|
ضرووووري
هلا بنـآت انا اليوم رسلو لي ان بكره اختبار تحديد المستوى مع المقابله حبيت اسأل المقابه كيف تكون انجليزي ولا ؟ والاختبار كمان كيف ؟ وشو الاسئله اللي ممكن انسأل فيها؟؟ وفي شي ثاني كاتبين لي في الرساله احمل الاوراق الاصليه .. انا ماعندي الحين شهادتي الثانويه الاصليه يعني مابقدر اجيبها الا يوم السبت وباوديها الاحد .. يعني وش تتوقعو مايرضو ويقولو لي خلاص راحت عليك ؟؟ بلييز لاتطنشوني لاني مره خايفه:Cry111: |
رد: ضرووووري
اختي احملي شهاده طبق الاصل الى الثانويه وإن شاء الله خير
بالتوفيق يااارب |
رد: ضرووووري
سلام
رسلو الكم اني مارسلو اليي ليش ياربي خايفه في احد غيري مارسلو اليه |
رد: ضرووووري
وعليكم السلام
شوفي يمكن رسالوا ليش على الايميل اذا كذا روحي بكره راجعي بالتوفيق يااارب |
رد: ضرووووري
هلا اختي naeaar
دخلت على الايميل كمان ماشفت شي والله خايفه انهم ماقبلوني :000::Cry111: |
رد: ضرووووري
سوري اختي عكست اسمش nwaar:119:
|
رد: ضرووووري
لا أختي فوفوته ان شاء الله خير تري اني لما دقيت عليهم امس قالوا لي النتائج الى الاحد يمكن كل يوم شوي
ان شاء الله ياارب وان شاء الله اشوفك معانا يارب:praying: |
رد: ضرووووري
سلآم
مآدري وش يقصدو هل هذا قبول نهائي او لا وشنو يقصدو تحديد مستوى وشلون نوع الاختبار بليييييييييييييييييز احد يجآوبني وشنو الاوراق اللي نوديهآ ؟؟ |
رد: ضرووووري
هلا شلونك نصيحه مني وانا مجربه تراهم يعني وللاسف نصابين يعني احنا دفعتنا 170 اللي قبلوهم تمريض بس 26طالبه وانت حره والاختبار راح يكون كله اختياري طبعا ما عدا leasing وwraeting :119: والله يوفق الجميع |
رد: ضرووووري
اقتباس:
26 طالبه قبولهم والباقي:Cry111: بالتوفيق يارب للجميع:praying: |
رد: ضرووووري
ابي احد يابنات يجاوبني
شلون الاسئله والمقابله تبع المنحه؟؟؟ اختي الفارسه انتي تقصدي اللي تبع المنحه؟؟ |
رد: ضرووووري
مرحبا
مع الاسف اختي الفارسه قلبت الموضوع فوق تحت بالاول اقولكم عن الاختبار في موضوع مثبت بالقسم عن اختبار مشابه للاختبار اللي راح تاخذونه بس الكليه اجرت عليه بعض التغييرات حتى يكون اسهل على الطالبات قصدهم بتحديد المستوى اذا كانت الطالبه تحتاج كورس انجليزي ولا على طول تدخل تمريض اما المقابله يسألونكم عن ليش اخترتي التمريض ؟ وكيف راح تتصرفين في المستشفى ؟هل تقدرين تنظمين وقتك؟ مين قالك عن كليتنا؟ هل اهلك يشجعونك على دخول التمريض ؟ واسئله من هذا النوع وراح يعطونكم ورقه فيها صور واشكال على اساس تختارين شي من الاشكال وتهدين شي الى صديقتك تذكرين شنو اخترتي وليش ؟ يعني المقابله شي سهل وبسيط وحلو وطبعا بالانجليزي اما اللي لسه مارسلوا لها على جوالها فاتوقع لان الكليه ترسل للطالبات على دفعات وبخصوص اللي قالته الاخت الفارسه هي تقصد ان الطالبات اللي كانوا يدرسون كورس انجليزي السمستر اللي فات مانجح منهم غير 26 طالبه من اصل 100 وشوي والله اعلم بالسبب اتمنى اكون وضحت كل شي واذا عندكم اسئله ثانيه حاضرين للطيبين موفقين لكل خير |
رد: ضرووووري
الله يوفقك ياختي موون لايت يااارب
طيب أختي مون بكره ندفع المبلغ ليهم اقصد 3000 ؟ |
رد: ضرووووري
المبلغ تدفعينه بالوقت اللي يريحك يعني هو مضمون لان راح يعطونك وصل
تبين تدفعينه بكره او بعدين شي راجع لك بالتوفيق |
رد: ضرووووري
سلام
تسلمين اختي موون لايت على اردودك او الله يجزيك الف خير ماتقصرين يلغاليه :119: |
رد: ضرووووري
الله يوفقكم يااارب
اطمني غناتي فوفوته تري هم قالوا لي الى يوم الاحد بيكون في فرز نتايج الله يوفقك ياارب :praying::praying::praying: |
رد: ضرووووري
الله يوفقنا انشالله جميعا او انشوفكم في الكليه تدرسون
امعني اليوم بروح الكليه ويا صاحبتي عشان هيه عليها اختبار :119: |
رد: ضرووووري
موفقين لكل خير
|
رد: ضرووووري
الفارسة للأسف صادقة كل الصدق
الله المعين |
رد: ضرووووري
الله يوفق الجميع ياارب
|
رد: ضرووووري
الله ييسرلكم اموركم .......................
بس بدي اسال خلص التسجيل ولا لا.............:g8: وهل في بنات مداومين للحين...:mh19: |
رد: ضرووووري
اختي الكنز
الموظفات مداومين اما بخصوص التسجيل فالله اعلم ماعندي خبر اللي اعرفه ان اليوم كان اختبار القبول للطالبات بالتوفيق |
رد: ضرووووري
مشكورة مون لايت ماتقصري:119:
|
رد: ضرووووري
انا ما قلبت شئ انا جالسه اقول اللي شفته من الكليه بس كلام من غير فعل صراحه حتى ما يقدرون مستوى البنات يبونا نتكلم انجليزي بلبل في 5 شهور صراحه مو كل البنات لهم القدره وانا ولالاسف رفضت الكليات كلها عشانهم بس ان شاء الله قريب بنسحب |
رد: ضرووووري
الله يسر الامور وويوفق الجميع يااارب
لاتستعجيلي بالاراده يصير كل شي ان شاء الله خييو الفارسه12 |
رد: ضرووووري
يا فارسه ....ترى كل الجامعات والكليات فيها أنظمة خايسه ما أحسن من الطايح ألا المنفلت وين مابتروحي بتلاقي صعوبات فخليك على مجنونك لا يجيك الأجن منه هع هع
وإن شاء الله الأمور بتتغير للأفضل بإذن الله وأني أتوقع بعد رد الموارد يمكن يفكروا في سالفه إعادة الأختبار هدي أعصابك والله يعين وبعدين أكثريه الدفعه ماعدت وإذا عمت هانت :cheese: |
رد: ضرووووري
بنااااااااات متي يجي الرد الاخير للقبول ؟
|
رد: ضرووووري
اقتباس:
عذرا أختي .. أنتي كلامك بصيغة الجمع والمفروض تتكلمي عن نفسكـ وبس .. أما إمتحآن البت آيلتس أكييد مآجبتي فيه النسبه المطلوبة 70 % .. يعني مآظلموك هذا مستواكـ وأنتي تعرفي التمريض يبي له لغة ولآزم تحآولي تتفوقي وتتكلمي .. وعلى 5 شهور إذا مآنفعك المدهـ في فونديشن تو وتآخذي كورس أنجليزي زيادة .. وبصرآحه غريبة منكم يابنات !! تبون كل شي بسهوله وبدون تعب .. وال 27 طالبة نجحو بالآمتحان بمجهودهم .. وعلى مآأعتقد الآمتحان جدا بسيط .. يكفي المراجعآت الكثيرهـ اللي أخذتوهآ قبل الآمتحآن .. وأنا أشوف الكليه جدا متعآونه بس هآلشي بأيدكم .. على العموم بالتوفيق للجميع |
رد: ضرووووري
اقتباس:
اقتباس:
معك حق اختي sense of roses واعتقد مافي جامعة حكومية بتعطيكي كورس انجلش قبل ماتدرسي اي قسم طبي يعني على طول خذوه فغلوه ياتخيب ياتصيب مافيها شي لودرستوا انجليزي سمستر او اثنين او ثلاثة والمشكلة موفي الاستاذات بالعكس كلهم متعاونات ومسهلين المناهج بس انتوا اللي صعبتوا الوضع دفعتنا نيرسنج 1 وانا مادرست فونديشن كانوا اللي عدوا اكثر من 40 قليل اللي ظلوا لفونديشن 2 وهم عددهم لايقارن بعدد طالبات الفونديشن السنة هذي يعني المشكلة مو بالكلية بل بالطالبات نفسهم اللي يبي يطور من لغته في الف طريقة وطريقة عالعموم فونديشن 2 فرصة لكم يعني موعيب لو درستوا انجلش اكثر يعني في فروق فردية صح بس ماتلقوا اللوم على الكلية راجعوا نفسكم انتوا بعد وبعدين لو بتفكروا تطلعوا وتدرسوا بمكان ثاني واذا ماعجبكم بعد تطلعوا وعلى ذي السالفة سنتين ضاعت من عمركم طيب ليش؟ :c8: فكروا بمستقبلكم... كم عمرك لما رح تتخرجي؟ صحيح الكلية كل يوم يطلعوا لنا بطلعات جميلة وتهبل :hahahahahah: بس والله العظيم الوضع عندنا احسن بألف مرة من مكانات ثانية واتمنى انك ماتزعلي من كلامي لانه عتاب من اخت تبي مصلحتك وشكراً :119: |
رد: ضرووووري
اقتباس:
ايه صح كلامك 100% انا صحيح نجحت والحين سمستر ون تمريض بس من جد اشوف البنات اللي اخذوا فاونديشن توو مرررررررررره محظوظين وحيكونو احسن مننا بكتير في اشياء كتير قاعدين يدروسوها اتمنى لو اني درستها من قبل وفي مصطلحات كثيرة فوق ما تتصوروا :150:قاعدين ندرسها لاول مرة ونحفظها واحيانا مو فاهمين معناها في الوقت نفسه اللي فاونديشن تو على علم فيها يعني لو نجحوا ان شاء الله بعد كده راح يكون اسهل عليهم بكتير مننا وحتى بالنسبة للانجلش مرره احسن من فاونديشن ون وسمستر ون نيرسنغ يعني من :s12:جد اتمنى لو كان اجباري على كل الطالبات انو ياخذوا سنة كاملة كورس انجلش , ويجي ان شاء الله يوم تدخلوا النيرسنغ وتحمدوا ربكم انكم اخذتوا فاونديشن تو ز يعني الحمدلله اني نجحت والخيرة فيما اختاره الله بس من جد انتوا محظوظين ابدا مو خاسرين شيء ومالوا داعي الاحساس بالاحباط:Cry111::s3: كونوا متفالين وشدوا :119:حيلكم وتوكلوا على الله ونسبة كبيرة راح تنجح السمستر هذا ان شاء الله . just be obtimism:praying: |
رد: ضرووووري
الله يوفقك الجمييييييييييييع ياآآآآآآآآآآآآرب
:praying: |
رد: ضرووووري
سمستر ثاني انجليزي وطعا اذا ما قلبتك الموارد راح تدفعين 6000 ريال
|
| All times are GMT +3. الوقت الآن حسب توقيت السعودية: 05:53 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه