رد: نصيحة لكل مستجده
 

السلام عليكم و رحمة الله و بركاته ..

طيب انا من البحرين و عندي اقامة منتظمة ف الدمام و ان شاء الله راح اقدم هالسنة للجامعة بغيت اعرف لين الحين ممنوع فونات مع كاميرا ؟؟ طيب و اللي عندهم بيبي و ايفون ؟؟ شيسوون ؟ و اممم لو ما عليكم امر بغيت اعرف المعدل المسموح للدخول فيه للجامعة كم ؟

و جزاكم الله خيرا ^^

مشكورين ^^

رد: نصيحة لكل مستجده
 

أول شيء....مرحبا بكـ بالسعودية ...

^^بالنسبة للفونات..أنا مأدري إذا كل الكليات نفس النظام
بس عندنا بكلية العلوم ممنوعه...والأفضل إنكـ تستخدمين جهاز بدون كآام..
علشآن الأمن..ما يصآادرون جهازكـ

^^المعدل...ماني عارفة شلون أشرح لكـ....ّ!
إن شاء الله الأخوات بالقسم يفيدونكـ..
أعذريني على المعلومات القليلة ..
أتمنى أكون أفدتكـ...~ّ

رد: نصيحة لكل مستجده
 

اهلين اختي و مشكورة ع الرد :16:

اممم بكرا ان شاء الله جايه الدمام و راح اقعد اسبوعين :14:

فـبغيت اعرف عادي اجي للجامعة و اشوفها نفسي اخذ فكرة عامة عنها و نفس الوقت اجي عشان اشوف قسم التسجيل و استفسر زيادة ؟؟

و بس :) و يعطيكم الف عافية ^^

رد: نصيحة لكل مستجده
 

أممم
تجين الجامعة..؟؟
بأقول لكـ شيء...
إحتمال الأمن ما يخلونكـ تدخلين..:42:
لإنكـ ....مو طالبة.ولآ منسوبة بالجامعة ..
يعني..
اليوم مثلآ..أنا داومت.. وطلبوا مني البطاقة الجامعية..
فـ إذا عندكـ...أي ورقة رسمية ممكن أدخلكـ....فـ كويس..
.
.
أتمنى أكون أفدتكـ:1:

رد: نصيحة لكل مستجده
 

اهلين ^^

طيب حتى لو للتسجيل ؟؟؟؟؟؟؟؟ :39:

يعني حتى لو اتفقت مع قسم التسجيل ف الجامعة تتوقعين بيدخلوني ؟ و لو ما عليج امر بغيت رقم قسم التسجيل ^^

رد: نصيحة لكل مستجده
 

يعطيكي ربي الف صحه وعافيه
جد جداستفدت كثير منه
كنت متوقعه انه صعب
بس مشاء الله شرحك مره سهل واظح
يا اليت تسوين موضوع عن اسماء الاشياء في الجامعه
مثل ايام الدراسه نسمي حصص في الجامعه محاضرات
في المدرسه مدرسات وفي الجامعه دكاتره
لاءنه ماعرف الاسماء واخاف اذا بدت الدراسه او سنه اتلخبط
يسلمووو

رد: نصيحة لكل مستجده
 

التسجيل عندنا ..صار على موقع الجامعهـ
ولا صاروا يستقبلون أحد للتسجيل..
وماعندي رقم القسمــ
سووري لإني أحبطتكــ:18:

رد: نصيحة لكل مستجده
 

Dr.AY

حياك عزيزتي

بالنسبة للجوال المزود بكاميره

ممنوع في الجامعة

بس اغلب البنات جوالاتهم كام :26:

انتي اخذي معك بدون كام علشان ماتتبهدلين :30:

المعدل على حسب نسبتك بالثانوية واختبار القدرات والتحصيلي

وعلى حسب التخصص الي مختارته انتي
إذا كان مطلوب مثل الطب يوقفون على نسب عالية جدا

بالنسبة انك بتجين الجامعة ..

انتي بجامعة الدمام ؟؟ ولا جامعة الملك فيصل ؟؟

بالنسبة الجامعة الملك فيصل قولي لهم انك زائرة وتمشي امورك :29:

إذا بيدققون على خروجك من الجامعة يطلبون بطاقة تاخذينها من قسم الأمن تقولين لهم انا زائرة ابقى ورقة للخروج

يعطونك على طول بدون شوشرة :35:

التدقيق يكون للطالبات فقط :10:

قسم التسجيل اول ماتدخلين سألي وين مكتب عمادة القبول والتسجيل راح يدلونك عليها

موجود مكتبهم في المبنى الثالث ومبنى 29 >>> نفس المبنى بس له رقمين

رقم عمادة القبول والتسجيل

عندي قسم الرجال :36:

دقي على رقم الجامعة الأساسي وقولي له يحولك على قسم القبول والتسجيل النساء

" الأفضل انك تروحين لهم بالأتصال ماراح تستفيدين كثير "

هذا رقم الجامعة

5800000

وهذا رابط فيه شروط القبول والتسجيل راح يفيدك

http://www.kfu.edu.sa/AR/DEANS/ADMISSIONRECORDSDEANSHIP/Pages/Home.aspx

بالتوفيق لك

رد: نصيحة لكل مستجده
 

جوري 2

الله يعافيك عزيزتي :16:

حبابة اخذيها قاعدة في الجامعة

" امشي على الأنظمة ترتاحين "

لاتسمعين اي طالبة تتكلم بالسلب راح تأثر عليك حتى لو على المدى البعيد :22:

خلك شطورة واخذي الإيجابي من كل شي :35:

امممم بالنسبة الطلبك بكتبهم هنا واي سؤال انا حاضرة

في الجامعة

النظام الي تدخلين فيه موادك للدراسة وتشوفين نتائجك يسمى بانر

المحاضرات تعطى في قاعات

المسئولة عن تخصصك ومشاكل التسجيل تسمى منسقة القسم

الوقت الفاضي بين المحاضرات يسمى بريك

المقصف يسمى كفتيريا

المكان الي يقام عادة فيه الحفل او المحاضرات التثقيفية يسمى مسرح

بالنهاية مافي مصطلحات غريبة لاتحاتين :43:

رد: نصيحة لكل مستجده
 

مشاء الله
تبارك الله