|
رد: عـآجل بخصوص بعثتــي
هلا بك يابعد كلي عليا << استغفر الله صيام
حياك يادكتورة طيبه والله اسمك مر علي باللي انقبلو بالبعثه شوفي تبين الكلام الصحيح والعلم اليقين باذن الله اذا انتي بنت مافي امل ويبقى الامل بالله لكن بالمنطق الحين الدفعه الخامسه ونسبتهم 91 نصيحتي روحي البعثه اذا كنتي هاوية طب بجد وما تبين غيره انا قدمت بس للاسف ماقبلوني رفض مبروزينه بعد لكن اذا كان فيه طب هنا وبعثه طب انصحك تدرسين بكالوريوس طب بالمملكه لان ماراح تنفعك شهادة الخارج لان الطب من اي ددولة كانت نفس الشهادة الا الماجستير تختلف من دولة لاخرى يعني بكالوريوس طب المملكه نفسه بالاردن نفسه بكندا ونصيحتي لا تفوتينها هنا اذا عندك فيتامين واو بتدخلين غصب عن الكل واذا ماعندك بينهضم حقك غصب عن الكل خويي اقل مني نسبة بكثير وقبلوه الطب ليه لان واسطته عمه انا ماخذت واسطه واسطتي ربي وبوصل غصب عن الكل اتمنى لك التوفيق يالغاليه ونشوفك دكتورة ووزيرة الصحه بعد << لاتنسيني حزتها احجزي ناءب الوزير لي الله يحييك |
رد: عـآجل بخصوص بعثتــي
عفوا توني اقرا موضوع المقابلة لحد يقول ابي ازيد مشاركتي والله توني قريتي:017:
المهم المقابلة اي وحده فيه مقابلتين فيه مقابلة هنا بالسعوديه ومقابلة بالجامعه اللي انقبلتي فيها مثلا جامعة البحرين يسوون معك مقابلة يسالونك عن نفسك وطموحك وهيك اشياء وبيعطونك كم سؤال انجلش هو مو معناته قبول ولا رفض بس يحددون اذا فلحتي حظرتك واجتزتي الاختبار وقدمتي درجه 300 من 500 وفوق مايخلونك تدرسين سنه تحظيريه اما اذا دجيتي وخربتيها وجبتي 250 وتحت تدرسين سنه تحظيريه اما بخصوص المقابلة في وزارة التعليم العالي شوفي اكيد اللي بتسوي المقابلة بنت انا بقولك اشيا سويتها بسابك ونصيحه مني لك باي مقابلة بحياتك سويها اول شي اكشخي قد ماتقدرين اكشخي وحطي من العطر اللي يفقع الوزاره كلها والكلام ياعيني عالكلام عطيها من فوق يعني تسليك من الاخر بتسالك عن الطموح لا تستحين قولي ودي اكون وزيرة الصحه وارفع اسم بلدي لاتضحكين ادري شوي قويه بس معليه تحملي واحتمال تنرفزك تقولك فيه ناس افضل منك وكذا ممكن نرفضك وش راح تكون ردة فعلك الحين شغلي كل اللي درستيه بالتوحيد الايمان بالقدر خيره وشره ولن يصيبنا الا ماكتبه الله لنا وان امر المسلم كله خير يعني تصيرين مطوعه خمس دقايق ايه ونسيت اقولك انا الحين سالتك سؤال مثلا كم عمرك لا تصيرين مطيوره وتقولين 18 18 18 لا اهدي وجاوبي بثقل قولي 18 سنه والحمد لله يعني السالفه كلها تسليك في تسليك وكشخه وكلام حلو معسول بس انتبهي تصيرين زي خويي يوم خلاص احرجه وتعبه قاله مايخدم بخيل ههههههه يبي يرشيه المسكين شوتوه باقرب باب والله يوفقك يارب ادري كثرت عليك بس اتمنى لك التوفيق:bawling:<< دموع الفرح |
رد: عـآجل بخصوص بعثتــي
تسلم اخوي المتمكن وماقصرت عالمساعده الجميله منك والله يوفقك ويحقق لك طموحك >>بس بقيت اقولك انا قررت اروح البعثه للخارج وادرس طب لان هذي رغبتي وما عندي غيرها لان اخاف تروح علي الدراسه اللي هنا وما يوصلون لنسبتي واندم كثييير اما عالمقابله لا تخاف راح اعطيهم كل اللي يبون وسمعت ان مقابلتهم مطابقة بيانات الاكثريه قالوا هالكلام وانا تطمنت وبتوكل على الله والله يكتب لي اللي فيه اخير بس دعواتكم لي...
|
رد: عـآجل بخصوص بعثتــي
اي نسيت اقولك >>كيف يعني تقول شهادة الخارج ما تنفعني اهم حاصل لهم وحده جايه من بره؟؟!
|
رد: عـآجل بخصوص بعثتــي
لا اكيد تنفعك بس اقولك البكالوريوس من اي دولة عادي مايفرق كيف ماينفعك ذا طب مو لعب عيال
بس نسيت اقول طيوبه اي دوله انتي؟؟ |
رد: عـآجل بخصوص بعثتــي
انا للحين ما ثبتولي بالضبط الدوله الاساسيه اللي بدرس فيها هم حطوا رغبات وانا ارتب الدول على حسب الشواغر انا اخترت اول دوله ايطاليا بعدها المانيا واخر شيء هولندا واذا ما في راح يودوني اي دوله ثانيه غير هالدول واكيد راح يقولون لي في المقابله اي دوله بالضبط..
|
رد: عـآجل بخصوص بعثتــي
اي صج عندي سؤال ادري طولتها بالاسئله>>يقولون يبقون ترجمة شهادة الثانويه العامه باللغه الانجليزيه مع التصديق عليها كيف هذي؟؟!
|
رد: عـآجل بخصوص بعثتــي
من ادارة التربيه والتعليم بمنطقتك هاذا اللي اعرفه
وياليتك اخترتي ايرندا او نيوزلندا لاتغرك اسم الدولة ايطاليا عشان منتخبهم وحركات لالا امزح بس يعني شوي بتتعبين باللغه لو تختارين بلد مثلا عندك هولندا لغتهم هولنديه ويقدرون يتكلمون انجلش بس لعانة من حبهم للغتهم يفهم عليك بالانجلس بس يرد هولندي لذلك يستوجب عليك دراسة ساعه تقريبا باليوم لغه هولنديه والمانيا اكثر دولة تتعصب للغتها من اعنف الشعوب تعصب للغتهم مثلا في كرة القدم مدرب بيجي يدرب فريق عندهم حتى لو تنطبق السماء على الارض لازم يعرف لغة المانيه بعدين يصير خير وقيسيها على كل المجالات انتي حاولي تاخذين اريندا او نيوزلندا او استراليا نصيحه مني لك |
رد: عـآجل بخصوص بعثتــي
ما اقدر لان هذا الدول بس اللي حاطين اختارهم اللي ذكرتهم ما في يعني غصب اروح هذيلي الدول مو انا اختار وبس
|
رد: عـآجل بخصوص بعثتــي
الله يوفقك يارب ويكتب لك الخير أن شاء الله
ويسهل لك دربك ويساعدك وتصيرين أحسن دكتوره |
| All times are GMT +3. الوقت الآن حسب توقيت السعودية: 09:46 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه