ملتقى طلاب وطالبات جامعة الملك فيصل,جامعة الدمام - جامعة الملك فيصل النقل من الدمام للأحساء !

صفحة 4 من 7

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى ماقبل الجامعه والاستفسارات الأكاديمية العامة للطلاب المنتظمين (https://vb.ckfu.org/forumdisplay.php?f=290)

- - [ جامعة فيصل ] : النقل من الدمام للأحساء ! (https://vb.ckfu.org/showthread.php?t=349631)

إبتسامة خجل

2012- 7- 15 07:14 AM

رد: النقل من الدمام للأحساء !

وانا انصحكم بالسكن لأن دوامكم يكون الصباح الى 3 هذا الطب

والصيدلة بعض الأحيان تكون جداولهم الى 5

يعني متى راح ترجعون ومتى راح تريحون وتذاكرون

مايمديكم وصلتوا الا تجهزون لليوم الثاني

والتخصصات الصحية يبيلها جهد

ابي ادخل

2012- 7- 15 08:07 AM

رد: النقل من الدمام للأحساء !

اقتباس:

المشاركة الأصلية كتبت بواسطة إبتسامة خجل (المشاركة 6893662)

انا انقبلت ب فيصل وساكنه ب الخبر ابوي رد علي نفس ردج

الحين مافي الا اني انتظر دفعه الدمام ي رب انقبل فييها

دعواتكم

دموع بريئه

2012- 7- 16 12:39 PM

رد: النقل من الدمام للأحساء !

أنـا العام كدا كانت مشكلتي

بس رحت بسكن خاص

مرتاحه لأخر حد

محافظين علينا درجه أولى

معانا مشرفه تنفد طلباتنا طلبات مكتبه بقاله مطعم صيدليه كل شي

ادا مرضنا نروح المستشفى

يوم الاثنين يودونا بنده نشتري المستلزمات اللي ناقصتنا

وعادي تتصرفين كأنش ببيتش :71:

ماكو أي انحرافات أبدا لان ممنوع الخروج الا للجامعه او المستشفى

حتى ممنوع نكلم السواقين

ادا تاخرو ندق ع المشرفه وهي تدق على السواقين

وسوري ع الاطاله

:(269):
:106:

لولو العامر

2012- 7- 16 10:13 PM

رد: النقل من الدمام للأحساء !

اقتباس:

المشاركة الأصلية كتبت بواسطة الع ـنود (المشاركة 6893642)

اذا انتو طب او صيدلة ما تنفعكم المشاوير الطريق بعيد ومخاطرة كل يوم راحة وجية الطب والصيدلة يبيلهم تفرغ انصحكم اخذو سكن بالحمادي غرفة 9000 السمستر الواحد مع التوصيل من والى الجامعة وطلعت يوم الجمعة للتسوق
لو بتحسبوها تطلع لكم اوفر حتى من المشاوير
الباصات الشهر 1200 اللي اعرفه يعني بتحطوا على مكافآتكم 200 الله يعين اهلكم اللي بيتحملون المصاريف
الله يوفقكم

عندك رقم سكن بالحمادي ؟ وهذا هل فيه مشرفه وكذا ومرتب ونظيف والبنات الي فيه كويسات ؟
او حالته حاله وقديم وكذا؟

لولو العامر

2012- 7- 16 10:17 PM

رد: النقل من الدمام للأحساء !

اقتباس:

المشاركة الأصلية كتبت بواسطة دموع بريئه (المشاركة 6896226)

ممكن تعطيني رقم السكن ؟ووين موقعه؟ وكيف نظامه بالظبط؟ يعني كل بنت بغرفه ؟ او شلون؟
وكم ندفع للسمستر الواحد؟
ومعاكم طالبات طب؟
والسواق يوصلكم للقطار كل ويكند؟

يفوق الوصف

2012- 7- 16 10:29 PM

رد: النقل من الدمام للأحساء !

أنا في سكن الجامعة حلو ما فيه أي مشكلة نهائيا طلعة مافيه إلا بولي أمرك مستحيل تطلعين بدونه و انحرافات ما فيه كلهم طيبين إلا قلة تحسين فيهم حركات مو حلوه بس بالعموم كأنك في مدرسة فيه الشين و زين و على فكرة بنات السكن كل وحده همها دراستها يتبادلون الكتب و إذا مثلا صار عندهم مناسبات يسوون حفلات زي نهاية الاختبارات....الخ. بالعكس السكن فيه أشياء ما تتوقعون أكثر الناس شايفين الي في سكن منحرفات و زي كذا بالعكس كل يساعد الثاني بشكل ما تتصورونه لدرجة ممكن تجي وحده تطلب علاج من الي بالدور أو أزمات زي الغبار في الحساء تجي أيام متعبه للي عندهم الربو و نساعدهم ...وغيرها الكثير .

"حياتي لك"

2012- 7- 16 10:30 PM

رد: النقل من الدمام للأحساء !

اقتباس:

المشاركة الأصلية كتبت بواسطة الع ـنود (المشاركة 6893642)

حبيبتي إذا تعرفين مواصلات تودي وتجيب يومياً الأحساء دليني عليها متوهقه حدي وأوراقي للحين ماوديتها للبريد بسبب هالشي
أنتظرك :106::106::106:

لولو العامر

2012- 7- 16 10:39 PM

رد: النقل من الدمام للأحساء !

اقتباس:

المشاركة الأصلية كتبت بواسطة يفوق الوصف (المشاركة 6897448)

الحين سألت يقولون مافيه سكن للطالبات ؟:(
انتوا قالوا لكم نفس هالكلام بالأخير عطوكم سكن؟
او ماتعرفين شي عن نظام السكن لهالسنة؟

يفوق الوصف

2012- 7- 16 10:47 PM

رد: النقل من الدمام للأحساء !

اقتباس:

المشاركة الأصلية كتبت بواسطة لولو العامر (المشاركة 6897486)

قالوا في أيامي مافيه سكن و مع ذلك فيه سكن أول أسبوع قعدت بالحمادي تقولين في مجاعة خايس ما عجبني و أمي راحت سكن الجامعة و لقت لي مكان. الي يقولونه لا تصدقينه بس لازم تجين بدري بس ترى المره هذي أحسه من جد زحمه كثير على الانتظار على السكن بس اسمعيها مني ما فيه زي سكن الجامعة نطلب من المطاعم من 7 صباح ل11 الليل أما الحمادي لك أظن الا الساعة 4 العصر تطلبين بس الي بتاكل في الليل الله يعينها كنت عايشه أسبوع على توست وجبن وعصير ربيع هذا غدا و عشا و الفطور في الجامعة . نهائيا ما صدقت طلعت من الحمادي .

"حياتي لك"

2012- 7- 16 10:50 PM

رد: النقل من الدمام للأحساء !

اقتباس:

المشاركة الأصلية كتبت بواسطة لولو العامر (المشاركة 6897486)

أختي انتي ماطبعتي نموذج التعهد
لأن من ضمن التعهدات اللي توقعين عليها بجامعة الفيصل مكتوب
لايحق للطالبه المطالبه بسكن أو مواصلات من الجامعه
وسمعت ان سكان الشرقيه مايعطوهم سكن بحكم قرب المسافه
السكن مخصص للي من المناطق الغربيه والجنوبيه والشماليه
يعني السكن بيكون على حسابك..
:106:

All times are GMT +3. الوقت الآن حسب توقيت السعودية: 11:57 PM.

صفحة 4 من 7

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه