؤمنين عامة : الم تسمع قول الله تعالى : (فاستجبنا من الغم وكذالك ننجي المؤمنين). |
رد: توني جيت من الجامعه تعالو شوفو وش صار مستقبلي ضاع
مافيه امل اتصل عليهم الروحه لهم وقفلت اخلاقيي كيف اتصل واتناقش معهم عشان يجييني الضغط
الحل كان بيده كان بإمكانه ياخذ الرقم ويدخل ويتأكد بنفسه وهو عارف ان العله من موقعهم وانا متأكده بنفسي ان نسبة القياس طالعه يعني أكذب عيني؟ اجل يقوول مااختبرت ولا شي ليييش جالس معي حسبي الله عليه جعله يذوق المر وانواع الالم والقهر |
رد: توني جيت من الجامعه تعالو شوفو وش صار مستقبلي ضاع
هل بإمكانك طباعة صفحة القياس وتروحين بها لهذا المدير ...؟ عشان يتأكد
قريت اكثر من موضوع نفس حالتك واغلبهم أنحلت مشكلتهن |
رد: توني جيت من الجامعه تعالو شوفو وش صار مستقبلي ضاع
أطبعي الورقه حقتك و روحي له
البكي و التحطم ما بيفيدك و هو ما بيخسر شي إن ما درستي روحي يما أطبعيها و روحي لاااااااتسسسسسسكتييييييين حسبي الله ونعم الوكيل ع كل ظالم |
رد: توني جيت من الجامعه تعالو شوفو وش صار مستقبلي ضاع
السلام عليكم ورحمة الله وبركاته ...
حبيبتي / بهلووله...( لقبك ضحكني مره.. الله يسعدك...:119:)... أييــــــد كلام... أختنا/ هاكونا مطاطه... و هـــويآن... الله يبارك فيهم... كلامهم سليم... وأنتي يا عسوله... خلي عنك الزعل... واضغطي على حالك... ............ وكلميهم..... وودي ورقة التسجيل حقتك.... شوفي... في بنات حالتهم أصعب منك بكثير... وانحلت بعد عون الله... هذي وحده من البنات قدمت في الرياض وهي من الشرقيه... يوم طلعت النتائج... ماهي معاهم... (... بعثت خطاب ومراجعات... ومواعيد... و و و و إلخ... ولي أمرها... في رمضان... يراجع لها... الله يوفقه وقبل العيدبـــ 4أيام أو أكثر جاء قبولها...) ودور البنت... كانت تتعامل مع الملك الديان سبحانه.. و أتاها الفرج...منه... والحمد لله خليك... معهم... واستعيني بالله... وإن شاء الله تيسر أمورك... دعــــــــواتي,,, لكــــــــــــــم... ((((............ لا إله إلا أنت سبحانك إنا كنا من الظالمين....))))) |
رد: توني جيت من الجامعه تعالو شوفو وش صار مستقبلي ضاع
ادخلي على هذا الرابط http://www.qeyas.com/Qiyas/results وبعد كذا اطبعي نتائج اختبارات القياس والتحصيلي وروحي للجامعة ( كلية الآداب ) بالدمام وصدقيني يحلون مشكلتك .
|
رد: توني جيت من الجامعه تعالو شوفو وش صار مستقبلي ضاع
سوووي زي ماقال البرووونز
روحي لاتسكتين والله يوفق الجميع |
رد: توني جيت من الجامعه تعالو شوفو وش صار مستقبلي ضاع
الله يعنيك خيتو انشا الله يصير خير حاولى وسالى هذا مستقبلك
|
رد: توني جيت من الجامعه تعالو شوفو وش صار مستقبلي ضاع
رايي من رايهم ...
المفروض تروحين وتطبعين الورق وتطبعي القياس والتحصيلي هذا مسسستقبلك .. ان درستي او مادرستي هو مابيخسر مقعده .. انتي الي بتخسري 12 سنه قضيتيها بدراسه واختبارات !! حاولي تتركي القهر والزعل فترة التسجيل والجامعات .. لازم نضغط ع عمرنا ونحاول وما نيأس وترى فيه ناس مثل مشكلتك يوم صوروها انحلت وانا اعرف ناس شخصيا صار لهم كذا ويوم طبعوا الورق ... انحلت :) لأن موقعهم الزفت ... مالنا خص فيه .. ومدام هالاخلاق الي هو عليها يصلحون الموقع تالي يتكلمون :017: موفقه حبيبتي :119: |
| All times are GMT +3. الوقت الآن حسب توقيت السعودية: 09:43 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام