ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى ماقبل الجامعه والاستفسارات الأكاديمية العامة للطلاب المنتظمين (https://vb.ckfu.org/forumdisplay.php?f=290)
-   -   تنبيه لكل طالبه سجلت بجآمعة الدمآم .. أدخلو صبآآيا (https://vb.ckfu.org/showthread.php?t=201345)

شهد العجمي 2011- 7- 13 06:40 AM
تنبيه لكل طالبه سجلت بجآمعة الدمآم .. أدخلو صبآآيا
 


السلام عليكم ورحمة الله وبركآته ..

حبيباتي بعد التسجيل وأختيآر الرغبات حبيت أنبهكم عن أشياء ممكن تتسبب في عدم قبولكم وأنتوا نسبكم تأهلكم للقبول خصوصاً إللي مسآفره أو منشغله بالصيفيه راح تسجل وماتفتح النت إلا يوم القبول وانتبهوآ من هالشي ..

أوك خلصنآ التسجيل والرغبات شنو علينآ عقبهآ ..

ننطر إعلان قبول الدفعه الأولى ..

1-أول ماتطلع نتآئج قبول الدفعه الأولى :

الطآلبات اللي ينقبلون بأي رغبة من الرغبآت .. يقومون بتسليم أوراقهم والملف وكل شي مطلوب عبر البريد الممتآز ..

لآتقولين انا مآ أبي هالرغبه وماتسلمين ملفلك لآلآلآلآ لأنه راح تطلعين برآآ الجامعه بكبرهآ
بس لو أرسلتي أورآقك انتهت مهمتك والجآمعه مع الدفعه اللي بعدها لو نزلت النسب ووصلت لنسبتك راح يترقى طلبك إن شاء لله للرغبه إللي أعلى.. وهكذآ

الزبده من السالفه هاذي للمقبولين في الدفعه الأولى ( على طول سلمو أورآقكم ) وماعليكم بعدها شي إلا انكم تدخلون على الموقع تشوفون حاله الطلب إلى اخر دفعهوتشوفين أخر دفعه وين انتي انقبلتي فيه بتكون هي كليتك ..

2-اللي مآنقبلو آ بالدفعه الاولى :

أولا ماتتحطمون وعليكم انكم تدخلون الموقع وتدخلون على طلبكم وتقوم بتنشيط الطلب
وهذا مهمممم كثير إللي ماتنشط الطلب تطلع برا المنافسه وكأنها ماسجلت ..

وهكذا مع الدفعه الثانيه .. إللي انقبلو يسلمون اوراقهم لو برغبه الاخيره منشان تتنافسين ويترقى طلبج وإللي مانقبلت تنشط الطلب وارد أقول لكم أهم شي تنشييط الطلب ..
وبنات الدفعه الأولى تدخلون تشوفون ترقى طلبكم للرغبه اللي تبون او لا
والدفعه الثالثه اللي هي الأخيره كمان تدخلون بنات الدفعه الاولى والثانيه تشوفون وين انقبلتوا
ووين ترقى طلبكم وان كانت الدفعه الثاله هي الاخير بتكون هي كليتكم ..

واي استفساار اسئلو حبيباتي موفقات ..

شهد العجمي 2011- 7- 13 06:42 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
ورآح أنزل لكم الأوراق المطلوبه منكم وشلون ترسلونهآ بتفصيل.. موفقآآت ..

شوآقهـ & ميشو 2011- 7- 13 07:25 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
مشششكوره حبيبتي

يعطييك العافيه

وان شاء الله الكل مقبووول بالتخصص اللي وده فيه :bawling:

شهد العجمي 2011- 7- 13 08:36 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
الأورآق المطلوبه :


1- نسختين من ورقة البريد الممتاز
2- شهادة الثنوي الاصل
3 - شهادة حسن السيره والسلوك الأصل
4 _ ثلاث نسخ من شهادة الثنوي طبق الأصل
5- ورقة التعهدات
6- ورقة المعلومات الشخصيه
7_ صورة بطاقة العايله

ورقه البريد الممتاز والتعهدات والمعلومات الشخصيه راح تلقونهآ في طلبك للقبول في موقع الجامعه لماتنقبلون راح يحطونهآ لكم وتدخلون عليها وتطبعونهآ وبعدين تعبونهم بيدكم .. وراح أنزل لكم شلون تعبونهآ بالتفصيل ..ولكن بعد القبول عشان اتأكد هل اوراقكم مثل اوراقنا السنه اللي راحت
بس ترى مره بسيطه وواضحه حبيباتي

الهاآم 2011- 7- 13 12:45 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
ابي الرابط حق التسجيل بجامعه الدمام

SaRa .. 2011- 7- 13 01:51 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
الله يعطيك العافية يَ شهد 3>
ماقصرتي ....*

ألهام هذا هو الرابط
http://www.ud.edu.sa/web/content/%D8...%D8%B9%D9%8A-1

شهد العجمي 2011- 7- 13 09:06 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
الله يعآفيج يآقلبي . .

غلآكمـ 2011- 7- 14 12:31 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
تسلمين ماقصرتي

شهد العجمي 2011- 7- 14 03:59 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
حبيباتي هالسنه مآرآح يطلبون شهآدة حسن السيره والسلوك إللي مو ويآهآ لاتشيل هم ..


موفقين ..

اناشيد 2011- 7- 14 06:55 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
شهد حبيت استسفر منك ابي اسجل اخوي بجامعه الملك فيصل انتساب
وفيه بالخطه الزمنيه محددين وقت للتقديم عن بعد بس ماني عارفه انا اقدم مع المنتظمين
والا مع وقت تسجيل عن بعد شوفي بالجدول رقم 7
ياليت تردين علي قبل ينتهي التسجيل :icon9:


http://www.kfu.edu.sa/ar/Lists/kfuMa...orm.aspx?ID=26

شهد العجمي 2011- 7- 14 07:18 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
حبيبتي بما انه ماراح ينتظم ماتسجليه مع الانتظام معروف فيه وقت للأنتساب السنه اللي راحت كان الانتساب برمضان ..

تأكدي أكثر من الجامعه ودقي واستفسري .. منشان مايرروح عليكم التسجيل الله يوفقه ..

اناشيد 2011- 7- 14 08:14 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
يعطيك العافيه ... :love080:

شهد العجمي 2011- 7- 15 06:00 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
الخــطــوات

  1. ادخلي بياناتك في الفترة المحددة من 12/8 إلى 19/8/1432هـ على موقع الجامعة في الإنترنت www.ud.edu.sa
  2. تابعي الدخول على ملفك في كل دفعة ولا بد من تنشيط طلبك في حالة عدم ترشيحك للقبول بعد إعلان كل دفعة
  3. الـدخـول عـلـى الـمـوقــع لـمـعـرفــة نـتـيـجـتـك في الدفعة الأولى للـطـالبـات الجـمعة 21/8/1432 هـ
  • في حال تم ترشيحك للقبول في الدفعة الأولى :
  1. اطبعي نسختين من نموذج البريد الممـتاز الذي سيستخدم عند تسليم الأصـول
  2. سلمي مستنداتـك خـلال الفـتـرة 22/8 حتى 26/8 لأحـد فروع البريد الممتـاز (خـدمـة جـامعـي)
  3. عدم تسليمك لشهاداتك في الفترة المحددة يغلق ملفك ويلغى طلبك ولا يحق لكِ المنافسة في الدفعات اللاحقة.
  • فـي حـال لم تتـرشـحـي للـقـبـول في الـدفـعة الأولى :
  1. قومـي بتنشيط طلبك في حالة رغبتك بالمنافسة في الدفعات التالية
  2. الدخول على الموقع لمعرفة نتائج الدفعة الثانية الجمعة 28/8/1432 هـ
  3. عدم تنشيطك لطلبك يغلق ملفك ويلغي طلبك ولا يحق لك المنافسة في الدفعات التالية

SQx 2011- 7- 15 10:08 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
السلام عليكم
انا عندي استفسار بسيط
انا قدمت كلية العلوم رغبة اولى وادارة اعمال رغبة ثانية
نفترض ان الدفعة الاولى وقفت نسب القبول للعلوم 80 وادارة اعمال 75
وانا نسبتي 77
هل اسلم اوراقي وادخل ادارة اعمال ولا اجازف وانتظر نسبة العلوم تنزل وهي يمكن تنزل لين نسبتي ويمكن لا :(107):
وحاجة ثانية
مثلا لو بالدفعة الاولى وقفت النسب بالعلوم وادارة اعمال لين 75 وانا ابي ادارة اعمال اقدر اغيرها بعد نزول النسب ولا لازم من الرغبات قبل ماتنزل الدفع
احسني خبصت بالكلام ماعرفت وش اقول بس اتمنى وصلت الفكرة :icon9:

شهد العجمي 2011- 7- 16 05:41 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
اقتباس:
المشاركة الأصلية كتبت بواسطة sqx (المشاركة 4023254)
السلام عليكم
انا عندي استفسار بسيط
انا قدمت كلية العلوم رغبة اولى وادارة اعمال رغبة ثانية
نفترض ان الدفعة الاولى وقفت نسب القبول للعلوم 80 وادارة اعمال 75
وانا نسبتي 77
هل اسلم اوراقي وادخل ادارة اعمال ولا اجازف وانتظر نسبة العلوم تنزل وهي يمكن تنزل لين نسبتي ويمكن لا :(107):
وحاجة ثانية
مثلا لو بالدفعة الاولى وقفت النسب بالعلوم وادارة اعمال لين 75 وانا ابي ادارة اعمال اقدر اغيرها بعد نزول النسب ولا لازم من الرغبات قبل ماتنزل الدفع
احسني خبصت بالكلام ماعرفت وش اقول بس اتمنى وصلت الفكرة :icon9:
حبيبتي انا فهمتج ..

انا انبهكم أقول لو أنقبلتي لو بالرغبه الاخيره لآآآآزم تسلمين أوراقج وان شاء لله يتم ترقيه طلبج مع الدفعه الثانيه والثالثه .. يعني لو افترضنا ان نسبتج 77 ووقفت اداره الاعمال عند 75 بالدفعه الاولى وانقبلتي فيهآ .. هنآ لو أنتي حابه تستمرين تتنافسين حتى توصلين للعلوم لازم تسلمين اوراقج .. لو ماسلمتيها يتسكر ملفج وينسحب الطلب ولاكأنج سجلتي ..

يعني بأختصار لآآآآآزم تسلمين اوراقج حتى لو ماكانت الرغبه اللي تبينهآ
مع كل دفعه تنزل النسب وممكن توصل العلوم لنسبتج 77 وتنقبلين وممكن توصل الى 79 وماتنقبلين فيها تظلين في اداره الأعمآل .. انا السنه اللي طافت انقبلت مع الدفعه الاولى بالرغبه الرابعه اللي هي التربيه بالجبيل وسلمت اوراقي على طول عشان اظل في المنافسه ولكن للأسف مانزلت النسب كثير وظليت في الجبيل احسن من اني اطلع برا الجامعه بكبرها ..

اتمنى فهمتي علي ( سلمي اورااااقج على طول لو انقبلتي بالرغبه الاخيره سلمي اوراقج )
ولو ماسلمتي اعتبري انج ماسجلتي بيسكرون ملفج ..


موفقه ..

SQx 2011- 7- 17 09:46 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
اقتباس:
المشاركة الأصلية كتبت بواسطة شهد العجمي (المشاركة 4025696)
حبيبتي انا فهمتج ..

انا انبهكم أقول لو أنقبلتي لو بالرغبه الاخيره لآآآآزم تسلمين أوراقج وان شاء لله يتم ترقيه طلبج مع الدفعه الثانيه والثالثه .. يعني لو افترضنا ان نسبتج 77 ووقفت اداره الاعمال عند 75 بالدفعه الاولى وانقبلتي فيهآ .. هنآ لو أنتي حابه تستمرين تتنافسين حتى توصلين للعلوم لازم تسلمين اوراقج .. لو ماسلمتيها يتسكر ملفج وينسحب الطلب ولاكأنج سجلتي ..

يعني بأختصار لآآآآآزم تسلمين اوراقج حتى لو ماكانت الرغبه اللي تبينهآ
مع كل دفعه تنزل النسب وممكن توصل العلوم لنسبتج 77 وتنقبلين وممكن توصل الى 79 وماتنقبلين فيها تظلين في اداره الأعمآل .. انا السنه اللي طافت انقبلت مع الدفعه الاولى بالرغبه الرابعه اللي هي التربيه بالجبيل وسلمت اوراقي على طول عشان اظل في المنافسه ولكن للأسف مانزلت النسب كثير وظليت في الجبيل احسن من اني اطلع برا الجامعه بكبرها ..

اتمنى فهمتي علي ( سلمي اورااااقج على طول لو انقبلتي بالرغبه الاخيره سلمي اوراقج )
ولو ماسلمتي اعتبري انج ماسجلتي بيسكرون ملفج ..



موفقه ..


مشكوووووووووورة ماقصرتي :love080:
والله كنت شايلة هم ومترددة اقدم ولاانتظر للدفعة الجاية
زين انك فهمتيني ثااانكس مرررررررة :mh318::106:
عندي سؤال اخير , لما اقدم اوراقي خلاص هل اسوي تنشيط للطلب وخلاص ماله شغل ؟!!

رآجيه التوفيق 2011- 7- 17 11:13 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
انا عندي أستفسآر بسيط أختي شهد ويآريت لو تقدري
تفيديني .. أنا قدمت ع موقع الجامعه انتظام وحفظت الرغبات وكل حاجهه
الأن لنفرض انهم قبلوني كيف راح اعرف انا .. ! :g2:< يعني يتصلوا علي او عن طريق ملف
الطلب .. بيخبروني :000:

همم وشئ ثاني انا مقيمه ب البلد حبيت اسأل عن الأجانب في الجامعه
تفرض عليهم رسوم أو لا !! وإذا فيهه كم تكون ؟
وبس :106:

مشكورة :love080:

فراااوله 2011- 7- 19 05:38 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
طيب اذا سلمت اورآقي بالبريد وجاني قبول في جامعه ثانيه كيف اسحب اوراقي بنفس اليوم ولا ياخذ وقت ؟؟ :Cry111:


بليز اخت شهد ردي :icon9:

و ع فكره حابه اشكرك لتعاونك معنا :biggrin:

شهد العجمي 2011- 7- 19 10:27 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
اقتباس:
المشاركة الأصلية كتبت بواسطة sqx (المشاركة 4033673)
مشكوووووووووورة ماقصرتي :love080:
والله كنت شايلة هم ومترددة اقدم ولاانتظر للدفعة الجاية
زين انك فهمتيني ثااانكس مرررررررة :mh318::106:
عندي سؤال اخير , لما اقدم اوراقي خلاص هل اسوي تنشيط للطلب وخلاص ماله شغل ؟!!

شوفي قلبي الدفعه الاولى لو انقبلتي سلمي ارواقج .. وخلاص ماتسوين تنشيط ولا شي بس تدخلين مع كل دفعه تشوفين طلبج ووين اخر شي انقبلتي لان ممكن بالدفعه الاولى تنقبلين بالرغبه الرابعه مثلا .. والدفعه الثانيه وبدون ماتسوين تنشيط ممكن تنزل نسب القبول وتنتقلين لرغبه اعلى بس انتي عليج تدخلين مع كل دفعه تشوفين ملفج واخر شي وين انقبلتي وبعدها تداومين ..

ولو لاسمح الله مانقلتي بالدفعه الاولى تدخلين وتلقين بملفج مربع مكتوب تنشيط طلب اضغطيه مره ويتنشط .. وهكذا

شهد العجمي 2011- 7- 19 10:31 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
اقتباس:
المشاركة الأصلية كتبت بواسطة رآجيه التوفيق (المشاركة 4033993)
انا عندي أستفسآر بسيط أختي شهد ويآريت لو تقدري
تفيديني .. أنا قدمت ع موقع الجامعه انتظام وحفظت الرغبات وكل حاجهه
الأن لنفرض انهم قبلوني كيف راح اعرف انا .. ! :g2:< يعني يتصلوا علي او عن طريق ملف
الطلب .. بيخبروني :000:

همم وشئ ثاني انا مقيمه ب البلد حبيت اسأل عن الأجانب في الجامعه
تفرض عليهم رسوم أو لا !! وإذا فيهه كم تكون ؟
وبس :106:

مشكورة :love080:

حبيبتي القبول من الملف تروحين لحاله الطلب وإذا انقبلتي يكتب لج مبروك تم قبولك ويقولك باي رغيه .. وهنا عليك فقط تسلمين اوراقك وتابعين ملفك لان ممكن تنقبلين بالرغبه الثالثه ومع الدفعات الجايه تنزل النسب وتوصل لنسبتك ويترقى طلبك لرغبه اعلى .. وبعد اخر دفعه ادخلي شوفي شنو اخر شي انقبلتي فيه وداومي..
لو لاسمح الله مانقلبتي بالدفعه الاولى ادخلي ملفك وتسوين تنشيط طلب وهكذا لحد ماتنقبلين

حبيبتي .. انتي تعرفين شروط الجامعه .. اما ان يكون سعودي او من والده سعوديه ..
ومافيه رسوم ياقلبي .. فالك التوفيق

شهد العجمي 2011- 7- 19 10:34 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
اقتباس:
المشاركة الأصلية كتبت بواسطة فراااوله (المشاركة 4041121)
طيب اذا سلمت اورآقي بالبريد وجاني قبول في جامعه ثانيه كيف اسحب اوراقي بنفس اليوم ولا ياخذ وقت ؟؟ :cry111:


بليز اخت شهد ردي :icon9:

و ع فكره حابه اشكرك لتعاونك معنا :biggrin:
هلآ حبيبتي
لآ إن شاء لله مايأخذ وقت ومعروف ان الجامعه تنتظر لما يسلمون الطلاب ع الاقل يومين
وانتي لو انقبلتي يمديك تروحين تسحبين اوراقك ان شاء لله بيوم وبتكون جاهزه تقريبا ممكن فقط تغيرين ورقه البريد وتروحين ترسلينها للجامعه الثانيه بنفسس اليوم ..

ومايمنع انك تكلمين وتستفسرين لان من عام لعام ممكن يختلف

فديتك والله العفوو

نونوتو 2011- 7- 20 03:36 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
متى تطلع نتآيجنآ . . عشآن لو مآنقبلنآ نسوي تنشيط متىىىىى .؟

شهد العجمي 2011- 7- 20 10:33 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
يوم الجمعه حبيبتي .. موفقين

فراااوله 2011- 7- 20 10:53 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
اشتقت لكم :Cry111: >>>طسي هع

عندي سؤال صغنون الحين اذا بغيت اسحب ملفي اروح للبريد يرجعون اوراقي ولا الجامعة ؟

ادبس الاوراق مع بعض ولا لا ؟ :mh12:

مــلاك روحـي 2011- 7- 22 01:24 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
مشششكوره حبيبتي شهد

كلك ذوق :love080:

نونوتو 2011- 7- 22 01:27 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
مآطلع شي !! للحين !!

شهد العجمي 2011- 7- 22 11:34 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
فتح هلآ ..

هزيع 2011- 7- 22 02:14 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
طيب اختي .. انا الملف تبعي مايفتح كل ماادخل السجل والباس
يقولي غير صالحين وحتى لما احاول استرجع الباس
الصفحه ماتفتح ... والدعم الفني مشغولين
من جد توترت ع الاخر ممكن تساعديني..

¬»ģє6άř●● 2011- 7- 22 04:08 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
هاه ..!!

طلعت نتائج الجبيل..؟؟

¬»ģє6άř●● 2011- 7- 22 04:12 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
^
>>>>>>>>>>تلقط خششمها

وربي مدري وش فيني وش جاب طاري الجبيل ممددري مع اني قاريتها الدمام :biggrin:>الله يخلف عليك

روآن عبدالله 2011- 7- 22 04:25 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
كيف اعمل تنششيط مافيه زر للتنشيط !!

¬»ģє6άř●● 2011- 7- 22 04:26 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
^
أنتي انقبلتي بششئ..؟؟

angooola 2011- 7- 22 04:26 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
يعطيكم العافية
بس بغيت أستفسر ..
أنا انقبلت في تخصص ما أبغاه
وقلت بعمل تنشيط وبرسل أوراقي
بس ماكو زر للتنشيط..!!!

¬»ģє6άř●● 2011- 7- 22 04:32 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
انتي دايركت تدخلين بالمنافسه من دون التنشيط
التنشيط مايطلع الا للي مانقبل

بس انتي ودي اوراقك للكليه اللي انقبلتي فيها

روآن عبدالله 2011- 7- 22 04:41 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
اها يعني التنشيط بس للي مانقبل

لالا انا انقبلت والحمدلله لكن ابي رغبتي الاولى :biggrin:

الله يوفقك وين ماكنتي لي وقت وانا اسأل عن زر التنشيط ولا حد مدينآ فيس

ربي يحقق امنيآتك ويرضى عنك ويرضيك :106:

Red Velvet 2011- 7- 22 07:47 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
يعطيكم العافية ~

لو سمحتوا ايش هي ورقة المعلومات الشخصية ؟

شهد العجمي 2011- 7- 22 08:07 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
مافيه حبيبتي ورقة معلومات شخصيه فقط ..

الأرواق المطلوبه :

البريد الممتاز (نسختين)
ورقة التعهدات
شهادة الثنوي الأصل
صورتين من شهاده الثنوي
صورة بطاقه العائله واللي عندها احوال صوره بطاقه الأحوال

حطيهآ بملف ووديهآ للبريد قولي ارسلها بخدمه جامعي لجامعه الدمام

شهد العجمي 2011- 7- 22 08:09 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
حبيباتي اللي انقبلت لو بالرغبه الاخيره تسلم اوراقها مافيه لللي انقبلو باي شي تنشيط .. ودايركت راح يتنشط الطلب .. وإذا نزلت النسب ان شاء لله تنقبل..

اللي مانقبلو راح يلقون زر تنشيط اضغطي عليه مره بيكتب لك تم تنشيط طلبك .. ومبرووك للمقبولين وعقبال الباقين ..

شهد العجمي 2011- 7- 22 09:57 PM
رد: تنبيه لكل طالبه سجلت بجآمعة الدمآم .. أدخلو صبآآيا
 
إعلان نتآئج القبول للدفعه الثانيه الأربعاء .. فآلكم القبوول

دنيا العجااائب 2011- 7- 23 01:34 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
اقتباس:
المشاركة الأصلية كتبت بواسطة شهد العجمي (المشاركة 4057327)
إعلان نتآئج القبول للدفعه الثانيه الأربعاء .. فآلكم القبوول

حسب الجدول اللي بموقع الجامعه الدفعه الثانيه بتاريخ 28 يعني الجمعه

شهد العجمي 2011- 7- 23 01:37 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
اقتباس:
المشاركة الأصلية كتبت بواسطة دنيا العجااائب (المشاركة 4058782)
حسب الجدول اللي بموقع الجامعه الدفعه الثانيه بتاريخ 28 يعني الجمعه
يعطيك العافيه انا كأني قريته الأربعاء ؟؟!!

koool 2011- 8- 17 11:16 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
اختي انا بعد مارسلت اوراقي وحطوا لي عند الرغبه قبول فتحوا الدراسه عن بعد احاول ادخل ع صفحتي مايدخل وسألت قالوا انتي مقبوله اهم شئ ورقة البريد الممتاز

بنت الواحه 2011- 9- 4 02:09 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
سلام عليكم ؟؟
اناعندي شويه اسئله ؟؟
1-متى تبدى الدراسه بجامعه الدمام وخصوصا كليه العلوم الصحيه بحفرالباطن؟؟
2-اذادخلت على ملفي ولقيت الرغبه اللي حاطتهااني مكتوب قبول اكيدمقبوله ؟؟
لان اناخربطت ولماارسلت اوراقي كتبت الكليه العلميه اللي اقبلتني !!ولمادخلت على النت لقيت الكليه الصحيه هي اللي قابلتني ؟؟
يعني اوراقي وين تنرسل لاي كليه ؟؟
3-كيف اسحب الفحص الطبي؟؟
4-كم المكافأه بلكيه الصحيه والكليه العلميه ؟؟
طولتهاااصح:mh35:
الله يخليكم جاوبوني؟؟:Cry111:

ra7lt 2011- 9- 4 03:27 AM
رد: تنبيه لكل طالبه سجلت بجآمعة الدمآم .. أدخلو صبآآيا
 
الدراسه بتكون يوم السبت 12 / 10
المكأفاة أتوقع نفس الشيء 990 ..
هذا اللي أعرفه .. :biggrin:
دعواتك :mh318:


All times are GMT +3. الوقت الآن حسب توقيت السعودية: 09:27 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه