ملتقى طلاب وطالبات جامعة الملك فيصل,جامعة الدمام - ؛¤ّ,¸¸,ّ¤؛... دع الصــوره تتكلم ... ؛¤ّ,¸¸,ّ¤؛| (( منع الصور النسائية))

http://www.s111s.net/upload/download...c9b3db19e7.jpg

طفل مسكــين ,,
أنولد أعمــى ..
طفـل مسكين .. ما يدري شنو يعني بصيص النور .. !
طفل بيعيش سنين العمـر بظلمه ..
.
.
ومضت الأيام .. وكبر " غريب "
برمشة عين .. وفي وهله ..
بسنينه الخمس .. يتسائل .. ؟!
ينادي بصوته المبحوح : يا ماما .. منو آنا .. ؟
سمعت الناس تتكلم .. تقول " أعمى " http://www.3-reeh.net/vb/images/smilies/CAM16VOT.gif
ما يدرون أسمي " غريب " .. !
قوليلي .. أنا يا ماما أسمي " غريب " ,, مو " أعمى " .. !!
.. تكتمها , وتبتلع " أمه " آهات مختنقه ..
تجرَ الدمعه بالدمعه .. وتجي يمه وتضمه ..
حبيبي " غريب " .. أنت " غريب " مــو " أعمى "
أهي هالناس ما تدري .. حبيبي لا يهمونك .. يكفي أكــون أنا عيونك .. http://www.3-reeh.net/vb/images/smilies/CAM16VOT.gif

... وتمر الأيام ...

.
.
وبسنينه العشريـن .. يتسائل .. ؟!
ينادي بصوته المبحوح .. نفس الصوت .. ما تغير ..
ينادي بحزنه المكتوم : عيدي لي , وصف هالدنيا يا يمـه .. ؟
شنو فيــها .. ؟ شنو الألوان .. ؟
شكل وجهك يا يمـه وصفي لي ؟ وأنا وشلون أوصافي .. ؟
.. أنا أدري , سألتك مره ومرات ..
ولكــن كنت أتمنى , تقولي لي .. وأشوف الدنيا في حلمي ولو مــره .http://www.3-reeh.net/vb/images/smilies/CAM16VOT.gif http://www.3-reeh.net/vb/images/smilies/CAM16VOT.gif. !
أشوف الدنيـا بالألوان .. أشوفك جنبي وأضمك .. وأرسم في العقل وصفك ..
أبــي يا يمه تعيدي لي .. وتعيدي لي .. وتعيدي لي ..
.. تجي يمـه , بجسم منحول وبشعر أبيض وظهر محني ,
وقهر الأزمان مرسوم في تجاعيد الوجه .. لوحـة .. " بعمــر خمسين " .. !!!
تقول بحب : بحكي لك .. عن الدنيا حبيبي " غريب "
أنا عيونك .. لآخر لحظة في عمري .. أنا عيونك ..
ياوليدي السمــا زرقه .. والأرض خضره .. وشعر أمك , بياض الثلج ..
.. يقطعها بسؤاله :
شنو يعنــي السما زرقه ..http://www.3-reeh.net/vb/images/smilies/CAM16VOT.gif ؟!
شنو الأخضر ؟؟ شنو يعني بياض الثلج http://www.3-reeh.net/vb/images/smilies/CAM16VOT.gif ؟؟
ليـش أنـا يا يمــه .. ؟؟ ليـش أنا , أنا المظلوم .. http://www.3-reeh.net/vb/images/smilies/CAM16VOT.gif !!
لوني في هالزمن أسود .. !!
ليش ألواني .. محصورة !
ليش ألواني .. بس أسود .. !! مو أزرق .. ولا أبيض .. ولا أخضر .. ؟!
ليــش الناس تتهامس .. وتقول بعطف :
ترى " أعمـى " !
.. مو قلتي لي أسمــي " غريب " مو " أعمى " !!

- ونفس الصورة تتكرر -

تجر الدمعة بالدمعة .. وتجي يمه وتضمه ..
حبيبي "غريب" .. أنت " غريب " .. مـو " أعمى http://www.3-reeh.net/vb/images/smilies/CAM16VOT.gif"

أهي هالناس ما تدري .. حبيبي لا يهمونك .. يكفي أكــون أنا عيونك .. http://www.3-reeh.net/vb/images/smilies/CAM16VOT.gif

.
وتمر الأيام .. بعض أيام ..
وصوت الطيبة يتكلم :
" غريب " يمــه .. بروح أشوي أنا مشوار , بقضي لي بعض الأشغال ..
تبي أي شيء .. ؟ بس آمر .. حبيبي " يا قبل عيني "
يقول بصوته المعتاد :
أبي بس نور يا يمــه يا ضوى عيناي .. أشوفك منه مبتسمة وتحلالي بهالزمن دنياي ..
.. شنو يعني بيكون الرد ؟!
دمع يحرق جفون العين كالعادة .. وكتم الآهات .. وتحفر في القلب حسرات .. http://www.3-reeh.net/vb/images/smilies/CAM16VOT.gif
.
.
.. وأنقضى المشوار ..
وجا بكرى ,
ورنين الهاتف من الصبح .. هز قلب الأم بخوف . http://www.3-reeh.net/vb/images/smilies/CAM16VOT.gif.
- أي نعم .. " أم غريب تتكلم " ..
نعم يا وليدي عرفتك .. بشرني .. شنو صار بأمرك !
يعني أقدر أجي عندك .. قل لي , صار الأمر مقدور ..
روح يـاوليدي .. درب الخيــر يا عسى دربك .. http://www.3-reeh.net/vb/images/smilies/CAM16VOT.gif
بنجي لك بعد الظهـر على خيـر ..
غريب يسمع , تسائل : ؟
مين يا يمــه .. شنو صاير , وشنو عندك .. ؟
- أبشر ياولدي بسعدك .. بتشوف السما الزرقه , بتشوف الأرض خضره , وقبل كل هذا بتشوف أمك ..
سكت مصدوم .. !!
أنا " الأعمى " .. بشوف النــور ..http://www.3-reeh.net/vb/images/smilies/CAM16VOT.gif ؟!
.
.

ومضى الوقت .. كنــه دهور ..
وبعد الظهـر راحوا .. وشافت " أحمد الدكتور "
- بلهفة قالت : ياوليدي , متى تبدأ .. ؟
- ياخاله .. الحين الحين .. بس صلي على النبي أنتِ .. وما يصير إلا الخير ..
.. مضت ساعه .. ثلاث ساعات .. وسبعه ..
وجا " أحمد الدكتور " .. ينادي" غريب" بسك نوم .. شوف الدنيا يلا قوم ..
تحرك " غريب " .. وحاول يفتح عيونه .. يااربي , شنو هاللون !!
غشاوه لونها ثاني .. ! يحاول" يفتح عيونه " بعد أكثر وأكثر ..
شنوو هذا ..http://www.3-reeh.net/vb/images/smilies/CAM16VOT.gif ؟!
أكــيد الحلم ,, http://www.3-reeh.net/vb/images/smilies/CAM16VOT.gif ( تذكر أمنية عمره .. يشوف الدنيا بالألوان .http://www.3-reeh.net/vb/images/smilies/CAM16VOT.gif. )
نعم أحلم .. أكيد أحلم ..
وجا له الصوت .. ما تحلم .. حقيقة وواقع اللي تشوف ..
* منو أنت ؟
- أنا " أحمد الدكتور " ..
* تقسم لي .. حقيقة وواقع أني أشوف .. ؟
أنا يعني مو " أعمـى " ؟ لا تلعب بأحاسيسي .http://www.3-reeh.net/vb/images/smilies/CAM16VOT.gif. !
- أقسم لك , صرت تشوف .. بفضل أمك .. ياعزيزي ..
* صحيــح قل لي .. وين أمــي .. أبي أكحل نظر عيني بشوفتها ..
- ....
* شنو ماتدري وين تكون .. ؟
أرجوك أتصل .. كلمها .. قل لها " غريب ولدك" صار يشوف .http://www.s111s.net/vb/images/icons/sa/icon26.gif .
... ... ...
.
.

ومضت الأيام .. بعد الأياام ..
بسنينه الخمســين .. يتسائل .. ؟!
* يمـه الناس تتكلم , يقولون :
هذا الولد قاسي .. ضيــع شباب أمــه ..
أخذ نــور عين أمه ..
غــريب هالـ " القاسي " بس أمــره ..
.. يمـه مو قلتي أسمـي " غريب " مــو " أعمى " ولا " قاسي " ؟! ..
ببسمة وضحكة مخفية .. تمد إيديها وتضمة
و تقول بكل حنية :
حبيبي " غريب " أنت " غريب " مـو " قاسي " ولا " أعمــى "
أهي هالناس ماتدري .. حبيبي لا يهمونك ..http://www.3-reeh.net/vb/images/smilies/CAM16VOT.gif
يكفيني عيوني في عيونك..http://www.3-reeh.net/vb/images/smilies/CAM16VOT.gif http://www.3-reeh.net/vb/images/smilies/CAM16VOT.gif

أعجبتني وبنفس الوقت حزنت ودمعت عيني http://www.3-reeh.net/vb/images/smil..._s%2821%29.gif http://www.3-reeh.net/vb/images/smilies/CAM16VOT.gif