|
سؤال ....!!
بسم الله الرحمن الحريم
السلام عليكم ورحمه الله وبركاته عندي سؤالين وياليتكم تجاوبوني أيهما احسن الدراسه بكليه سعد ولا الدراسه بمعهد المانع الصحي ...؟؟ السؤال الثاني .... هل يوجد مكافات بكليه سعد..؟؟ اتمنى الرد اختكم /واثقه بالله |
رد: سؤال ....!!
ردي على سؤالك الاول اقتبسه من كلامك
انتي بنفسك قلتي كلية سعد بينما المانع عباره عن معهد وكلية سعد توفر لك شهادة بكالوريوس تمريض بعكس معهد المانع جوابي على سؤالك الاول ان تم قبولك من قبل الموارد البشريه ستكون لكِ مكافأه شهريه بقيمة 1000 ريال بالتوفيق لاتترددي في الاستفسار فانا في الخدمه ^_^ |
رد: سؤال ....!!
مشكوره حبيبتي الله لايحرمنا منك يارب
دمتي بكل ود واثقه بالله |
رد: سؤال ....!!
معليش ادري طولتها معك
بس ترا حتى معهد المانع في شهاده بكالوريس وانا بصراحه سالت الي في معهد المانع قالوا ان دراسه كليه سعد مو زينه مع احترامي لها هل هي صعبه مع اني احب ادرس المواد الصعبه واتحداها ام طريقه التدريس...؟؟ وهل صحيح لمن اكون متفوقه ابتعث اكمل دراستي برا السعوديه..؟؟ انتظر ردك واثقه بالله |
رد: سؤال ....!!
الدراسة عندنا زينة وماينقال عليها الا الخير.. المانع انا عن نفسي قريبي راح قدم فيها قالوا له احتمال اقل من 20% يقبلونهم الموارد البشرية والدراسة هناك مو شي وصعبة واختلاط وعوار راس وكل يوم لهم كلام مرة يقولوا بكلوريوس واللي بعده يقولوا دبلوم وارحم لحالك من المرمطة نصيحة لوجه الله لاتروحي ادخلي قسمهم وشوفي الطلاب والطالبات كل يوم يسحبون ملفاتهم حرام تضييع هالسنين من العمر على ولا شي
وإذا انتي كنتي مسجلة بشي تبع الموارد ماراح يقبلوا طلبك الا بعد 5 سنوات من سحبك ملفك من اللي كنتي فيه دراستنا انجليزي وصعوبة ما انكر فيه بس المهم تكوني ممشية بالاجليزي بالنسبة للابتعث على حد علمي طالبة وحدة بس ابتعثوها لبرى والله اعلم |
رد: سؤال ....!!
مع احترامي للاخت Mon ممكن اعرف مين قالك ان في طالبه ابتعثوها ؟؟؟
اتوقع انك تقصدين الطالبات اللي راحوا يدرسون برا ولانهم مايقدرون يدفعون لسعد المبالغ المستحقه عليهم لانهم سحبوا ملفاتهم اتفقوا معاهم ان بعد مايخلصون دراسه يرجعون يشتغلون معاهم الابتعاث يكون بعد ماتخلصين بحيث انك حابه تكملين وتاخذي ماجستير تبين تعرفين عن صعوبة الدراسه انصحك تقرين موضوع بعنوان الشاطر يفهم المغزى بالتوفيق |
رد: سؤال ....!!
غريبه لأنه انا بعد الا اسمعه ان بنت وحده بس ابتعثت لبرا ....
وتقريبا الكل يعرف هالمعلومه .... ع العموم ... ماراح ارفض لي فرصه دراسه ووظيفه بسعد بتات لأني مو ضامنه انه تكون لي وظيفه بمكان احسن منه .... مع العلم ان احين حتى مستضفى اراكو بصير مركز صحي مافي تنويم ولا شي.... فأكيد سعد افضل شي.... ياااارب وفقنا |
رد: سؤال ....!!
انا بصراحه حمستوني اني اسجل بسعد وان شاء الله راح اسجل
الله يوفقنا يارب تسلمون ماقصرتوا واثقه بالله |
رد: سؤال ....!!
الله يوفقك يارب...أختي واثقه بالله انا توني سجلت هالسنه وأنا حابه أتعرف عليكي إذا اعندك مانع ياقلبي..
أختك شرقاويه |
رد: سؤال ....!!
بصرآحه أني بعد اسمعت يقولوا في بنت جآبت في إمتحآن الآيلتس مرهـ عآآلي فبعثوهآ إلى جآمعة اولستر !!
مدري بس ع إعتقآدي الكل يعرف بهآلسآلفه !! والله أعلمـ بآلحقيقة:cheese: |
رد: سؤال ....!!
البنات اللي جابوا علامات عاليه 2
وحده لسه معانا ومعاي في نفس الكلاس والثانيه راحت الاردن تدرس على حسابها مع العلم ان اللي راحت الاردن كانت معاي بنفس الكلاس ؟؟؟؟؟؟؟؟ |
رد: سؤال ....!!
حبيبتي شرقاويه اتشرف والله فدييتك
بصراحه دخلتي الفرحه لقلبي لاني طبعي خجوله واحس بلقى صعوبه على ماتعرف على بنات انا للحين ماسجلت بسجل بالفتره الثانيه وان شاء الله نكون مع بعض ونشوف بعض لك مني اجمل وارق تحيه واثقه بالله..!! |
رد: سؤال ....!!
الله يحييك ياقلبـــــــي إن شاء الله يقبلوك بالكليه ونجتمع مع بعض...بس خلينا على إتصال في المنتدى
|
رد: سؤال ....!!
ان شاء الله تامريييييين امر
قصدك برسائل الخاصه صح ولا بالردود المنتدى فديتك واثقه بالله ..!! |
رد: سؤال ....!!
مو مشكل سواء عن طريق الرسائل الخاصه مع إنه إلا هالحين ماكملت عندي 50 مشاركه بس لتكمل نتواصل مع بعض أو عن طريق المنتدى
|
| All times are GMT +3. الوقت الآن حسب توقيت السعودية: 02:06 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام