ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى ماقبل الجامعه والاستفسارات الأكاديمية العامة للطلاب المنتظمين (https://vb.ckfu.org/forumdisplay.php?f=290)
-   -   [ جامعة الدمام ] : الرقم الجامعي للمحولين .. (https://vb.ckfu.org/showthread.php?t=358615)

مدام لؤي 2012- 8- 12 08:06 PM
الرقم الجامعي للمحولين ..
 
السلام عليكم ورحمة الله وبركاته

انا انقبلت بالتحويل الحمدلله وقالوا لي انهم بيرسلوا الرقم الجامعي وللحين م جاني شي

فيه احد مثلي وسأل ؟؟

Ś н т ά т 2012- 8- 12 08:40 PM
رد: الرقم الجامعي للمحولين ..
 




وعليكم آلسلآم وآلرحمه
مبروك قبول آلتحويل
آلله يوفقكك
بخصوص آلرقم آلجآمعي
آدخل هآلرآبط في آخر شي بتحصله
http://admitportal.ud.edu.sa/pages/admission.aspx
بيظهر لك آلرقم+آلكليه إلي آنقبلت فيهآ
إذآ كآن نفس آلآول آصبر كذآ يوم وشيك عليه

nourah.r 2012- 8- 13 05:20 AM
رد: الرقم الجامعي للمحولين ..
 
إنا بعد مأارسلو لي
طووؤولو علينا بالرقم الجامعي
جربت الرابط يقول السجل المدني غير موجود :Cry111:

مدام لؤي 2012- 8- 13 05:58 PM
رد: الرقم الجامعي للمحولين ..
 
جربته حتى انا نفس الشي لان احنا محولين مومقبولين زيي طلاب الثانوي

nourah.r 2012- 8- 14 07:07 AM
رد: الرقم الجامعي للمحولين ..
 
قالو لي خلال يومين بتجيك رساله بالرقم الجامعي وماجاني شيء

تتوقع بعد العيد يرسلون لنا :000:

اغليك 2012- 8- 14 10:37 AM
رد: الرقم الجامعي للمحولين ..
 
انا كمان مثلكم ماجاني شيء


بنات انتو مقبولين بالرغبه الاولى كلكم

لانهم يوم رحتلهم قالو لا احنا الغلط من عندنا انتي مقبوله بالرغبه الاخيره

متى صارت ذي

همتي لجنتي 2012- 8- 14 04:58 PM
رد: الرقم الجامعي للمحولين ..
 
وانا بعد نفس الشي م رسلوا لي شي :(

احد عنده خلفيه شي

وعندي سؤال الجامعه مفتوحه بكرا !

بليييز احد يرد

nourah.r 2012- 8- 15 07:21 AM
رد: الرقم الجامعي للمحولين ..
 
لا حبيبتي مسكرين
ؤلا كان رحت سألتهمم :Cry111:

ضحكة ألم 2012- 8- 15 09:06 AM
رد: الرقم الجامعي للمحولين ..
 
عندي سؤال بس اذا يسمح صاحب الموضوع
التحويل يكون بعد دراسة سنه باالجامعه ولا قبل الدراسه؟؟؟؟

lAmnahl 2012- 8- 15 10:05 AM
رد: الرقم الجامعي للمحولين ..
 
بعد دراسه سنه اتوقع ولازم تجيبين معدل مرتفع ٢،٥ :119:

fadyah 2012- 8- 15 05:01 PM
رد: الرقم الجامعي للمحولين ..
 
ارجو منكم الرد علي اليوم ارسلوا لي رساله بإنهم قبلوني في التحويل وانه اخر موعد تسليم الاوراق يوم الاحد مع العلم انه ارسلوا لي رساله على الايميل اني مقبوله بكليه العلوم الطبيه لكن لم رحت لهم قالوا انك غير مقبوله يعني ليش يرسلون لي طيب ودخلت على النظام مكتوب جنب كليه العلوم الطبيه الي هي رغبتي الاولى قبول مشروط اما رغباتي الثانيه طلب
هل يعني انهم قبلوني من جديد؟وكيف اعرف في اي كليه انقبلت وهم الحين مسكرين

همتي لجنتي 2012- 8- 15 06:01 PM
رد: الرقم الجامعي للمحولين ..
 
والله مدري وش اقولك

بس اللي اعرفه انهم خلاص قفلوا

راجعيهم بعد العيد

طيب انتي جاك قبول في الطبية التطبيقية !

وانتي من اي كليه محوله !

وزي م قلت لك راجعيهم بعد العيد والله يوفقك ويوفقنا

fadyah 2012- 8- 15 11:28 PM
رد: الرقم الجامعي للمحولين ..
 
انا محوله من كليه العلوم الطبيه بجامعة الباحة يا همتي لجنتي
ومكتوب جنب كليه العلوم الطبيه قبول مشروط ولم رحت لهم قالوا لي انتي غير مقبوله مع العلم انهم ارسلوا لي رساله عبر الايميل بانهم اقبلوني
واليوم ارسلوا لي مرة ثانيه رساله بس مو عارفه اي كليه انقبلت وخايفة اذا رحت لهم انهم يقولون نفس الشيء غير مقبوله ابغى اعرف طيب ليش يرسلون رسايل

.................................................. .................................................. ..

اغليك حبيت استفسر متى رحتي لهم وقالوا لك انتي مقبوله بالرغبه الثاثة؟؟

nourah.r 2012- 8- 16 08:54 AM
رد: الرقم الجامعي للمحولين ..
 
إلا إنتي مقبوله
بس يمكن إلي رحتي له مايعرف
وين رحتي إنتي أي مكتب ؟وعند مين سألتي
:eek:

fadyah 2012- 8- 18 08:52 AM
رد: الرقم الجامعي للمحولين ..
 
رحت للنفس عميد الكليه ويوم الاربعاء ارسلوا لي رساله بأنه تم قبول طلب تحويلك والتسليم يوم الاحد ومو عارفه اي كليه انقبلت بس في النظام مكتوب مقبوله كليه العلوم الطبيه خايفة اروح لهم يقولون نفس الكلام مدري احسهم يلعبون معي يرسلون بأني مقبوله بس لم اروح لهم يقولون غير مقبوله مع العلم انه هذي الرساله الثانيه منهم

nourah.r 2012- 8- 18 08:12 PM
رد: الرقم الجامعي للمحولين ..
 
لا يالغلا
روحي عماده القبول والتسجيل
لاتروحين لنفس عميد الكليه
بعدين يمكن يحسبون انك مستجده
قولئ انك محوله

fadyah 2012- 8- 18 09:22 PM
رد: الرقم الجامعي للمحولين ..
 
مشكورة يا nourah.r على الرد وان شاء الله يصير خير..

همتي لجنتي 2012- 8- 25 11:49 AM
رد: الرقم الجامعي للمحولين ..
 
وش صاار ع الرقم الاكاديمي !!

احد وصله شي !!

روح الصداقه 2012- 8- 26 04:27 AM
رد: الرقم الجامعي للمحولين ..
 
^^


لا جججديد

همتي لجنتي 2012- 8- 26 05:56 AM
رد: الرقم الجامعي للمحولين ..
 
بالله :eek: !!

كلنا تسسذا !!

والدبببره !!

وش السوواة !!

احد يقدر يروح لمهم باااتسسر !!

انا والله خاارج الدمام ولا كاان قلت لابووي يرووح :139:

ان شاء الله بكررا يرسلون لنا ونرتااح :060:

همتي لجنتي 2012- 8- 28 12:56 AM
رد: الرقم الجامعي للمحولين ..
 
بليييييز ي المحولييين ةش صاار عليكم !

انا م وصلني شي احد وصله !

اغليك 2012- 8- 28 09:15 AM
رد: الرقم الجامعي للمحولين ..
 
الحين وش السواه احد يخبرنا

alwadi55 2012- 8- 28 11:44 AM
رد: الرقم الجامعي للمحولين ..
 
راح ابوي للجامعة وقالة خالد الرويج خلال 3 ايام

الانتظار وفيه برنامج خاص للمحوليين

sarah91 2012- 8- 28 03:05 PM
رد: الرقم الجامعي للمحولين ..
 
كيف يعني برنامج خاص للمحولين؟

alwadi55 2012- 8- 28 09:08 PM
رد: الرقم الجامعي للمحولين ..
 
طريقة تسجيل المواد ومعادلة المواد

nourah.r 2012- 8- 30 05:03 AM
رد: الرقم الجامعي للمحولين ..
 
:24_asmilies-com: ماصارت ؤش يحسون فيه إستغفرالله بس

اغليك 2012- 8- 31 10:47 AM
رد: الرقم الجامعي للمحولين ..
 
شنو جدول للمحولين ووين يتم الاعلان عنه .. يعني بنبتدي مثل الباقين ولا بنتأخر عنهم الصراحه ضلم

مدام لؤي 2012- 9- 1 06:58 PM
رد: الرقم الجامعي للمحولين ..
 
فيه احد داوم اليوم وشاف الوضع كيف ؟؟

روح الصداقه 2012- 9- 1 10:17 PM
رد: الرقم الجامعي للمحولين ..
 
انا داومت
وقالو لي ان جامعه الرجال ماارسلت لنا ارقامكم الجامعيه
ومانقدر نسوي شي لين يرسلون

وحنا بننتظار هالخطاب من الرجال :icon120:


All times are GMT +3. الوقت الآن حسب توقيت السعودية: 09:47 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه