ملتقى طلاب وطالبات جامعة الملك فيصل,جامعة الدمام - (خريج) أسال وانا اجاوبك عن الكلية والتخصص

اقتباس:

المشاركة الأصلية كتبت بواسطة ڕٱڨۓ ڀڣګڔېے (المشاركة 5827484)

السلام عليكم ...
اخوي حبيت استفسر عن تخصص تقنية المعلومات ...
انا حاليا ادرس في هذا القسم واود ان شاء الله ان اكمل دراستي العليا ولكن سمعت بعض الاخبار عن هذا التخصص وان الخريج يصعب عليه اكمال دراسته العليا او بالاحرى يجب عليه اخذ بعض الكورسات من تخصص علوم الحاسب ...؟
فما هو تعليقك على هذا الكلام ومامدى صحة هذا الكلام ...
لك خالص شكري وعرفاني ...

يصعب عليه من اي ناحيه وضح سوالك؟؟

شف information technology هو مسمى اخر لـ information systems وادخل على اي خطه دراسيه وراح تتأكد بنفسك تقولي ليش انا مدري لكن لاحظت ان الجامعات تحب تغير مسميات التخصصات لجذب الطلاب لهم لان الشغله نفسية يعني انا علطول بروح للاولى لان كلمه technology تحس انها افخم واحلى وجديده بس بعض الاحيان تنقلب ضدهم يعني مثلا تخصصات الماستر الي الحين بذكرها كلها تتشارك فيها نفس الخطه الدراسية او بالاصح 90% لكن المسميات تختلف
Service Oriented Computing = Internet Engineering= Web Technology = Web Science
اعذرني طلعت عن الموضوع بس حبيت اعطيك فكره عن التخصص, بالنسبه لسوالك ان بعض كورسات IT تاخذها من تخصص علوم الحاسب ضحكتني مره وسامحني على هالكلمه ولاقصدي اني انتقص من قيمتك لكن انت يانك ماتدرس IT او تدرس بس مو مركز بالمحاضرات وماتدري وش قاعد تدرس خخخخ يعني الله يهديك IT فرع طالع من اي علم ؟؟ فكر نص دقيقه بس وبتعرف لاتقول طب بيطري ههههه, هو علم يتركز على الكومبيوتر ساينس بشكل كبير. بوضح لك بالمعلومه التاليه اللي اغلب الجامعات تطبقها لكن النسب تزيد او تنقص بشكل طفيف على حسب سياسة ورؤية الجامعه
IS or IT = CS (70%) + Management (30%) --- CS department
MIS = CS (30%) + Management (70%) --- Management department

تذكرت مشكله صارت في الكلية للطلاب اللي تخصصهم IS اول دفعتين اللي قررو انهم يروحون ابتعاث كلهم تورطو واسألو معيدين القسم دفعه 1+2 , كانت مشكلتهم انهم مالقو جامعات تقبل فيهم يعني اللي يببي يكمل ماستر CS يقولون له انت مالك علاقه بالتخصص انت IS مع العلم ان التخصصين متوافقين بالمواد عندنا بنسبه 80% لكن مانفع معهم قالو لهم انتم IS واذا راحو لل MIS عطوهم نفس الكلام !! فاشتكو الطلاب من الموضوع هذا فقررت الكليه تغيير التخصص الى CIS كله علشان معاناة المبتعثين حتى اذكر كل CS دخلو جامعات ولا واحد من IS قدر يدخل وبعدين رجعو للسعوديه يشتكون للعميد بدر الجوهر وغير شهاداتهم بالمسمى الجديد هههههه

بالنسبه للصعوبه اقولك مافي شي صعب اذا اجتهدت فيه وذاكرت و اقتبس كلام توماس أديسون، أحد أعظم عباقرة العصر الحديث، اللي قال بأن العبقرية هي "1% إلهام + 99% اجتهاد" واللي احد معانيها انت اجتهد ويصير خير هههههههه (+F)