ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى ماقبل الجامعه والاستفسارات الأكاديمية العامة للطلاب المنتظمين (https://vb.ckfu.org/forumdisplay.php?f=290)
-   -   [ طلاب الثانوية ] : جامعة الدمام او جامعة فيصل !! (https://vb.ckfu.org/showthread.php?t=349538)

Meem94 2012- 7- 14 07:49 PM
جامعة الدمام او جامعة فيصل !!
 
السلاام عليكم ورحمة الله وبركاته

انا انقلبت في جامعة الدمام في كلية العلوم
وجامعة فيصل في كلية العلوم الزراعيه والاغذيه

ممكن ترشحون الافضل من بينهم , من حيث الدراسه والمستقبل !!

M A D N E S S 2012- 7- 14 07:55 PM
رد: جامعة الدمام او جامعة فيصل !!
 
كلية العلوم الزراعية والأغذية فيها تخصصين :
- علوم التغذية : كله عن التغذية وعلومها شيء حلو ومفيد وتشتغلين اخصائية تغذية
- علوم المستهلك : يعتمد عالتغذية والرياضيات برضو ممتع
كلية العلوم فيها 4 تخصصات :
رياضيات + كيمياء + فيزياء + احياء
أتوقع ما يحتاج أعرفك على كل قسم
كل تخصص واضح من عنوانه
شوفي التخصص اللي تميلين له ووشوفي المواد حق كل قسم تحبينه
واستخيري
وان شاءالله خير
موفقة :rose::rose::rose:

Meem94 2012- 7- 14 07:56 PM
رد: جامعة الدمام او جامعة فيصل !!
 
طيب وش الافضل من حيث المستقبل ؟
يعني لو تخرجت من العلوم او علوم الزراعه وش الوظائف الموجوده ؟

M A D N E S S 2012- 7- 14 08:00 PM
رد: جامعة الدمام او جامعة فيصل !!
 
اممممممممم
كلية لعلوم بتخصصاتها الاربع
ممكن تشتغلين معلمة بمدرسة أهلية
أو حكومية بعد ما تاخذين عليها دبلوم تربوي وتصير شهادتك تربوية
والرياضيات بدون الدبلوم ممكن تشتغلين بمراكز او بنك او أي شيء محتاج حساب
والكيمياء مثلا ممكن تكملين عليه ماستر صيدلة يعني
والاحياء ممتع والفيزياء اشوفه سخيف
والتغذية حلوة ومفيدة ومستقبله اخصائية بمستشفى او مركز
وعلوم المستهلك ما عندي خلفية كبيرة عنه
كل تخصص عموما له مستقبل اذا تحبينه وطورتي نفسك فيه
وله مستقبل ووظايف لو تدورين عدل
لا تفكرين بالمستقبل فكري باللي تميلين له اولا واخيرا
واللي تحسين انك تبينه وراح تستمتعين فيه
موفقة حبيبتي

Ś н т ά т 2012- 7- 14 08:01 PM
رد: جامعة الدمام او جامعة فيصل !!
 




وعليكم آلسلآم..~
آلف مبروك آلقبول:rose:
آلقرآر آلاول وآلاخير رآجعلك
بس آفضل جآمعه فيصل
آتمنى هآلرآبط يفيدك

http://www.ckfu.org/vb/t57441.html

موفقه يَ رب
:004::rose:

jory flawrs 2012- 7- 14 08:03 PM
رد: جامعة الدمام او جامعة فيصل !!
 
عزيزتي مبروك القبول
ممكن تخبريني كم نسبتك وماهي رغباتك في جامعه الفيصل لأنه ممكن تنقبلي في مكان ثاني غير الزراعييه اذا ارسلتي اوراقك
لاكن جامعة الدمام رح تظلي على العلوم
من رايي الفيصل افضل من العلوم حطي في بالك المنظقه الأقرب لك بس اذا شي احسن ويسوى انك تروحي له اكيد عادي

Meem94 2012- 7- 14 08:15 PM
رد: جامعة الدمام او جامعة فيصل !!
 
انا نسبتي الموزونه 80.9
والرغبات اللي اخترتها بالترتيب > العلوم الطبيه التطبيقيه > ادارة الاعمال > علوم الحاسب وتقنية المعلومات > الصيدله الاكلينيكيه > العلوم الزراعيه والاغذيه

انا من سكان الدمام

jory flawrs 2012- 7- 14 08:25 PM
رد: جامعة الدمام او جامعة فيصل !!
 
نسبتك حلوه وزي ماقلت لك ممكن تنقبلي في رغبه اعلى من الزراعيه بشرط تسلمي ملفك ونسبتك قريبه لكليه الأدراه وجامعه الفيصل نسبها تنزل كثير شوفي الفرق بين الدفعه الاولى والثانيه
لاكن الدمام مارح تتغير استخيري وشوفي

Meem94 2012- 7- 14 08:30 PM
رد: جامعة الدمام او جامعة فيصل !!
 
طيب وين ممكن اشوف نسب القبول للدفعه الثانيه في فيصل ؟

Ś н т ά т 2012- 7- 14 08:38 PM
رد: جامعة الدمام او جامعة فيصل !!
 
هذي نسب آلدفعه آلاولى
http://www.kfu.edu.sa/ar/lists/admis...form.aspx?id=9

هذي نسب آلدفعه آلثآنيه
http://www.kfu.edu.sa/ar/Lists/Admis...orm.aspx?ID=27

Meem94 2012- 7- 14 08:49 PM
رد: جامعة الدمام او جامعة فيصل !!
 
متى اخر موعد لتسليم الاوراق المطلوبه في جامعة فيصل ؟
للمقبولين في الدفعه الثانيه

Ś н т ά т 2012- 7- 14 08:54 PM
رد: جامعة الدمام او جامعة فيصل !!
 
يوم الاحد 25/8/1433 هـ الموافق 15/7/2012م
وحتى يوم الأربعاء 28/8/1433 هـ الموافق 18/7/2012م

طبخة 2012- 7- 14 11:24 PM
رد: جامعة الدمام او جامعة فيصل !!
 
طيب وين التخصص الافضل كلية الزراعه والتغذيه او اداره اعمال ؟؟؟

M A D N E S S 2012- 7- 14 11:26 PM
رد: جامعة الدمام او جامعة فيصل !!
 
^
التخصص الأفضل يعتمد على ميولك
كلها حلوة وجميلةة ولا ما كان شفتي النسب مرتفعة
وكلها مستقبل ، اختاري اللي بتفلحين فيه
مو تختارين الافضل بنظر غيرك وتغرزين فيه
انا من ناحيتي افضل ادارة الأعمال
موفقة :sm5:

إبتسامة خجل 2012- 7- 14 11:46 PM
رد: جامعة الدمام او جامعة فيصل !!
 
تدرسين بجامعة الملك فيصل علوم زراعية واغذية بالنسبة لي افضل بكثير من كلية العلوم بجامعة الدمام

وتدرسين ادارة اعمال افضل بالسبة لي من العلوم الزراعية والأغذية

وبالتوفيق لك

kimberly 2012- 7- 15 12:14 AM
رد: جامعة الدمام او جامعة فيصل !!
 
في الدمام نسبتك ما ح تأهلك اعلى من العلوم او التربية او الدبلوم .. فأنا من رأيي التغذية افضل .. بالأخير القرار قرارك و المستقبل مستقبلك ..

طبخة 2012- 7- 15 12:25 AM
رد: جامعة الدمام او جامعة فيصل !!
 
طيب ادارة اعمال شنوو مفهوووم ذاا التخصص؟؟؟

شنوو وظائفه المستقبليه؟؟؟

Meem94 2012- 7- 15 04:02 AM
رد: جامعة الدمام او جامعة فيصل !!
 
مشكورين
بتوكل على الله وبرسل اوراقي لـ فيصل
وان شاء الله انقبل في المنافسه على ادارة الاعمال


All times are GMT +3. الوقت الآن حسب توقيت السعودية: 04:07 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه