|
هل ضمان التحويل لبعثة داخلية بكلية الغد بالدمام ؟؟
اخواني بليزززز افيدوني
الحين الي معنا بالمنتدى بهالجامعة .. هل محولين على البعثة الداخلية او حسابهم الخاص يعني هل بس ادخل هالكلية سهل اني احول بعثة داخلية ؟ وهل ضمان التحويل اذا جبت 3 و 75 من 5 ؟؟؟؟؟؟؟ كلية الغد مقارنة بالاكاديمية مثلا اغلى بكثيررر فبليز طمنوني بخصوص هالشي !! |
رد: هل ضمان التحويل لبعثة داخلية بكلية الغد بالدمام ؟؟
السلام عليكم ورحمته الله وبركاته
اختي بالنسبة الى المنح على حسب معدلك بس المنح يوجد فيها مفاضله بالنسبة للاكادمية دبلوم راح تكون ارخص والكلية بكالريوس هدا رابط راح يفيدك كثيرر http://grants.mohe.gov.sa/default.aspx |
رد: هل ضمان التحويل لبعثة داخلية بكلية الغد بالدمام ؟؟
اختي مثل قال لك اخوي بالمفاضلة
لكن حبيت انوه اذا لغتك الانجليزية تمام ابشرك بس تذاكرين تجيبين الـ5 ترى الدراسة مو صعبة في السنة التحضيرية وربي يوفقك وفالك القبول |
رد: هل ضمان التحويل لبعثة داخلية بكلية الغد بالدمام ؟؟
متابعه لموضوع ايفا وان شاءالله افادوك الإخوان هدوء...انتي عشرة على عشررة...تحمست :119::119: |
رد: هل ضمان التحويل لبعثة داخلية بكلية الغد بالدمام ؟؟
واذا لغتي نص ونص )):
طيب هدوء .. انا سمعت انو بس اسجل وادفع المبلغ واسجل بالبعثة يشوفو معدلي بثالث والقياس اذا توفرت فيهم الشروط يحولوني بعثة يعني لــ أول سنة اضمنها ويرجعو فلوسي ثاني سنة تعتمد ع السنة الاولى اذا جبت 3 و75 يحولوني اذا لا بس يدفعون لي نص المبلغ اممممممممم مدري يعني اول سنة يشوفو بس على معدلي ونسبتي انا نسبتي 95 وشوي وقياسي بالسبعين يعني تتوفر فيهم الشروط بس مدري فيدووني اكثرر (: اختي روعة فكر ان شاء الله فالنا القبوول قسسسم اشعة (: |
رد: هل ضمان التحويل لبعثة داخلية بكلية الغد بالدمام ؟؟
اختي السنة التحضيرية اذا ذاكرتي والله تجيبين فوق الـ 4
شوفي انا في السمستر الاول كنت مجتهدة واذاكر ولغتي مو لهناك لو تعرفين كم المعدل تنصدمين والله ما اتوقعت اجيب فوق الـ 4 قريب من الـ 5 بس في هالسمستر انا مالي خلق دراسة بس اذا ذاكرت اجيب درجات الحمدالله بس الله يستر من المعدل اممم سمعي التسجيل للمنح في رمضان تروحين تسجلين وتدفعين رسوم التسجيل << هذي الرسوم اجباري 3000 ريال ومثل ماقلتي تعتمد على ثالث والقدرات ولما شفت نسبتك 95 والقدرات في 70 ان شاء الله تطلع لك المنحة في هالسنة انتي سجلي ع المنح ولا تدفعين لهم الا رسوم التسجيل واذا قالوا ان بنات المنح ما يداومون قولي انا على حسابي ولا عليك منهم لين تطلع لك المنح اذا ماطلعت عادي تقدرين تدفعين في نهاية السمستر لاتصيرين مثل بنات العام مساكين درسوا متأخر وخلينا نقول ان السنة التحضييرية درستي ع حسابك السنة الجاية نفس الشي تروحين في رمضان تقدمي ع المنح يعتمد على معدلك للسمتر الثاني وطبعا اهي مفاضلة واذا طلعت لك المنح مدري اذا يرجعون لك الفلوس ولا لا مو متأكدة بس اغلب البنات يقولون ما يرجعون الفلوس المهم في بنات درسوا سمستر على حسابهم والسمستر الثاني طلعت لهم المنح اهم شي انتي تسجلين على المنح والشروط متوفرة عندك المنح متجددة يعني كل سنة تروحين تجددينها عشان ماتروح عليك وفالكم القبول يابنات االشعة |
رد: هل ضمان التحويل لبعثة داخلية بكلية الغد بالدمام ؟؟
هدوء البنفسج قواج الله شلون يعني بنات المنح مادرسوا الا متأخر
انا بسجل تجسير تمريض وعلى المنحه ان شاء الله حبيت استفسر منج يعني شسالفة اقولهم على حسابي ؟؟؟؟ |
رد: هل ضمان التحويل لبعثة داخلية بكلية الغد بالدمام ؟؟
اوكي ياقلبي مشكوووووووووووووورة
بس عندي كم سؤال تحملينا شوي ): الحين انا بروح اسجل قبل رمضان متى مابدأ التسجيل وقلت بس يبدأ تسجيل البعث اسجل بالنت بموقعهم صح ؟! امممم الحين البعثة سنوية يعني مش كل سمستر وتعتمد على معدلي بالسمستر الثاني هذا للسنة مابعد التحضيرية يعني المنحة ماتاخذ على معدل السمستر الاول بكل سنة ؟؟ ومافهمت كيف بنات جاتهم البعثة السمستر الثاني وهو التسجيل سنووي وضحي اكثر فديتك وماعلش تحملينا شووي في ميزان حسناتك يااااااارب |
رد: هل ضمان التحويل لبعثة داخلية بكلية الغد بالدمام ؟؟
اوكي سمعوا
اولا ببدأ بسؤال لصوقة سمعي حبيبتي انا لما بديت الدراسة في السمستر الاول كانت المنح مابعد تطلع لاحد وتقريبا بنات المنح مادوموا وعلى قرب العيد الاضحى داوموا البنات وهم مابعد تطلع لهم المنح للحين ولكن بعد العيد طلعت المنح وتعالي شوفي شو صار اللي ماطلعت لهم المنح اطلعوا بعد مادرسوا تقريبا شهر واللي طلعت لهم المح جاوا يداومون وكانوا متأخرين عنا بجزئية كبيرة تخيلي حتى في الاختبار كنت اتذكر انا ذاكر جزئية يقولون بنات المنح اهي مو معاهم كان ضغط كبير على المنح في الدراسة فحصل لخبطة لبنات المنح بس على حسب كلامكم اللي تقدر تدرس سنة على حسابها وضامنة تسوي مثل البنات اللي كانوا معاي بالكلاس اهم سجلوا على المنحة ويدرسون معانا لكن قالوا لي اذا ماطلعت لهم المنح رح يدفعوون والحمدالله طلعت لهم المنح انا خوفي ان هالسنة تطلع المنحة متأخر ويصير لكم مثل اللي قبل بجد لو تسألين بنات المنح كيف تعبوا في السمستر الاول سؤال الثاني عفية عليكِ انا قلت سنوية بس اللي حصل ان في بنات طلعت لهم المنح وماداوموا يعني كنسلوا منحهم فتحولت المنح لبنات ثانيين اللي اهم الحين يدرسون في السمستر الاول على حسب ماسمعت وتقريبا هذا اللي صار وبالنسبة للمنحة شوفي مو معناتها يعني السمستر الاول مو مهم انا شفت بعد ماخلصنا السمستر الاول كاتبين على بنات المنح تجديد منحهم مافهمت لاني مو من بنات المنح والحين بعد على نهاية السمستر يمكن يشوفون اذا نزل معدلك ولا لا لكن اذا درستي هالسمستر على حسابك وجيتي تقدمي لسنة الجاية تقدمي على معدلك للسمستر الثااني امم احس اني ماافدتك كثير اسفة حبيبتي لكن في المنح مااعرف كثير عنها لاني مو منها :icon9: وربي يوفقكم |
رد: هل ضمان التحويل لبعثة داخلية بكلية الغد بالدمام ؟؟
يمكن عشانها اول سنه للبنات في الكليه فصار لخبطه لان دخلت على موقع الوزاره المهم يعني شفت تاريخ بداية المنح وتاريخ صدورها بعد الدراسه تقريبا بشهر يعني مو متأخرررين مررره :(107):
اممممم مشكوره ماقصرتي خيتو ونشووووف وان شاء الله خير |
رد: هل ضمان التحويل لبعثة داخلية بكلية الغد بالدمام ؟؟
خلاص على خير حبيبتي ومشششششششششكورة غلبناك معنا (:
اذا رحت اسجل بستفسر عن ادق واصغر المواضيع :tongue: ولا يهمك مشكورة ياقلبي |
رد: هل ضمان التحويل لبعثة داخلية بكلية الغد بالدمام ؟؟
إيفا متى تطلعي للكلية ؟؟:119:
برمضان وقت التسجيل ولا شهر 8 |
رد: هل ضمان التحويل لبعثة داخلية بكلية الغد بالدمام ؟؟
اول مايقتح التسجيل بكلية الغد انا عندهم :71:
يعني على شهر 8 :71: |
رد: هل ضمان التحويل لبعثة داخلية بكلية الغد بالدمام ؟؟
وترى انا متخرجة من سنتين
يعني هذي السنة الثانية من تخرجي يعني عادي يقبلوني المنح هدوووووووووء تكفين بردي قلبي |
رد: هل ضمان التحويل لبعثة داخلية بكلية الغد بالدمام ؟؟
روعة فكررر
انتي من وين ؟ نتعرف شوي :tongue: |
رد: هل ضمان التحويل لبعثة داخلية بكلية الغد بالدمام ؟؟
لصقة
ممكن يكون كلامك صح ايفا سنتين :(107): اممم اللي لهم سنة طلعت لهم المنح :(107): اتوقع تشملك المنح بس مدري القدرات يوافقون عليها ولا لا لانها قديمة ان شاء الله يوافقون عليها |
رد: هل ضمان التحويل لبعثة داخلية بكلية الغد بالدمام ؟؟
التسجيل بالكليه يبدأ من ٢ رجب صح؟؟ لاني كلمتهم وقالوا لي كذا وبالنسبه لموقع الكليه عند دوار التميمي صح
|
رد: هل ضمان التحويل لبعثة داخلية بكلية الغد بالدمام ؟؟
عذراً على المداخلة :mh318:
بس ممكن أسألكم سؤال؟؟ وين موقع كلية الغد للبنات بالدمام بالضبط؟ وأنا لما أروح الدمام أشوف مبنى مكتوب عليه كلية الغد ويكون قريب من مطعم أيام زمان هل هذا المبنى هو المقصود؟؟؟؟؟؟؟ |
رد: هل ضمان التحويل لبعثة داخلية بكلية الغد بالدمام ؟؟
الكلية تقع في العزيزية
واذا تدلون المخابز المتطورة قبالها بالضبط تشوفون لوحة مكتوب عليها كلية الغد والدخول بيكون من الخلف اتمنى اني افدتكم |
رد: هل ضمان التحويل لبعثة داخلية بكلية الغد بالدمام ؟؟
شكنن بالمرررة ياهدوء بسئل ان شاءالله عن وصفك واحصله لاني ماكنت عارفته على كثر حماسي من اول السنة ولاسالت عن الموقع هع عسا يكوووون في باصات توصل هناك :000::000: .... سلمك ربي ونالك ماتمنيت ياقميييلللله:119::119: ايفا انا متخرجة لي سنة :biggrin::biggrin: قد درستي قبل في حكومي ولا لا؟؟ انا درست هالسنة وان شاءالله تعادلي لي هالتوائم الاربعه فيزك وكيم واحيا وثقافه وان شاءالله بطلع الكولج بدايه 8 وبرمضان فالنا القبول يااارب :53: -ويشرفني معرفتك :love080::love080::love080: |
رد: هل ضمان التحويل لبعثة داخلية بكلية الغد بالدمام ؟؟
وانا افكرك تدلينها :41jg:
كل هذا من زوود الحمااس والله اخاف حماس ينحاش :oao: موفقة حبيبي وموفقيييييين حبيباتي ويارب نشوفكم اقدع اخصائيات اشعة في الكون كله :53: |
رد: هل ضمان التحويل لبعثة داخلية بكلية الغد بالدمام ؟؟
اقتباس:
معليش حبيبتي بتعبك معاي:mh318: ترى أنا مو من الدمام عشان كذا مافهمت الوصف وماأعرف وين المخابز المتطورة؟؟!!:mh12: يعني اعطيني أسماء أماكن جنب الكلية بس تكون معروفة ومشهورة طيب أنا شفت كلية جنب مطعم أيام زمان مكتوب عليها كلية الغد الدولية للعلوم الصحية للبنات بالدمام يعني معقولة مو هذي الكلية؟؟!! ادري تعبت معاي بس أبسألك سؤال ثاني مين أقرب الكلية أو مستشفى الدمام المركزي؟؟ يعني الكلية بداية الدمام والمستشفى نهايتها؟؟ أو العكس وأبسألك سؤال ثالث:mh318: وش نلبس في الكلية؟؟ يحددوا زي معين ؟؟ والله يوفقك تعبت معاي يااااارب تنجحي بمعدل عاااااااالي |
رد: هل ضمان التحويل لبعثة داخلية بكلية الغد بالدمام ؟؟
ههههههههههههههههه
تعبك راحة حبيبتي بس حتى انا مو من الدمام :oao: اقتباس:
تدلين معهد المواساة اهو جنبها في نفس الشارع تقدمي اشوي تشوفين الكلية وبما انك شفتي لوحة محطوطة على عمارة ومكتوب عليها كلية الغد بنات اكيد هذي الكلية وجنب المطعم ماشفتي المخابز المتطورة :biggrin: اتوقع بتشوفينها لان احنا من النافذة نشوف قبالنا المخابز المتطورة << كذا حفظتها :biggrin: وبسالك انتي لما شفتي مطعم ايام زمان شفتي صيدلة الدواء مو جنبه بس شفتيها في نفس الشارع ؟؟! لانك اذا شفتي الصيدلة اعتبري نفسك دلتيها ماتضيع لا العكس حبيبتي الكلية في نهاية الدمام :bawling: بالنسبة للبس ما يروق لذائقتكِ لبسيه نصيحة روحي الكلية ببنطلون وبلوزة << نادر اللي يلبسون تنورة يارب يسمع منك ويوفقك وتتسهل امورك بإذن الواحد الاحد |
رد: هل ضمان التحويل لبعثة داخلية بكلية الغد بالدمام ؟؟
اقتباس:
مشكوووووووورة وربي يوفقك وتتخرجي وتتوظفي لكن أختي موظفة في مستشفى الدمام المركزي وتقول إن الكلية تصير بدااااية الدمام والمستشفى بعيييد بس يمكن عشان أنا جاية من القطيف تكون الكلية قريبة لي لكن المستشفى بعيد وأنت شكلك تجين من الخبر أو الأحساء عشان كذا تشوفين الكلية نهاية الدمام:119: وبسألك سؤال:mh318: لازم ألبس فوق ملابسي لاب كوت أبيض؟؟ أو عادي مولازم؟؟ وسؤال :mh318::mh318: جوال الكاميرا ممنوع؟؟ وسؤال :mh318::mh318::mh318: سمعت يقولوا في مبنى جديد للكلية وين مكانه الجديد؟؟ وسؤال :mh318::mh318::mh318::mh318: بيفتحوا طب أسنان هذي السنة؟ أو بتدخل الصيدلة في المنح هذي السنة؟ وسؤال :mh318::mh318::mh318::mh318::mh318: في مقابلة شخصية أثناء التسجيل؟ وش نوعية الأسئلة في المقابلة؟ المقابلة بالانجليزي أو بالعربي؟ ولازم يكون مستواي عااالي في الانجليزي عشان أقدر أنجح في المواد أدري تعبتك معاي :icon9: لكن أنا خايفة وماعندي أحد يجاوبني غيرك:mh12: الله يوفقك ويجزيك خير ياااااارب |
رد: هل ضمان التحويل لبعثة داخلية بكلية الغد بالدمام ؟؟
الكليييييه يعني عند دوار التميمي صح ؟؟ جنة الإيمان حددددك متحمسه وانا متحمسه معاااااك خووووش فله بنطلون وبلوززه هع
بس اذا كانت الكليه عند الدوار راح تكون بوسط الدمام هع هذا رايي بس مو مررره في الوسط |
رد: هل ضمان التحويل لبعثة داخلية بكلية الغد بالدمام ؟؟
اقتباس:
ايه حدي متحمسة ان شاء الله يقبلوني ويقبلوك يااارب وعجبتني سالفة بنطلون وبلوزة بس تتوقعي يمكن يحددوا نوعية البلايز؟؟!! يعني يمكن مايرضوا نص كم مثلاً؟؟!! أتمنى يتركوا لنا حرية الاختيار ونلبس إلا يعجبنا :33_asmilies-com: |
رد: هل ضمان التحويل لبعثة داخلية بكلية الغد بالدمام ؟؟
روعة فكر لا والله لساتني فررش :tongue:
مادرست شي ابد وفالنا القبول بالبعثة :love080: اختي هدووء الحين كلية الغد هل ضمان الوظيفة بعدين ؟ او لازم اختبار هيئة ودوشة وسالفة !!!!!! وكم راتب اخصائي الاشعة اول مايبلش :biggrin: مو بعيني الفلوس بس حابة اعرف تكفين اسألي لي بالجامعة :wink: |
رد: هل ضمان التحويل لبعثة داخلية بكلية الغد بالدمام ؟؟
اقتباس:
راتب أخصائي الأشعة 9000 ريال تقريباً ربي يوفقك ويقبلوك |
رد: هل ضمان التحويل لبعثة داخلية بكلية الغد بالدمام ؟؟
هدوء كفشناك بالأسئله وطلعنا روحك هههههههههه
ممم يايفا فرش اجل مادرستي شي :biggrin::biggrin::biggrin: اميييين الله يسمع منك يارب وان شاءالله يظل الحماس لين يبشرونا بالقبول النهائي يارب حقق الامنيات مادامت خيرا جنه -لصقه -ايفا - انا :biggrin::biggrin: فالنا القبول :(204)::(204): |
رد: هل ضمان التحويل لبعثة داخلية بكلية الغد بالدمام ؟؟
اسفة عندي اختبارات كذا ما ادخل كثير :(177):
الكلية قريبه من الدوار المهم اهي قريبه للقطيف كذا رح تكون اقرب لك اللاب كوت تلبسينه اذا كان عندك عملي واذا انتقلتي للتخصص واذا حابة تلبسينه من البداية عادي مافي اي مشكلة السمستر الاول مو لازم جوال بوكاميرا ممنووووووع المبنى اللي احنا فيه تو هالسنة فاتحينه لنا اتوقع السنة التحضيرية بيروحوا المبنى القديم اللي في المزروعية ماادله كثير لاني درست بس فيه كم شهر وانتقلنا للمبنى الجديد الصيدلة للحين مو داخلة للمنح طب اسنان احتمال يفتحونه واحتمال لا << مرة سألتهم قالوا لي اي بس الحين يقولون لا فيه مقابلة شخصية بس اتوقع للمنح انا ماسووا لي مقابلة لاني على حسابي استفسرت عن المقابلة كانت بالعربي اسئلة عادية وش التخصص اللي تبغينه وليه دخلتيه فيه سؤال بعد منو رئيس امريكا ؟؟ طبعا اذا ماعرفتي شي لا تخافين قولي مادري وكلك ثقة :(204): مو لازم حبيبتي المستوى بالانجليزي انتي شدي على نفسك وان شاء الله تجيبي معدل كويس البلايز عادي نص كم بس بدون اكمام ممنوع لبسي فوقه لاب كوت برمودا ممنوع فيه طبعا اختبار هيئة ودوشة الوظيفة على ربك ان شاء الله تتوظفون بسرعة ع العموم مدري انتوا اي دفعة احتمال تصيرون يا الدفعة الثالثة اللي تتخرج من الكلية او الرابعة طبعا بتخصص اشعة بس ظنتي الدفعة الثالثة :(107): ان شاء الله جاوبت على استفساراتكم كلها اذا نسيت شي طرحوه مرة ثانية واذا بعد تبون شي مايردكم الا الكيبورد الللي قدامكم قبل ما ابتدي اختبارات وينعدم دخولي :oao: وعذرا ع التأخير ربي يسهل عليكم وتنقبلووووون كلياتكم |
رد: هل ضمان التحويل لبعثة داخلية بكلية الغد بالدمام ؟؟
هدوووء مشكوووووورة ياقلبي ماقصرتي
وربي يوفقك ويجزيك خير وان شاء الله نشوفك أحسن صيدلانية في الدنيا يااارب بس أنا أتمنى يجيبونا معاكم في المبنى الجديد لأن المزروعية بعييييدة:bawling: بالتوفيق ياعسل وان شاء الله تاخذي معدل عاااالي |
رد: هل ضمان التحويل لبعثة داخلية بكلية الغد بالدمام ؟؟
بنااااااااااات عندي لكم خبر :biggrin:
انا قررت ابطل عن الغد والاسباب تطول في ذالك .. ناوية بإذن الله اسجل بالمعهد الفني بالدمام او معهد التنمية تخصص اشعة واصبح فني اشعة بعدين .. بنات والله خواتي كلهم يشتغلو بالمستشفى وهم من قالولي هالكلام .. بدخل كلية الغد وبكررف عمري عشان اجيب نسبة عالية عشان اضمن المنحة وكل سنة بتجدد معاناتي .. وبالاخير بوظفونا على مسمى فني اشعة حالنا حال الي سنتين ووين على وين يحولونا على مسمانا الوظيفي الي هو اخصائية اشعة .. وبصراحة انا مو مهمة عندي شهادة البكالوريوس كثر مو مهم عندي اني اتوظف واكون مسقلة .. يعني الوظايف بالسعودية دماااااااااااار وكل ماجالها تدمر زيادة .. ليه نخسر عمرنا بكلية مثل الغد 50 الف كل سنة غير مصاريف الملازم وغير تعبنا احنا ونفسياتنا اربع سنين كرف .. وبالاخير !! وللوظيفة كلة الرزق على الله يمكن نخلص غد ومافي وظايف ويمكن اخلص معهد ونفس الحالة ويمكن العكسس وكلة بيد رب العالمين مدري توصلت لقناعة اني اسجل بمعهد دبلوم فني اشعة .. والحمد لله حييييل مبسوطة بقراري اكثر من انضامي للغد سابقا كنت متوترة ومدري ): روعة فكرررررررر تشرفت بمعرفتك كثيررر غلاي :106: هدووووووووء قلبي تعبناك معنا كثيرر والله يوفقك بااختباراتك ويارب نشوفك صيدلانية كبرررررررر الدنيا :106: واشوفكم على خير يااحلى قرووووووووووب :71: |
رد: هل ضمان التحويل لبعثة داخلية بكلية الغد بالدمام ؟؟
^
تم الاتصال بمعهد التنمية .. ومافي قسم اشعة في تمريض وعلاج طبيعي ...الخ والمعهد الفني فقط تمريض جار البحث ونشووووف نهايتها :biggrin: |
رد: هل ضمان التحويل لبعثة داخلية بكلية الغد بالدمام ؟؟
ايفا لاتاخذي قرار وتندمي عليه
ترى نزل قرار من الوزارة إن بعد عام 1432 مافي وظايف لدبلوم صدقيني يعني اللي بتدرس دبلوم بتكون ضيعت عمرها وماعندها غير إنها تروح مستوصفات خاصة لأن الحكومية مابتقبلها |
رد: هل ضمان التحويل لبعثة داخلية بكلية الغد بالدمام ؟؟
ومن قال لك الوزارة يوظفونا على مسمى فني أشعة؟؟!!!
البكالوريوس عدد سنواته تقريباً نفس عدد سنوات خريجات العلوم الطبية يعني مو معقول يوظفونا فنيين أصلاً كلمة فنيين لدبلوم بس والبكالوريوس لهم أخصائي وبنت خالتي أخصائية أشعة أول ما اتخرجت اتوظفت وكان راتبها 8000 تقريباً لكن اللحين مع الزيادة صاروا اللي يتخرجوا أول وظيفتهم تكون رواتبهم 9000 تقريباً |
رد: هل ضمان التحويل لبعثة داخلية بكلية الغد بالدمام ؟؟
عارفة ياقلبي
بس اختي بالمستشفى وتشوف الحالات تقول الوزارة دائما يسعو للشهادة الاقل > هذا الواقع عشان ماتخسرهم .. وعادي خالي فني اشعة بس صارله حوالي 15 سنة يشتغل .. وراتبة طاق الـ 20 الف على دبلوم ! الزبدة مو بالرواتب بالمسمى ليش نتعب عمرنا والدبلوم مش بطال .. حتى انا سمعت كثير ان مابوظفو .. بس اذا كذا الي داخلين اكاديمية وهاالمعاهد وين بودونهم ؟؟ كلهم ع التشغيل الذاتي وبعد التشغيل الذاتي مش بطال حلوو نوعا ما ولو صحيح .. لوقتها اقدر اكمل بكالوريوس (: يعني اشوف اقرب الحلول واسرعها اذا لا عندي مجال اكمل بعدين سنة زيادة سنة ونص (: |
رد: هل ضمان التحويل لبعثة داخلية بكلية الغد بالدمام ؟؟
ايفا الدبلوم خلاص قفل ابوابه هذي اخر سنه توظيف له يعني من دفعتي انا دبلوم والمفروض اروح اقدم اوراقي بس حابه اكمل دراسه بس انتظر شهادة الهيئه لسى ماخلصت لاتوهقين عمرك على دبلوم ولاتقارنين هالسنه بالسنين اللي طافت تراها غير وشي طبيعي الواحد اذا زادت خدمته يزيد راتبه وبعدين عادي اذا على المنحه شدي الهمه والله كريم ...
هدووووء البنفسج مشكوووووره مافصرتي حبيبتي يعطيج الف عافيه سؤال ؟؟ اللحين التسجيل بالكليه لين وقت الدراسه ؟؟؟ يعني ٣ شهور وشوي تسجيل؟؟ |
رد: هل ضمان التحويل لبعثة داخلية بكلية الغد بالدمام ؟؟
طيب مين عنده رقم كلية الغد بالدمام ؟
الي عندي دايم اتصل ومحد يرررد !!!!!!! |
رد: هل ضمان التحويل لبعثة داخلية بكلية الغد بالدمام ؟؟
هلا حبيبتي
أنا عندي هذي الأرقام 8341205 8340518 |
رد: هل ضمان التحويل لبعثة داخلية بكلية الغد بالدمام ؟؟
مششششششكورة ياقلبي
وفالك القبول يارب :106: والله يابنات مافي اي معهد دبلوم اشعة بنات كلهم بنين .. والمشكلة اخاف ادخل الغد ومايحولوني منحة وحتى لو حولوني تتجدد المعاناة كل سنة ): ياربي سترك انا ناوية اطلع للغد استفسر اكثر على بداية شعبان .. بس مدري شنو بصير والله محتاااااااااااااااااااااااااارة وضايعة |
رد: هل ضمان التحويل لبعثة داخلية بكلية الغد بالدمام ؟؟
|
رد: هل ضمان التحويل لبعثة داخلية بكلية الغد بالدمام ؟؟
إيفا كم نسبتك القدرات والثانوي -:(107)::(107):
وشيلي من بالك هالمعاهد الصحية لا أجيك :41jg::41jg:<<<لمصلحتك مثل ماقالوا الاخوات ماعاد تقبل الشهادات التأهليله الدبلوم اسالي الى ان ترتاحي وتقرري قرار يريحيك ان شاءالله انتي قدمي بكلية الغد ماراح تخسرين شي هم ما بيطلبوا منك الاصل ورسوم التسجيل 3الف ريال الا اذا ترسم اسمك بالمنحة يعني في كلا الحالتين مانتي خسرانة شي لو سجلتي بالتسجيل ياخذوا منك صور بس انا مثلك كنت محتارة وقلت يمكن اتوهق بهالمبلغ السنوي بس بقدم بظل على جامعتي الحكومية الى ان اشوف يطلع قبول لي اولا ان طلع كتب الله وشديت حيلي ويصير ادفع بس 3الاف واجتهد بمعدل عالي يمكني حتى بالماستر بعدين لوبغيت وان لا رضينا :biggrin::biggrin::biggrin: لاتنسين تعطيني قرارك الي بتتوصلين له ان شاءالله-موفققققه :smile: |
رد: هل ضمان التحويل لبعثة داخلية بكلية الغد بالدمام ؟؟
امممممممممم والله كارثة صار هالمبلغ :biggrin:
بجد تعتبر اغلى كلية سعودية :biggrin: انا قدرات 70 وتحصلي 68 تقريبا انتي عندك جامعة حكومية انا من وووووووووين ؟ :bawling: هههههه على خير يارب .. وجالسة ابحث اكثر ونشوف وين الصالح فيه :love080: |
رد: هل ضمان التحويل لبعثة داخلية بكلية الغد بالدمام ؟؟
بالتوفيق :106:
|
رد: هل ضمان التحويل لبعثة داخلية بكلية الغد بالدمام ؟؟
بعد هالتعب تقولين لي بتحولين دبلوم
ترى احنا في الحسا عندنا معهد تدرين اني هذي اخر سنة له دبلوم والسنة الجاية مقفلين الدبلوم ورح يفتحون بكالوريوس صادر القرار ان الدبلوم بيقفلونه وليش خايفة انك ماتنقبلي في المنح انا قايلة ان الدراسة سهلة والمعدل تقدرين تجيبينه فوق الـ 4 طيب قدمي ع الموارد في كلية المانع صيدلة لازم اشعة لاتتسرعين وتندمين بعدين وبجد صدمتيني بقرارك لصقة التسجيل بيفتحوه بشعبان لين الدراسة عادي اتذكر انا بعد اسبوع من الدراسة جيت نورت الكلية وسجلت :biggrin: |
رد: هل ضمان التحويل لبعثة داخلية بكلية الغد بالدمام ؟؟
انا مش خايفة .. انا جالسة احط حساب لكل شي :(177):
يعني انا بحثت كثير عن البعثة يقولو ان كثير يجيبو اربعة وفوق وعلى كذا ماتشملهم المنحة بجد فخايفة هذا الي يصير معي .. احس بموت بقهري :tongue: والمنحة مافيها ان مادة مالك خلقها .. يلا اهم شي تعدي فيها لو جيد او مقبول لا لازم تشدي حيلك وتكرفي عمرك بكل مادة :biggrin: يعني اربع سنين هزز كتاف .. على اشعة يعني كلش كلش ماهي طب :oao: طيب هدوء اذا ضمنت عمري من اول سنة منحة وبعدين بقى معدلي دائما طالع .. اظمن ان المنحة ماتنشال من عندي صح ؟ لان الي اسوية كل سنة تجديد تسجيلي فيها لاني اوردي مقبولة فيها من اول مرة او عادي تشملني اول سنة والثانية مثلا وع الثالثة اجيب المعدل المطلوب ولله في الله يشيلوها عني ؟ يقولو الكليات الاهلية همهم الفلوس وحتى لو تشملك المنحة لازم أول سمستر بكل سنة ياخذو المبلغ !!!!!!! هدوء تكفين ريحي بالي |
رد: هل ضمان التحويل لبعثة داخلية بكلية الغد بالدمام ؟؟
ما انكر الكلية همها الفلوس لانها تو مفتوحة العام
وبعدين مين قال اذا انقبلتي في السنة الاولى رح ياخذوا منك فلوس حبيبتي بس رسوم التسجيل اللي رح ياخذوها منك فقط واتوقع اي اذا ضمنتي المنحة في السنة الاولى تضمنيها في السنوات الجاية اذا مانزل معدلك وبتأكد لك بعد من بنات المنح ان المنحة تكون معاكِ على طول بما ان معدلك مرتفع <<< وياليت لو شخص من المنح يأكد لنا الخبر وبعدين بيني وبينك لو كانت عندك قدرة بالدخول للكلية على حساب اهلك وفي مادة مالك خقها بتطنشيها وبتقولي يالله اهم شي اعدي فيها ماتقولين اهلي يتاملون فيني خير تدرين انا ما صبرني غير اهلي ولا لعلمك مالي خلق اذاكر مديكل يوم الاثنين اختباري وانا للحين مافتحته وانا عندي قدرة مالية وداخلة على حسابي والصيدلة رسومها اعلى من كل التخصصات في الوقت الحالي ولا فيها منحة ولا اقول بجتهد عشان ادخل فيها انا سبب اجتهادي اولا واخيرا عشان قلب امي ابوي وترى انا اشوف البنات اللي داخلين على حسابهم مستهترات بمعنى الكلمة << طبعا مو الكل بس ما احب انا اشوف ناس بتخصص طبي كذا احنا داخلين لخدمة انسانية ارواح الناس مو لعبة بإيدينا حبيبتي ثقي بالله وتوكلي عليه و ولو كان لك بكليتنا نصيب وخير ربي يسهل عليك الدخول فيها واذا مالك فيها اخير ربي يعوضك باللي احسن منها بس ما جاوبتيني على سؤالي انتي ماتبغين الا تخصص اشعة |
رد: هل ضمان التحويل لبعثة داخلية بكلية الغد بالدمام ؟؟
/
حبيبتي انا حابة طب اسنان .. بس طب اسنان مافي الا بالرياض وانا مستعبدة فكرة طلعتي لهناك مليون % فتنازلت عن طب اسنان وعوضتة بأأشعة لانها اقرب قسم لي بما اني احب الفيزياء والدراسة فيه يقولو حيل ممتعة اهلي يقولو لي بما انك بتدخلي هالجامعة هي غالية غالية .. ليش تدخلي قسم اشعة ومافي فرق بين طب اسنان واشعة غير كم الف وانا مو حابة اطلع للرياض . عشان كذا ادعي ربي يفتحون طب اسنان ع السنة الجديدة او ع الاقل بعد سنة التحضيري عشان احول طب اسنان (: واذا لا الاشعة حيل حابتها .. ويارب اتوفق فيها مشششششششكورة هدوء ياقلبي وشدي حيلك والله يخليلك اهلك فوق راسك ويخلي اهلناا فوق راسنا منورين حياتنا جميعااااا :106: |
رد: هل ضمان التحويل لبعثة داخلية بكلية الغد بالدمام ؟؟
هدوء انا مكلمه الكليه وقالوا لي التسجيل يبدأ من اثنين رجب والله العالم يمكن حق التجسير لاني انا بجسر
ومشكوره ماقصرتي |
رد: هل ضمان التحويل لبعثة داخلية بكلية الغد بالدمام ؟؟
لصقه حبيبتي على اي رقم كلمتي؟؟احتاج الرقم هذا ؟؟ممكن تحطينة هنا..:smile:
|
رد: هل ضمان التحويل لبعثة داخلية بكلية الغد بالدمام ؟؟
ايفا
ربي يسهل عليك حسيت بشعورك كنت انا بروح الرياض وانا مترددة بس الحمدالله طلعت في وجهي كلية الغد وارتحت لصقة بما انك كلمتيهم روحي << بس مبكر من الحين ولا بتحجزون لكم كراسي :oao: و اتوقع ان هالكلية طول السنة متاح التسجيل :(107): يالله ربي يوفقك |
رد: هل ضمان التحويل لبعثة داخلية بكلية الغد بالدمام ؟؟
اصلا كذا ولا كذا راح انتظر لان شهادة الهيئه لسى ماوصلت من الرياض
لحن الرقم تفس اللي انحط هنا وترا مايردوووووووووون الا بالغصب انا يطق راسي على مايرفعون واقول لهم الاسئله كلها مره وحده |
رد: هل ضمان التحويل لبعثة داخلية بكلية الغد بالدمام ؟؟
ابغى احد يواسيني,, انا ادرس على حسابي و على اساس اختبارات الفاينل كانت السبت الجاي على بال اكملهم الاقساط ولما قدمو الاختبارات لليوم قالو: اللي ما كملت اقساطها تكملها بكره ماكسيموم ولا بتنحرم,, طيب انا حاسبه حسابي للاسبوع الجاي,, و اكيدماراح ازرعلهم باقي الاقساط فيوم وليله ياخي عندنا التزامات غيرهم, شفتو كيف !! ما بدخل باقي الاختبارات بحمل كل المواد وماراح انتقل للسمستر الثالث وكل بنات تخصصي بيسبقوني سمستر:bawling:
|
رد: هل ضمان التحويل لبعثة داخلية بكلية الغد بالدمام ؟؟
حدج كلاس الله يسهل امورج .. انتي روحي وقولي لهم الظروف ماتدرين يمكن يراعوك .. الله كريم
|
رد: هل ضمان التحويل لبعثة داخلية بكلية الغد بالدمام ؟؟
لصقه جونسون تسهلت الحمدالله :119:
|
رد: هل ضمان التحويل لبعثة داخلية بكلية الغد بالدمام ؟؟
الحمدلله .. الف الف مبروووووووووووك:mh001:
|
رد: هل ضمان التحويل لبعثة داخلية بكلية الغد بالدمام ؟؟
افادة جميله
|
رد: هل ضمان التحويل لبعثة داخلية بكلية الغد بالدمام ؟؟
هدوووء ياقلبي
ماقلتي لنا المواد بأول سمستر كيف ناخذها من الكلية او نشتريها ؟! |
رد: هل ضمان التحويل لبعثة داخلية بكلية الغد بالدمام ؟؟
اهلين حبيبتي
المواد رح تكون ملازم تشترينها من مكتبة الكلية اما اذا كان كتاب مثل الاسلام رح تشترينه من مكتبة جرير او العبيكان واذا حبيبتي تشتري الكتاب من الكلية براحتك ماعدا كتب االانجليزي متكرمين ومعطينا اياه مجانا :biggrin: بالتوفيق لك يالغلا |
| All times are GMT +3. الوقت الآن حسب توقيت السعودية: 02:11 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه