التحويل من الحاسب الى الهندسه ساعدوني
 

السلام عليكم
ياخوان ياجماعه الخير الله يعلم كيف اكتب الكلام وانا كلي قهر واحس بضياع في المستقبل والله العظيم ياجماعه الخير انه دموعي على عيوني من يوم وانا صغير طموحي اصير مهندس شسوي عاد طموح وكل واحد وطموح عنده وانا انقبلت حاسب وانا لحد يومكم هادا ماترقيت للهندسه رحت الاختبار تحديد المستوى والله باين على وجهي انه مالي نفس احل شسوي ادرس شي مابغاه
واليوم رحنا لهم القبول والتسجيل قاله لسى لحد الحين هوا بالحاسب وانا ابغى الهندسه ويمكن الفرق نص نسبه او اكثر بقليل يعني ياخوان والله ماكتبت الموضوع إلآ عارف انه في اعضاء ماراح يقصرو قوليلي شنو السواه :Cry111:

رد: الله يوفق كل مين يساعدني او يرفع معنوياتي شوي
 

مالكـ إلا الصصصبر .. و الفرج من ربكـ ..

لربمآ خيرهـ لكـ هالتخصص ..

و الخيرة فيما أختارهـ الله لكـ ..

أنتظر للحين مافي إنسحابات للبعثات و المنح ..

تأكد إذآ ربي كاتب لكك تكون مهندس

لو تداوم بعد أسبوع تجيكـ ترقية مو شرط قبل الدراسه ..

لككـ .. :106:

رد: الله يوفق كل مين يساعدني او يرفع معنوياتي شوي
 

انا مثلك وسبق قلت ذا الكلام وانا حاليا مقبول بكلية العلوم وشوف اخوي انت لازم ترضى بالواقع وتحب التخصص الي انقبلت فيه انت في بلاد بومتعب الله يطول بعمرة ان شالله منت بضايع :sm4:

رد: الله يوفق كل مين يساعدني او يرفع معنوياتي شوي
 

:Cry111:طيب ياجماعه الخير بعدين لو ماترقيت وبحول للهندسه اقدر احول وكيف ولازم ادرس تحضيريه من جديد ولالا

رد: الله يوفق كل مين يساعدني او يرفع معنوياتي شوي
 

شوف اذا كنت تقدر تنقل لها بعد ما تحصل على معدل عالي في السنه التحضيريه ؟!

ربي ييسر لك

رد: الله يوفق كل مين يساعدني او يرفع معنوياتي شوي
 

اخووي

لا تشيل هم وكل امرك لربك

ارسال الاوراق للتدقيق يبدا من 7-9 ميلادي

للابتعاث

يعني الطلاب بيسحبون

اوراقهم

وان شاء الله يقبلونك وتترقى

في حال ما ترقيت اخووي

تقدر تسووي تحويل بعد السنه التحضيريه

بس شد حيلك وقوو نفسك فيها

واطلع منها بمعدل 3 ونص واكثر

وكل ما كان اعلى تكون فرص التحويل اقوى

الله يسهل عليك

رد: التحويل من الحاسب الى الهندسه ساعدوني
 

طيب اختي هل لما اعيد احول اعيد تحضيري ولا اروح تخصص من تخصصات الهندسه

رد: التحويل من الحاسب الى الهندسه ساعدوني
 

يتم معادلة المواد لك واذا فيه مواد ما درستها تعيدها اجباري

وتقدر تاخذ معلومات كافيه من موظفين السنه التحضيريه

الله يووفقكم لكل خير

رد: التحويل من الحاسب الى الهندسه ساعدوني
 

واما اعيدها اخذ سنه عشان هالمواد :Cry111:طيب مايقدرون يعطوني اياها صيفي وخلاص

رد: التحويل من الحاسب الى الهندسه ساعدوني
 

تاكدولي ياجماعه الخير ادا ماترقيت وابغا احول هل المواد اللي ماخذتها اعيدها بسنه كامله ولا صيفي ولا كيف
وهل مثلا لو حولت لي بالهندسه هل يختارو التخصص على حسب معدلي في الكليه اللي كنت فيها

رد: التحويل من الحاسب الى الهندسه ساعدوني
 

اذا انت باقي نص نسبة ولا رقوك

انا نسبتي تعدت التخصص الي كنت ابيه بكثييرر ولا رقوني :biggrin:

انا الحين تخصص الطب البيطري وكانت الرغبة الاعلى من البيطرى حاسب ونسبتي تعدت الحاسب بكثير ولا رقوني وانا الحين متحير حدي اكمل بيطرى ولا انقل حاسب والي يضحكني كيف ماترقيت ؟

صحيح انا احب الحيوانات واحب الاحياء بشكل عام بس حلم طفولتي مهندس حاسب :biggrin: الزبدة مو شرط ادخل هندسة حاسب بس انا احب الحاسب كثييير يعني اكثر شيء احبه الحاسب

وللحين مدري ويش اسوي وليه ماترقيت ؟

رد: التحويل من الحاسب الى الهندسه ساعدوني
 

اخوي روح لهم انت ساكت عن حقك ترا انا حلمي مهندس حلمي وانا صغير انتظره ادعولي بالترقيه تكفون

رد: التحويل من الحاسب الى الهندسه ساعدوني
 

انا فكرت اروح بس قلت يمكن مافي مجال لو في مجال اكيد كلومني او رقوني ويعني لازم يكون في مقعد متوفر لي عشان كذا جالس انتضر وتاريخ 14 راح اشوفهم اذا ماصار شيء

رد: التحويل من الحاسب الى الهندسه ساعدوني
 

يارب اترقى للهندسه ويرقونك للحاسب قل امين

رد: التحويل من الحاسب الى الهندسه ساعدوني
 

آمين الله يسمع منك

رد: الله يوفق كل مين يساعدني او يرفع معنوياتي شوي
 

رد: التحويل من الحاسب الى الهندسه ساعدوني
 

في العام الماضي عدد كبير جداً من طلاب الحاسب كانت رغبتهم الأولى هندسه

ولكن بسبب عدم تحقيق المعدل المطلوب اصبحو في الحاسب الآلي

عموماً, في الهندسة والحاسب يتم دراسة نفس المواد بالضبط .. لدرجة ان طلاب الحاسب والهندسة بالسمستر الثاني كانو مع بعض بالمحاضرات

طبعاً فيه أمل أنك تحول للهندسة بعد السنة التحضيرية وبدون ماتعيد السنة التحضيرية ولاتدرس أي شي إضافي

ولكن يشترط أنك تجيب معدل عالي يفضل يكون 3.5 وفوق ولو كان 4 جداً ممتاز ..

أيضاً خذ بالحسبان درجتك في الانجليزي .. والرياضيات أهم شي تكون عالية

الطلاب اللي كانو بالحاسب وتم نقلهم للهندسه لهذا العام كان المطلوب منهم ان تكون درجة الانجليزي ماتقل عن B ودرجة الرياضيات ماتقل عن B أيضاً

ولم يشترط المعدل لهذا العام ..

ولكن الافتراضي بالطبع يشترط أن لايكون أقل من 3 من 5 لاجتياز السنة التحضيرية

وهذا مصدر الخبر من موقع الجامعة - كلية الهندسة :
http://www.kfu.edu.sa/ar/Colleges/AhsaEngineering/Lists/KfuNews/DispForm.aspx?ID=112

أنت شد حيلك خلال السنة التحضيرية وراجعهم بخصوص التحويل أول بأول

والله يوفقك ويسهل أمرك,,

رد: التحويل من الحاسب الى الهندسه ساعدوني
 

إذا نسبتك الموزونة أعلى من النسبة اللي تم قبولها ربما يوجد خطأ بالنظام

يفترض أن تراجعهم وبيتم تصحيح الخطأ ووضعك بالحاسب الآلي إن شاء الله

لاتتنازل عن حقك .. وراجعهم واحرص على هالشي

وحط ببالك الشخص اذا درس تخصص يحبه غالباً يبدع فيه فلا تفوت الفرصة

والله يوفقك ويسهل أمرك,,

رد: التحويل من الحاسب الى الهندسه ساعدوني
 

طيب اخواني الحين الهندسه اذا حولت لها يحولني في قسم من اقسام الهندسه يعني هل يعطوني هندسه كهربائيه ولا ميكانيكيه ولا كيميائيه ولا كيف ولا على حسب المعدل اللي جايبه في الحاسب ولا كيف

رد: التحويل من الحاسب الى الهندسه ساعدوني
 

نظام الدراسة في كلية الهندسة هو دراسة سنتين مواد عامة لجميع تخصصات الهندسة

وبعدها تختار التخصص ويتم وضعك فيه حسب معايير تحددها الجامعة بالطبع

وبعد ذلك تدرس التخصص لمدة سنتين وتستلم شهادة البكالريوس في الهندسة باذن الله

موفق لكل خير،،

رد: التحويل من الحاسب الى الهندسه ساعدوني
 

رد: التحويل من الحاسب الى الهندسه ساعدوني
 

إذا فعلًا تحب الهندسة لهالدرجة لا تتخلى عنها !
ولو ربي ماكتب لك تدرسها اعرف انها خيرة لك وتقبّل الموضوع ، لكن برضو لا تستسلم من البداية
حاول تدبّر لك فرص من هنا ولا من هنا ..
تحويل ، بعثة ، أي شي ، واسطة !

وبالنسبة للتحضيري وإعادة المواد ، فيه بعض المواد تكون مشتركة في أكثر من تخصص
هاذي المواد ما يخلونك تعيدها ، ولو فيه مواد زيادة تحتاجها بالتحضيري ومادرستها بقسم الحاسب
هاذي ممكن يخلونك تدرسها، بس إذا فعلا تحب الهندسة ماتوقع بتعوقك هالكم مادة :)

الله يوفقك ويسهل دربك يارب :)