|
نسب التخصصات المطلوبه + استفسآر
السلام عليكم
انا قدمت السنه هذي على جامعه الملك فيصل ولا جاني قبول فيها للاسف لاني حاط رغبات اكثر من الدرجه الي جايبهآ ودخلت انتسآب ,, والحين ابي انسحب من الانتسآب و اقدم السنه الجآيه على الملك فيصل بس عندي سؤال ! انا نسبتي التراكميه 69.9 اقدر اخش في هذي النسبه ولالا ؟ وهل فيه نسبه تحت هالتخصص عشان ادخلها ؟ و ارفع من معدلي في التحضيريه ؟ شكرا |
رد: نسب التخصصات المطلوبه + استفسآر
وعليكم السلام والرحمه اول شيء بالنسبه انك تنسحب من الانتساب وتقدم ع الانتظام احتمال ماتقدر , لانهم نزلوا قرار جديد هو ان اللي يدرس انتساب مو مسموح له ان يدرس انتظام .. يعني تأكد قبل ماتنسحب عشان لا تخسر الدراسه من الجهتين / بخصوص نسبتك وانك تقدر تدخل فيها او لا .. النسبه اللي حطيتها انت التراكمي للثانويه او الموزونه اللي تكون محسوبه مع اختبارات قياس .! للامانه ماحد يقدر يعطيك الشيء الاكيد لان الجامعه مالها نسب ثابته يعني كل سنه تتغير حسب شطارة الدفع , ودايم الطلاب نسبهم اقل من الطالبات لكن مع نسبتك الامل ضعيف شوي في القبول يعني اذا استفسرت من الجامعه وطلع انك تقدر تسجل السنه الجايه الافضل انك تعيد القدرات والتحصيلي عشان نسبتك الموزونه ترتفع وتكون فرصتك في القبول اكبر تقريبا الاداب هي اكثر الكليات اللي نسبها دايم تكون اقل شيء يعني توقف نسبها احيانا ع 70 اما سؤالك الاخير مااستوعبته كيف يعني ترفع من معدلك في التحضيريه ..! موفق يآرب |
رد: نسب التخصصات المطلوبه + استفسآر
^^
يعطيك العافيه اول شي طيب من وين استفسر عن القرار الجديد :( ! مع اني كلمت اعضاء من قسم التعليم عن بعد يقولون ايه تقدر |
رد: نسب التخصصات المطلوبه + استفسآر
غريبه هذا اللي نعرفه عن الانظمه الجديده بس دامهم قلولك تقدر يعني تقدر واذا تبي تستفسر اكثر اسأل عمادة القبول والتسجيل للانتظام او اتصل عليهم / وللمعلوميه ترى فتح التسجيل لاختبار القدرات اذا كنت ناوي تعيده |
رد: نسب التخصصات المطلوبه + استفسآر
^^
يعني اقدر اعيد اختبار القدرات للمره الخامسه ؟ |
رد: نسب التخصصات المطلوبه + استفسآر
يعني اختبرت هالسنه لجميع المرات المسموح لك فيها ..! شوف اذا اختبرتهم كلهم وتبي تسجل ماراح تقدر تسجل ع الورقي لانك اختبرت في كل الفرص اللي عندك .. لكن تقدر تسجل الآن في اختبار القدرات المحوسب يعني يكون ع الكمبيوتر اما الورقي اللي متعود عليه عليك تستنى للفتره الثانيه لانها تكون في بداية السنه الجديده اما الان يحسب لك ع السنه هذي من كذا ماراح تقدر وانت بعد جرب سجل فيه واذا طلع لك غير مسموح سجل في المحوسب اذا ودك فيه |
رد: نسب التخصصات المطلوبه + استفسآر
^^
اسف ازعجتك بس وش المحوسب |
رد: نسب التخصصات المطلوبه + استفسآر
عادي أخوي خذ راحتك اتوقع مثل اللي يكون بالمواقع واللي ع موقع قياس ع شكل الاختبارات التجريبيه ان يكون السؤال موجود وتحته الاختيارات مباشره وعليك تأشر بالماوس ع الاجابه الصحيحه من غير لا تلوين ولاشيء |
رد: نسب التخصصات المطلوبه + استفسآر
يعطيك الف عافيه
طيب يقولون لازم تحذف سجلك المدني من الجامعه شلون ؟ |
رد: نسب التخصصات المطلوبه + استفسآر
من قالك انك تحتاج تحذف سجلك المدني .! حنا من كذا قلنا لك ماتقدر تسجل للانتظام بعد انسحابك من الانتساب , اضافه ع القرار اللي منزلنه هم لانك اذا سجلت في الانتظام راح يطلع لك ان سجلك المدني موجود , لان طلع لك سجل اكاديمي اثناء دراستك للانتساب انت الافضل تراجع العميد لانك تقول قولوا لك عادي تقدر وراجع عمادة التسجيل والقبول للانتظام تاكد اكثر قبل ماتقدم ع خطوة الانسحاب لان اللي ينسحب مايقدر يرجع |
رد: نسب التخصصات المطلوبه + استفسآر
انا السنه الي فاتت ما انقبلت ودخلت انتساب وماكملت فية
وقدمت على انسحاب وعدت القدرات والتحصيلي وسجلت السنة هذي على الانتظام وانقبلت يعني ما اتوقع انه فيها مشكله |
رد: نسب التخصصات المطلوبه + استفسآر
اقتباس:
طيب كثر ويش درستي بالانتساب يعني شهر او اقل |
رد: نسب التخصصات المطلوبه + استفسآر
اقتباس:
وبيكون ع الحاسب الآلي :16.jpg: |
رد: نسب التخصصات المطلوبه + استفسآر
اقتباس:
ابي تأكيد اختي ! |
رد: نسب التخصصات المطلوبه + استفسآر
أخوي مااتوقع انها ترجع مره ثانيه لموضوعك مع اني سويت لها تنبيه اول ماردت بس شكلها مانتبهت هي له فأفضل شيء تتاكد من العماده وسألهم اذا سجلت للانتظام هل راح تصير مشكله مع سجلك المدني ان موجود او لا يمكن اذا انسحبت قبل ماتكمل الترم يعني قبل ماترصد لك درجات مايأثر اما بعد اتوقع راح يأثر وأخوي اذا ماعليك أمر استفساراتك اللي تخص التعليم عن بعد مو هنا مكانها حنا نقدر نعطيك الشيء الاكيد للانتظام فقط اما لو ظليت تسأل عن الانتساب المشرف راح ينقل موضوعك لقسم (التعليم عن بعد) او راح يغلقه لانك فتحت واحد هناك :) |
| All times are GMT +3. الوقت الآن حسب توقيت السعودية: 11:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام