|
بخصوص ارسال الوثائق الدفعة الثانية
السلام عليكم أخواني
تم قبولي من الدفعة الثانية لاكن لم أرسل الأوراق إلى يوم 1 رمضان وأمس دخلت على الموقع الخاص بالقبول يقولون نتعذر عن قبولك لعدم تسليم وثائقك مع العلم إني سلمتها هم قالوا اخر يوم 1 رمضان وانا ارسلتها الله يفرج همكم عطوني حل ... والله إني في قلق لايروح القبول . |
رد: بخصوص ارسال الوثائق الدفعة الثانية
وعليكم السلام اي عدل اخر يوم للدفعه الثانيه 9/1 طيب عندك ورقة البريد اللي عطاك ايها موظف البريد بعد تسليمك له للوثائق |
رد: بخصوص ارسال الوثائق الدفعة الثانية
إي عندي وادخل على موقع جامعي تبع البريد السعودي
يقول وصلت للهفومف وتم التسليم |
رد: بخصوص ارسال الوثائق الدفعة الثانية
خلاص الحمدلله دامها عندك يعني عليك تروح لهم بكره وإن شآء الله يحلونها لك في قسم هناك بالجامعه لمشاكل القبول والتسجيل للطلاب في مبنى كلية خدمة المجتمع وخذ ورقة البريد معك وإن شآء الله يضبطون القبول لك بس انتبه لاتضيع ورقة البريد لانها الاثبات الوحيد انك سلمت اوراقك وربي يسهلها لك يآرب |
رد: بخصوص ارسال الوثائق الدفعة الثانية
أنا من الرياض يعني لازم اروح الهفوف
والله مشكلة مافي حل أخر أخوي . ويعطيك العافية . |
رد: بخصوص ارسال الوثائق الدفعة الثانية
الافضل تروح لهم بنفسك بس اذا ماتقدر جرب اتصل عليهم واذا ماحلوها لك مافي غير تجيلهم للجامعه بنفسك وقصدك أختي |
رد: بخصوص ارسال الوثائق الدفعة الثانية
لا تروح لهم ولا شي
هذا مشكله دائماً تجي من وقعهم تطمن بس انت مقبول واوراقك بالسليم ^^ واهم شي احتفض بالايصال الي عطوك اياه البريد المخنوم وان شاء الله وقت اصدار الجداول راح يفتح معك |
رد: بخصوص ارسال الوثائق الدفعة الثانية
مشكورة أختي.
أخوي خواطر إنسان يعني إنشالله مايحتاج اروحلهم أخاف اطمن نفسي ومايقبلوني مع العلم إني موظف بالرياض وصعب استأذن من الدوام عشانم اروح لأنهم قالو اخر يوم الثلاثاء 1 رمضان وأنا ارسلتها الأربعاء 1 رمضان بحكم الشهر كامل ولكم جزيل الشكر أخواني . |
رد: بخصوص ارسال الوثائق الدفعة الثانية
يآخوي انت ماعليك منهم دام عندك الوصل حق البريد عندك ومختوم فاتطمن
واذا تبي تتطمن اكثر واكثر اتصل عليهم بكرا الصبح وااستفسر منهم بس لاتقولهم انك راسل اوراقك يوم الربوع هذا رقمهم هاتف / فاكس الأحساء هاتف 5801762 هاتف 5813499 قتح الخط 03 |
رد: بخصوص ارسال الوثائق الدفعة الثانية
اها الاربعاء ماينفع
الثلاثاء اخر يوم للتسليم وغريبة استلمها منك الموظف بعد انتهاء فترة التسليم |
رد: بخصوص ارسال الوثائق الدفعة الثانية
ام العنود يمكن الموظف تساعد معه
لانك مثل مانتي عرافه اهم يجمعةن كل الاوراق لين نهاية الاسبوع ويرسلونها كاملة |
رد: بخصوص ارسال الوثائق الدفعة الثانية
بأتصل فيهم بكرة وأشوف والله يطمنك أخوي
أم العنود أوراقي وصلت الهفوف أمس وتم تسليمها حسب موقع البريد ممكن يرجهونها مثلا. |
رد: بخصوص ارسال الوثائق الدفعة الثانية
مآيقدرون يرجعونها
تطمن يآولد الحلال:27: اتصل عليهم بكرا وتطمن اكثر |
رد: بخصوص ارسال الوثائق الدفعة الثانية
:29: زودتها داري ياحبي لعمرك :11:
لأنها اخر فرصة لي اكون منتظم بجامعة . الله يفرجها بوجهك وين ماكنت |
رد: بخصوص ارسال الوثائق الدفعة الثانية
حلو ان الموظف تعاون معه
بس خواطر فكرت ان يخلونهم لنهاية الاسبوع ويرسلونهم هذي لا يرسلونها يوم بيوم ماعدا بقيق تطلع من بقيق للدمام وتجي من الدمام للهفوف فتاخذ يومين بس الجامعه تتابع ويوصل لها وقت تسليم الملف بالوقت وحصل مثل هذا الشي مع وحده من اهلي وتم رفض قبولها لانها تعدت فترة التسليم والجامعه يجيها ان الرقم الجامعي سلم اوراقه يعني مثلا اختي سلمت اوراقها الاثنين المغرب صباح يوم الثلاثاء س 9 وصلت للجامعه لكن ادعي وربي ييسر امورك |
رد: بخصوص ارسال الوثائق الدفعة الثانية
بس اما العنود اهو من الرياض
يعني على ماتروح المركز الرئيسي وكذا يعني فآ ما اتوقع بتصير له مشكله لان الطالب من يسلم اوراقه للبريد يكون عمل الي عليه |
رد: بخصوص ارسال الوثائق الدفعة الثانية
الصراحة أم العنود اقلقتني لدرجة إني بروح بكرة الهفوف
والله احترت ومافي الا اروح وانشالله خير ولا علموني بالعلم الأكيد أخواني مالها داعي على يوم يروح مستقبلي:39: |
رد: بخصوص ارسال الوثائق الدفعة الثانية
راجعهم والله يوفقك يارب
|
رد: بخصوص ارسال الوثائق الدفعة الثانية
راجعتهم اليوم وقالي مقعدك راح لغيرك
قلتله حاول قال بحط اسمك بالأحتياط وراجعنا بعد العيد يعني راحت عليك ياعبيد . |
رد: بخصوص ارسال الوثائق الدفعة الثانية
اذا الوثائق بعدهم عندهم يعني هذا شيء زين وبعدين قول الحمدلله انك راجعتهم وحطوك في الاحتياط يعني في امل .. لو انك مو مراجعهم كان راحت عليك عدل وإن شآء الله يلقون لك مقعد يآرب ويكتمل قبولك |
رد: بخصوص ارسال الوثائق الدفعة الثانية
إنشاالله يارب واصير واحد منكم تحياتي .
|
| All times are GMT +3. الوقت الآن حسب توقيت السعودية: 02:40 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه