ملتقى طلاب وطالبات جامعة الملك فيصل,جامعة الدمام - جامعة الدمام الطالبات الغير سعوديات

صفحة 1 من 2

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى ماقبل الجامعه والاستفسارات الأكاديمية العامة للطلاب المنتظمين (https://vb.ckfu.org/forumdisplay.php?f=290)

- - [ جامعة الدمام ] : الطالبات الغير سعوديات (https://vb.ckfu.org/showthread.php?t=222865)

samsom

2011- 9- 20 11:33 PM

الطالبات الغير سعوديات

السلام عليكم ورحمه الله وبركاته

حبيت اقولك
البنات الي انقبلوا بكلية العلوم بالدمام و ما ارسلولهم تخير بين الخفجي و النعيريه
يروحو بكره الكليه يشوفو اسمائهم

و الي خيروهم يشوفو اسمائهم ب المكان الي اختاروه

يعني وصلت الاسماء من التعليم العالي
وشكرا..

سيساتو

2011- 9- 21 03:05 AM

رد: الطالبات الغير سعوديات

اقتباس:

المشاركة الأصلية كتبت بواسطة samsom (المشاركة 4456939)

كيف عرفتي ؟
عطينا تفاصيل أكثر :$

samsom

2011- 9- 21 03:43 AM

رد: الطالبات الغير سعوديات

اليوم وحده من صديقاتي راحت الكليه
وقالوها وصلت الاسماء من يوم السبت

samsom

2011- 9- 21 01:08 PM

رد: الطالبات الغير سعوديات

ف احد صار له شئ
راح الجامعه

*saya*

2011- 9- 21 01:44 PM

رد: الطالبات الغير سعوديات

واحنا كيف نعرف انهم قبلونا بكلية العلوم؟؟
هم حاطيني انتظار عند علوم الحاسب
نروح للكليه ولا نروح لعميد القبول بالجامعه ؟؟

samsom

2011- 9- 21 06:52 PM

رد: الطالبات الغير سعوديات

روحي جربي الكليه

سيساتو

2011- 9- 21 07:29 PM

رد: الطالبات الغير سعوديات

اقتباس:

المشاركة الأصلية كتبت بواسطة *saya* (المشاركة 4461146)

روحي للكلية ، و إسأليهم عن أسامي الغير سعوديات اللي جتهم ..
رح تلاقينهم داخل مبنى كلية العلوم جنب الكافتيريا مكتوب عند مدخل
( علوم بديل 6 ) رح تلاقين هناك مكتب الشؤون الأكاديمية ، عندهم ورقة فيها
أسامي البنات الغير سعوديات ..
.
.
أنا رحت اليوم ، بس اسمي ماكان موجود ..
إن شاءالله اسمك يكون موجود هناك .. :106:

سيساتو

2011- 9- 21 07:30 PM

رد: الطالبات الغير سعوديات

اقتباس:

المشاركة الأصلية كتبت بواسطة samsom (المشاركة 4463217)

روحي جربي الكليه

كلمتي الخفجي ؟
ولا كالعادة مايردون على أحد ..

*saya*

2011- 9- 21 08:15 PM

رد: الطالبات الغير سعوديات

اقتباس:

المشاركة الأصلية كتبت بواسطة سيساتو (المشاركة 4463433)

ممكن اعرف كم نسبتك الموزونه ؟؟
انا ما ابغى كلية العلوم لو فرضا قبلوني فيها أقدر اسحب عليهم واجي للجامعه بمنحة من السفاره ؟؟

الله يوفقكم جميعا يااارب

سيساتو

2011- 9- 21 08:27 PM

رد: الطالبات الغير سعوديات

اقتباس:

المشاركة الأصلية كتبت بواسطة *saya* (المشاركة 4463687)

أكيد عادي ، أنا نسبتي 84 و فكة ..
و على فكرة حتى المنحة من السفارة ، رح تخضع لشروطهم ..
يعني سواءاً منحة من سفارة أو منحة داخلية ، نسبتك هي اللي تحددلك التخصص
اللي تدخلينه ، يعني لو نسبتك الحين ماتدخلك حاسب ، مارح تفرق
اذا كنتي منحة من السفارة لأنها رح تتم نسبتك أقل من المطلوب بالحاسب ..
====
يمكن إذا خلصتي من التحضيري تقدري تحولي لتخصص ثاني ..
.
.
و ترى منح السفارة واسطات ليوم الواسطات ..
اللي يدفع أكثر يحطون اسم بنته و يرسلونه للجامعة حتى لو نسبتك أعلى منها ..
======
يوم السبت روحي لكلية العلوم المكان اللي قلته لك فوق و شوفي اسمك موجود أو لا !
و إذا مو موجود قولي لهم يشيكون على الكليات الثانية يمكن إسمك عندهم ،
رح يطلبون رقم إقامتك و بعدين بيسوون بحث بالكمبيوتر عندهم ..
يمكن يكونوا رقوك للحاسب ماتدرين .. :106:

*saya*

2011- 9- 21 11:19 PM

رد: الطالبات الغير سعوديات

أنا نسبتي 88.29 وكلية الحاسب موقفين عند 85 بالنسبة للسعوديين

انا اللي اعرفه ان الجامعه تحدد عدد معين من المقاعد لغير السعوديين حتى لوكانت نسبتي تدخلني للحاسب
و سمعت ان بالمنحة تضمنين تخصصك اكثر من التقديم المباشر بس انا اللي مخوفني انهم يكونوا قبلوني بالعلوم واذا سحبت ملفي من عندهم اعتبر مفصوله ما اقدر اجيهم بالمنحه
الله ييسرها والله يعطيك العافيه

قمر 22

2011- 9- 22 01:13 AM

رد: الطالبات الغير سعوديات

بناااااااااااااات يعني انا خيرووني بين النعيرية والخفجي واخترت الخفجي ولسا ماوصلني خبر!!..؟وين ارووح للكليه الي بالخفجي ولا العماادة..بلييز فيدووني

سيساتو

2011- 9- 22 04:44 AM

رد: الطالبات الغير سعوديات

اقتباس:

المشاركة الأصلية كتبت بواسطة *saya* (المشاركة 4464589)

سيساتو

2011- 9- 22 04:45 AM

رد: الطالبات الغير سعوديات

اقتباس:

المشاركة الأصلية كتبت بواسطة قمر 22 (المشاركة 4465263)

إذا تعرفي أحد بالخفجي بالكلية ، أو وحدة من بنات المنتدى خليها تروح تشوفلك
إسمك موجود أو لا ؟
أو اتصلي عليهم و إسأليهم اسمك جاهم ؟
====
على ما أظن صاحبة الموضوع بعد خيروها زيك و اختارت الخفجي ..
و قالت انها بتدق عليهم و تسألهم ، شوفيها وش سوت أو وش قالوا لها
و يمكن تستفيدين منها ، إلى يوم السبت يحلها ربك ..

*حكاية قلب*

2011- 9- 22 07:53 AM

رد: الطالبات الغير سعوديات

اقتباس:

المشاركة الأصلية كتبت بواسطة samsom (المشاركة 4460925)

ف احد صار له شئ
راح الجامعه

إيه أنا رحت ولقيت إسمي الحمدلله ..

موفقين :love080:

♥ غمووض الرووح ♥

2011- 9- 22 10:07 PM

رد: الطالبات الغير سعوديات

عندي سؤال
انتم الحين كيف مقدمين ع الجامعه ؟؟؟
هل مثلنا عن طريق النت ؟؟ أو منحة عن طريق السفارة ؟؟

*saya*

2011- 9- 23 01:23 AM

رد: الطالبات الغير سعوديات

اقتباس:

المشاركة الأصلية كتبت بواسطة سيساتو (المشاركة 4466242)

الجامعة تحدد عدد معين من المقاعد ( تتحكم بالعدد بس ) لكن التخصص انتي تختاريه حسب نسبتك ، و لازم يكون تخصص غير طبي ..
بالنسبة لحكاية إنك بالمنحة تضمنين تخصصك أكثر من التقديم المباشر ، ماسمعت بهالشي ..
إلا إذا انتي تعرفي أحد كذا !
بس اللي أعرفه ان نسبتك تحدد تخصصك اللي تدخليه ..
===
روحي لجامعة الدمام وشوفي اسمك موجود أو لا ، يمكن يكون موجود و لأنك ماداومتي يعتبرونك مفصولة ولا عاد تقدرين تقدمين مرة ثانية !
و بعدين ليه حاطة ببالك إنهم قبلوك بالعلوم ؟
مو تقولي حاطين جنب الحاسب ( إنتظار ) ..!
يعني لو رح يقبلونك بتخصص رح يكون حاسب مو علوم ..!
موفقة ، :106:

أنا أعرف بنات قدموا عالجامعة مباشرة بس مش جامعة الدمام ويحطونهم بتخصصات مايبونها او كلية المجتمع ويلغون القبول لأن السفاره اضمن
وانا حاطه ببالي انهم قبلوني بالعلوم لأني سمعت ان الجامعه قبلت 5 بنات بالحاسب نسبهم فوق 92 والعلوم كانت رغبتي الثانيه وابوي راح الجامعه وسألهم قالوا يرجع يراجعهم يوم الاربعاء الجاي بس بتأكد منه هو سألهم على قبول الجامعه او المنحه

اقتباس:

المشاركة الأصلية كتبت بواسطة *حكاية قلب* (المشاركة 4466767)

إيه أنا رحت ولقيت إسمي الحمدلله ..

ألف مبرووووووووك على القبول :d5:
والله يوفقك ياااررب

موفقين :love080:

اقتباس:

المشاركة الأصلية كتبت بواسطة ღ غدا يوم آخر ღ (المشاركة 4470733)

عندي سؤال
انتم الحين كيف مقدمين ع الجامعه ؟؟؟
هل مثلنا عن طريق النت ؟؟ أو منحة عن طريق السفارة ؟؟

قدموا عن طريق النت

*saya*

2011- 9- 24 03:32 PM

رد: الطالبات الغير سعوديات

حكاية قلب

ايش مكتوب عند الكليه اللي اخترتيها بموقع جامعة الدمام ؟؟

انتظار ولا قبول؟؟

*حكاية قلب*

2011- 9- 24 04:04 PM

رد: الطالبات الغير سعوديات

انتظار ....

بشري رحتي ولا لا؟؟

samsom

2011- 9- 24 09:42 PM

رد: الطالبات الغير سعوديات

مبروك للي لقو اسمهم وعقبالنا ان شاء الله
انا يا طويله العمر من الساعه ثمان وانا ماسكه كل تلفونات الخفجي و العماده الي هنا وما احد يرد
والله لو مافي تلفونات احسن لهم صراحه يقهرو

بكره ان شاء الله بروح كليه العلوم الي هنا بالدمام زي ما قالت الاخت سيساتو واخليهم يشوفو اسمي
والله يعينا ويتمم علينا
ان شاء الله
بس انتو تفاءلو بالخير ..

واخت سايا مشاالله نسبتك حلو
فروحي وشوفي وين انقبلتي

rose..

2011- 9- 27 05:12 AM

رد: الطالبات الغير سعوديات

حكايه قلب.... مبروك على القبول ........:smile:
بس حبيت أسألك انتي تدوامين ألحين رسمي في الكليه ولا لا ؟؟

*saya*

2011- 9- 27 04:56 PM

رد: الطالبات الغير سعوديات

حكاية قلب , سمسوم

ماشفت اسمي في الكليه بس جاني قبول بالمنحة من السفاره واحتمال اداوم يوم السبت :119:

بناات في وحده شافت اسمها بمبني المهيدب بالحرم الجامعي هي اختارت تصاميم
وقالوا لها تداوم بس ان قبولها مو اكيد اذا تأكد قبولها بتكمل اما اذا ما انقبلت بيعطوها ملفها وبتطلع من الجامعه
مدري وش ذا النظام البايخ :017:
هم قالولكم كذا ؟؟

سيساتو

2011- 9- 27 05:14 PM

رد: الطالبات الغير سعوديات

اقتباس:

المشاركة الأصلية كتبت بواسطة *saya* (المشاركة 4505742)

حكاية قلب , سمسوم

ماشفت اسمي في الكليه بس جاني قبول بالمنحة من السفاره واحتمال اداوم يوم السبت :119:

طيب كيف عرفتي انه جاك قبول المنحة ؟

*حكاية قلب*

2011- 9- 27 05:56 PM

رد: الطالبات الغير سعوديات

اقتباس:

المشاركة الأصلية كتبت بواسطة *saya* (المشاركة 4505742)

مبروووووووووك الف مبروك عقبال الباقي ..... موفقة :love080:

خييييييير حلوة ذي يعطوها ملفها لعبة هي !!!!!!!!!!!!!!!!:017:

ترى اتوقع هم يقولون كذا تحطيم بس يعني معقولة وحدة بتدرس بعدين بنص السنة يعطونها ملفها كلام مايدخل العقل ابدا ....

*saya*

2011- 9- 27 07:37 PM

رد: الطالبات الغير سعوديات

اقتباس:

المشاركة الأصلية كتبت بواسطة سيساتو (المشاركة 4505862)

طيب كيف عرفتي انه جاك قبول المنحة ؟

السفاره دقت علي وعطتني رقم المعامله وقالوا ان اوراقي وصلت للجامعه واخلي الوالد يرسل باقي الاوراق

اقتباس:

المشاركة الأصلية كتبت بواسطة *حكاية قلب* (المشاركة 4506252)

الله يبارك فيك :biggrin:
آميييين

هي المشرفه قالت تداوم عشان ماتضيع عليها المحاضرات يعني هي حره تداوم او لا
بس هي كمان طلعت لها المنحه وبتعامل عليها بكره بس الباقي اللي مامعاهم تخيلي لو ما جاهم القبول معقوله بعد ما درسوا وتعبوا بيعطوهم ملفهم !!!
وانا ما توقع انهم بيسووها :smile:

سيساتو

2011- 9- 27 07:41 PM

رد: الطالبات الغير سعوديات

اقتباس:

المشاركة الأصلية كتبت بواسطة *saya* (المشاركة 4507179)

السفاره دقت علي وعطتني رقم المعامله وقالوا ان اوراقي وصلت للجامعه واخلي الوالد يرسل باقي الاوراق

مبروك يا حلوة ، بأي تخصص ؟
إن شاءالله التخصص اللي تبغينه ..
===
اليوم اتصلوا عليك ؟

*saya*

2011- 9- 27 07:44 PM

رد: الطالبات الغير سعوديات

الله يبارك فيك وعقباالك :119:
مابعد حددوا التخصص باقي بكره ابوي بيراجعهم

اتصلوا علي اليوم
ليه تسألي انتي قدمتي على منحه؟؟

سيساتو

2011- 9- 27 08:41 PM

رد: الطالبات الغير سعوديات

اقتباس:

المشاركة الأصلية كتبت بواسطة *saya* (المشاركة 4507273)

اهااا ، أنا راح بالي على منح وزارة التعليم اللي هنا ..
توني أركز إنها السفارة ..
سوري :$

♥ غمووض الرووح ♥

2011- 9- 27 09:48 PM

رد: الطالبات الغير سعوديات

اقتباس:

المشاركة الأصلية كتبت بواسطة *saya* (المشاركة 4505742)

ماشفت اسمي في الكليه بس جاني قبول بالمنحة من السفاره واحتمال اداوم يوم السبت :119:

مبروووووووووووووووك ألف مبرووووووووووووووووووك

انتي تبع أي سفارة ؟؟؟
وخريجة أي سنة ؟؟؟

*saya*

2011- 9- 27 10:35 PM

رد: الطالبات الغير سعوديات

تبع السفاره اليمنيه

من دفعة 2010

rose..

2011- 9- 27 11:49 PM

رد: الطالبات الغير سعوديات

طيب ابغى أعرف وين مبنى المهيدب بالضبط عند الرجال ولا الحريم؟؟

*saya*

2011- 9- 28 01:57 PM

رد: الطالبات الغير سعوديات

مبنى المهيدب في الحرم الجامعي عند الحريم اسألي اللي في الاستقبال وهم بيقولوا لك

rose..

2011- 9- 28 04:10 PM

رد: الطالبات الغير سعوديات

يعطيك العافيه سايا ماقصرتي

samsom

2011- 9- 28 08:38 PM

رد: الطالبات الغير سعوديات

اه هذي الجامعه تعبتني نفسيا
والله حران كذا يضيعو علينا والله فيني الصيحه
بس بنات توكلو ع الله و صفو نياتكم وان شاء الله خير
(حال المؤمن كله خير )..

samsom

2011- 9- 28 08:38 PM

رد: الطالبات الغير سعوديات

ومبروك اخت سايا ..
عقبال الجميع ..

samsom

2011- 10- 1 07:18 AM

رد: الطالبات الغير سعوديات

ف احد امس ارسلوله الجامعه رساله ؟؟

samsom

2011- 10- 1 01:23 PM

رد: الطالبات الغير سعوديات

بناااااااااااااااات
خلاص جاء الفرج و الحمدلله
مين انقبلت ف الخفجي تكفون ابغى رفقه حسنه

*saya*

2011- 10- 1 02:49 PM

رد: الطالبات الغير سعوديات

الله يتممها لكم على خير يااااارب

:smile:

*حكاية قلب*

2011- 10- 1 03:15 PM

رد: الطالبات الغير سعوديات

اقتباس:

المشاركة الأصلية كتبت بواسطة samsom (المشاركة 4536524)

بناااااااااااااااات
خلاص جاء الفرج و الحمدلله
مين انقبلت ف الخفجي تكفون ابغى رفقه حسنه

مبرووووك الف مبروك .....:d5:

الله يتمم لك على خير ويوفقك ...

يعني بتدأين تداومين من هالأسبوع ولا الترم الثاني ؟؟

متى جاتك الرسالة ؟؟

عقبال باقي البناااااات :106:

samsom

2011- 10- 1 07:45 PM

رد: الطالبات الغير سعوديات

ايه من بكره
امس الجمعه الساعه 8 يمكن ارسلو لوحده تقربلي و اخذت الرقم المرسل ودقيت عليه وقالولي
و الي تبغى رقم الجوال الي ارسلو منه تقولي

قمر 22

2011- 10- 1 08:03 PM

رد: الطالبات الغير سعوديات

اقتباس:

المشاركة الأصلية كتبت بواسطة samsom (المشاركة 4539341)

مرحباااااااسمسوم,,انا مثلك تقريييبا خيرووني بين الخفجي والنعيرية واخترت النعييرية وابوي رااجع وقالو رسلنا لك بس ما وصل ابووي شي.انا غير سعوودية..ممكن تفيدنييي اذا عندك اي معلوومة.قال لابوي اذا تبغى تداوم تدااوم بس ممكن يجي رفض من التعليييم العااالي..

قمر 22

2011- 10- 1 08:04 PM

رد: الطالبات الغير سعوديات

سووووووووووووووري خطأ مطبعي اخترت الخفجيييي..معليييه:000:

قمر 22

2011- 10- 1 08:11 PM

رد: الطالبات الغير سعوديات

بليييز اذا ماعلييك امرررر ع طيييني الرقمممم..

سيساتو

2011- 10- 1 09:12 PM

رد: الطالبات الغير سعوديات

جامعة العجايب .. :smile:

noora*

2011- 10- 1 10:44 PM

رد: الطالبات الغير سعوديات

مبرووووووووووك سمسوم والله يوفقك ان شاء الله :119:

انا خيروني بين الخفجي والنعيريه واخترت النعيريه وماجاني شي يعني ماقبلوني ولا شلوون :bawling:

وبليييز بنات اي وحده عندها رقم العماده اللي بالنعيريه تعطيني :icon9:

سيساتو

2011- 10- 1 10:47 PM

رد: الطالبات الغير سعوديات

اقتباس:

المشاركة الأصلية كتبت بواسطة noora* (المشاركة 4540846)

مايردون ..

عموماً هذا رقمهم /
033734021

noora*

2011- 10- 1 10:51 PM

رد: الطالبات الغير سعوديات

^^^
مشكوووره والله :smile: وان شاء الله يردون

والله يوفقنا يااارب :119:

noora*

2011- 10- 1 11:23 PM

رد: الطالبات الغير سعوديات

بناات بليييز ابي اعرف مين مثل حالتي خيروها بين الخفجي والنعيريه ومارسلوا لها شي

وفي امل بعد انهم يقبلون بنات على الفصل الثاني ولا خلاااص !!
:icon9:

قمر 22

2011- 10- 1 11:27 PM

رد: الطالبات الغير سعوديات

مرحبا نوورا..حبييبتي رووحي رااجعي العماااده..انتي خيرووكي بين الخفجي والنعييرية؟ورديتي عليهم؟؟وبأي دفعه كنتيييي..انا مثلك بالضببط بس اخترت الخفجي ولسا ماوصلني شي..استنى ردك عشااان افييدك:106:موفقه

noora*

2011- 10- 1 11:36 PM

رد: الطالبات الغير سعوديات

هلا قمر
خيروني بين الخفجي والنعيريه ورديت عليهم واخترت النعيريه وليين اللحين ماوصلني شي :icon9:
انا من الدفعه الثانيه

قمر 22

2011- 10- 1 11:46 PM

رد: الطالبات الغير سعوديات

اي انتي مثثثلييي...لاتتضاايقيين انا خيرووني بعد بين الخفجي والنعييرية واخترت الخفجييي..ويووم رحت للعمااده قالو حق ابووي خلها تدااوم بحكم مايضييع عليها محاضرااات..ع بال ماتجي الموافقه الاكيده من وزارة التعليم العااالي..انتي الحيين تقدري تروووحين النعيرية وداوميين عاادي..انا حاليا مارحت بس بجهز نفسي وبشووف لي سكن وبعدين ان شااء الله بروح..وبنات الدفعه الاولى بعد خلوهم يداوموون وما عطووهم خبر الا الي راحو راجعو بالصدفه مع العلم مارسلوو لهم اي شي وانا بعد مارسلو لي اي شي..ويووم دقينا ع الخفجي قالو مو مشكلة تعالي داااومي حاليا وبينتظروون الموافقه الاكيده من التعليم العاالي..شوفي يالغلا خلي ابووك يروووح يراااجع العمادة ويشوووف وش يقولون له....بس انتي خلاص اسمك يكوون تقريبا وصل للنعييرية حتى لو ماوصل يبيين عندهم بالكمبوتير انك في كلييتهم.واي استفسااار انا حااااضرة.موفقه

سيساتو

2011- 10- 2 12:17 AM

رد: الطالبات الغير سعوديات

يمكن ردوا للخفجي بس ، و النعيرية لسه

samsom

2011- 10- 2 12:40 AM

رد: الطالبات الغير سعوديات

قمر 22 هذا الرقم وان شاء الله تطوني انقبلتي لاني ابغى احد معي اخاف اروح سكن طااالبات لوحدي
0505925299
اصتلو بكره و ضمنوني

بس ع فكره انا مقبوله من الدفعه الاولى ..

قمر 22

2011- 10- 2 12:51 AM

رد: الطالبات الغير سعوديات

اقتباس:

المشاركة الأصلية كتبت بواسطة samsom (المشاركة 4541711)

اوووووووووك حبييبتيييي ...يعني انتي ماوصلك شي.ودقييتي على هاالرقم؟وش قالو لك؟؟؟انا بشووووف السكن وبعطييييييك خبر اكييد.انا من الدمااام..وانا بعد اخترت الخفجي وماوصلني شي.موفققه:love080:اي استفسااار انا حااضرة

noora*

2011- 10- 2 02:02 AM

رد: الطالبات الغير سعوديات

اقتباس:

المشاركة الأصلية كتبت بواسطة قمر 22 (المشاركة 4541318)

ابوك راح العماده الي هنا بالدمام ولا الي بالخفجي ؟؟

وبعدين احس ماايصير ادوام من دون ماتجي موافقه رسميه من التعليم العالي واخاف اروح اداوم عاادي مثل ماقلتي بعدين يصدموني ومايقبلوني :Cry111:

يااااربي والله احس هالجامعه رفع ضغط بس :017:

قمر 22

2011- 10- 2 02:29 AM

رد: الطالبات الغير سعوديات

اقتباس:

المشاركة الأصلية كتبت بواسطة noora* (المشاركة 4542160)

ابوك راح العماده الي هنا بالدمام ولا الي بالخفجي ؟؟

يااااربي والله احس هالجامعه رفع ضغط بس :017:

صرااااااحه من نااحية رفع ضغط بقوووة رففع ضغطط..لا ابوي راح للي هناااا الي بالرااكا..هوا صرااحه امس ابووي رااااح وقااال لسا الموافقه الاكيدة ماوصلت من التعلييم العاالي وممكن يسيير رفض وانا مثلك خاايفه من هااذي الشغله يصدموووني..بس متوقع لأنه التعلييم العااالي هااذي اجرااء رووتييني وان شااااء الله تقبلك يااااررررب....والله بنات الدفعه الاولى الي مثلنا دواموو عااادي لأنه مدير الجامعه سمح لهم واحنا بعد احنا والدفعه الاولى ندااوم ويوووم تووصل الموافقه الاكييده يتأكد دواامنا انشااء الله..ممكن تجي ع الترم الثااني الموااافقه ممكن بعد شهر او شهرين او حتى اسبووع ابوي سال قال له مالها وقت..انتي دااومي وتوكلي ع ربك,,عشان مايضييع عليييك الوقت والمنااهج اكثر من كيذااا.والأحسن خليي اي احد يستفسر لك..موفقققه:love080:

قمر 22

2011- 10- 2 02:33 AM

رد: الطالبات الغير سعوديات

ايي هم خلو البنات يدااومووون ع بال ماتجي الموافقه من التعلييم العاااالي...ان شاااء الله ياااارب مايسيير رفض ولا شي..ان شاءا الله يكووون مجرد اجرااء.لانه اساامي البنات الدفعه الاولى ارسلووها حق الوزاارة ورجعتا لهم انه مسمووح الهم يدااوموون بناء على طلب المديير واحنا كمااان بس لسا الموافقه النهاائية ماوصلت حق اي دفعه.

noora*

2011- 10- 2 02:56 AM

رد: الطالبات الغير سعوديات

الله يسمع منك يااااااارب ومايصيير فيه رفض :icon9:

بس انا بستنى لللاسبوع الجاي وبشوف اذا بيرسلولي شي ولا اخلي ابوي يروح العماده اللي بالنعيريه ويستفسر لان الدفعه الاولى ارسلولهم هالاسبوع ويمكن الدفعه الثانيه على الاسبوع الجاي
وان شاء الله الله مايخيييب ظني :smile:

وياااااااارب يوفقنا اجمعيييييييييين :smile:

سيساتو

2011- 10- 2 02:58 AM

رد: الطالبات الغير سعوديات

طيب الحين أكيد راحت عليكم محاضرات ..
مفروض تداومون الترم الثاني عشان تبدأون من الأول ..
كلها شهرين ونص مدري 3 شهور و يخلص الترم الأول ..
===
مافي شي رح يروح عليكم ، نظام الجامعة أترام ..

rose..

2011- 10- 2 03:03 AM

رد: الطالبات الغير سعوديات

نورا .......انا مثلك مارسلولي شي :017:

اصلا الترم الثاني بيكون القبول الأكيد وانشالله خير
ومالنا إلا الصبر :mh318:

rose..

2011- 10- 2 03:16 AM

رد: الطالبات الغير سعوديات

:love080: ومبررررروك للي بيدامون :love080:

noora*

2011- 10- 2 03:28 AM

رد: الطالبات الغير سعوديات

قسسم بالله انها مصصصخره هالجامعه شغاااله رفع ضغط واعصااب فيينا مدري شنو نظامهم بالضبظ شلون يقبلون بنات بنص الترم بعد ماراحت عليهم محاضرات :017:

سيساتو
انت اخترتي الخفجي ولا النعيريه ؟؟

noora*

2011- 10- 2 03:32 AM

رد: الطالبات الغير سعوديات

اقتباس:

المشاركة الأصلية كتبت بواسطة rose.. (المشاركة 4542512)

نورا .......انا مثلك مارسلولي شي :017:

اصلا الترم الثاني بيكون القبول الأكيد وانشالله خير

ومالنا إلا الصبر :mh318:

الله يسمع منك يااارب ويكون قبولنا على الفصل الثاني :smile:

سيساتو

2011- 10- 2 05:12 AM

رد: الطالبات الغير سعوديات

اقتباس:

المشاركة الأصلية كتبت بواسطة noora* (المشاركة 4542628)

سيساتو
انت اخترتي الخفجي ولا النعيريه ؟؟

إذا مع السعوديات كانت الجامعة تستهبل ..
وشلون مع غير السعوديات ! :wink:
.
.
أنا اخترت النعيرية ، و يمكن اليوم اتصل على الرقم اللي حطته سمسوما
و أسأل أشوف وش السالفة ..

سيساتو

2011- 10- 2 12:55 PM

رد: الطالبات الغير سعوديات

بنات ..
الأسامي جت من الوزارة ..
اليوم اتصلت عالرقم اللي حطته ساسوما وقلت له إسمي
و كتبه بالكمبيوتر عنده وقال لي مقبولة بكلية العلوم و الآداب النعيرية ..
==
قلت له يعني الأسامي جت من الوزارة ولا نداوم بس كذا ؟
قال : ايه وصلت من الوزارة ، سألته من متى !
قال مفروض من يوم السبت تبدون تداومون ..
قلت له طيب وشلون رح أعرف لو ما اتصلت أنا ؟ ليه ماعلمتوني !
قال في بنات رسلنا لهم و بنات لسه رح نرسل لهم ..
.
.
عشان كذا بنات اتصلوا على الرقم و استفسروا من بدري
قبل تروح عليكم الأسابيع وهم لسه يفكرون يتصلون على مين أول ..
هذا الرقم مرة ثانية :
0505925299
===
موفقين بنات ، و إن شاءالله مقبولين :106:

قمر 22

2011- 10- 2 03:09 PM

رد: الطالبات الغير سعوديات

سمسوووووم:بقوولك ابوي دق ع الرقم اي وقالي دااومي حاليااا..قال بس لسا الدفعه الثااانية ماوصلنا من الوزاارة شي بس قالي دااااومييي....انا صرااحه بشووف السكن ..انتي بأي سكن بتكونيين؟؟..او تبغي كل يوم رووحه وجيه؟؟انا الحين مددري خايفه اداااوم وما اقدر اعووض الي فااتني واخاااف اني اذا ماداومت يرووح علي القبوول,والللللله لساا مدرييي وش الحل؟؟؟!!؟!؟:icon9:

قمر 22

2011- 10- 2 03:12 PM

رد: الطالبات الغير سعوديات

سيااستو:انتي من الدفعه الاولى؟؟ولا الثااانية؟وبدااوميين الحين ولا ع الترم الثااني؟

سيساتو

2011- 10- 2 04:07 PM

رد: الطالبات الغير سعوديات

اقتباس:

المشاركة الأصلية كتبت بواسطة قمر 22 (المشاركة 4545787)

سيااستو:انتي من الدفعه الاولى؟؟ولا الثااانية؟وبدااوميين الحين ولا ع الترم الثااني؟

أنا من الدفعة الأولى ، و قبولي صار رسمي بالجامعة يعني لازم أداوم هالاسبوع ..

samsom

2011- 10- 2 06:26 PM

رد: الطالبات الغير سعوديات

المشكله تو قاعده ادور ع سكن واحد هو الي طلع صح بالخفجي وملياااان
مدري والله خايفه
انتي من الدفعه الثانيه..

قمر 22

2011- 10- 2 06:44 PM

رد: الطالبات الغير سعوديات

اقتباس:

المشاركة الأصلية كتبت بواسطة سيساتو (المشاركة 4546185)

أنا من الدفعة الأولى ، و قبولي صار رسمي بالجامعة يعني لازم أداوم هالاسبوع ..

كييف سار رسمممي؟يعني رسلووو لك مسسسسج؟؟

قمر 22

2011- 10- 2 06:50 PM

رد: الطالبات الغير سعوديات

اقتباس:

المشاركة الأصلية كتبت بواسطة samsom (المشاركة 4547267)

المشكله تو قاعده ادور ع سكن واحد هو الي طلع صح بالخفجي وملياااان
مدري والله خايفه
انتي من الدفعه الثانيه..

ايوااا انا من الدفععععععة الثااانية..وانا ادوور سسكن بعد....بس انتي ايش حااابة سكن ولا موااصلاااات!؟يعني كل يووم رووحه وجيه انا ممكن ادلك ع بناات كيذا رووحه وجيييه كل يووم يعني من بييتهم للكلييه ومن الكليه لللبييت

سيساتو

2011- 10- 2 08:16 PM

رد: الطالبات الغير سعوديات

اقتباس:

المشاركة الأصلية كتبت بواسطة قمر 22 (المشاركة 4547395)

كييف سار رسمممي؟يعني رسلووو لك مسسسسج؟؟

.
.

اقتباس:

المشاركة الأصلية كتبت بواسطة سيساتو (المشاركة 4544858)

بنات ..
الأسامي جت من الوزارة ..
اليوم اتصلت عالرقم اللي حطته ساسوما وقلت له إسمي
و كتبه بالكمبيوتر عنده وقال لي مقبولة بكلية العلوم و الآداب النعيرية ..
==
قلت له يعني الأسامي جت من الوزارة ولا نداوم بس كذا ؟
قال : ايه وصلت من الوزارة ، سألته من متى !
قال مفروض من يوم السبت تبدون تداومون ..
قلت له طيب وشلون رح أعرف لو ما اتصلت أنا ؟ ليه ماعلمتوني !
قال في بنات رسلنا لهم و بنات لسه رح نرسل لهم بس خلاص مقبولين ..
.
.
عشان كذا بنات اتصلوا على الرقم و استفسروا من بدري
قبل تروح عليكم الأسابيع وهم لسه يفكرون يتصلون على مين أول ..
هذا الرقم مرة ثانية :
0505925299
===
موفقين بنات ، و إن شاءالله مقبولين :106:

rose..

2011- 10- 2 10:06 PM

رد: الطالبات الغير سعوديات

مبروك سيساتو........بس علميني متى اتصلتي بالضبط عشان اتصل..:33_asmilies-com:

noora*

2011- 10- 2 10:11 PM

رد: الطالبات الغير سعوديات

مبرووووووووك سيسااتو على القبووول والله يوفقك ان شاء الله :119:
بس المفروض يرسلونلك شي مو يستنون ليين تتصلين انت :mad:

ان شاء الله انا اتصل بكره واشوف اسمي موجود ولا لا :smile:
بالتوفيييق لنا ان شاء الله

سيساتو

2011- 10- 2 10:14 PM

رد: الطالبات الغير سعوديات

اقتباس:

المشاركة الأصلية كتبت بواسطة rose.. (المشاركة 4549374)

مبروك سيساتو........بس علميني متى اتصلتي بالضبط عشان اتصل..:33_asmilies-com:

الله يبارك فيك حياتي ..
انا اتصلت الساعة 12 و ربع الظهر و قال لي الحين بصلي، الصلاة أقامت ..
اتصلي بعد الصلاة ، استحيت والله مع إن الصلاة عندنا كانت مخلصة بالظهر ..:biggrin:

بعدين هو اتصل علي لما وصل لمكتبه يمكن عالساعة 1 الا ربع الظهر ..
.
.
انتي اتصلي بهالوقت 1 الا ربع الظهر ، قولي له انتي غير سعودية و اخترتي
( الخفجي / النعيرية ) و بيسألك عن اسمك و بيعلمك اذا مقبولة او لا ..
موفقة حياتي و إن شاءالله مقبولة .. :106:

سيساتو

2011- 10- 2 10:17 PM

رد: الطالبات الغير سعوديات

اقتباس:

المشاركة الأصلية كتبت بواسطة noora* (المشاركة 4549427)

الله يبارك فيك ..
هم يماطلون ، كل يوم يتصلون على كم بنت الظاهر ،
و الين يوصلك الدور تكون المناهج خلصت ..:smile:
عشان كذا يوم قلت له ليه ماعلمتوني ان اسمي وصل و انقبلت دام عندكم خبر من زمان !و أنا شلون رح أعرف لو ما اتصلت !
ارتبك وقال كل يوم نرسل لمجموعة بنات ، و للحين نتصل ..
===
فالأفضل عشان تعرفون من بدري تتصلون انتم و تخلصون نفسكم ..

rose..

2011- 10- 2 10:26 PM

رد: الطالبات الغير سعوديات

مشكوره سيساتو ع الشرح المفصل..:biggrin:
احس انك سويتيله تحقيق:hahahahahah: ..بس احسن مايبغالهم الا كذا الواحد لازم يطلع روحهم:41jg: مثل ماطلعوا أرواحنا باهمالهم....

سيساتو

2011- 10- 2 10:45 PM

رد: الطالبات الغير سعوديات

اقتباس:

المشاركة الأصلية كتبت بواسطة rose.. (المشاركة 4549590)

اي انا قهرني يوم يقول انتي مفروض تداومين من يوم السبت !!
لك وجه بعد تقول مفروض !!:biggrin:
مدري وشلون تبيني اعرف اني مفروض أداوم من السبت و انتم مارسلتوا
لا على جوال ولا على ايميل !

عمق	2011- 10- 3 04:53 AM

رد: الطالبات الغير سعوديات

يا الله , جدّ الهم يجمّع خلق
أنا من الدمام و قُبلت في الدفعه الأولى و مكتوب عندي انتظار للدراسات التطبيقيه بالدمام و قبله كنت بالعلوم بالدمام
و جتني رسالة التخيير و اخترت الاقرب اللي هو النعيريه
أمس وحده بالمغرب تقولي انها وصلتها رساله مع ان نسبتي اعلى منها و انقبلت دفعه اولى معي
نسبتي 82,5

الحين السؤال الأخير ، أروح أسأل بكلية العلوم بالدمام أو بالنعيريه ؟
و أبغى سكن طالبات وين ألاقيه ، و كم المسافه من هنا لهناك
و مين حالها مثلي أو تشبهني تطمني ""
و أقدر أأجله للترم الثاني ؟ لآنه فاتني كثير حرام كذا
يعني و إن اجتهدت مستواي ما بيكون بالشكل المرضي ""

حسبي الله بس ، جاوبوا عاللي تقدروا عليه

الله يثيبكم و يرفع قدركم و يوفقكم و يسدد خطاكم ()

rose..

2011- 10- 3 08:27 AM

رد: الطالبات الغير سعوديات

عمق أولا أتاكدي أنك مقبوله من الرقم إلي حاطته سيساتو وبعدين إذا كنتي مقبوله روحي للكليه المقبوله فيها يعني يالخفجي أو النعيريه على حسب إلي بيقولك......

وانا مثلك والله لين ألحين مدري ايش أسوي :mh318:
المسافه من الدمام للنعيريه تقريبا 300كيلو الله يعين بس :24_asmilies-com:
وبالنسبه للتأجيل أعرف بنت كانت مستجده وأجلت الترم الأول بس كيف والله ماادري :icon9:

وبالتوفيق لك :love080:

noora*

2011- 10- 3 08:37 AM

رد: الطالبات الغير سعوديات

عمق اكيييد اسمك موجود لانه انا نسبتي 79 وشي وتوني داقه عليهم والحمد الله يااارب طلع اسمي موجود فاكيييد انت اسمك موجود ومثل ماقالتلك روز اتصلي وتاكدي على الرقم الي حاطته سيساتو

والله يوفقكم اجمعيييييين :119:

LooM	2011- 10- 3 11:11 AM

رد: الطالبات الغير سعوديات

السلآم عليكم ..

بنآت حآبهـ أسألكم لو وحدهـ منكم جتهآ رسآلهـ بالقبول ولمآ كلمت الرقم طلع أنو لسآ انتظآر ><
وانرسلت بالغلط ..

مدري انآ كذآ صآرلي .. مع أنو صحبتي كلمتهم وقآلتلهم اسمي وهو قآلهآ الاسم كآمل وقآلهآ مقبولهـ بالنعيريهـ
ولمآ كلمتهم بنفسي يقول انتي انتظآر .. ! ويقول أنآ قلت لأختك بس شكلهآ مآنتبهت والرسآلهـ جت بالغلط ><
يعني ايش يحسسس بالضبط ؟! !! ومآني عآرفهـ ايش أسوي ..

LooM	2011- 10- 3 12:37 PM

رد: الطالبات الغير سعوديات

طيب جد الحين كيف نتصرف ؟! يعني حتى لو قبلونآ كييف ندآوم من النص واحنآ مفهيين ؟!

نفسي أعرف ليش التأخير ذآ كلوو ><"

SweetAngel

2011- 10- 3 12:44 PM

رد: الطالبات الغير سعوديات

أنـآإ وصلتني رسسآإله ب تأكيد قبولي أمسس واليوم اتصلت على الرقم إللي حاطينهه الاخوات .. عشان اتأكد اكثر
قالي انت انتظار والرسساله انرسلت لك ب الغلط !!!
<< كيف ب الغلط ب الله ! :017:
حطمني :bawling:

LooM	2011- 10- 3 01:26 PM

رد: الطالبات الغير سعوديات

وآآآو يعني من جد في شي اسمو أنرسل بالغلط !

خخخخخخخخخخخخخخخخ

هذي ثآلث مرآ يطيحون وجهي فيهآ بالقبول والسحب =-

والمشكلهـ انو بالنعيريهـ يعني حتى لو انقبلت أنوآآآع التعذييب فخلآص يقبلونآ

ويريحونآ خلقهـ متعذبييين --

انتي كلمتي على نفس الرقم اللي موجود هنآ ؟!

عمق	2011- 10- 3 04:52 PM

رد: الطالبات الغير سعوديات

ما لقى الرجال اسمي
استفسار الله يعافيكم
الحين لا بغيت اسحب ملفي و اقدمه للسفاره
شلون اسحبه و من وين ، من الدمام و لا نعيريه ؟
و عادي يسلموني اياه بعد ما انقبلت

*حكاية قلب*

2011- 10- 3 05:41 PM

رد: الطالبات الغير سعوديات

اقتباس:

المشاركة الأصلية كتبت بواسطة loom (المشاركة 4553446)

أحسن شيء روحي للنعيرية وشوفي إذا اسمك موجود ولا لا...

سيساتو

2011- 10- 3 07:59 PM

رد: الطالبات الغير سعوديات

اقتباس:

المشاركة الأصلية كتبت بواسطة loom (المشاركة 4554171)

ايش جنسيتك و إسمك الأول ؟

noora*

2011- 10- 3 09:16 PM

رد: الطالبات الغير سعوديات

اقتباس:

المشاركة الأصلية كتبت بواسطة LooM (المشاركة 4553446)

شلون يعني انرسلت بالغلط بعديين انت قلت ان صديقتك سألت عن اسمك لقته موجود وهذا الي ياكد قبولك يعني انا اشووف توكلي على الله وروحي داومي :smile:

وبالتوفيييق للجميع :119:

rose..

2011- 10- 3 09:45 PM

رد: الطالبات الغير سعوديات

بنات انا اتصلت اليوم ورد علي ....

وقالي اسمك مو موجود..قلتله طيب مكتوب عندي بالملف انتظار...قال ايه انتي انتظار...
قلتله ترا انا من الدفعه الثانيه ...قالي عارف عارف انتي انتظار...
والله قهرني ماأعطاني فرصه افهمه.:017:..كل ماقلتله شي قالي انتظار....انتظار
بنات الحين ابي اعرف هذا رفض ولا تصريف ولا إيييييييييش...:mh12:

rose..

2011- 10- 3 10:35 PM

رد: الطالبات الغير سعوديات

اقتباس:

المشاركة الأصلية كتبت بواسطة عمق (المشاركة 4555599)

لاتسحبين ملفك الحين لأن التقديم للسفاره شهر مارس تقريبا...
وإذا قدمتي للسفاره بتنتظرين سنه ونص طبعا بدون السنه هذي يعني لو جمعتيهم صاروا سنتين ونص
وعلى فكره آخر نسبه موزونه وقفت عندها السفاره السنه الماضيه 86
وترى أنا مثلك مالقى اسمي وقالي أنتظار.....

rose..

2011- 10- 3 10:55 PM

رد: الطالبات الغير سعوديات

طبعا اقصد السفارة اليمنيه :cheese:

LooM	2011- 10- 3 11:13 PM

رد: الطالبات الغير سعوديات

اقتباس:

المشاركة الأصلية كتبت بواسطة *حكاية قلب* (المشاركة 4555921)

أحسن شيء روحي للنعيرية وشوفي إذا اسمك موجود ولا لا...

المشكلة الروحة للنعيريهـ مو سهلهـ لأني بالدمآم فأتخيل لو أهلي يودوني ويطلع لآ بتكفخ خخخخخ

امممم وللأسف شكلو هوآ هذآ الحل الوحيد ><"

LooM	2011- 10- 3 11:14 PM

رد: الطالبات الغير سعوديات

اقتباس:

المشاركة الأصلية كتبت بواسطة rose.. (المشاركة 4558127)

يعني حتى السفآرهـ بنقعد نفحط عندهآ == وين نروح طيب ! =-

LooM	2011- 10- 3 11:16 PM

رد: الطالبات الغير سعوديات

اقتباس:

المشاركة الأصلية كتبت بواسطة noora* (المشاركة 4557518)

وبالتوفيييق للجميع :119:

هو قآلي ترى الرسآلهـ انرسلت للجميع ! والمشكلهـ مآنرسلت للجميع والمفروض كمآن مآتنرسل للجميع !

لأنو محتوى الرسآلهـ يدل على أنو متلقيهآ علطول يروح سيييدآ للكليهـ ويبدأ دوآم ==

واللي قآهرني أنو كلمنآ مرتين وبالمرتين يقول انتي انتظآر ! مع أنو صديقتي متأكدهـ انو قآل مقبولهـ وهو جآبلهآ اسمي الكآمل .. وكمآن الرسآلهـ من نفس الرقم اللي اتصلت عليهـ

LooM	2011- 10- 3 11:26 PM

رد: الطالبات الغير سعوديات

اقتباس:

المشاركة الأصلية كتبت بواسطة سيساتو (المشاركة 4556931)

ايش جنسيتك و إسمك الأول ؟

أنآ يمنيهـ واسمي احلآم السقآف ..

noora*

2011- 10- 3 11:31 PM

رد: الطالبات الغير سعوديات

اقتباس:

المشاركة الأصلية كتبت بواسطة loom (المشاركة 4558565)

لا الرساله مانرسلت للكل انا مارسلولي رغم انه اسمي كان موجود لمن دقييت

صديقتك اتصلت قبل لا تتصلين انت ومتى اتصلت ؟؟

LooM	2011- 10- 4 12:22 AM

رد: الطالبات الغير سعوديات

يب هي اتصلت يمكن 9 الصبآح اليوم وأنآ بعدهآ بنص سآعهـ يمكن أو شي

rose..

2011- 10- 4 12:31 AM

رد: الطالبات الغير سعوديات

:love080:نورا ألف ألف مبرووووووووك ع القبول :love080:

LooM	2011- 10- 4 12:33 AM

رد: الطالبات الغير سعوديات

ايي صح جد مبرووك وعقبآل البقيهـ ان شآء الله --

All times are GMT +3. الوقت الآن حسب توقيت السعودية: 04:51 PM.

صفحة 1 من 2

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه