ارجوكم الله يوفقكم : ابي معلومات عن السنة التحضيرية
 

السلام عليكم

انا انقبلت في كلية علوم الحاسب بالاحساء

ابي اعرف مواد السنة التحضيرية
وكيف صعوبة السنة

والدواام حقهم كيف والى متى يخلص

وش يصير اللي مايجتاز السنة التحضيرية

يحولونة لكلية هو يختارها ولا هم يحطون في اي كلية

لاني اذا مااجتزت او رسبت اقدر اختار كلية العلوم :sdfgdsf:

رد: ارجوكم الله يوفقكم : ابي معلومات عن السنة التحضيرية
 

ننتظر اجابة من أهل الخبرة اسئلك حلوه ننتظر الإجابة.:(107):انا نفسك تو مقبول فيها

رد: ارجوكم الله يوفقكم : ابي معلومات عن السنة التحضيرية
 

بسم رب السَما

اقتسبت لكم مقطع من تقرير للأخت fofa

من قسم كلية الحاسب و تقنية المعلومات اللي بالدمام

( نفس الكلية لكن المكان غير )

وَ ان شاء الله يفيدكم ..

عدد سنوات الدراسة في هالكلية : 5 سنوات
..السنة تحضيرية .. طبعا ما تعتبر سنة اولى .. لانها تحضيرية
السنة الاولى والثانية .. دراسة عامة .. يعني مافي تخصص
السنة الثالثة والرابعة .. تخصص
اقسام التخصص الموجودة في الكلية ..
- علوم الحاسب
- نظم المعلومات
اقسام تخصص مش موجودة بس في احتمال يفتحونها خلال السنة الجاية ..
- شبكات
- هندسة حاسب .
ثالثا : مواد السنة التحضيرية
( طبعا هذا المواد الي احنا درسناها هالسنة .. يمكن يصير تغير السنة الجاية .. الله اعلم )
- السمستر الاول ..
انجليزي
رياضيات
مهارات بحث علمي
تطبيقات الحاسب
مهارات الحاسب
- السمستر الثاني ..
انجليزي
رياضيات
فيزياء
تطبيقات الحاسب
التربية الصحية والبدنية
مهارات الاتصال و التعلم
ثالثا : طريقة الدراسة وساعات الدوام ..
( برضوا انا بكتب بناء على السنة الماضية مع احتمال التغير السنة الجاية .. والله اعلم )
- طريقة الدراسة ..
كل يوم محاضرتين انجليزي + محاضرة مادة ثانية
- محضرة الانجليزي الاولى (1) من الساعة 8 الى 10
- بريك من الساعة 10 الى 10.30
- محاضرة الانجليزي الثانية (2) من الساعة 10.30 الى 12
- بريك من الساعة 12 الى 1
- محاضرة لمادة ثانية من الساعة 1 الى 4
طبعا هذا موب يوميا .. بس هذه طريقة الدراسة ..
الدوام الي ممكن يتغير ..
- محاضرة المادة الثانية ..
ممكن تكون من الساعة ( 1 الى 3 ) او ( 1 الى 4 ) او ( 1 الى 5 ) او ( 2 الى 6 )
- يوم واحد في الاسبوع تكون محاضرة الانجليزي من الساعة ( 10.30 الى 12.30 )
- يوم واحد في الاسبوع ما في محاضرة لمادة ثانية فيكون نهاية الدوام الى الساعة 12
رابعا : الكتب المطلوبة ..
- كتب الانجليزي .. تتكفل الجامعة بتسليم كتب الانجليزي للطالبات ..
عدد الكتب : 13 كتاب + قاموس اكسفورد :s12: طبعا للسمسترين ..
- البحث العلمي .. لا يوجد كتب ..
- مهارات الحاسب .. كتاب واحد وبرضو الجامعة بتسلمه للطالبة .
- تطبيقات الحاسب .. نفس كتاب مهارات الحاسب
- الرياضيات .. كتاب اسمه college Algebra and Trigonometry
طبعا كتاب الرياضيات .. انتم رح تشترونه من مكتبة جرير .. بس طبعا احنا لما جينا بنشتري لقيناه انقرض .. فطلبنا كتب عن طريق الانترنت ..
- الفيزياء .. كتاب اسمه fundamentals of physics
برضو انتم رح تشترونه واذا مالقيتوه اطلبوه عن طريق الانترنت
- التربية البدنية والصحية .. مافي كتاب
- مهارات الاتصال والتعلم .. مافي كتاب
.. بس طبعا لاحد يشتري شي في العطلة لانه في احتمال يصير تغير السنه الجاية ..
* ملاحظة :
صحيح اننا اشترينا كتب .. لاكن في اكثر المواد .. الدكتورات ينزلوا ملازم ونوتات في الكوبي سنتر واحنا نصورها ونذاكر منها .. بس طبعا ما تغنينا عن الكتب ..

:

اتوقع ان الطلاب نفس الطالبات ..

اما السؤآل عن الرسوب و التحويل ، هذا لازم تراجعون فيه عمادة القبول و التسجيل

اول يوم داوم ..

في امان ِ الله

رد: ارجوكم الله يوفقكم : ابي معلومات عن السنة التحضيرية
 

بالنسبهُ للدوام مدري وش أقول لك مافيهً صعوبهُ بس تعبُ وارهآق وأغلب وقتكُ كله بالجآمعه ..

وشوف جدوليُ بالسمستر الثآني بالسنه التحضيريهُ وشوف الاوقآت للدوام مرره متعب ..

صورة جدورلي

http://www12.0zz0.com/2011/08/24/22/469169630.png
وبالنسبهُ للرسوب اغلبهمُ بسبب الغيآب .. والسمستر الثآني أصعب من الاولُ بس شدهُ الهمهُ .

اذآ رسبتُ لكُ محآولتينُ تدرس الماده اللي رآسب فيهآ يعني سهلاتُ

وموفق ..

اذآ تبي شيء كلمنيُ بالخآصهُ اذآ قدرت أدخل
ونخدمك

رد: ارجوكم الله يوفقكم : ابي معلومات عن السنة التحضيرية
 

أخي الكَريم رآيموند

ممنوع وضع الايميلات

رد: ارجوكم الله يوفقكم : ابي معلومات عن السنة التحضيرية
 

أسفُ مآتنبهتُ انهُ ممنوع تم التعديل

رد: ارجوكم الله يوفقكم : ابي معلومات عن السنة التحضيرية
 

مشكور اخي ريموند
بس يصراحة الدواام مرهق جدا كل يوم الى 5

انا طلع الجدول حقي
يومين لين 5
ويومين لين 3
ويوم لين 11
يعني الفصل الثاني يكون الدواام اطول
طيب اللي يرسب في مادة ومايبي صيفي يقدر يحول الى كلية ثانية لاتطبق نظام التحضيرية
يعني يختار كلية العلوم

رد: ارجوكم الله يوفقكم : ابي معلومات عن السنة التحضيرية
 

العفـوآُ

بالنسبهُ لجدولكُ بيكونُ السمستر الثآني ضغط بقووهُ ..
عآدي لو رسبًت ومآيتبي صيفي تدرس بالسنهُ الجديده .
وبخصوص انكُ تحول لكليةُ غير السنهُ التحضيريهُ بالاول لازمُ تخلصهآ كآمله واذآ جبت معدل أقل من 3
يتم تحويلكُ حسب الكليآت اللي تنآسب معدلكُ

موفقُ

رد: ارجوكم الله يوفقكم : ابي معلومات عن السنة التحضيرية
 

خاايف من السنة التحضيرية لانها كلها انجلش وانا مااحب الحاسب
ابي احول للعلوم اول شي قبلوني فيها
وناس تقول اقدر احول مع بداية الدراسة
لان مسموح النزول من رغبة اعلى الى اقل تكون التحويل سهل

بس اذا رسبت وابي احول يعني خلاص ماابي اعيد اقدر ولا لا

رد: ارجوكم الله يوفقكم : ابي معلومات عن السنة التحضيرية
 

مدري وش أقول لكُ مدآم انت مو رغبآنُ للحآسبُ ليهُ حطيتهُ من البدآئيآتُ لرغبآتكُ < وبصرآحه هذي غلطتكُ غلطت فيهآ ومآ أتوقع الجامعه تسوي لك شيء لانهم من شروطهم رتبهم حسب رغبآتك الافضلُ
بس بآمكآنُ انكُ تروح يوم السبت للجآمعه قبل بدآية الدوأم وتتآكد من الجآمعه

وبالنسبهُ اذآ رسبتُ ماتقدر تحول الا لمن تخلص المقرر اللي تآخذهُ وتآخذ بالمعدل أقل من 3

موفق

رد: ارجوكم الله يوفقكم : ابي معلومات عن السنة التحضيرية
 

وش اسوي غلطتي كنت متحمس وابي شي حلو
بس بعدين قلت ماابي شي صعب ومااعرف له
يعني اذا جبت في جميع المواد d وكان المعدل اقل احول صح ولا لا
بس انت وش رايك في دراسة السنة التحضيرية
يعن صعوبتها كيف تشوفها
يعني تنفع المذاكرة تكون لما تقرب الاختبارات
وشنو المواد الصعبة والمواد السهلة

رد: ارجوكم الله يوفقكم : ابي معلومات عن السنة التحضيرية
 

اخوي أحمد ،

شد حيلكِ وَ اثبت شطآرة عقلكِ

ترآ تخصصات الحآسب مطلوبة في الوظآيف

وَ احمد الله انكْ انقبلت غيركَ يتمنى يكون مكانكِ

لكن الله ما كتب

/

وفقكم المولى

رد: ارجوكم الله يوفقكم : ابي معلومات عن السنة التحضيرية
 

اخوي قسم الحآسب من الاشيآء المتطلبآتُ بهذآ الوقتُ
شوف ومآفيه شيء اسمه صعب ولا سهلُ كل شيء يعتمد على نفسك أنتُ
وبالنسبهُ على كلامكُ تآخد d بالمواد تتعبُ نفسكُ بالدوآم الطويل والمرهق مشآن تحول لكليةُ اقل مستوى من الحآسبُ < أكبر غلطه تفكر كذآ
فكر انك كيف تنجحُ وخليُ طموحكُ أعلى أوفضل ولا تسمع من النآس يقولون صعب ولا كذآ
مآفيهُ شيء يجي بالسهوله اتعب ترتآح بالاخيرُ
وبالنسبهُ للسنه التحضيريهُ هي حلوهُ ومفيدُه بس في اشياء مآلهآ دآعي نآخذه بس مانقول شيء
مثل مادة علوم طبيعية < هذي المآده أصعب مآده بسبب فيهآ فيزيآء وكيميآء < واحنآ تخصصنآ بالحآسب مآلنآ دخل بهذآ الشيء بس لازم نآخذه لانه من المقرر لسنه التحضيريهُ تآخذه

بالنسبه للأختبآرات بيكون كل أسبوع أختبآر الانقلش اي كل واحده تخلصهآ تختبرهآ يوم الاربعآء
وتتكون من اربع أختبآرآتُ

وبالنسبهُ لبعض الموأد كل شهرينُ تقريبآ أختبآر

كل شيء سهلاآتُ

بس بتوكل على الله وبتمشي السنهُ وتنجحُ من السنهُ التحضيريهُ

رد: ارجوكم الله يوفقكم : ابي معلومات عن السنة التحضيرية
 

^^
طيب كيف تذاكرون الكتب بالانجليزي ( حاسب + الرياضيات + علوم الطبيعية + الانجلش
يع اني يعطوكم ملخصات ولا تحفضون
يعني طبيعة دراسة المواد كيف ومذاكرتها
لاني انا ممكن اتعلم الانجلش بس مااعرف ا كتب بالانجلش كاملاء

رد: ارجوكم الله يوفقكم : ابي معلومات عن السنة التحضيرية
 

شوف انت لا تصعبهآ على نفسكُ وتخآف انقلش وكذآ شوف

بالنسبهُ للحآسب فيه كتآب + موقع اسمه الايرآ تقريبآ + بعض ملفآت بوربوينت مساعده من المدرس
تقدر تذآكرهم وسهلاآت اذآ لك خبرهُ انت ببرامج بالاوفسُ
طبعآ الحآسب كل اسبوعين أختبار وعليهُ 10 % وتختبر اللي تآخذهُ بالحصه اللي فآتت سهلاتُ بس حآول تركزُ من البدآيه وتدون ألاشياء المهمه وسهلات

بالنسبهُ للأنقلش مآفيه اي ملخصآت ولا أي شيء طبعآ بالاختباآر الاول رآح تتفآجىء بشكل الاسئلهُ
طبعآ أهم شيء تركزُ أنت بحفظ الكلمآت + المعنى للكلمه بالانقلش
ان شآء الله بآقرب وقت بنزل لك كم صورهُ لبعض الاختبآرآت


بالنسبهُ للريآضيآت نفس ماقلت لك سهلات بس بالبدآيه بتوأجه صعوبهُ بالرموز وكذآ ورآح تتعود وأفضل مدرس للشرحُ المآث عبآده

بالنسبهُ للعلوم الطبيعهُ رآح تآخذه بالسمستر الثآني < نفس مآتآخذه بالثأنوي من كيميآء + فيزيآء > بس بالانقلش وبيني وبينكُ انآ هالمآده أكرهآ ولا افهم فيهآ شيء لانه طويلهُ
وأكثر الطلاب يعآنون من هالمشكلهُ وبسبب المدرسينُ اللي يدرسون هالمآده كلهمُ شآيفين انفسهم وشرحهم اللي مو منآسب لوضعنآ وافضلهم الدكتور المصري عمرو ذياب


بالتــــــوفيق

رد: ارجوكم الله يوفقكم : ابي معلومات عن السنة التحضيرية
 

مشكور اخ ريموند
انا من الدمام والى الان مادورت سكن ولا شي قلت اول يوم بشوف
او ينفع اروح الاحساء وارجع الدمام فيه باص يودي محطة القطار

حقين سعود مستمتعين بالسنة التحضيرية يقولون سهلة بس الدواام

حقين فيصل مايندرى عنهم ..........

اخ ريموند انت اجتزت السنة التحضيرية

رد: ارجوكم الله يوفقكم : ابي معلومات عن السنة التحضيرية
 

العفوُ
شوفُ يالغلآ مأ أنصحكُ تروح وترجعُ بسبب مآفيهُ وقتٌ وضغطُ عليكُ
وبالنسبهُ للسكنُ أول يومُ انت تدآوم حآول تتعرف على كمُ طآلب من هنآك وضبطُ نفسكُ ويآهم بالسكنُ يآكثرهمُ اللي من برآ وسآكنينُ
ولا انت تعال هالاسبوعُ وضبطُ نفسكُ بغرفهُ أجآر تقريبآ أجآره كذآ مآيتعدى 6000 بالسنهُ مشي وضعك فيهآ لاين ترتبُ سكنُ لكُ افضل لكُ من الروحه والجيهُ


يب انآ خلصت السنهُ التعجيزيهُ :tongue:

رد: ارجوكم الله يوفقكم : ابي معلومات عن السنة التحضيرية
 

^^^
مبروك
وكيف استفدت منها
يعني لغتك الانجليزية تطورت

يعني في اجار غرفة بحمام فقط لشخص ب6000 في 6شهور وهذي قريبة من الجامعة يعني اروح الجامعة مشي

بعدين اتوقع السنة التحضيرية ماتحتاج مني ابذل مجهود

لاني بس اجيب 3 من 5 اكون دخلت الحاسب
وماتحسب ضمن المعدل
لان في واحد قلي اعرفة في فيصل
قال جيب في المواد العربية الصحة والتفكير والاتصال هذي b
الانجلش c عشان تجيب c احرص على الواجبات
وبااقي المواد
مثلااذا العلوم الطبيعية صعبة اجيب فيها d
عشان يكون المعدل 3 من 5

رد: ارجوكم الله يوفقكم : ابي معلومات عن السنة التحضيرية
 

بعد السنة التحضيرية اقدر احول الى كلية علوم الحاسب بالدمام
علماً بانها فتحت هالسنة يعني اول دفعة رح اكون بنفس المستوى

وش هي شروط التحويل

رد: ارجوكم الله يوفقكم : ابي معلومات عن السنة التحضيرية
 

الله يبآرك فيكُ , بالنسبهُ أكيدُ أستفدت كثيرُ عنهُ لغتيُ حلوهُ ومآشيُ حآلي فيهآآ
بالنسبهُ للآجار السنه الكآمله 6000 ريال يعني في 6 شهور 3000 ريآل مجرد غرفه + دورة ميآه الله يكرمكُ ويمكن فيه مطبخ مشتركُ
وبالنسبهُ لازم مجهود مشآن تنجحُ ترى بالبدآيه اكثر الطلاب نفس تفكيرك كذآ مآنهتم بالموآد هذول
بس مو من السه انك تجيب بالانقلش c انت أجتهدُ وتجيبُ c للعلم انه فيه ضغط قويهُ ولازم مذاكره اول بآول مشآن تفهم
وبالنسبهُ اللي قال لكُ خويكُ أنت حآول تجيبُ أكثر مشآن يكون معدلُ أفضلُ ومآتحآتي


موفق

رد: ارجوكم الله يوفقكم : ابي معلومات عن السنة التحضيرية
 

اذكر فيه شخص من الدمآم وسآل العميدُ مشآن التحويلُ قآل لهُ أسآل جآمعة الدمآم عن الشروطُ

يمكنُ هم مآيوفقونُ .. علمآ انه كتب السنه التحضيريه بالدمآم تختلف عن فيصلُ

كنصيحهُ أستفسر من الجآمعه بالدمآم أفضل لكُ


موفق

رد: ارجوكم الله يوفقكم : ابي معلومات عن السنة التحضيرية
 

طيب السكن هذا قريب من الجامعة يعني مشي وشنو اسماء الاسكان والعناوين
لان في واحد يدور سكن
يقول لقى غرفة وحمام ب 11000 في الترمين يعني 6 شهور
يعني يطلع بالشهر 917 اعطاني رقمه
والسكن قريب من الجامعة 10 دقايق بوجه البوابة

رد: ارجوكم الله يوفقكم : ابي معلومات عن السنة التحضيرية
 

وفقكم الله ،

جهود مثمرة ان شاء الله

< مسَافرة 3 ايام وَ رجعت

/

موفقين
وَ عذرا على التاخير اخوتي

رد: ارجوكم الله يوفقكم : ابي معلومات عن السنة التحضيرية
 

^^

تروحينُ وترجـعين بالسلآمهُ