ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى كلية المجتمع بالقطيف (https://vb.ckfu.org/forumdisplay.php?f=64)
-   -   طبيعية الدراسه والتخصصات ؟ (https://vb.ckfu.org/showthread.php?t=599756)

bayan ahmed 2014- 6- 19 04:06 PM
طبيعية الدراسه والتخصصات ؟
 
السلام عليكم ورحمة الله وبركاته ..
عندي استفسار بسيط ..

وش التخصصات بالكليه ؟
سمعت انه صار فيها تخصصات جديده بس بغيت اتأكد منكم
هو صحيح او لاا !؟

والدراسه كل المواد ندرسها بالانجلش :060:

وانا لغتي مرره ضعيفه بالانجلش :060: ينفع ادرس فيها !

اتمنى تردوون :004:

Amani Alsinan 2014- 6- 20 06:28 AM
رد: طبيعية الدراسه والتخصصات ؟
 
التخصصات المتاحة
علوم حاسب ، نظم معلومات ، تقنية معلومات
ادارة اعمال
و بالمستقبل راح يفكون اقسام اكثر لكنها قيد التطوير
الدراسة بالانجليزي كاملة و في السنة التحضيري ثلاث مواد بالعربي و سنتين التخصص كل ترم مادة بالعربي مواد اسلامية.

bayan ahmed 2014- 6- 20 05:34 PM
رد: طبيعية الدراسه والتخصصات ؟
 
يعني ماراح يعطونا اساسيات الانجلش !
ع طول دراسه كلها انجلش مره وحده ��

GDOOR 2014- 6- 20 09:54 PM
رد: طبيعية الدراسه والتخصصات ؟
 
عزيزتي الدراسه باللغه الانجليزيه
اول شيء تختبرين تحديد مستوى قبل بداية الدراسه بعدين يحددون انتي اي مستوى يا مبتدئ او متوسط
و تدرسين الانجلش . و الاحصاء و الكمبيوتر و الرياضيات بالانجلش بس سهالات ان شاء الله و شرحهم بالعربي و نفهم و لله الحمد و فيه بس ماده وحده عربيه اللي هي مهارات تعلم
و نصيحه مني تدربي من الحين ع اللغه الانجليزيه لانها اكثر الساعات و هي اللي ترفع المعدل اذا ماكنتي تعرفين انجلش بتتوهقين
و تحديد المستوى شدي حيلك فيه عشان توصلين مستوى متوسط مو مبتدئ
احنا المتوسط كنا مرتاحين عكس زميلاتنا بالمبتدئ كانت درجاتهم نازله مره ف لاتقولين ب أحل اي كلام ب تحديد المستوى عشان ابدا من الصفر و اساسا المستوى المتوسط مو معناته ان انتي لازم تكون لغتك مره مثاليه ،لانهم يساعدون حيل و شرحهم جميل و تفهمين ..و الحمدلله درست انجلش مستوى متوسط و لغتي صارت ممتازه

اي سؤال انا حاضره
و الله يوفقك

bayan ahmed 2014- 6- 21 02:12 PM
رد: طبيعية الدراسه والتخصصات ؟
 
مشكورين ع الرد ماقصرتوا ..
وبالتوفيق ليي وللجميع يآرب ♡

Sara.R.B 2014- 6- 29 02:00 AM
رد: طبيعية الدراسه والتخصصات ؟
 
انا لغتي الانجلش ممتازه لأني كنت ادرس في جامعة البحرين و دراستي كانت كلها انجلش، بس لما وقفت دراسه احس لغتي تراجعت شوي و محتاره ابدأ دراسه في كلية المجتمع من اي مستوى ><

ramool 2014- 7- 3 04:49 AM
رد: طبيعية الدراسه والتخصصات ؟
 
كيف كآنت اسئلة اختبار تحديد المستوي؟شنو جاء فيها

Amani Alsinan 2014- 7- 3 06:50 AM
رد: طبيعية الدراسه والتخصصات ؟
 
اختبارنا كان سهل للي مستواه جيد باللغة الأنجليزية دفعتنا كانت اغلبيتها مستواها متردي ف الكل درس من لفل مبتدئ

الدفعه اللي بعدنا ماعندي فكرة عن اختبارهم لكن كان موحد مع كل الكليات و بأمكانك السؤال عنه في اي قسم
كانت الدفعه متقدمه نوعا ما في اللغه و قسمت الطالبات لمستويات منهم مبتدئ و منهم اول و ثاني

ramool 2014- 7- 3 05:37 PM
رد: طبيعية الدراسه والتخصصات ؟
 
شكرا أختAmani Alsinan. بس متي يعطونا الرقم الجامعي ؟

Amani Alsinan 2014- 7- 3 08:10 PM
رد: طبيعية الدراسه والتخصصات ؟
 
الرقم الجامعي بعد القبول و تسليم الاوراق

في صفحة تحطون فيها السجل المدني و يطلع لكم الرقم الجامعي

ramool 2014- 7- 3 08:27 PM
رد: طبيعية الدراسه والتخصصات ؟
 
بس احين غير القبول الكتروني . وين هذي الصفحه

orochimaru 2014- 7- 5 12:53 PM
رد: طبيعية الدراسه والتخصصات ؟
 
سؤال وش فايدة الرقم الجامعي


All times are GMT +3. الوقت الآن حسب توقيت السعودية: 11:39 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه